جبرية ,, النساء يتبدلو ,, بناتكم امانة

[Jorh]

سلامو عليكو
هلاااو he are you
واش حوالكم واش خباركم صحتكم عايلاتكم جيرانكم ...الخ
اعتذر عن غيابي الطويل والله الوقت مكاش كيفاه واختي زاد تقول هي لي راح تعقب الباك مش انا ربي يخليهالي
المهم ندخلو في صلب الموضوع
امامكم جبرية اي انا متخلفة اي انا عايشة في عصر الجاهلية
علاه لاني لا اعرف احدى المغنيات
امس لالا مور امس اي الثلاثاء مقريناش انجليزية وحدة ناضت تسقسي في البنات على وحدة لحقت ليا قتلها منعرفهاش
قاتلي جبرية !!!! انت حرة تسمعي وانا مش حرة كي منسمعش ؟؟؟؟؟؟؟(ومش نقول علاه تسمعو لغناء كل واحد حر في حياتو )
اه وضعيفة شخصية علاه لاني لا اضع الميك اب
.....
و يحقلي اني نروح ندفن روحي لاني لا املك شريحة اي رقم خاص بي اي ابيس
ولا املك فيس بوك ولا انستغرام والخ الخ.....
لا اعرف التطور لا زلت اعيش في العصر الحجري
كلها كلمات قالتهالي ذيك الطفلة كون انتقدتني في حوايج سلبية فيا نقولو اسيدي نصحتني
باه نغير منهم ؟؟؟ لكنها انتقدتني في حوايج كيفاه يقولوها من المسلمات لي مش حيتبدلوا في حياتي
الميك اب ياك رايحة نقرا مش رايحة لعرس
الفيس ولابيس كل حاجة تجي في وقتها
اما اهلي خط احمر .... اعصابي للان حايرة في روحي كيفاه حكمتهم
قبل ان تنتقدي او تنتقد غيرك يا صاح انظر لنفسك قيم نفسك اوزنها شوف سلبياتك ايجابياتك
مش حاجة سلبية فيك انت محاولتش تغيرها رايح تخرجها في عبد واحد اوخر معندوش ما نبا ذيك السلبية
.....
وتاني الصديقة نتع الصح تنصحك. للخير مش توريلك دواعي الشر وتقولك متخلفة (الميك اب)
حبيبتي اذا كان تخلفي هو اني منديرش الميكب ومنعرفش اسماء المغنيين ومعنديش فيس
اعتز وافتخر بهذا التخلف واخبطي راسك كاين الف نحيط
...
ثاني موضوع (حبيت نجمع المواضيع الكل مع بعض)


واش رايكم ايتها النساء كي يقولك مخلوقك زوجك راجلك مع العلم انت فقط حبيتي تنصحيه في موضوع ما ..... النساء راهم يتبدلو كي لقماج (جمع قمجة )
1تهزي قشك ولبيت بيك
2 توريلو عزي بن عزي والزنباع وين يتباع وتحطيلو سعدو بين يديه (امثال يتقالو عندنا )....اي توريلو شكون لي تتبدل كي لقمجة
3 تدعيلوا بالهداية وتضربيها بتشنيفة
4تقوليو مام الرجال يتبدلو كي لقماج
5 واخيرا تديريلو محضر نتع نقد وهو يعيط وانت تعيطي وهيا رايحة حتاه يطلوا عليكم الجيران


انا كون يقولي هكا نعرف بلي معندي حتى قيمة وراه داير مراة اخرى في بالو صح ولا لالا مهما كان وتوصل لوين ميقولش النسا يتبدلو كي لقماج راه يقول كيشغل انت رخيصة !!!!
ارائكم تهمني


واخيرا وليس اخرا
الى كل الاباء باختصار لكل الرجال
لي راح يوليو اباء في يوم ما
ابنتك ... ابنتك ... ابنتك ....
اتوسل اليكم ... متفرطش فيها ... والله تحكيلي صحبتي الدمعة طحتلي ابيها معلابالوش فيها خاوتها لولاد واحد يقول بطلي واحد يقول كملي
بالسيف وباه هديتها
راح تضيع
ولكل من خلا بنتو تضيع ربي وكيلك حسبي الله ونعم الوكيل
صحيح ابي في فترة ما توترة العلاقة لكن مخلاش خاوتي لولاد يتصرفو فيا وصح الان راه قالبني روبونزل زماني
بالمختصر قط وفأر انا وابي لكن انو تلحق حاب تزوج بنتك باه تتزوج انت وكي ما تحبش تروح تتزوج وتخليها تحت سيطرة اخوتها واحد يقول هك واحد يقولك هك
ساااامحوووني عقلي لا يستوعب
نحن في نعمة لا. يقدرها سوى فاقدها

 

[خديجة ph]

السلام عليكم
ها مولات المواضيع الزينة طلت علينا ريزارفيلي بلاصة نولي ان شاء الله للنقاش
ربي يوفقك غاليتي
سلام

 

[إلياس]

وعليكم السلام اختي منى
مرحبا بعودتك بمواضعيك الشيقة لي عودة إن شاء الله للموضوع تقبلي تحياتي

 

[ناصر dz]

موضوع رائع مشكوررررة

 

[خديجة ph]

هاني وليت
السلام عليكم مجددا ولا يحلو السلام الا بذكر خير الانام نبينا العدنان المصطفى عليه الصلاة و السلام
اما بعد يا لالة
نبداوها بحكاية المكياج و المغنيات و ... المهم خلينا نقولو التفسخ الاخلاقي لكي لا نقول الانحلال الاخلاقي لانها تبان كلمة أكبر شوي
لكن مؤخرا صار هذا التفسخ احد سمات الانفتاح و الحضارة و الرقي يعني من لا تفعله او يفعله يوصف بالتخلف و كيما قلتي بانه جبري منطوي معقد و اكثر من هذا جايح
في الحقيقة هناك صفات جيدة تظهر مع كل تقدم حضاري يجب على الانسان مراعاتها لكي يظل من ابناء جيله ولا يتخلف عن الركب
مثلا تسألي شخص هل تستعمل الانترنت و هو طالب ثانوي و يقولك لا اعرف ما هو هنا تقدري تقولي انه سيتخلف عن الركب الحضاري و سيفوته الكثير و يبقى انسان عادي يكون مثلا اختار عيشة البدو فلا بأس يظل انسان لديه خيرة في مجال غير مجالاتنا ذلك لان النت يستعمل لجمع المعلومات تسهيل الاتصالات تطوير الذات ...
اما انه انسان ما عندوش هذا الانستقرام او التيك توك او غير ذلك من مواقع الفرفشة و النعنشة فهذا لا يجعل من الانسان متخلف عن اي شيء مفيد ولم يفته ما يندم عليه لانها مواقع لم تصمم لتزيد في الحضارة و الرقي أي شيء بل بالعكس لتلهي الانسان عن كل ما هو مفيد
فقولي لصحبتك الحمد لله لا اعرف فلانة المغنية لانني ادرك ان معرفتها لن تسعدني و لن تشرفني يوم القيامة كذلك المكياج و كل هذه التوافه
اما بالنسبة لموضوع لو قالك زوجك البنات يتبدلو كيما القمايج ههههه
فهنا لازم نعرف اولا مواصفات الزوج هذا اذا انسان متربي و متدين و ولد فاميلة ولا كان اختياري سيء من الاول
اذا كان الزوج سيء الخلق فكل اناء ينضح بما فيه فلا اتعجب من تصرف كهذا ولا احزن بسبب هذه الكلمة انما بسبب اختياري السيء و الله المستعان فستكون كل حياتي سيئة ان لم يتغير
اما ان كان زوج ذو اخلاق و قال كلمة مثل هذه فأنظر في اي حال قالها
اذا كان غضبان فهي ساعة غضب و شيطان و العياذ بالله و سينساها واذا رأى اني غضبت بسببها فسيعتذر
اذا كان يمزح و يريد يفورلي دمي فقط فهنا هو دقدق الباب و سيسمع الجواب ولا اعرف احدا هزم زوجته في اللسان ههههه طبعا بمزاح فقط ههه ثقل المزاح يعتمد على مدى ثقل كلامه هو
اما ان كان يعنيها بدون غضب و لا مزاح فهنا معناها يريد ان نجري نقاش و انه لا يريدني زوجة له او انه يتمنى زوجة اخرى و في الاغلب لن ينتهي على خير
اما عن تربية البنات يا غاليتي فأعتقد ان حواء خلقت من ضلع اعوج لسبب واحد لتنحني و تتحمل مالا يتحمله الضلع المستقيم حائط الصد بارشوك تاع السيارات تتحمل كل شيء لترى من تحبهم سعداء هذه حواء تحتوى آدم و ابناءه بطلباتهم مرضهم و صحتهم المهم و فرحهم خلقت لتهتم بالاب و الاخ و الزوج و الابن فطوبى لمن بادلها الاهتمام بالاهتمام و الحب بالحب فقد سار على خطى الحبيب صلى الله عليه و سلم كان يقول عن فاطمة رضي الله عنها انها ريحانة اشمها
سامحيني عالاطالة
سلام

 

[بسمة القلوب]

شكرا حبيبتي كثرتي علينا المواضيع ههه
المهم في الموضوع الاول نقولك كل واحد و شخصيتو و يعيش كيما يحب و المبادئ لي دارهم هو و يكون مقتنع و خلي لي حب يهدر و يضرب راسو في الحيط
في الموضوع الثاني اذا قال الزوج هاكك فهذا زوج يطول يقصر يزيد امراة اخرى لحياته لان هذا ان دل على شيء انما يدل على عدم اقتناع و رغبة في التغيير ...