الترونسبور ( الشوفور والا الروسوفور والا الشعب الفرفور)

[Only me]

أنا منزيدش نركب في وسائل النقل نشري نقل وحدي ونسوقها ومنركب حتى وااااحد ونخلي خويا روسفور ههههه بسكو ديما نقعد نستنى في الكااار نتجي وندوخ وأنا نستنى زكااااااااارة لااازم نشريها في أقرب وقت

راكي حابة تشري كاااار ؟؟ يا أختي اشري برويطو وهني روحك لا بارمي لا روسوفور لا جد مواليهم هههه​

 

[Only me]

ولا الشيفور ليقتلك باإذاااعه ليداايرها يحسب روحو راه جايبها ساعات نقوول نخبطلو راسو على الراديو هه باااش ميزيدش يعااودهه

عندو وذنين يلاويو الله يبارك ،، الحس هاذاك كامل تاع الغاشي ويزيد زردة بالاذاعة
مرسي صفا على مرورك ،، نورتي ​

 

[صانعة الإبتسامة]

راكي حابة تشري كاااار ؟؟ يا أختي اشري برويطو وهني روحك لا بارمي لا روسوفور لا جد مواليهم هههه​

نشري كااار ونركبك معايا ومتخلصيييش ههه

 

[قرصان الساحل]

هههههههه أهلا بيك في دارك فيثا ،،
والله انت ذكرت هاذوك الارقام وانت فكرتني في صحراء الشمال الأطلسي وتقول تعرفني يا جدك انا كنت نركب غير فيهم خاطر يديو لابن طبي هههههه
وهنا في بلادي نركب في 16 و15برك ،، والكيران هاذوك ركزلي على اللون تاعهم تقول لونوهم بالرمل والغبار يا جدك ،، بالصح واش ادير هكذاك ونحتاجم ،، أنا كنت نقرا في لاسيتي في جمعية كنت ديما نروح نمشي رغم الحر والشر ونسمة البحر هههه بالصح لعشية نروجع فيهم لأنو نكون ميتة بالتعب ،، ياااااااه ماتنساليش هاذاك الورد تاع النيلو ودرابويات البرصا والريال والله تحس روحك في الهند من كثرة الالوان جيهة الشوفور ههههه
رجعتني لأيام زمااان والله توحشت هاذيك لومبيونس ​

اي والله ماركوسة فعلا جربتي قساوة افريقيا
ههه شفتي عطيتك غير نوامر رجعتك لايامك الخوالي ... يفعل فيثا بالارقام ما لا يفعل قدور بالكار ... اخخخخ بن طبي تحساب اكبر مركز تجاري بالعالم تظالو تماك تحيروني علخاطر اكبر بلاصة تشعرني بالغثيان هاديك هي لكن احيانا يأسر قلبي المسكين -______-​

 

[Only me]

نشري كااار ونركبك معايا ومتخلصيييش ههه

ههههههههههههه سخفتيني ​

 

[Only me]

اي والله ماركوسة فعلا جربتي قساوة افريقيا
ههه شفتي عطيتك غير نوامر رجعتك لايامك الخوالي ... يفعل فيثا بالارقام ما لا يفعل قدور بالكار ... اخخخخ بن طبي تحساب اكبر مركز تجاري بالعالم تظالو تماك تحيروني علخاطر اكبر بلاصة تشعرني بالغثيان هاديك هي لكن احيانا يأسر قلبي المسكين -______-​

هههه والله كاينة ،، راني في بن طبي ندور
انت تشعرك بالغثيان ، لكن البنات مكانش حاجة تشعرها بالراحة قد الشوبينغ وسورتو في هاذيك لاسيتي ويامات الصولد الله الله
لكن ما محل كسران قلبك في هاذيك البلاصة هههه​

 

[صانعة الإبتسامة]

عندو وذنين يلاويو الله يبارك ،، الحس هاذاك كامل تاع الغاشي ويزيد زردة بالاذاعة
مرسي صفا على مرورك ،، نورتي ​

لالا ويزيييد الصوووت شغل أطرش رلا حاااب يبين روحوو ي

ههههههههههههه سخفتيني ​

وجدي روحك غدوة نديك هههه

 

[قرصان الساحل]

هههه والله كاينة ،، راني في بن طبي ندور
انت تشعرك بالغثيان ، لكن البنات مكانش حاجة تشعرها بالراحة قد الشوبينغ وسورتو في هاذيك لاسيتي ويامات الصولد الله الله
لكن ما محل كسران قلبك في هاذيك البلاصة هههه​

هههه محل كسران قلبي هو ان فراجيل من زجاج ... بالخف يتكسر مكتوب فيه
..please handle with care​

 

[Only me]

هههه محل كسران قلبي هو ان فراجيل من زجاج ... بالخف يتكسر مكتوب فيه
..please handle with care​

ههههه قلك نحس بالغثيان قال
يخدع من يامنك يا عفريت ،، فيثا مش هكذا هههههه
بن طبي مصدر الراحة والاستجمام ههههه​

 

[قرصان الساحل]

ههههه قلك نحس بالغثيان قال
يخدع من يامنك يا عفريت ،، فيثا مش هكذا هههههه
بن طبي مصدر الراحة والاستجمام ههههه​

ايا خلينا الواحد ولا يصرح بمحاسيسو تاكلوه
-_____-
يااااااا حي على هداك الاستجمام بالصح اني في سنوات نشوفو غير من بعيد لبعيد ​

 

[Only me]

ايا خلينا الواحد ولا يصرح بمحاسيسو تاكلوه
-_____-
يااااااا حي على هداك الاستجمام بالصح اني في سنوات نشوفو غير من بعيد لبعيد ​

اييه كتير منيح لأنو هذاك صرح نسائي خالص ممنوع عليكم ​

 

[الورد الأحمر]

السلام عليكم

اييييه يا بنتي وحد الزمان الشوفوغ هذا والغوسوفوغ كانو موضة ويا سعدها لي طيرت شوفوغ ولا غوسوفوغ في أيام الجامعة كانو يشوفوها فخر كبير وقت الغاشي والشوفوغ تعرفو فلانة يحبسلها قدامها وتركب معززة مكرمة والباقي راه من لورا يدز في بعضاه.

من اللخر يا اختي احنا شعب ما يسواش وهاذ الشوفوغ وهاذ الغوسوفوغ بطبيعة الحال من الشعب مالا راهم ما يسواوش.

ومن اللخر باه ترقى الجزاير لازم احنا كامل كيما رانا يلمونا في شكارة ويطيشونا ويجيبو شعب جديد ولا يحكمو المواليد الجدد يربيوهم بأسلوب حضاري كاشما نشوفو حضارة فكرية ع الأقل في الجزاير.

مي شكون يربي وشكون يتربى الداب راكب مولاه وكلشي بالعوج في بلاد العوج لدرجة يقولك الغوسوفغ آفونسي لاغياغ

عجبني الموضوع من عمق معاناة مجتمع الطرولي والبيس

 

[همس الوُرود]

Salam khti only me .. mawdou3 chayi9 wmlih baraka allahou fik

Jit ne7jaz blassa berk balaki temchi lcar wana mazal majitch:p

 

[Only me]

السلام عليكم

اييييه يا بنتي وحد الزمان الشوفوغ هذا والغوسوفوغ كانو موضة ويا سعدها لي طيرت شوفوغ ولا غوسوفوغ في أيام الجامعة كانو يشوفوها فخر كبير وقت الغاشي والشوفوغ تعرفو فلانة يحبسلها قدامها وتركب معززة مكرمة والباقي راه من لورا يدز في بعضاه.
من اللخر يا اختي احنا شعب ما يسواش وهاذ الشوفوغ وهاذ الغوسوفوغ بطبيعة الحال من الشعب مالا راهم ما يسواوش.
ومن اللخر باه ترقى الجزاير لازم احنا كامل كيما رانا يلمونا في شكارة ويطيشونا ويجيبو شعب جديد ولا يحكمو المواليد الجدد يربيوهم بأسلوب حضاري كاشما نشوفو حضارة فكرية ع الأقل في الجزاير.
مي شكون يربي وشكون يتربى الداب راكب مولاه وكلشي بالعوج في بلاد العوج لدرجة يقولك الغوسوفغ آفونسي لاغياغ
عجبني الموضوع من عمق معاناة مجتمع الطرولي والبيس

هههه والله عندك الحق ،، شعب راه تسطر منو الكرة الارض لوكان تصيب تتقايانا نووورمال وترتاح
وبالنسبة للجيل الجديد راه موخذ اكثر من القديم لازم ابادة جماعية
ربي يجيب الخير
نورتيني بطلتك البهية
بارك الله فيك ​

 

[Only me]

Salam khti only me .. mawdou3 chayi9 wmlih baraka allahou fik

Jit ne7jaz blassa berk balaki temchi lcar wana mazal majitch:p

ياو تخلصيها امدام هههههههه
اهلا وسهلا بيك نورتي
مشكورة​

 

[السلطانة]

وعليكم السلام ياعمي الشيفوو امشي حبة حبة فكرتيني في اغنية تونسية بروبلام تاع شعب معوج من كل الجيهات وزيد يركب في حديد ماش كار تسمع غير قرقب قرقب مايوصل العبد يوصل مخو مارج مايركبو غير المضطر

 

[الصحافية الساخرة]

قطار الجزائر روسيا

ههههههههههههههههههههههههههه أنت راك من بعيد تبان "الازرق هذاك انت " يهههههه

 

[الصحافية الساخرة]

أهلا فطوم 01 راكي هنا وزيد تحكي على ترونسبور علابالك نكره نخرج على جال نركب بيس او نعيا نكذب نوصل ديفوا بيس منتهية الخدمة تقعد فكرسي تتعوج ههه وديفوا تخرج رجليك للكولوار تالمو البيس تاع شناوة صغار نملة و ساعات تركب مع مهابل وين تحط عينيك مكانش و خلي تاع وين تلحق لاري يحبس الشوفور يشرب قهوة ويستنى الناس تخرج من الدياار و الروسوفور يغرد تكره حياتك نورمالموون ينقصوا فلترونسبور ماش يزيدو مرمدونا أنا ديفوا نهبط ونكملها نمشي نلحق قبلهم هههه ومنهدرش على الواقفين كتر من الجالسين وصراحة توقف خير سيرتو فالصيف يريحو عليك وباش تهبط تفوت فوقهم سوطي برجل لبرى وريّب خليقتهم برجل تانية

والهدرة مختصرة حكاياات البيس مايخلصوش كل يوم جديد هههه (نحكيلك حكاية قبل ما نروح ههه صراتلي فلبيس اختك فطوم تالموا بشوشة الله غالب ههه اغلط فيا سيد كان مريح قدامي "كهل" حسبني نبتسم معاه ههه قالي صافا مهدرتش معاه من بعد قرب لوذني وقالي اليوم قالو درجة االحرارة 40 تاع بحر ضحكت لداخل ومهدرتش معاه واللي فالبيس معايا كامل يتفرجوا حسبونا مسلسل ههه ايا كي مرديتلهش خلاص زاد شوي لصوتو و قالي : مافيهاش عيب نهدرو مع الناس حتى ربي قالنا اتعارفوا هههههههههههه دارتلهم كامل علامة استفهام غير اختك قعدت ساكتة ومحملة علابلاك نتقلق ولوكان نرد ما نهدرش نلكم ونعطيه دماغ منعرفش نهدر بزاف عليها نسكت هههه)
ايا مرسي على الموضوع االجميل وسلام (زيديلنا موضوع خلاف )

 

[Only me]

وعليكم السلام ياعمي الشيفوو امشي حبة حبة فكرتيني في اغنية تونسية بروبلام تاع شعب معوج من كل الجيهات وزيد يركب في حديد ماش كار تسمع غير قرقب قرقب مايوصل العبد يوصل مخو مارج مايركبو غير المضطر

أهلا بالغالية ام ياسمين
واش احوال ياسمين ؟؟ ان شاء الله تكون بخير
والله مرة ركبت انا وصحبتي في كار مقسوم في النص الطريق تبان نستناو برك وكتاه ينفصل الجزء الخلفي على الأمامي ههههه
والكراسى تاعهم دايرينلهم القطيفة تاع الشورات تولي تقطري من السخانة والضيق يريح راجل وراك ركايبو يطيحو في ظهرك تروحي موخذة وخلي وخلي
لوكان نبقاو نحكيو والله مانخلصو
يعطيك الصحة على الطلة الخفيفة الظريفة​

 

[Only me]

أهلا فطوم 01 راكي هنا وزيد تحكي على ترونسبور علابالك نكره نخرج على جال نركب بيس او نعيا نكذب نوصل ديفوا بيس منتهية الخدمة تقعد فكرسي تتعوج ههه وديفوا تخرج رجليك للكولوار تالمو البيس تاع شناوة صغار نملة و ساعات تركب مع مهابل وين تحط عينيك مكانش و خلي تاع وين تلحق لاري يحبس الشوفور يشرب قهوة ويستنى الناس تخرج من الدياار و الروسوفور يغرد تكره حياتك نورمالموون ينقصوا فلترونسبور ماش يزيدو مرمدونا أنا ديفوا نهبط ونكملها نمشي نلحق قبلهم هههه ومنهدرش على الواقفين كتر من الجالسين وصراحة توقف خير سيرتو فالصيف يريحو عليك وباش تهبط تفوت فوقهم سوطي برجل لبرى وريّب خليقتهم برجل تانية

الله عليك يا فطوم 02 وصف في القمة ،، تعليقك على الموقف مميز جدا ،، خليتيني ننسى واش كتبت الفوق
وبالنسبة للوقوف اكيد هو احسن حل ،، خاطر اذا وقفو 2 عباد قدام الأكسجين مايبقالو حتى نفذة منين يفوت ،، تبقالي غير جيهة الكارو والشمس تسطع فيك واذا درتي الريدو الغفار والفوحة حاشاك غير قولي الله يرحمك ههههه
​