من وين يجي الصبر .. اللي عندو يمدلي

[ليليا مرام]

7aboba ... kachroda dj hhhh bach hakda n7ki fikhatri w bidon
rasmiyat hhhh

اهلا زهور واش راكي خذي راحتك حنونة انت اختي وكلكم خاوتي وخوتاتي احكو باللي تحبوه معايا
aji n9olki 7aja
rani mat2akda raki 3arfatha bassa7 nzid n2akadalki 3liha
nti l7aja el2owala raki fi diyaft elra7man 3arfa mama3naha ???? ya3na 7na li ma7tajinki machi nti li ma7tajatna
ya3ni do3a2ki mostajab akiiiiiiiiiiiiiiiiiiiiiiiiiiiiiiiiiiiiiiiiiiid
9olili yar7am li jaboki 3lach mayastajiblakch allah ????
3lach li mardo w braw khir manki 3and rabi ???

لانو اللي مرضو وبراو عندهم اهل وقفو معاهم عندهم دراهمهم يمرضو طاكسي وللبريفي او طيارة للخارج يخلص ويداوي ويجي مي انا ليا ربي سبحانو هذا فواش هوما خير مني لفاو الامكانيات باه يداوو
abadan kayn kofar w ki t2akdo bali yabraw braw
w ida mjihat eldraham
chofi ch7al man wa7ad fi had eldonya kan ma3andoch 00
w raza9 raz9o ... balak ja fayat 3la kach blassa l9ahom balak rba7hom fi mosaba9A bakala tabtbo 3lih fa dar w 9alolo hak bsa7tak
3lach hado y7obhom rabi katar manki ???
chofi rabi ida rza9ki mayan9os man molko walo

ايه الرزق من ربي سبحانو عارفة مي خليني نفهمك حاجة هذا ماشي مرض خفيف عادي حمى ودوا وارقدي ونوضي لاباس عليك يعرفو قيمة كلامي اللي عندهم.مرضى عاجزين اللي يعرف انو فاتورة مرضو بالمليار وهو فالدار بلاك.عندو 50 ميل ما يروحش للطريق يستنى بلاك يلقاهم والا يعيط لمسابقة الحلم.ويربح لالا لازم نحكو بواقعية هذا امر ملموس والمرض ما يستناش فهمتيني عليها نقنط نخمم جيبي فارغ ومرض واعر لازملو امر مستعجل الشفا من ربي عارفة مي ديري روحك فبلاصتي تفوتي عند طبيب ويعمرلك ورقة رزحي ديري سكانيير وارواحي تروحي لسبيطار محروق ماكاش بريفي يقولك مليون هنا تستنلي تربحي والا يطيحو من السما لالا والله الهدرة ساهلة صدقيني
ya3ni 9olihalo bikol ti9A ... ya rabi a3tini hadi w hadi w hadi w mat9oliloch ida 7abit lala 9olilo a3tihomni
w radili balkhbar
o9simo billah ghir yastajibalki
assam hiya atalbi bikol ti9A w matkhalich ay chak fi 9Albki
انا يا زهور واثقة في ربي سبحانو وندعيه ونطلب منو ونعرف قادرة نرقد ونوض نلقى روحي بريت حاجة ما بعيدة على ربي مي.كي راني فدارنا ضرك راقدة للزوج رجليا وحدة تتعفن ولاخرى مكسورة نقنط انو مش قادرة ندير شي نتقلق افهموني
na7kilki 7aja sghira sratli liya ana ... wa7d elnhar kan prof majach w kont ma7tajato
bark choft f sma w 9otlo ya rabi 7aba flan yji la3chiya
o9sim bilah ghir sa7abti 9atli flan raho ja
ti9i bali rabi raho yastanaki bark t9olilo li khaski bi kol ti9A w hora ra7 yastajibalki akid
nmot 3liki ...

الله يخليك زهور ويفرحك والله يجعلها فميزان حسناتك يا رب

 

[ليليا مرام]

السلام عليكم و رحمة الله تعالى وبركاته
اختي ليليا اسمحيلي منقدرش نعاونك بحتى حاجة غير الدعاء
السلام عليكم
وعلاه السماح وانا ما قتلكمش عاونوني اختي لالا موضوعي مشطلب مساعده مادية لالا
ان شاء الله ربي يشفيك حبيبتي و يخفف عليك
طهور ان شاء الله
ان شاء الله مننساكش ختي دايمن ندعيلك

ختي متقوليش هكا الصبر لازم باش ربي يجازينا بالشيء لي يفرحنا كاش نهار
و اذا ماشي في الدنيا في الآخرة
و المرض ابتلاء من عند ربي سبحانو باش يختبر صبر الإنسان و خير مثال عن ذلك سيدنا أيوب عليه السلام

انا نقولك متيأسيش خلي عندك أمل و ثقة في الله عز وجل تفائلي بالخير تجديه ان شاء الله
حاولي تكوني قوية و سقسي قبل متروحي لاي طبيب على الطبيب المليح

انا نقولك ربي يشفيك ختي لعزيزة
و شدي في ربي سبحانو هو لي راهو قادر على كل شيء
​

الحمد لله يا ربي امر الله وان شاء الله ربي يمدلي القوة برك.
بارك الله فيك اختي وجزاك.كل خير

 

[ليليا مرام]

والله أختي تمنيت لو أنكي تمزحين وفي آخر الموضووووع بكيت عليك صدقيني أنا أول ماسجلت في المنتدى أول مشاركه شركتها في موضوع أنت كتبتيه، عندي يومين أو ثلااثه ندخل للمنتدى ومنصيبكش نعاود نخرج ،حسيت بيك حاااجه لاخاطرش ديما نصيبك متواجده، تتذكري من كتبت موضووع قصتي مع المرض جااوبتيني وعطيتني الكوراج وتحسنت نفسيتي، أختي صلي ركعتين لله وادعي ربي يشفيك يا الغاليه ويعااافيك وأنا رايحه ندعيلك ،ومتقطعيش الأمل من ربي سبحااانو هو شفى النبي أيوب ،وهذا الطبيب ليقالك متبرايش متزيديش تروحي ليه بسكو إنسان سلبي وميزرعش الأمل ،لمريض ليق يعود عندو عزيمه وإراده قويه باش يبرا ،ربي يشفيك حنونتي ويعااافيك قلبي تقطع عليك.

اهلا صفاء الحبيبة ربي يشافيك حتى انت
يا ريت.كنت نقسر الله غالب هذا الواقع المر البارح كنت مقلقة مي اليوم الحمد لله رتحت وخلينها على ربي سبحانو ما.عنديش واش ندير الله غالب امر الله ونشكر.كل واحد فيكم على وقفتو.معايا بارك الله فيكم
صفاء ربي يحفظك اختي

 

[Malika Tlm]

السلام عليكم
سامحيني حبيبتي هذا وين شفت الموضوع نتاعك
ربي يفرج همك يارب ورانا ندعيولك ربي سبحانوا
ولكن زيدي ديري كوراج وصبري نعرفوك امراة قوية
يا ختي وراكي عايشة هنا في تلمسان والله نوقف معاك منخليكش وحد ك
وياك تقولي نقتل روحي لالا حبيبتي حرام
رانا معاك حبيبتي

 

[صانعة الإبتسامة]

اهلا صفاء الحبيبة ربي يشافيك حتى انت
يا ريت.كنت نقسر الله غالب هذا الواقع المر الباررح كنت مقلقة مي اليوم الحمد لله رتحت وخلينها على ربي سبحانو ما.عنديش واش ندير الله غالب امر الله ونشكر.كل واحد فيكم على وقفتو.معايا بارك الله فيكم
صفاء ربي يحفظك اختي

ربي يشفيييك حنوونتي ودائما لعباد لينقصو المورال متريحيش معاهم أنا نعرفك بلي أنت إنسانه قويه الشخصيه وأبقي كما أنت مهما صااار

 

[ليليا مرام]

السلام عليكم
وعليكم.السلام اختي نعمات
أختى الغالية الصابرة على الألم كله في ميزان حسناتك
وربي يعطك الصبر من عندو وطلبي ربي يرفع الضر بصح إياك يا غالية من كلمة نقتل روحى ما تنقطيش نن رحمة الله
الله غالب مرات الانسان.مقنوط.والابواب مغلوقة فوجهو يقول كل شي مي الحمد لله فقلبي ولا مرة.نقنط من امر ربي سبحانو ما عندي واش ندير نتحمل.كل شي

في وقت الصحابة في يوم كان أحد من الصحابى ذهبا الى المسجد وفي طريقه وجد رجل يدعوا الله على كل أحواله فانظر الصحابى الى الرجل فوجده بلا رجلين ولا يدين وكان ضرار يعنى لا يرى فسأله عن سبب الشكر لله وهو على هدا الحال فرد الرجل الضرار على الصحابى وقال ألم يترك لي لساني أذكره فأحمده وأشكره سبحان الله
ياغالية رحمة الله واسعة فطلبي الله أن يرفع عنك الضر ويرزقكي الصبر
أسفة اذا أوعجتكي يا غالية. بتوفيق لكي بحياتك

نعم.فعلا.ندو القدوة من الصحابة والرسل والانبياء احنا.مش خير منهم الحمد لله فكل الاحوال
بارك الله فيك.اختي وربي يجازيك.يا رب

 

[ليليا مرام]

اه ليليا ع حالك وحالي كي قريت المضاعفات لي صراولك كنت نسيت همي للضع دقايق رجع حيا ، والله غير راكيوديما فبالي ونكون نمشي فالطريق ونخمم كيفاه ندير مدخول ليا به نقرا ونلبي حاجياتي خاطر حشمت من اهلي ونا نخمم فكش خدمة الا ونتي جزء منه اني حاسة بيك انتي تحكي وكانك تحكي على حالي
اهلا سميه حنونة ربي يفرج.عليك وعليا وعلى كل.مومن ويشافي اعضاء اللمة واهاليهم يا رب
حسيتي بيا لانو وصلتي وين تحسي البيبان مقفولة فوجهك وتحوسي على اي حل لانو احنا بشر نتوجعو ونبكو والحمد لله ربي مدنا قوة ورحمة في حد ذاتها تفكرنا باللي ربي كاين الحمد لله ورحيم
انا عندي سمانة منيش نرقد ليل نرقد بالسيف وساعات حتى تطلع شمس به نرقد ساعتين وفالنهار نبكي بلا حساب وراني نكتب ونبكي بلا ارادتي ، اه يا ليليا اه اه اه صار بكائي كبكاء براءة طفل يصرخ صراخه يصل كضربة سهم تنكز القلب
هوني عليك سمية انا البارح بكيت حتى نشفت اليوم مش لاقية دموع راقدة ونخمم واش ندير اي حل مش قادرة نبكي.منِ كثرة واش بكيت ارمي حمولك.على ربي كيما درت انا فوضت امري ليه
والله غير تعبت ،
حزنت لما يحدث معك كان لازم العلاج تعك فوقت مبكر ، هاوليك تضاعف حتى عاد العظم يتكسر منو
انا راسلت طبيب الاردن وقالي قتلك.انو المضاعفات هذي راح تصرالك ولو ما داويش فاقرب وقت راح تزيدي اكثر الله غالب سمية هذا مقدوري ما.عنديش الحمد لله
اه يا دولة المنحطين ديانة الاسلام فيهم خسارة تفوه عليهم ، لو كان كاين رقابة احصاء كل شهر لقاع العائلات وتشوف حالهم ووش يخصهم منكونوش فمشكل كيما هك على الاقل معاها تنقص نسبة بطالة الشباب الي قراو الاحصاء
هذي دولة الكلاب والسراقيين حاشا اللي ناس طاهرة فيها تروحي للسبيطار تشوفي الزواولة واش يسوفرو نلفاهم راقدين فحديقة السبيطار من ورقلة من وهرن من بعيد يلعبو بيهم روح وارجع على سمانة لالا البيرو الفلاني والطبيب ما.تشوفيهش لاجو يديرلك لونكيت تقولي داخلة للبونكا العجب تشوفيه

ولا كي يجي رمضانوفالصيف يخلصو المتبرجة به تغنيلهم بعد لفطور يتفرجوفسها بعض الشعب لي من عقلية رحنا نديفيليو على روحنا صفق لها وشطح الكور تعك بنية رياضة تنزيل اكل الافطار ، يخي تنوفيق
كيما قالت ختي لؤلؤة قسنطينة اني نحس روحي تافهة خاطر مابادرتش فمساعدتك ، متقوليليش نتي درتي لي عليك انا نقلك صح لي كنت حابة نديرو مدرتوش مكان لاه تقوليلي درتي لي عليك نزيدك حاجة ليليا عمؤك ما تقولي ؤاكي تحسي بالبخس على جال حكايةةالمساعدة حشاك يا ختي ليليا ومتزيديش تخمممي. هك
حتى انا راني في حالة والله أعلم بما هو ات
انا اعز حاجة واحب حاجبة ورفيق قلبي من صغري خليتو هك بكل برودة خاطر منجمتش وكرهت كل شيء اه يا الله اللهم ثبت علينا العقل والدين
كان الله في عونك ختي البوقوسة لي ديتيهالي

يا سميه انت ومريومة وفطيطمة يقولي راسي نخطفكم ونطيح. ضرب فيكم.الله غالب خانتني صحتي اموا تشوفو مني العجب درتو اللي عليكم والله غالب هنا.اللي يقرا واللي حالو على قدو واللي هم الدنيا هربو من واقعو وجا هنا.ما.نطمعش فيكم انا الطمعة فدعوة منكم والا من امهاتكم العزاز ليا على ربي ابواب ربي مفتوحة ربي يسهلي نداوي دعولي بزاف ربي يسخرلي شكون يبعثني نداوي هذا يكفيني
ربي يخليك.حنونة ويفرج عليك.تستاهلي كل خير لانو قلبك حنين
شكرا

 

[zohor kfz]

ya l7am9A ta3 assa7 tbadalti ... wachbiki mwalafti tada7ki tala3bi w doka raki t9oli hakda
mala afahmini doka wach ra7 n9olalki
ana kont mrida bmard allah la ywariki chwaya ghobra nti7 frach w frachi wa7do ... la sof la ghobra w yanghsal ghir balma wa7do ay ri7a 9adra nmot biha ... lawlad elsghar nhar el3id yala3bo bara w ana fadar 7ata kassawti fiha chorot bach nalbasha w dwayat allah la ywariki ch7al ghalyin dj raki 3arfa bla man9olalki w tbib li namchilo y9olam bantkom ma3Andhach dwa sayéwalha hadi wala hadi
dwayat el3alam sayéthom ... li y9olki matalabsich bzf w li y9olki fa sif wa labsi mli7 w zid w zid w elchahriya 3la 9ad el7al hadi bla mana7kiw 3liha w 7ata makalti kano fiha chorot
elmohim
kanat wa7da bant bladi w na9raw kif kif kan 3andha nafs mardi assam hiya a9al daraja w babah mrafah
9alolo elkharij ... daha 9alolo ro7 lahna lala hna lala hna ... 7na fihadak elwa9t o9sim billah ghir kona naftro elbid w nat3achaw bih w rabi la9ana batbib dawat w elghla wallahi mat2ami 3a9lak w zid eldwa nhar li ndiro rajliya les 2 mana9darch namchi 3lihom bassa7 el7amdo lillah brit tamamt w doka rani Top el7amdo lillah ... sa7 la cage thoracique ta3i mchawha bassa7 brit man elmard w lbant li 9otalki 3liha matat had 5 ans allah yar7amha w yaghfaralha
lilya t2akdi bali rabi rah yastana fiki anti t9olilo chafini li2ano 9adar w bla matb9ay t9oli ana ma3andich w kifach ndir ... yak howa elraza9 ... ch7al ma dkholki elchak wanti tad3i ch7al ma tat2akhar ijabat eldo3a2 ... w chof f net ch7al man wa7ad kano mrad kifak w ktar manak w braw w wad3iya ta3am m7awssa ktar manki

 

[zohor kfz]

raditini naktab journal hhhhhh

 

[Oussama.GF]

ربي يجيب الصبر والشفاء العاجل
ربي يهدي مجمع تاع هذا بلاد
قاع مفهمش الخير حاشا بعض
مي هذا طبيب ربي يهديه باش يوقف معاك واقف ضدك يالطيف

 

[ليليا مرام]

السلام عليكم و رحمه الله تعالى وبركاته
أختي الفاضلة هاذا وين شفت الموضوع وقريتو

ربي يصبرك على طبة بلادنا

السلام عليكم خويا حليم اهلا وسهلا
امين الله يحفظك والأخ الجانتل اوصاني نبلغك السلام راه مشغول وقال يرجع ينشط ان شاء الله

هاذا واش ما قدروش يجبرو رجلك الاخرى ولا كيفاه ،؟

ما فهمتش رجلك الاولى وقلنا مرض ولازملها عملية ، رجلك الثانية وعلاه خلاوها وقالولك ارقدي فالدار ؟

بدلي الطبيب ولا السبيطار ،اذا راكي في سبيطار وهران روحي نتاع تلمسان وأطلبي رأي ثاني واش هذا كسر ما قدروش يجبروه ؟
والله حالة تدعو للقلق والتوتر ! وعلاه وين قراو هاذ الطبة ؟
بدلي الطبيب أختي الكريمة بدليه
شوفي رأي آخر ...

هنا تجي تفهم تحير الطبيب قال عاجل روحي ليهم يديرولك جبس حتى يشوفو واش يديرولك مؤقت الجبس باه رجلك ما تكملش وتولي كيما ختها مي عادي روحي للدار ما تمشيش ما تتحركيش واستني الطبيب يجي السمانة الجاية رحت لسبيطار اخر رفضو قالو انو انا ما طحتش الكر بسبب المرض والعظم يتكسر وحدو بلازم نرجع لطبيبي يعني لو هذا الطبيب مات انا كيفاه ندير

قريت شويه على هاذ المرض لازملك مضادات حيويه قاوية ،ولازملك دوا قاوي اللي ما يخليش الخمج ينتشر ويقضي على نسبة من الفيروسات ،ولازملك ترتاحي وماوتديريش جهد كبير

كون لقيت كيفاه نديرلك الكواغط ونجيبك لهنا نجيبك ،عجزت وما لقيتش حل
ملي طرحتي المشكل نتاعك وأنا نخمم كيفاه تقدري تجي تعالجي ، واستخبرت مليح ...

ايه صحيح وانا كنت ندي مضاد قوي جدا الطبيب هذا مدلي 8 حبات فالنهار انت شفتها هذي وانا نتبع فيه كنت ما نقدرش نفتح عينيا لما رحت للاردن الطبيب قالي حقك ذا دخليه للسجن واش من مضاد هذا اللي عندك سنوات تدي فيه هو بذاتو رجعك مرض ما فهمتش الطب هنا فبلادنا وينو الوزير ها اللي ورا الكرسي واش قاعد يدير غير يهدر وبرك
العلاج ففرنساو الله ما جربت نسقسي لانو راسلتهم مرة وكان غالي بزاف حوالي 500 مليون اضعاف مبلغ الاردن اما علاج من الدولة ياحي واش حطيت ملفات ووالو

ديري طلب للتأمينات اللي مسوريين عندها ،وقولي للطبيب نتاعك يكتبلك ورقة بلي هاذ المرض لا يعالج هنا في الجزائر ( سرتافيكا ميديكال ) ،لأنو لازم هاذ الورقة ،وابعثي الدوسي واجري عليه لاشتا معريفة من بعيد ،حتى يقبلولك كي يقبلولك ،لهنا ساهلة كاين عائلات جزائرية أو عربية تسكن قدام السبيطار حاطين دواسا يعاونو خاوتهم بالوقوف معاهم فالسبيطار ..

أنا نعيش في بلاصة بعيدة على المدينة الكبيرة ،وحتى إذا ما لقيتيش اهلا وسهلا بيك عندي نحطك فوق راسي أنا وعائلتي.

ربي يقرحك يا رب ويشفي بنتك ان شاء الله كي قتلي هكذا راهي بزاف عليا كانو جيت ربي يخليك ويخلي اولادك يا رب

ديري الدوسي ،من المفترض كي يعود مرض ليس له علاج يقبلوه ...

وهاذو خوالك ما يرحمو ما يخليو رحمة ربي تنزل ،يا له قولهم عاونوني اذا ما كنتوش حابيني نجري على روحي
روحي ليهم بالعقل وابكيلهم بالضر ،تخدمي الدوسي باه تتكفلك الدولة بالعلاج
إذا ما قبلوش ديري طعن وعاودي الدوسي
اختي ما تيأسيش من رحمة ربي
ندعيلك من أعماقي يشفيك ربي ويسخرلك بشر في خدمتك من عندو
تجلدي ،هاذا وين بدأت المعركة
، كرهتي ؟ لا لا ما تكرهيش ،أبعثي الدواسا ولا أطلبي من كاش واحد يبعثهم في بلاصتك
مرة اخرى ربي يصبرك ويجازيك على صبرك هاذا وعذابك
ربي معاك
​

خوالي هذو حكايتهم حكاية واصلا انا علجال امي ساكتتلهم وبعيدة عيهم ايه ما غلطتش هوما ما يرحمو ما يلو رحمة ربي تنزل وكيلهم الله هذا ما نقول وخلي العم اللي مع البرلمانيين يدور وفوسط الوزراء والدراهم اللي عندو النار وما تاكلهمش لو نلقاه فالطريق ما نعرفش وجهو من مات بابا ما شفتوش وسامع بيا مريضة ولا مرة غلط حتى وزارني الله يديهم ما شي يهديهم
يا خويا حليم قولي انا مكسورة من زوج رجليا شكون يروح ويجري ويخرج اوراق ويدفعلي خليها على ربي سبجانو
امين يا رب ويكون مع الجميع بارك الله فيك والله يجازيك يا رب

 

[ليليا مرام]

لا حول ولا قوة إلا بالله

حسبنا الله ونعم الوكيل في قطاع الصحة تاع بلادنا الله يخزيهم.

واش رح نقولك أختي ليليا أكيد مهما نحسو بيك ماراناش نحسو كيف ما نتي حاسة بصح لي علينا نحاولو نخففو عليك والله غالب لو الانسان بيدو ماكانش يقصر بصح لي بيدنا الدعاء لربي هو لي يغير القدر ويرد البلاء والمؤمن مصاب مالا الحمد لله على كل حال.

كثري من اللهم إني قد مسني الضر وأنت خير الراحمين ومن حسبي الله ونعم الوكيل .

وكثري من الدعاء دعاء المريض مستجاب وكثري من الحمد لله له الملك وله الحمد وهو على كل شيء قدير.

لي علينا ندعولك ربي يشفيك ويجعل هذي التكسير دفعة بلاء أعظم من مجرد كسر وان شاء الله مسألة جبس ويبرا رجلك.

الحمد لله على كل حال.

السلام عليكم اهلا وسهلا بيك
ايه هذا هو قطاع الصحة رجعو ضرك يديرو لاجو نتاع عون الامن لونكيت باه تدخلي للسبيطار تقولي داخلة للبنك الطبيب كي شغل وزير تحبلك باه تقابليه والتمسخير تشوفي طريقتهم فالهدرة ونزيدك فاستعجالات دويرة يجيبو الناس فحالة عاجلة دايرين ليستاجار يقراو على المرضى البارح انا مقلقة وحالتي حالة وهي تسقسي فيا وجاية تقرا عليا قتلها شوفي غير روحي من قدامي سينو تخلاص عليك مكسلة هنا صحاباتك يديرولك فالبلاتر تمسخير دولة العوج
اللهم اني قد مسني الضر وانت ارحم الراحمين
الحمد لله يا رب
ان شاء الله يا ريت يكون مجرد جبس وخلاص
الحمد لله وشكرا لك بارك الله فيك على مساندتك ليا

 

[ليليا مرام]

اذا أحب الله عبدا أبتلاه ،و أنت أحبك فاصبري و اكثري من الدعاء هو يعلم بحالك و يشوف واش تقولي تذكري صبر النبي أيوب
عجزت على الهدرة و سكاتي دليل ضعفي كاين غير ربي هو أرحم الراحمين ،أما التخمام في حاجة مش مليحة فذلك الشيطان يعرف أنك محببة عند الله و على هذيك يحاول يفسد عليك و المؤمن يبتلى على قدر أيمانه و مهما يكون الدنيا فانية بالصحيح بالمريض يعني متخسريش جنتك

اهلا ميلينا اختي نورت الموضوع ان شاء الله وليدي اسلام بخير
لالا انت مش ضعيفة لالا حاولتي وتحاولي باللي تقدري عليه تعاونيني واش فيدك يا ميلينا الله غالب راه مشكل اسلام ا يكفيك اختي والله ما نلوم عليك حنونة اطلاقا لا انت ولا اي عضو هنا يكفي انو راكم تخمو فيا فوقت الاهل وما خموش
الله غالب نضيق ونتقلق اللي فيا مش قليل ربي يعلم ولله ما من المرض لانو كاين حالات اصعب من حالتي بزاف من الجري والتعب والاستهزاء
بارك الله فيك على كل شي الله يجازيك ويجازي الاخوة يا رب

 

[ليليا مرام]

ربي يجيب الشفى ان شاء الله ويعوضها خير

اهلا وسهلا اختي
امين يا رب شكرا اختي

 

[ليليا مرام]

واش نقولك صح واحد ما تفاعل معاي كي حبيت نعاونوك كامل مي مانيش قانطة وحتى ناس نعرفهم هدرتلهم عليك ما اهتموش كاين االلي ماصدقش قلت : معليش ندعي ربي سبحانه ونصبر ونحوس على حل بلاك تفرج (مزالي نخمم فيك لليوم خسارة جيتي عليا بعيدة لوكان راني بحذاك نغصروا كي العجايز هههه) وباذن الله تجيني فرصة ونزورك برك , يا "ليليا" تحسبي ماهيش صعيبة عليا نلقاك هكا فالحالة هذي ؟ صعييبة والحياة علمتني نحس بالناس و تغيضني كي ما نقدرش نعاون ناس عزاز عليا واش نهدر فبلااد ولادها يموتو واللي حاكمينها يلعبوا هذو سبتنا الكبيرة اللي خلاتنا منعرفوش نصبروا (راني صايمة اليوم والمصحف قدامي والله الذي لا اله الا هو غير ندعيلك ونقوم الليل وندعيلك انتي والاخت @Soumia hadj mohammed اللي هي تان ماهيش مليحة خلاص وماهيش ترد على رسائلي ) وربي يفرج عليك وعلى اللي عنده هم يااا رب

السلام عليكم اختي فطيطيمة اهلا وسهلا
انا موضوع نتاع ما يصدقوش والله ما يهمني اختي فطيمة لانو واحد ما رحت قتلو اعطيني او دقدقت في باب دارو يصدقو او لا كل واحد ربي يسهل عليه ما نظنش كاين ناس تلعب فموضوع الصحة هذوك ناس يتحججو يلعبوها يحبو الخير والمعاونة لو تجي للتطبيق يخترعو الف سبب والله ما تقلقي روحك اختي حتى هنا شفت ردود وتفاعل وغيرو ولعبوها فالردود وواحد منهم ما راسلني وانا عارفة من اول ما درتي الموضوع انو مجرد نفخة فالطعام وبرك اظهار للغير هذا ماكان والله ما غاضني الحال لانو والفت بعباد هاكا ما تقلقيش روحك اختي نهائيا انت درتي اللي عليك ربي يفرحك يا رب
على عيني وراسي تشرفيني الف مرحبا
ايه راسلتها سمية وهدرت معاها وان شاء الله تتحسن
بارك الله فيك فطيمة الله يخليك اختي

 

[ليليا مرام]

والله أختي نتأسف ونا نقرا كل خترة معاناتك وتمنيت لوكان عندي نمدلك تروحي داوي
والله ياأخت متقطعش قلبي من مرضك أكثر مللي غاضني لوكان غير جيت مولات الدراهم نمدلك ولكن وعد مني مراح ننساك من الدعاء وربي سبحانه رحيم فقد تكون دعوة واحدة خالصة سبب فرج قريب
رب فرج عليك اختي
ولك دعاء بعد كل صلاة
فالله رحمته واسعة

أتمنى من كل شخص قرأ هذا الموضوع وأنا منهم
يقوم بتحميل رابط الموضوع ويرسله لكل من يعرفهم في الفايبر واتساب مسانجر إيميل
ولا نعرف من أين سيأتي الفرج

مشاهدة المرفق 62978 صح مقدرناش نعاونوك مصح راح نحاولو ونطلبو منعرفوش من أي جهة ربي جيب الخير إخواني مدابيا كامل تبعثوا هاك للناس اللي تعرفوهم و منقطعوش الياس وأنا لم أنشر هذه الصورة رياءا ولكن حبيت نشجع اخواتاتي واخواني باش يبعثوا لكل أرقام هواتفهم حتى لوكانوا أطباء أو أشخاصا لا تعرفونهم وسيجازيكم الله

السلام عليكم اختي سنايا
ربي يحفظك يا رب ويفرحك وما تقولوش ما قدرناش نعاونوك نتوما تقراو واللي عندو ظروف واللي عندو هم اكبر من همي والله مسامحين من قلبي ويكفغي صدقتوني ويكفي تفاعلتو معايا ويكفي انو راكم حاسين بمشكتي فوقت همكم اكبر
الله يخليك عاللي درتيه وتحاولي ديريه انت وكل الاخوة الله يفرحكم يا رب
شكرا

 

[ليليا مرام]

السلام عليكم
سامحيني حبيبتي هذا وين شفت الموضوع نتاعك
ربي يفرج همك يارب ورانا ندعيولك ربي سبحانوا
ولكن زيدي ديري كوراج وصبري نعرفوك امراة قوية
يا ختي وراكي عايشة هنا في تلمسان والله نوقف معاك منخليكش وحد ك
وياك تقولي نقتل روحي لالا حبيبتي حرام
رانا معاك حبيبتي

اهلا مليكة اختي
مليكة ربي يحفظك اختي يخلي اهل تلمسان ناس الكرم والجود كانو وصلني كرمك اختي ربي يخليك
الحمد لله اليوم نفسيتي احسن امر الله والحمد لله
الله غالب الله يعيش مومن اللي عايشاتو قلتها فوق القلب الله غالب
بارك الله فيك وجزاك الله كل خير

 

[ليليا مرام]

ربي يشفيييك حنوونتي ودائما لعباد لينقصو المورال متريحيش معاهم أنا نعرفك بلي أنت إنسانه قويه الشخصيه وأبقي كما أنت مهما صااار

اهلا صفاء
امين الغالية ويخليك يا رب
انا اصلا وحدي فالدار ما عنديش مع من نحكي المورال هبطلي من طبا نتاع اخر الزمان اللي رانا فيه
ربي وكيلهم
بارك الله فيك اختي

 

[ليليا مرام]

raditini naktab journal hhhhhh

ya l7am9A ta3 assa7 tbadalti ... wachbiki mwalafti tada7ki tala3bi w doka raki t9oli hakda
mala afahmini doka wach ra7 n9olalki
ana kont mrida bmard allah la ywariki chwaya ghobra nti7 frach w frachi wa7do ... la sof la ghobra w yanghsal ghir balma wa7do ay ri7a 9adra nmot biha ... lawlad elsghar nhar el3id yala3bo bara w ana fadar 7ata kassawti fiha chorot bach nalbasha w dwayat allah la ywariki ch7al ghalyin dj raki 3arfa bla man9olalki w tbib li namchilo y9olam bantkom ma3Andhach dwa sayéwalha hadi wala hadi
dwayat el3alam sayéthom ... li y9olki matalabsich bzf w li y9olki fa sif wa labsi mli7 w zid w zid w elchahriya 3la 9ad el7al hadi bla mana7kiw 3liha w 7ata makalti kano fiha chorot
elmohim
kanat wa7da bant bladi w na9raw kif kif kan 3andha nafs mardi assam hiya a9al daraja w babah mrafah
9alolo elkharij ... daha 9alolo ro7 lahna lala hna lala hna ... 7na fihadak elwa9t o9sim billah ghir kona naftro elbid w nat3achaw bih w rabi la9ana batbib dawat w elghla wallahi mat2ami 3a9lak w zid eldwa nhar li ndiro rajliya les 2 mana9darch namchi 3lihom bassa7 el7amdo lillah brit tamamt w doka rani Top el7amdo lillah ... sa7 la cage thoracique ta3i mchawha bassa7 brit man elmard w lbant li 9otalki 3liha matat had 5 ans allah yar7amha w yaghfaralha
lilya t2akdi bali rabi rah yastana fiki anti t9olilo chafini li2ano 9adar w bla matb9ay t9oli ana ma3andich w kifach ndir ... yak howa elraza9 ... ch7al ma dkholki elchak wanti tad3i ch7al ma tat2akhar ijabat eldo3a2 ... w chof f net ch7al man wa7ad kano mrad kifak w ktar manak w braw w wad3iya ta3am m7awssa ktar manki

raditini naktab journal hhhhhh

اهلا زهور
الله يا اختي عارفة وانا ما نقولش اناو حدي برك مريضة عارفة انو فالمنتدى لو يحكو الناس مرضهم وهمهم انا ننسى وضعي
انا نحب تفهمو وضعي عارفة تقوليلي اصبري ونقولها لروحي وعارفة انو حاجة ربي لكن الهدرة مش ساهلة
ربي يشافيك والحمد لله انك تحسنتي ولاخرى اللي باباها مرفه على الاقل داها للخارج وعلى الاقل دارت اللي عليها لانو لما تعري انو درتي اللي عليك مي ما تبايش هذاك امر الله وحتى وما عنديش ما نبراش امر الله لكن تبقى فنفسك با ريت درت يا ريت رحت وانو ترفدي دراهمك وتحكمي طيارة وتروحي وداوي لو انا مثلا دويت وقت قالي طبيب من عام لو تحسنت حالتي ما مرضتش رجلي الثانية ويا عالم واش راح يزيد يمرض فهمتيني
ربي يشافي كل مريض ويكون مع كل مهموم
ايه كتبتي جرنال مش انا خليتك تكتبي راهي مريومة معليكش هي عداتك هه
شكرا

 

[بشرى ملاك]

السلام عليكم اهل اللمة
انا معاكم دايما نضحك نقسر برغم مرضي حبيت نتزوج وندير اسرة ونفرح لانو من وقت مات بابا ربي يرحمو انا نسيت الفرحة كمل عليها مرضي وقلت معليش يا ليليا تعلمت نصبر ونصبر تحملت امور الرجال ما يتحملوهمش وامور اخرى ما نحكيش لانو كل شي يهون قدام الصحة لانو هي كل شي عندي وتعلمت نتحمل ونعيش مع مرضي كان الكوراج نديه من الاولاد الصغار نتعلم من مرضى السرطان لما يضيق بيا الحال نروح لسبيطار سرطان الاطفال ونضحك معاهم ونقسر ونرجع وننسى ونحمد ربي
عشت فترة مرتاحة من وقت رجعت من الاردن برغم قاطعة لياس من انو نروح ونداوي لانو الواحد يعرف في جيبو 100 ميل ما يتمناش امور توصل للمليون ايه ربي كريم وحنين ورحيم مي العباد اللي قلبهم حجر وما ننكرش ناس عاونوني ورت للترك ورحت لاردن والله يجازي كل انسان
لكن اليوم اللي عرفتو راه خلى كل شي راح قدامي راهي دنيا راحت فعينيا والصبر راحلي
انا جيت تمدولي الكوراج منين نجيبو ما قدرتش
من سمانة نحس وجع فرجلي اليمنى اللي كنت تاكلة عليها ونمشي بها على جال رجلي اليسرى اللي تعفنت راحت رحت اليوم للطبيب على اساس ت نشوف الوجع من واش ما قدرتش نمشي والله ما حكيت فبالي انو شي كبير اغلب الظن انو عندي عرق لاسا فالاخير درت اشعات وتحاليل
وقالي الطبيب فالعاجل تروحي لدويرة ضرك لازم يديرولك الجبس لانو رجلك تكسرت قتلو راك غالط انا ما طحتش وهاني جيت نمشي قالي روحي ضرك لانو المرض خلى عظم رجلك اليمنى يتكسر وحدو وراح يزيد يتكسر العظم لازم عاجل تروحي
واش نقولكم خرجت من عندو قعدت برا فالطريطوار ونخمم انا واش ندير رجلي لاخرى ونتفرج فيها وهذي وزادت مرضت والخوف انو الحوض يزيد يمرض نرمي ورحي تحت طونوبيل ونموت حرام عليا رافدة 50 ميل معايا ورافدة مرض يحتاج ملاين وين نروح بيهم رجليا للزوج
رحت مباشرة امي ما خبرتهاش ورحت وحدي عيطت لطاكسي ورحت عاودولي كل الاشعات وقالولي انو رجلي تكسرت وراح تنقسم اذا فورصيت عليها قتلهم والحل ضرك واش ندير تخيلو
روحي لداركم ما تنوضيش نهائيا ما تمشيش مهما يكن لاي سبب وارجعي لطبيبك السمانة الجاية انا رجلي مكسورة ومجهول واش راح يصرالها ولخرى فالتعفن ويقولي ارجعي لطبيبك منا على سمانة هذي بلاد احنا لمن نشكو انا لمن نروح ضرك ونشكي
طبيبي وانا شكون وصلني لهذا اللي يقولي انت ما تبرايش الطبيب اللي يقولي ما عنديش ليك حل روحي شوفي دراهم وداوي فالخارج هنا ما عندي ما نديرلك انا قولولي واش ندير عارفة حاجة ربي عارف لام نصبر عارفة ناس بزاف راهم مرضى الل مريض عندو اب وعندو اخ وعندو عم وخال يجري معاه شفت ناس مرضى دوار معاهم انا من 20 سنة مريضة وانا نجري وحدي رحت لبلاد الناس ورحت كومة وفطنات لا اب ولا اخ قدامي حتى يمى الله غالب ما عنديش دراهم باه نديها معايا خليته ورحت
انا سوفريت يا ناس عييت اسمحولي ما قدرتش مش نشكي ليكم همي راه كل واحد بهمو اسمحولي راهي ضايقة بيا اسمحولي
واش ندير انا مانيش نقولكم عاونوني الله غالب عليكم زواولة كيفكم كيفي اعطوني الصبر انا منين نجيبو خايفة نقتل روحي ما قدرتش
اسمحولي الله يخليكم اسمحولي

هاد الطبيب حمار لي يهدر معاك هاك وزاوجة والاهم ربي هو شافي وهو الطبيب ماشي هو قومي الليل ودعي ربي فالسجود اكيد رايح يشافي لانه سبحانه يستحي يرد لي يطلبه وانا راني قريبة نولد ندعيلك ربي يشافيك من القلب..
شوفي تان طب الاعشاب بلاك على ربي يشافوك ولي ناكدهالك ربي وحده يشافيك ادا دعيتيه من قلبك تكوني متيقنة بلي مايردكش....
الله يشافي الله يشافي الله يشافي الله يشافي....