ذهب رجع باطل.... عرض محدود

[ليليا مرام]

السلام عليكم الأحباب إن شاء الله تكونو بخير وعلى خير ويومكم مبروك وربي يتقبل منكم ومنا

بون من العنوان تعرفوا راحا نحكي على الذهب ايه راه باطل معناها رخيص وأي وحدة تشري وتصيغ روحها وكيما تعرفوا المرا تحب الذهب علمونا أهالينا إنو الحدايد للشدايد وهنا يقصدو الذهب
مي أنا مانيش نحكي على الذهب الحقيقي هذاك راه بشلاغمو وغالي بزاف الخاتم لخر ب 4 ملاين
خلي الباقي
نحكي على الفالصو أو البلاكي اللي عمر أسواقنا ورجع لامود والناس الكل يلحق موسم الأعراس نلقاوهم عند طوابل بيع الذهب المقلد أو البلاكيور
الصراحة شفت منو أنواع فوتو كوبي على الذهب كل شي مصنوع من ذهب كاين منو فالصو
نفس الأشكال نفس التعقيدات حتى نفس الجواهر او العقاش الأبيض فيه بإختصار محلات ذهب على الطريطورات
بون هذي ظاهرة مليحة وماشي مليحة
مليحة للبنات الزواليات ما عندهمش تتصدر تعمر روحها سون سمير حاجة ذهب وحاجة بلاكي وتبان قدام الناس
حاجة مليحة أنو لو العرسان متفاهمين قادرة تتفهم وضعو وتقبل يجيبلها فالصو باه تبان قدام أهلها وقدام الناس أنو دارلها الذهب الله غالب ما عندوش عارفة تقولو غش مي واش يدير ما عندوش يروح يسرق وزيد الطفلة قابلة ومصارحها وهذي كلها كماليات لو كانو أهالينا يحوسو على الهنا ما يضطروش يكذبو ويغشو
ماشي مليحة الظاهرة هذي كثر الهف والغش الناس رجعت تخدع به شعال من وحدة صراتلها هكذا يبدلو صوالحها ذهب بصوالح بلاكي ووحدة تخيلو راجلها دارهالها إدا ذهبها من الدار وشاف نفس الموديل وحطلها البلاكي في بلاصة الذهب وشعال وهي تظن أنو ذهبها ذهب لوين ربي كشف وعرفت أنو بدللها ذهبها
امور تصرا منها سلبية وإجابية فالظاهرة هذي
ولو فرضنا نزلنا للشارع الجزائري وسقسيناهم راح يقولك رانا مع الظاهرة هذي خاطر تعاون الجيب وتساعد العرايس
نتوما واش رايكم فالظاهرة هذي؟
وانت كراجل تجي فبالك لو ما عندكش تدي لخطيبتك بلاكي فبلاصة الذهب؟
وانت تقبلي يقولك نفوتو الحالة ونعوضك يوم ربي يرزقني أو تعتبري طيح من قيمتك وتقدري تخبي على أهلك أنو جابلك البلاكي؟
واش رايكم فالظاهرة هذي مليحة وإلا لالا؟

مشكوريين

ايا بالعافية على قولة صلوحي​

 

[ليليا مرام]

السلام عليكم
واقيل كامل ديرو البلاكيور ههههه وطحتلكم فالصح هههه قولو ما تحشموش

 

[حلم كبير]

السلام عليكم ورحمة الله تعالى وبركاته

أهلا بالاخت صاحبة المواضيع الحصرية

أنا نضن هاذي ظاهرة مليحة بالنسبة للي ما يقدروش يديرو الذهب الله غالب المرا خلقها ربي تحب الاشياء البراقة
تحب تتزين واللي ما عندهاش تقدر تشري الفضة ولا البلاكيور

مشكل صح كي تطيح في عباد ما عندهمش ضمير
واحد من معارفنا مسكين جا من الدوار هبط للمدينة كنت نقرا فالجامعة
تلاڤا بطفل صغير يبكي ڤالو اشري من عندي هاذ الخاتم بتاع الذهب انا وأمي محتاجين نبيع فيه مستعجل
وباعولو بميتين الف..... في هاذاك الوقت كانت ميتين تقضي ..
وكي روح للدار ڤاتلو بنت خالتي هاذا لخاتم يتباع ڤدام الجامعة بألفين
شوكاتو في عمرو ما بكى ما ضحك هههه
من هاذاك النهار فطن لروحو
هاذي هي حرص وما تخونش
من الاحسن الانسان يكون فاطن لأمور كيما هاذي
بارك الله فيك ختي
احترامي وتقديري
حلم كبير​

 

[همس الجفون 93]

راني ما فهمتكش تحكي على الذهب ولا على البلاكيور

 

[Hakan]

ههههههه تبا لك فكرتينيي البارح كانت ختي عند بيت جدي
هيا دخلت ليهم سلمت عليهم وسلمت على ختي
ونصيبها ضاربة فيها علاقة نتاع الاذن سبحان الله
رجعت نقول فيي قلبي وقتاه ترفه الاب نتاعي وشرا لختي هذا الذهب هههه
خدعتني المصيبة دارتلي الرعب قلت دراهم الاب وقيلا راحو في الذهب وانا
الف راك ما يعطيهاليش هيا ساع لقيته بلاكييور ر
خخخ عدت نقول خليها تتفحشش الزوالية ههه
الله يهدي معشر النساء والله يهدي الرجال صصراحة الطراطg هذو نتاع يبدل
الذهب شفتها شحال عند واحد خلي البير بغطاه برك مي حااجة مليحة
ياك الافراح نهار ولا نهارين خليهم يزوخو شوي بالابالكييور
حتى يفرج ربي ويشرو الذهب ​

 

[همس الجفون 93]

اييييييه فهمتكم والله هذا وين رجعو النساء سواسية لانو كاملين يلبسو الذهب البلاكيور وحدة ما تطلع على وحدة ههههههه
الا انا ماعنديش الزهر شريت مناقش للدار بلاكيور ايا تحسست منهم
مديتهم اختي هههههه وقعدت بلاش

 

[Salah eddin]

السلام عليكم و رحمة الله
و الله يا ليليا مواضيعك مش عار علاه نحب نرد عليهم مع اني ساعات ما نفهم فيها والو وش راكي تقولي
ههه
على كل حال مانيش عارف وش راكم تقولو هنا
انا سمعت الذهب طاح ههه و سمعت بلي كاين حية تشبه للذهب
هههه
المهم مش عارف الفرق و ين المشكل كي يكون كاين حاجة تحل محل الذهاب
خلي الزوالية تزين روحها بحية كي الذهب على الاقل تعود تبرّق من بعيد
ههه
و راكي طرحتي سؤال اذا ندي لخطيبتي هذا بلاكي و لا مش عارف ههه
و علاه ما نديهش ههه نديه و ربي كبير و ق العافية
و اذا قعدت تتشرط ههه تربح ... نجيب ختها تدي الكونطر بلاكي مش البلاكي
ههه
ايا سلام عليكم​

 

[أم منيــــــر]

سلميلي على الذهب الحقيقي اذا شفتيه
رانا نخزرو فيه من لفيترينة و نهربو
يصح و الله حاجة مليحة نتع الفالصو البارح برك رحت عند محل لبيع لبلاكي الصراحة انخلعت تقولي ذهب و لي ما يخافش ربي يحلف و الناس تصدقو بلي ذهب
بصح كما قلت صعيبة كي يخدعو بيه الناس
و صرات صح بزاف لي يتفاهمو مع بعضهم و يجيبلها الفالصو باش يسكتو الناس و يقولو ذهب
الله يكون في العون
مشكورة على الموضوع

 

[لؤلؤة قسنطينة]

السلام عليكم ليلوشة
ان شاء الله احوالك بخير؟
صراحة عندنا مدة مامديناش ختم التميز لكن اليوم قررت نمدهولك
أولا جامي بخلتي على هاد القسم دايما تحطي المواضيع القيمة وزيد هادا موضوع جديد ويستحق المناقشة
يعني تستاهلي ختم التميز
أما بالعودة للموضوع صراحة يا أختي ليليا حتى البلاكيور وولا بقيمتو ولات الناس كامل تتهافت عليه
خاطر عاد يشبه للذهب واحد ما يفيقلو، عادت النساء تشري طاقم ذهب بما فيه سنسلة وخاتم وفلايك بسومة أقل
لكن هادا انا مانشوفوش عيب يعني عادي وحدة حابة تبرق من بعيد وماعندهاش الدراهم مالا تكتفي بالبلاكيور
خاطر لا الذهب ولا البلاكيور لي رايح يدير قيمة للمرأة يبقى مجرد زينة وماش رايح ينقص من العبد
ونشفى عليها بكري البلاكيور هادا ما يبانش خلاص ماتعرفيش حتى منين يشريوه ودرك عندو حوانت سبيسيال كيفو كيف الذهب
يعني عادت النساء تشريه عادي، انا نعرف عروسة جبناها ماعندهاش بزاف لواحد من العائلة جابت محزمة بلاكيور
ايماجيني محزمة ذهب تسوى بالاك 60 مليون ولا كتر وتاع البلاكيور تسوى 900 ألف برك بالاك وكي سقساوها عليها
قاتلهم بلاكيور نورمال وأصلا علاه تتعقد؟ ماعندهاش دراهم تروح تسرق وتجيب قطعة ذهب تتفاخر بيها؟
وكيما قلتيها درك عاد خاتم سامبل يفوت 4 ملاين، آخر مرة هزت ختي دراهمها لي جمعتهم من الباك قالت نشري بيهم خاتم ذهب
والله ما جينا نلقاو خاتم يناسب المبلغ لي عندنا تحاسبنا قريب شرينا حديدة تاع ذهب وحدها لدرجة كلشي غالي
انا بالنسبة ليا والله الذهب هادا يدخل من ودن ويخرج من ودن بالاك نحب شوي الفضة وكذلك خواتم الخطوبة يهبلو
يعجبوني أشكالهم خاصة لي مخلطين ذهب أبيض وأصفر ولكن تبقى حاجة عادية في كل أنثى تحب المجوهرات
لكن باه نهبل على الذهب لالا يبقى مجرد اعجاب من بعيد هههه وماكانش قد المرأة القنوعة ربما صح الذهب يكون
للشدائد يوما ما ولكن باه وحدة قبل ما تتزوج تقسم ظهر باباها ولا راجلها على الذهب هنا غير مقبولة
الذهب للشدائد بالاك بصح باه يكون أساس الزواج لالا ولي تحب تتصيغ بزاف عندها البلاكيور وتبرد قلبها مع انو حتى هو ولا غالي
شكرا ختي ليليا على الموضوع بارك الله فيك
​

 

[فيتامين سي]

جيت نجري قلت ليلوشة راها تمد الذهب باطل
كاش مندي خاتم و لا زوج لقيتتو بلاكي

بون بالعودة الى موضوعك نفيختي

قبل نقولك انا ابار الفضة و لا ذهب جامي درت و كتريتي نبغي الفضة دجا وين يفيقو فضة ولا ذهب ابيض هع هع هع
مي منكدبش عليك راني كونتر لي يكدب قول هذا بلاكي و متقولش ذهب حرام الكدب وانا ضد لي يكدب تحت اي ضرف
نزيدك مسغليتيش العروسة لي يجيبولها الذهب تاع صح و يعمروها ذهب

و كي تروح لدارراجلها يقولولها رجعيلنا ذهبنا
يا ختي العباد تاع دزاير دارو كل عجب موليتش نتنخلع

وحدة تسلفت ذهب على حبيبتها و كي رجعتلها ذهبها يمات راحت عند الصياغ قاللها هذا مهوش ذهب
هي قالت بلي حبيبتها بدلاتولها مي انا تبانلي بلاك اصلا من البديا بلاكي
درك البنادم يعرف منين يشري ماشي وين ما يروح و ادا زادو عليكم الدراهم عليكم و على فيتامينة رسلوهملها متخمو لا في ذهب لا في بلاكي نعرف وين نصرفهم

وينو خاتم 4 ملاين نتوما تاني شرو حاجات سامبل و شابين ماشي قال ذهب غير لا يكون كبير يخلع

 

[أم أحمــــد يــسّ]

هههه نقرا ونقول هااازهري وعلاه انا نتحسس من لبلاكي؟؟
مانكذبش عليك نلبس الذهب وباشكال سااامبل
مانحبش التعقيد مي مايصلحليش نهار كامل نلم في لفتفات خخخ
مرة خممت نزيد شوي بلاكي رقبتي قريب تقصت
كان صيف وتحسست ثم ثم
ساعات ساهل تكتشفي لبلاكي بصح انا مع تشري لعروسة تزاود بيه مش ساهل تحط قيمة الشرط في سلسلة وخاتم وتقعد تتفرج في باباها ويماها يسرقولها ...
الله يعين زمان ولى يتعب كيفاش الشبيبة تسلك
امورها...

 

[لؤلؤة قسنطينة]

والله يا @فيتامين سي الذهب ولا غالي
تشري خاتم على شكل حديدة مدورة فيها نقطة تبرق بالمجهر وماتشوفيهاش تلقايه يسوى
مليون و600 ولا 2 ملاين يعني هادا مافيه والو فمابالك الضخمين هادوك
راكي تلقايهم 5 ملاين ولا 6، انا صراحة نكره الكبار نحب حاجة سامبل خلاص
بصح حتى السامبل وولاو غاليين، أما لي gourmette مانهدروش من 5 ملاين وطلع
وهي خيط لاصقين فيه زوج دواور، واذا الفضة حتى هي ولات غالية
بالمناسبة تحبي الفضة كيفي ههه​

 

[بشرى ملاك]

كل مانجي نرد عليك مايخلينيش سي انس....

عندك الحق ولينا مانفرقوش بين الذهب ولفالصو درك حتى السراق بحروهاله مسكين ههههه نضحك برك
ويعجبوك فالاعراس يعمرو رواحهم بلاكي وتبدا توري فيك دراعاتها وتقولك هدا ذهب شريته ها شحال وانت تامني....

نتوما واش رايكم فالظاهرة هذي؟
كل يوم يخرجولنا خرجة عجب ماعنديش ماعنديش علاه ندير بلاكي نكدب على الناس ولا على روحي...

وانت كراجل تجي فبالك لو ما عندكش تدي لخطيبتك بلاكي فبلاصة الذهب؟
يا لحبيبة والله كاين رجال البلاكي وخسارة فينا ههههه

وانت تقبلي يقولك نفوتو الحالة ونعوضك يوم ربي يرزقني أو تعتبري طيح من قيمتك وتقدري تخبي على أهلك أنو جابلك البلاكي؟
انا عن نفسي مانقبلش باسكو حقي هدا وانفوا تنازلتي قعدتي يجيب على حساب جيبه وخلاص...

 

[فيتامين سي]

والله يا @فيتامين سي الذهب ولا غالي
تشري خاتم على شكل حديدة مدورة فيها نقطة تبرق بالمجهر وماتشوفيهاش تلقايه يسوى
مليون و600 ولا 2 ملاين يعني هادا مافيه والو فمابالك الضخمين هادوك
راكي تلقايهم 5 ملاين ولا 6، انا صراحة نكره الكبار نحب حاجة سامبل خلاص
بصح حتى السامبل وولاو غاليين، أما لي gourmette مانهدروش من 5 ملاين وطلع
وهي خيط لاصقين فيه زوج دواور، واذا الفضة حتى هي ولات غالية
بالمناسبة تحبي الفضة كيفي ههه​

انا من عشاق الفضة مع مديريش حساسية لي بشرتهم حساسة يخافو يديرو اي حاجة الفضة تقعد توجور جديدة وشابة اش دانا للتخلاط
والحق نبقي حاجة بيضة

القورمات اهم 5 صح و الخواتم 1 ل 3 راني حفضت السوق

كاش ميطيح و نروح نشري هههههههههههه

حفضت السوق لي على حسابي نتبع كل حاجة سامبل و صغيرة و خفيفة خلينا من لي تشري خاتم فيه كيلو

الفضة كي تروحي تشريه كومبلي يستقاملك مليون والله غير غلات وين نهار مكانوش سامعين بيها

مام الفضة الانسان يكون هاني الذهب تقعدي تجري بيه من قنت لقنت

و نتي قلبك قريب يحبس علاش بينا
ربي يهني كل واحد مجات في فضة و لا ذهب جات في حاجة اكثر و كل انسان يسيي يعيش على قده و بالبساطة و خلاص
و يدير لي يعجله ماشي يعجبب قوم كوكب زمردة
على جال دوك القوم ميعجبهمش العجب

​

 

[زاد الرحيل]

السلام عليكم
واقيل كامل ديرو البلاكيور ههههه وطحتلكم فالصح هههه قولو ما تحشموش

كلامك صحيح شريت المسايس على العام مرميين و منزيدش نعاود بلا حشمة

 

[ليليا مرام]

السلام عليكم ورحمة الله تعالى وبركاته

أهلا بالاخت صاحبة المواضيع الحصرية

أنا نضن هاذي ظاهرة مليحة بالنسبة للي ما يقدروش يديرو الذهب الله غالب المرا خلقها ربي تحب الاشياء البراقة
تحب تتزين واللي ما عندهاش تقدر تشري الفضة ولا البلاكيور

مشكل صح كي تطيح في عباد ما عندهمش ضمير
واحد من معارفنا مسكين جا من الدوار هبط للمدينة كنت نقرا فالجامعة
تلاڤا بطفل صغير يبكي ڤالو اشري من عندي هاذ الخاتم بتاع الذهب انا وأمي محتاجين نبيع فيه مستعجل
وباعولو بميتين الف..... في هاذاك الوقت كانت ميتين تقضي ..
وكي روح للدار ڤاتلو بنت خالتي هاذا لخاتم يتباع ڤدام الجامعة بألفين
شوكاتو في عمرو ما بكى ما ضحك هههه
من هاذاك النهار فطن لروحو
هاذي هي حرص وما تخونش
من الاحسن الانسان يكون فاطن لأمور كيما هاذي
بارك الله فيك ختي
احترامي وتقديري
حلم كبير​

السلام عليكم خويا حليم نورت الموضوع
والله يا خويا هو من جهة مليحة ويوالم الناس اللي ما عندهمش ورانا نشوفو طوابل فالعاصمة والغاشي قدامهم العرايس يشروا منو واش دير الله غالب الذهب راه للمشاهدة وبرك ورغم هذا يبقى للذهب قيمته برغم غلاه الواحدة تعرف روحها باللي راهي دايرة بلاكي مي العفسة لاخرى انا نفسي وليت ما نفرقش بين الذهب وبينو يعني لو وحدة دايرة الذهب صح ما نأمنهاش سيرتو كان ثقيل وكبير ههههه
وياما صراو مواقف نحكيلك وحدة منهم تضحك ليا جارة على قد الحال زوالية كيفنا كيفاها تلاقينا في مناسبة دايرة سلسلة واش نقولك لو انا ما نديرهاش لازم نكري اللي يرفدهالي كبيرة حتى مزعوقة وانا على جال عزيزة عليا ونحبها ما نحبش يضحكوا عليها ويهدرو عليها حكمتها وحدنا قتلها السلسة تبان من الصحرا الخاوة فالمالي راهم يعيطو عليها زعقتي روحك بها بدات تحلف وتتصحف باللي ذهب وشراهالي راجلي 55 مليون انا قلت بلاك المرا راهي تحلف ربي رزقهم قتلها والله من كثرة كبيرة تبان بلاكي مزعوقة بزاف هههه المهم شوي الحالة بدات تسخن والعروقات ونشوفو المرا حكمتها الحكة ههههههههه يا يمى جامي ننساها انا على بالك نضحك بالدموع ونشوفها تحك فرقبتها وذيك الحكة الهايجة هههههه رجعت رقبتها كلها حمرا من الحك والسلسلة بدات تكحال قتلها غير خفي اخرجي الشعبب كامل يتفرج فيك هذي شراهالك راجلك 55 الف ماشي 55 مليون يبخص بيك هههه
كي جات طل عليا منين دخلت بدينا نضحكو قتلها واش بدلتي الباغوغ نتاع راجلك ههههه
هذا البلاكي وما يدير مي علاه الكذب قال بلاكي بلاكي مافيها والو
واحترامي لك سرني ردك

 

[ليليا مرام]

راني ما فهمتكش تحكي على الذهب ولا على البلاكيور

السلام عليكم
نحكي على البلاكيور لو ركزت فالموضوع تفهمي برك مشكورة أختي

 

[ليليا مرام]

ههههههه تبا لك فكرتينيي البارح كانت ختي عند بيت جدي
هيا دخلت ليهم سلمت عليهم وسلمت على ختي
ونصيبها ضاربة فيها علاقة نتاع الاذن سبحان الله
رجعت نقول فيي قلبي وقتاه ترفه الاب نتاعي وشرا لختي هذا الذهب هههه
خدعتني المصيبة دارتلي الرعب قلت دراهم الاب وقيلا راحو في الذهب وانا
الف راك ما يعطيهاليش هيا ساع لقيته بلاكييور ر
خخخ عدت نقول خليها تتفحشش الزوالية ههه
الله يهدي معشر النساء والله يهدي الرجال صصراحة الطراطg هذو نتاع يبدل
الذهب شفتها شحال عند واحد خلي البير بغطاه برك مي حااجة مليحة
ياك الافراح نهار ولا نهارين خليهم يزوخو شوي بالابالكييور
حتى يفرج ربي ويشرو الذهب ​

السلام عليكم خويا حكيم
وعلاه ديرلك الرعب وباباك بغا يشري لبنتو الذهب أنت تسالو ياخي رجال روح شمر على ذراعك واشري لمرتك المستقبلية الأب يخمم فبناتو ماشي فرجال قد الحيط من يوم يومي وانا نعرف الذكور كامل يغيرو من خوتاتهم البنات مازال ما فهمتش علاه
ايه مسكينة ضربتها بعين هو بلاكي خليها تتفحشش أن شاء الله يشرهملها ذهب وموت بالقنطة
ايه واش يديرو النسا لازملهم الذهب كي الله غالب يروحو للبلاكي
ميرسي على الرد

 

[ليليا مرام]

اييييييه فهمتكم والله هذا وين رجعو النساء سواسية لانو كاملين يلبسو الذهب البلاكيور وحدة ما تطلع على وحدة ههههههه
الا انا ماعنديش الزهر شريت مناقش للدار بلاكيور ايا تحسست منهم
مديتهم اختي هههههه وقعدت بلاش

الحمد لله فهمتينا
ايه رجعو كيفكيف ما تفرقيش بين اللي دايرة ذهب واللي دايراتو بلاكي ههه تفرت فيهم
المرة الجاية كي تشريهم كاين فيرني نتاعهم ما تتحسس ما والو يدير هذيك الطبقة العازلة تحممي بهم وما يروحوش وزيد ما يسببوش الحكة
اختك ما تحسستش منهم كل وحدة وكيفاه مي ديرلهم الفيرني نتاعهم يتباع يبقاو هاكاك
واش نديرو نونسو رواحنا بيهم
ميرسي أختي

 

[ليليا مرام]

السلام عليكم و رحمة الله
و الله يا ليليا مواضيعك مش عار علاه نحب نرد عليهم مع اني ساعات ما نفهم فيها والو وش راكي تقولي
ههه
على كل حال مانيش عارف وش راكم تقولو هنا
انا سمعت الذهب طاح ههه و سمعت بلي كاين حية تشبه للذهب
هههه
المهم مش عارف الفرق و ين المشكل كي يكون كاين حاجة تحل محل الذهاب
خلي الزوالية تزين روحها بحية كي الذهب على الاقل تعود تبرّق من بعيد
ههه
و راكي طرحتي سؤال اذا ندي لخطيبتي هذا بلاكي و لا مش عارف ههه
و علاه ما نديهش ههه نديه و ربي كبير و ق العافية
و اذا قعدت تتشرط ههه تربح ... نجيب ختها تدي الكونطر بلاكي مش البلاكي
ههه
ايا سلام عليكم​

السلام عليكم
واشبيهم ماضيعي صلوح قالو عار علاه إحتلو غزة وإلا واش ياخي تقول الوحدة تشقا ليك للجلفة تخبطك بكف يقربع كي نتاع المسلسلات وترجع ماشي خسارة 5 سوايع مشيا لهناك راني ساحراتك عليها ترد على مواضيعي روح أجري على روحك
ايه الذهب طاح فاللمة برك وكاينة حية تشبهلو جيت نقولك جيبلي منو كي تجي تخطب نورمال ساعة وجهك مش نتاع وحدة تستحفظ عليك
تديه وربي كبير شوف مولات الشي إذا تقبلك لازم تختار اللي تحبك على جالك وتقبلك انا نقبل صلوح اما لخرين قطر الرعدة ومانيش عارفة شكون ثاني نساك لاخرين شوف إذا يقبلوا هههه
شكون هذي تدي كونطر بلاكي على سواد عيونك واقيل أمنت روحك دير رجليك فالما يبردو
سلام والعافية صلوحي