جيت وجبت معايا الضياف ^^

[sanaya]

شوفي ختي أنا معنديش فوبيا الضياف بتاتا و المشكل هاذا مهوش عندي مي حاجة وحدة
نخمم يجيني ضيف كالم وعاقل
هنا مشكل كبير
كجي الضيف نلقالو سيجي ونهدر ندير أومبيونس
مي كجيني ضيف كالم و نبقا نهدر وحدي هاذي تقتلني
يرحم باباك واش ندير معاه
نهدر ولا نريح نخزر معاه
و مشكورة على موضوعك

 

["viola"]

السلام عليكم مصيبتي
صحا فطورك وصحورك وتاني عيدك خخخ
المهم يؤسفني نبلغك اني مانيش رايحا نساميك خاطر ماعنيدش 20 نقطة هههه
عندي 12 برك وجمعتهم من خلال
اولا أكثر حاجة نكرها البراءة
انا لوكان نلقى هاديك تع با دونفو لي يكبتوها فالاعراس
نديروها شعار في حياتنا
كي نشوف مرا جاتنا وعندها ولاد ونعرف ولادها مليح وزيد تاني نعرفها هي مليح ماهيش من النوع لي تنهي ولادها خليني مانحكيلكش احسن على ردة فعلي خخخخ
العفسة الثانية ولي نكرها تاني كي يجينا ضيف وتخليني ماما معاه ارواحي انت وقوليلي افتحي موضوع احكي فيه معاهم
لخيوطة كامل يتخلطولي
المهم خلينا نحبسو هنا ولا يكونوا كاش ناس حابين يجونا ضياف وكي يقراو وش كتبنا يبطلو هههه
ربي يحفظك مهبولة وينقص من ضيافنا ويزيد في ضيافكم هههه
تحياتي ​

و عليكم السلام صحا العاقلة
اوو دوماج كون ديتي اوموا 15 وخذتيني راني نجمع فالتوقيعات لرشيد نكاز باه يربح فالرئاسيات المقبلة خخخ
يااااا بنتي متحكيليش على هاذوك لي ما يهدروش مع ولادهم مخليينهم يسرحون و يمرحون في خيم الناس -.- نعم وصلت الفكرة و تمّ تخيل ردة فعلك بنجاح هههه
و جماعة الاعاقة التواصلية علابالي قاع الشعب يعاني من هذا الفيروس الفتاك نشالله نلقاولو الدوا دعيلنا الحاجة هههههه
مايبطلوا ما والو أمنتي وقيلا كاميرا كاشي برك خخخ
صحيتي الزينة ههههه و في راسك يزيدولكم نتوما ..حنا القبائل لي يجونا بزاف خخخ
مرسي ميجو ^^​

 

["viola"]

ههه
وصف دقيق و متقن لفوبيا الضياف
ههه
انا ما نكتبش 10 ياو نكتب 1000
هههه
يعطيك الصحة يا نايلية لايت
ياك بعتي السوق و لا لا ؟؟
هههههههه​

خخخ انضمام اسم جديد لقائمة المصابين ههه
هههه ما بعت ماوالو اخويا مديرش عليا خخخ
صحيت ​

 

["viola"]

ana 0/20 kayen dhyaf nhebhom normal w kayen li nberedhoom comme si mahomch f dar, nesme3hom f les escaliers nalsseg fel bab nsselem 3lihom w l harba tsselek wala les ecouteurs wala nebda nechenef bach bébé mayguedem lia

ههه تعلموا الخاوة خخخ
العفسة تاع الاطفال حتى انا نديرها منضحك معاهم ماوالو بصح كاين وحد النوع مزال مكتشفوهش خخخخ ارواحي نتي و سلكي منهم
صحيتي ختيتي ^^​

 

[باتنية و نص]

زيديلها كي تكوني قاعدة معاهم وتعيطلك ماماك ولا كش واحد فالدار
تبتسمي حتا ضرسة العقل تبان وتنوضي تقولي لهم راني جاية
وهي فالايام العادية يعيطولك عشر مرات تضربي النح..حتا يقولك الطرش نشا الله ردي
وتبداي تريكلامي وتعيطي غير انا اللي فالدار وتمشي وتخبطي رجليك تع زعاف زعما هه
مي عجبتني تع التسلام تالمو صراتلي
وثاني كي تقتلك الحشمة تشيخي وتعدلي فلاماش تعك كاينة ولا مكايناش ههه
تحياتي

 

["viola"]

ههههه موضوع روعة و صدقيني لقطات كثيرة تصرالي صراحة بالرغم منيش من الناس الحشامة
مي تصرالي و اكثر شي كي يكون الضيف صامط و يرد بالتصوير البطيئ تحسي روحك قاعدة فوق جمر
ههههه بارك الله فيك لعزيزة و الله ضحكتيني​

هههه ضحية اخرى من ضحايا الضيوف نستقبلوه و نقولو ألو مرحبا خخخ
يااا قتلك هاذوك الصخور لي يجو و ميهدروش هم سبب انتشار هذه الآفة -.-
شكرا خيو نورت ^^​

 

[أم أُنٌَيسة]

السلام عليكم
اضحك الله سنكي اختي الغالية
عندي ال 20 هدو مع لافامي موش الضياف
اما الضياف ندخل نتلاقاهم ونخرج بعد وكاني غريبة عن بيتنا
ناس اختي عام من نهار تزوجت باه عرفو انو عندها اختها وسطى ومن بعد تعرفو عليا تدريجيا احم احم ههههههههههههه
المهم نجي نساميك ونروحو نديرو عطلة لمشفى الامراض العقلية
ربي يحفظك ويبارك فيك ان شاء الله حبيبة
صحى فطوركم
في امان الله وحفظه​

 

[لؤلؤة قسنطينة]

هههههههههههه آه يا مهبولة والله نقرا ونضحك وحدي قتلتيني ضحك
وزدت قريت الردود تاع الاعضاء زادو ماخلاوش فيا بالضحك هههههه يا لطيف ما هذا المرض الخطير
والمشكلة العظمى أني مصابة بيه وبشدة تاني سجلي عندك 20/20 قارية ومتفوقة بسلامتي ههههه
ساعات برك نجيب 15 كي مانريفيزيش مليح ههههه هادي 15 كي يجيو الضياف وماما ماكانش في الدار
ولا مشغولة المهم وبحكم أنا الكبيرة على زهري نولي أنا نستقبل الناس يعني اوبليجي نسلم مباشرة ماكانش مفاوضات خلف الكواليس ههههه
أما التكرار هاديك تقول فسدت الكاسيت عند كلمة لاباس، يقولك اليوم الحال سخون اه؟ تقولي لاباس، راكي مشنفة؟ تقولي لاباس هههه
أما الكارثة العظمى لي نكرها كي يخليوك وحدك مع الضياف، يعني نجوز الباك 77 خطرة ونجري في الصحراء تحت درجة 60 ومانقعدش وحدي
مع الضياف ههههه ماتلقاي ماتهدري وفمك يتكمش من الحشمة يولي غير قابل للكلام قابل للابتسام برك هههه والمشكلة كلما تسكتي
ويسود الصمت كلما تزيد حشمتك ووجهك يحمار ههههه يعني كارثة ماتلقايش موضوع مناسب واذا سكتي تزيد درجات الخجل والتبهديل هههه
أما الاولاد هادوك مانهدرش خير كارثة من الكبار يعلموك الكدب على كبرك هههه تلقاي ولدها طالع فوق راسك يجبدلك في شعرك
ونتي بكل روح رياضية تبتاسمي وتقوليلها ولدك عاقل الله يبارك هههه ويا ريت جا يجبدلك شعرك ويقعد ياو يبدا يدير استكشاف للبيت ونتي تجري
وراه من بلاصة لبلاصة نحي هادي من يدك عندك من هادي اجبد روحك من هادي في لحظة تتمناي تهزيه وتكعبريه وترميه من الطابق الالف ههههه
وساعات صراحة كاين ضياف محبوبين كي يجيو مايتقلو عليك ولا يتعبوك، انا عندي وحدة بنت خالة ماما وكبيرة يعني قد ماما بصح ماتزوجتش
ونعم التربية متخلقة ومتربية وملتزمة كي تعود جاية للدار نموتو فرحة، ماعندهاش هدرة في الناس وكلامها كلو مواعظ وعبر العشية معاها تفوت روووعة
وكاين بزاف ناس لي صح كي يجيو مايقلقوش لأنهم يفهمو ويعرفو قدرهم، حنا من الموضوع هادا ماش معاناه مانكرموش الضيف كيما قلتي
بالعكس اكرام الضيف واجب علينا مهما كان، لكن كيما كاين احترام واكرام الضيف كاين تاني احترام صاحب البيت لي رايح تضايف عندو
مثلا روحلو في وقت مناسب ماتزدمش برك وين الناس راقدين وحتى يعودو يسبو فيك في قلبهم هههه، وولادك مثلا اذا قباح ماتجيبهمش معاك
واذا جبتهم معاك عسهم ماترميهمش يفسدو الدنيا وتبقى تحكي، حنا كي كنا صغار كانت ماما من الدار توصينا تقولنا لي تقرب للصينية ولا تدير
حاجة تشوف كيفاه وحنا عاقلين اصلا خاطينا، صدقيني للدرك بقات فينا طبيعة كي نروحو عند الناس مانقربوش للصينية حتى تقولنا مولات الدار
كولو واش بيكم، يعني رانا نساء ومازالت فينا الطبيعة هاديك، اما دركا حدث ولا حرج حتى ولاو الضياف كوشمار
شكرا امونة على الموضوع الطووووب نحيتيلي على خاطري يا مصيبة هههه
صح فطورك الزينة
تحياتي
​

 

["viola"]

شوفي ختي أنا معنديش فوبيا الضياف بتاتا و المشكل هاذا مهوش عندي مي حاجة وحدة
نخمم يجيني ضيف كالم وعاقل
هنا مشكل كبير
كجي الضيف نلقالو سيجي ونهدر ندير أومبيونس
مي كجيني ضيف كالم و نبقا نهدر وحدي هاذي تقتلني
يرحم باباك واش ندير معاه
نهدر ولا نريح نخزر معاه
و مشكورة على موضوعك

الله يبارك مضيافة خخخ و يبقى المشكل الاكبر هو فتح موضوع للحديث ههه
صحيتي نمدلك 10/20 :p
نورتي ^^​

 

["viola"]

زيديلها كي تكوني قاعدة معاهم وتعيطلك ماماك ولا كش واحد فالدار
تبتسمي حتا ضرسة العقل تبان وتنوضي تقولي لهم راني جاية
وهي فالايام العادية يعيطولك عشر مرات تضربي النح..حتا يقولك الطرش نشا الله ردي
وتبداي تريكلامي وتعيطي غير انا اللي فالدار وتمشي وتخبطي رجليك تع زعاف زعما هه
مي عجبتني تع التسلام تالمو صراتلي
وثاني كي تقتلك الحشمة تشيخي وتعدلي فلاماش تعك كاينة ولا مكايناش ههه
تحياتي

هههههههههههههه نتي كلاشيتينا ديراكت لا رحمة و لا شفقة فالشهر الفضيل ههههه ها استري الله يستر عليك خخخخ
ياودي كاينة كاينة هههه و راسك العزيز هههه
صافي نتي نخدم معاك سوجي آخر و ندخلوا الجماعة لي مجابتش 20 للراطراباج خخخ
صحيتي الباتنية ^^​

 

["viola"]

السلام عليكم
اضحك الله سنكي اختي الغالية
عندي ال 20 هدو مع لافامي موش الضياف
اما الضياف ندخل نتلاقاهم ونخرج بعد وكاني غريبة عن بيتنا
ناس اختي عام من نهار تزوجت باه عرفو انو عندها اختها وسطى ومن بعد تعرفو عليا تدريجيا احم احم ههههههههههههه
المهم نجي نساميك ونروحو نديرو عطلة لمشفى الامراض العقلية
ربي يحفظك ويبارك فيك ان شاء الله حبيبة
صحى فطوركم
في امان الله وحفظه​

و عليكم السلام اهلا ماروكو خخخ
ههههههههههههههههه أواااه نتي حالتك صعيبة شوي هههه عام ي عجابااا ههههه محترفة في التخفي خخخخ
نروحو يختي نروحي ههههه لاازم
ربي يخليك ختيتي
صحيتي ^^​

 

["viola"]

هههههههههههه آه يا مهبولة والله نقرا ونضحك وحدي قتلتيني ضحك
وزدت قريت الردود تاع الاعضاء زادو ماخلاوش فيا بالضحك هههههه يا لطيف ما هذا المرض الخطير
والمشكلة العظمى أني مصابة بيه وبشدة تاني سجلي عندك 20/20 قارية ومتفوقة بسلامتي ههههه
ساعات برك نجيب 15 كي مانريفيزيش مليح ههههه هادي 15 كي يجيو الضياف وماما ماكانش في الدار
ولا مشغولة المهم وبحكم أنا الكبيرة على زهري نولي أنا نستقبل الناس يعني اوبليجي نسلم مباشرة ماكانش مفاوضات خلف الكواليس ههههه
أما التكرار هاديك تقول فسدت الكاسيت عند كلمة لاباس، يقولك اليوم الحال سخون اه؟ تقولي لاباس، راكي مشنفة؟ تقولي لاباس هههه
أما الكارثة العظمى لي نكرها كي يخليوك وحدك مع الضياف، يعني نجوز الباك 77 خطرة ونجري في الصحراء تحت درجة 60 ومانقعدش وحدي
مع الضياف ههههه ماتلقاي ماتهدري وفمك يتكمش من الحشمة يولي غير قابل للكلام قابل للابتسام برك هههه والمشكلة كلما تسكتي
ويسود الصمت كلما تزيد حشمتك ووجهك يحمار ههههه يعني كارثة ماتلقايش موضوع مناسب واذا سكتي تزيد درجات الخجل والتبهديل هههه
أما الاولاد هادوك مانهدرش خير كارثة من الكبار يعلموك الكدب على كبرك هههه تلقاي ولدها طالع فوق راسك يجبدلك في شعرك
ونتي بكل روح رياضية تبتاسمي وتقوليلها ولدك عاقل الله يبارك هههه ويا ريت جا يجبدلك شعرك ويقعد ياو يبدا يدير استكشاف للبيت ونتي تجري
وراه من بلاصة لبلاصة نحي هادي من يدك عندك من هادي اجبد روحك من هادي في لحظة تتمناي تهزيه وتكعبريه وترميه من الطابق الالف ههههه
وساعات صراحة كاين ضياف محبوبين كي يجيو مايتقلو عليك ولا يتعبوك، انا عندي وحدة بنت خالة ماما وكبيرة يعني قد ماما بصح ماتزوجتش
ونعم التربية متخلقة ومتربية وملتزمة كي تعود جاية للدار نموتو فرحة، ماعندهاش هدرة في الناس وكلامها كلو مواعظ وعبر العشية معاها تفوت روووعة
وكاين بزاف ناس لي صح كي يجيو مايقلقوش لأنهم يفهمو ويعرفو قدرهم، حنا من الموضوع هادا ماش معاناه مانكرموش الضيف كيما قلتي
بالعكس اكرام الضيف واجب علينا مهما كان، لكن كيما كاين احترام واكرام الضيف كاين تاني احترام صاحب البيت لي رايح تضايف عندو
مثلا روحلو في وقت مناسب ماتزدمش برك وين الناس راقدين وحتى يعودو يسبو فيك في قلبهم هههه، وولادك مثلا اذا قباح ماتجيبهمش معاك
واذا جبتهم معاك عسهم ماترميهمش يفسدو الدنيا وتبقى تحكي، حنا كي كنا صغار كانت ماما من الدار توصينا تقولنا لي تقرب للصينية ولا تدير
حاجة تشوف كيفاه وحنا عاقلين اصلا خاطينا، صدقيني للدرك بقات فينا طبيعة كي نروحو عند الناس مانقربوش للصينية حتى تقولنا مولات الدار
كولو واش بيكم، يعني رانا نساء ومازالت فينا الطبيعة هاديك، اما دركا حدث ولا حرج حتى ولاو الضياف كوشمار
شكرا امونة على الموضوع الطووووب نحيتيلي على خاطري يا مصيبة هههه
صح فطورك الزينة
تحياتي
​

اهلا مريهاام
خخخخ مام انا كي متكونش ماما ندي 15 برك هههه و فمك يعواج من ذيك الابتسامة المفروضة عليك بشكل تعسفي تفاديا لأي احراج مع كلمة لباس ههههه
ايوا هذا وش حبيت نقول مقلناش نكرهو الضياف مي كاين ناس تحشم و متعرفش تحكي مع الغرباء خخخ الله غالب و ساعات تتقلق مالبراءة الجمر هههه
ربي يرزقني بملكة توصيل الفكرة كما رزقتها لمريم قولي امين ههههه
صحيتي ختيتي نورتيني ^^​

 

[Skor m@k]

السلام عليكم
ههههههههههههه والله قتلتيني ضحك ختي فيولا اسمحيلي كل دقيقة نقول ندخل نردلك ننساك هههههههه
المواضيع بزاف حرت ليمن نرد هههههههههههههههههههههههههههههههه
المهم انا مانساميكش خاطرش لميت 15 نقطة برك هذا واش مانقدرش نتحمل ههههه
نبداو بالنمبر وان
ههههه هذي نحصل فيها بزاف ههههه سورتو الى كنت راقد ونضت روطار ههههه
والمشكلة لكبير كي يكون خويا يسلم عليهم ويجي يهبل فيا ههههه
نولي نحلل فيه ايا تشو جي معايا هههههه
معليش أوقف عند الباب برك ههههه
اكي تعرفي الكوراج مكاش ههههههههههه

نمبر تو
هذي قليل وين تتلفلي كي يكونو زوج من الضياف يسألوني في زوك في وقت واحد هههه
تتلفلي يامحاين ليمن نصد
ههههه نولي في قلبي ندير شادي مادي قالي راسي ههههههههههه
وديما زهري يطيح فالسؤال العيان هههههههههه
وهذا النمبر ماعنديش قليل وين يحصل فيا سافيك مانحسبوش

نمبر ثري
أسمط حاجة عندي هو هذا الرقم هههههههههههه
سورتو الى كانو خاطيهم بالون هههههههه
تلخرتلي نولي الشيخ فرحات تاع الاحوال الجوية ههههه
كل دقيقة ماشي السخانة شويا ههههه ايه السخانة ههههههههه
ممبعد لازم كليماتيزور آه خخخخ ايه لازم خخخخ
البحر راهو مليح خخخخ ايه جزنا عليه راو مليح خخخخ
يا gريندايزر اقضي عليهم لا تبقي أحد بالضربة القاضية هههههههههه
يا بنعمي سامطين نولي نروح للكوزينة نعيط مع يما ههههه وخويا وين راهو خلاني حاصل ههههههه
مي حنا عندنا مسلك الحصلات هههههههه
خالي ههههههههههه ياجدك أديه معاك وماتخافيش هههههه

مايسكتش بالقسرة مع الضياف نحس راني نلعب برونالدو وميسي في كيبا وحدة ههههههههههههه
اووووو راحة كبيرة معاه لمليحة يحكي على كلش المهم مايسكتش هههههه
هذا النمبر راني معاك فيه مغبون

نمبر فور
هذي انا مانحشمش منهم نعطيهم كف سيلونسيو
طبرخ غير سكيمي
ممبعد تتبعها ضحكة صفرة اسطورية
مسكين حاز رجلو فالطابلة ههههههههه

مي كيما انت عندي فوبيا من الدراري تاع الضياف وراني مرة حكيتلكم على الدراري لي عاد يجو لعندنا
جنون في منزلها ههههههههه حتى بانكيمون يعرب عن قلقه كي يجو هههههههههه

خخخخ واقيل هدرت بزاف هههههههههههه
صح سحورك ايمانو
واقيل كتبت رد كبير على الموضوع تاعك ههههههه
الله غالب فكرتيني فيهم في نص الليل هههههه
سلام​

 

[Skor m@k]

ربي يحفظك مهبولة وينقص من ضيافنا ويزيد في ضيافكم هههه
​

هذي قتلتي ختي مجاجو ههههههه
تقول عاشور تان ​

 

["viola"]

السلام عليكم
ههههههههههههه والله قتلتيني ضحك ختي فيولا اسمحيلي كل دقيقة نقول ندخل نردلك ننساك هههههههه
المواضيع بزاف حرت ليمن نرد هههههههههههههههههههههههههههههههه
المهم انا مانساميكش خاطرش لميت 15 نقطة برك هذا واش مانقدرش نتحمل ههههه

نبداو بالنمبر وان
ههههه هذي نحصل فيها بزاف ههههه سورتو الى كنت راقد ونضت روطار ههههه
والمشكلة لكبير كي يكون خويا يسلم عليهم ويجي يهبل فيا ههههه
نولي نحلل فيه ايا تشو جي معايا هههههه
معليش أوقف عند الباب برك ههههه
اكي تعرفي الكوراج مكاش ههههههههههه

نمبر تو
هذي قليل وين تتلفلي كي يكونو زوج من الضياف يسألوني في زوك في وقت واحد هههه
تتلفلي يامحاين ليمن نصد
ههههه نولي في قلبي ندير شادي مادي قالي راسي ههههههههههه
وديما زهري يطيح فالسؤال العيان هههههههههه
وهذا النمبر ماعنديش قليل وين يحصل فيا سافيك مانحسبوش

نمبر ثري
أسمط حاجة عندي هو هذا الرقم هههههههههههه
سورتو الى كانو خاطيهم بالون هههههههه
تلخرتلي نولي الشيخ فرحات تاع الاحوال الجوية ههههه
كل دقيقة ماشي السخانة شويا ههههه ايه السخانة ههههههههه
ممبعد لازم كليماتيزور آه خخخخ ايه لازم خخخخ
البحر راهو مليح خخخخ ايه جزنا عليه راو مليح خخخخ
يا gريندايزر اقضي عليهم لا تبقي أحد بالضربة القاضية هههههههههه
يا بنعمي سامطين نولي نروح للكوزينة نعيط مع يما ههههه وخويا وين راهو خلاني حاصل ههههههه
مي حنا عندنا مسلك الحصلات هههههههه
خالي ههههههههههه ياجدك أديه معاك وماتخافيش هههههه

مايسكتش بالقسرة مع الضياف نحس راني نلعب برونالدو وميسي في كيبا وحدة ههههههههههههه
اووووو راحة كبيرة معاه لمليحة يحكي على كلش المهم مايسكتش هههههه
هذا النمبر راني معاك فيه مغبون

نمبر فور
هذي انا مانحشمش منهم نعطيهم كف سيلونسيو
طبرخ غير سكيمي
ممبعد تتبعها ضحكة صفرة اسطورية
مسكين حاز رجلو فالطابلة ههههههههه

مي كيما انت عندي فوبيا من الدراري تاع الضياف وراني مرة حكيتلكم على الدراري لي عاد يجو لعندنا
جنون في منزلها ههههههههه حتى بانكيمون يعرب عن قلقه كي يجو هههههههههه

خخخخ واقيل هدرت بزاف هههههههههههه
صح سحورك ايمانو
واقيل كتبت رد كبير على الموضوع تاعك ههههههه
الله غالب فكرتيني فيهم في نص الليل هههههه
سلام​

و عليكم السلام حمدلله لي نورتنا خخخ نتمسخر علابالي ليزافيرات و ماكش لاحق :p
1
هههههههههههههههه صح كاينة هههههه منعرف علاه ندو معانا الشعب باه نسلمو ههههه ​

قتلك اعاقة الله يحفظ و يستر خخخ
2 ههههههههه تاع زوج يهدرو معايا مصراتليش ميحلبونيش بزاف انا
نتا راك شخصية حنا زواولة لدرجة يسقسينا واحد برك يولي الطايح كثر مالنايض خخخخ
3ههههههههههههههه تبا قتلتني تاع الشيخ فرحات هههههههههه تصرى و الله تاع السخانة اليوم لالا ؟ خخخخخ
و تاع الذراري وحدها هههههههههههههههه و تحصلها فالطابلة ههههههه الله يعطيك الربح ههههههه
نعود نديرها ي محاينك هههههههههههه
مش بزاف مش بزاف ههههههههه نورمال هههه
نورت الغلوكوز :p صحيت ^^​

 

[أمين 27]

و لي يهرب كيفي مالدار شحال يدي

 

["viola"]

و لي يهرب كيفي مالدار شحال يدي

ههههه اواه نتوما حالة خاصة مبعد ندرسوا القضية خخخ​

 

[أمين 27]

ههههه اواه نتوما حالة خاصة مبعد ندرسوا القضية خخخ​

ههههه لازملنا ديبلوم ...
شكغااا

 

[Oussama.GF]

20 نتيجة اختي
كل امور تصرا في دار خخخ ضياف فيهم غير شررررررررررررر خخخخ

 

[Hakan]

انا نليق نخدم في كاش اوتال 5 ايتوال بكل صراحة احسن واحد يستقبل الضياف
خخخ مام كي يكونو جايين للدار يعيطولي باش لازم نكون ثم سينون ما يقعدوش ولله الحمد
ربي يدومها اومبيونص شكرا موضوع في الصميم​