ملاحظاتي تجاه المنتدى و الأعضاء..كفاكم عنصرية..

[النظرية المتمردة]

السلام عليكم و رحمة الله تعالى و بركاته

بعد السلام يأتي الكلام << حاجة باينة..ادخلي في الموضوع

حبيت نقول رأيي بالمنتدى..المننتدى راقي و رائع جدا

لكن فيه سلبيات تخلي بعض الأعضاء يولو>>:cursing: و ممكن حتى يرحوا من هنا :sad:

رح نقول ملاحظاتي في << مزال مبتيديش..أيا خفي

1- المواضيع المتشابهة و المكررة : نلاحظ تشابه المواضيع و تكرار الفكرة ، عييت :confused1: المواضيع بزاف يهدرو على المرأة و الرجل..البنات يقولو احنا خير منكم و الشباب كيف كيف (حنا شابين عليكم..حنا اذكى منكم..حنا.......) بففففففف...علاش الله يوم القيامة يشوف جنسنا ولا فعايلنا؟؟؟؟؟:confused1:

و ما نهدروش على مهند و نور و يحيى و لميس...كرهتهم ..تقولشي مكاش في الدنيا غيرهم :cursing:..عاطينلهم قيمة تقولشي هما أسياد العالم..


2-العنصرية بالردود على الموضيع و الرد على من يرد على موضوع الكاتب: هنا بالمنتدى لاحظت وجود فرق و مجموعات، أصدقاء بالمنتدى ، ما يروش غير على بعضاهم ، كاين لي تشوف بلي موضوعو عادي بصح عدد الردود كبير..يرجعو الموضوع تشات ، و حتى لي يردو على الموضوع ميردوش غير على اللي يحبوهم و يعرفوهم..وشنو هاذ العقلية؟

علاش كاين أعضاء عندهم مواضيع جيدة لكن حتى المشاهدات غير موجودة..لأنه عضو غير معروف و ما عندزش صحاب..:cursing:

هكذا يروحو الأعضاء..و أنا صراحة فكرت اني نروح كي شفت بلي كي حطيت موضوع واحد ما قيمني..لوكان ما ردوش عليا بصح كاين مشاهدات كنت قلت بالاك ما عجبهمش..بصح على جال لي معنديش صداقات و اسمي مشي معروف..واحد ما علابالو..بالمقابل الذأعضاء المحبوبين غير يحطو موضوع كامل يردو عليه مام يكون الموضوع جايح و مكرر أو منقول..

هذا يتتسمى قتل الحماس و الإبداع بالمنتدى

3- الرد على المواضيع و الردود الجدية بسطحية أو عدم الرد عليها : كي يحط واحد موضوع يحتاج نقاش جاد و يجو يردو عليه بسطحية ، و لا يرد واحد بجدية على موضوعك و ما تردش عليه و لا تقولو مشكور برك..هذا معناه رأيو مشي مهم..و ما كان لاه يعيي روحو..يقولك مشكور و لا يكتب جورنال..كيف كيف..

واش يكون رد فعل العضو؟ أكيد ميزيدش يقيمك هو ثاني و يعتبرك إنسان سطحي ما عندكش راي و الموضوع منقول و لا مشي رايك..ماعندكش رأي سديد لثقافتك المحدودة..أو حتى مقريتش الموضوع لكن حبيت تزيد عدد مساهماتك و لا تبين بلي راك ترد على المواضيع..وش من فايدة ترد عليه؟؟؟؟؟ باش متبريزيهش و لا مجاملة برك؟؟؟؟؟:confused1:

هذو السلبيات اللي لاحظتهم فترة تواجدي

أما الإيجابيات فهي التي جعلتني أتمسك بوجودي بالمنتدى

فمن خلال خبرتي الصغيرة بعالم المنتديات و كيفية انشاء المنتديات ..يمكنني الجزم بأن المستوى التقني جيد جدا..و تسيير المنتدى يدل على تميز الإداريين..

إذا لا تخربوا المنتدى و لا تجعلوا الأعضاء ينقهورون و يغادروا المنتدى..:crying:

أتمنى النجاح لهذا المنتدى الذي أحببته جدا..بالرغم انني لم أحب سلوكات بعض الأعضاء فيه..

فلنكن من المساهمين في ترقيته لا في تدميره..hmy:

تقبوا خالص تحياتي

أختكم النظرية المتمردة :angel_not:

​

 

[4LI_4LGERI4]

شكرا على كل شيء ..

وإن كان ما ذكرتموه قبل المدح عمت به البلوى في كل المنتديات سواءٌ بسواء .​

 

[مروة]

بارك الله فيك عندك الحق

 

[حفيد هواري بومدين]

خاطاك العنصرية جابت طبقات
كلنا من ادم وادجم من تراب

كيما قال لطفي دوبل كانو


خليني نحكي خليني نعبر

 

[issam black]

يعطيك الحق يا خويا و خاصة في حكاية نور و مهند صرعتونا بيهم

 

[maya31]

اختى انا ما نجيهتي جامي ما دخلت للموضوع و ما رديتش عليه
و حتى انا كتبت موضوع و كان رد عليه غير واحد و مشاهادات كثيرة

حنونتي ما تروحيش من المنتدى
نزعفو عليك
و بارك الله فيك على الموضوع الرائع

 

[النظرية المتمردة]

شكرا على كل شيء ..​

وإن كان ما ذكرتموه قبل المدح عمت به البلوى في كل المنتديات سواءٌ بسواء .​

يسعدني أن أول من رد من الإدارة:biggrin:

هذا يدل على أنه لا يوجد ترفع من الإدارة و هو ما جعلني أنسحب جزئيا من إحدى المنتديات التي كنت أعطي فيها كل ما لدي..

قضيت سنة و أنا أسهر و أنفذ ما يطلبون من مواضيع..فمرة طلبوا موضوع حتى يضعونه في مجلة المنتدى..رغم أنه كان عندي اختبارات و الموضوع معقد ..لكنهم فرضوا علي أن أسلمه في ساعات..

و لما سلمته طلبوا أنني أعدله..عدلته..ثم قالوا أن الموضوع طويل أنجزي ..و انهم يريدون موضوع آخر بدله..:cursing:

تعرضا لاساءات من بعض الاعضاء بالمنتدى( و لست الوحيدة) و لم يطروا هؤلاء الأعضاء و لم يحذفوا إهاناتهم لي إلا بعد الإلحاح..

الغداريين كلهم متكبرين..يهينون الأعضاء باعتبار أنهم المشرفون و يعرفون مصلحة المنتدى

كل مرة يرحل أعضاء

و لولا صداقاتي هناك لما دخلته أبدا..



هذا المميز هنا..الإداريين لا تحس أبدا انهم كذلك..:angel_not:..تحس أنهم أعضاء..يشاركون و يتفاعلون دون تكبر أو عنصرية..

إن شاء الله تبقون هكذا..

 

[النظرية المتمردة]

بارك الله فيك عندك الحق

و فيك بركة..شكرا لك :biggrin:

 

[النظرية المتمردة]

خاطاك العنصرية جابت طبقات
كلنا من ادم وادجم من تراب

كيما قال لطفي دوبل كانو


خليني نحكي خليني نعبر

راني نشوف في المنتدى عنصرية و طبقية نتاع الصح

بصح هذي مشي عقلية

نورمالمو حنا كامل خاوة و من آدم و حواء كما قلت

يعني نحكمو على الموضوع من حيث المستوى مشي من صاحب الموضوع إلا نحبوه و نعرفوه و لا لالا

 

[النظرية المتمردة]

يعطيك الحق يا خويا و خاصة في حكاية نور و مهند صرعتونا بيهم

وقتاش يخلاصو المسلسلين و يهنونا منهم

:confused1:

إن شاء الله برك ما يجوش مسلسلات وحدو خرين كيما هكا

 

[حفيد هواري بومدين]

لأنه عضو غير معروف و ما عندش صحاب..:cursing:


راني نبني جاهدا باش نكونو كل صحاب
ولاد نجمة وهلال

 

[النظرية المتمردة]

اختى انا ما نجيهتي جامي ما دخلت للموضوع و ما رديتش عليه
و حتى انا كتبت موضوع و كان رد عليه غير واحد و مشاهادات كثيرة

حنونتي ما تروحيش من المنتدى
نزعفو عليك
و بارك الله فيك على الموضوع الرائع

و فيك بركة حنونة:biggrin:

متخميش إن شاء الله ما نروحش خاتش نحب المنتدى بزاف:drool:

و ما نذبش عليكم

كاين أعضاء بزاف فور ما شاء الله

إذا درت هذا الموضوع..فلأني آمل أن يغير البعض بعض تصرفاتهم :crying:

ذلك لأجل الأعضاء و المنتدى الذي أغار عليه

شكرا على كلامك الأنيق

تحياتي لك :angel_not:

 

[النظرية المتمردة]

لأنه عضو غير معروف و ما عندش صحاب..:cursing:


راني نبني جاهدا باش نكونو كل صحاب
ولاد نجمة وهلال

هذي هدرة :thumbup: نستعرف بيك:biggrin:

ديجا المنتدى و سمو فور آلجريا " اللمة الجزائرية"

يعني نتلايمو كاصحاب و أخوة:blush:

الله لا يبعدنا لا بعض و لا يخلي إلا المحبة و الخير بيناتنا

تحياتي لك

 

[koukou9927]

عندك الحق يا أختي ، المعرفة وصلت حتى اللمة ، اللي يعرفوه يردوا عليه ، واللي مزال تحت التراب يغموه ، وما يدنقوش فيه .
شكرا على الطرح

 

[mohamed ali 1992]

جزيل الشكر أختاه على التذكير والتنبيه ونأسف للأصناف المذكورة

بارك الله فيك أختي الكريمة

وذكر إن الذكرى تنفع المؤمنين
​

 

[النظرية المتمردة]

عندك الحق يا أختي ، المعرفة وصلت حتى اللمة ، اللي يعرفوه يردوا عليه ، واللي مزال تحت التراب يغموه ، وما يدنقوش فيه .
شكرا على الطرح

نورمالمو حاجة لي منحبوهاش لينا :scared:ما نحبوهاش لغيرنا

بصح كاينة حاجة

هذو الناس يجي نهار و يولو غير صحابهم يردو عليهم:w00t:

و يجي وقت حتى صحابهم و يدورو عليهم :tt2:

صرات بزاف..و البقاء للأقوى و لصاحب النفس الطويل و المواضيع الراقية :yahoo:

 

[سفيان بوغرارة]

بارك الله فيك على هدا الموضوع والله صراتلي انو تنحت مشاركتي على الرد على بعض الاخوات ما عمبليش علاه والفائدة من تكوين اللمة هي تبادل الاراء والمشاكل اللي تخص شبابنا لا شيء اخر وشكرا على اثارة هدا الموضوع الهادف ونتمنى مايكونش هدا التمييز اللي نده ديننا الحنيف تقبلي فائق الاحترام والتقدير

 

[النظرية المتمردة]

جزيل الشكر أختاه على التذكير والتنبيه ونأسف للأصناف المذكورة​

بارك الله فيك أختي الكريمة​

وذكر إن الذكرى تنفع المؤمنين​

أنت من المفروض لا تتدخل


الموضوع لا يخصك



:angry:

:angry:


:angry:


:angry:


:angry:

:angry:



:angry:



:angry:


:angry:


أتعرف لماذا؟

:glare:

:glare:



:glare:


:glare:

:glare:

لأنك لست مثل من ذكرت أبدا..و لاحظت مواضيعك و ردودك التي تنم عن ثقافتك الجيدة و أخلاقك و أسولوبك الراقي و الجاد في الحوار

لو كنت مديرة الموقع لعينتك مشرفا :biggrin:

ما شاء الله

الله يحفظك

 

[النظرية المتمردة]

بارك الله فيك على هدا الموضوع والله صراتلي انو تنحت مشاركتي على الرد على بعض الاخوات ما عمبليش علاه والفائدة من تكوين اللمة هي تبادل الاراء والمشاكل اللي تخص شبابنا لا شيء اخر وشكرا على اثارة هدا الموضوع الهادف ونتمنى مايكونش هدا التمييز اللي نده ديننا الحنيف تقبلي فائق الاحترام والتقدير

و فيك بركة

يمكن انحذفت الردود لانها تخالف قوانين المنتدى :glare:

صدقني الاعضاء العنصريين يجي نهار و يحولو و يخسرو محبة الأعضاء و الردود

ما يدوم غير الصح..:biggrin:

تقبل خالص تحياتي :angel_not:

 

[صفاء بت قضبى]

موضوع واقعى...مشكورة
فمن الملاحظ العنصرية والشللية فى بعض الأعضاء .
ويجب أنا نحارب هذه العادة للمصلحة العامة ...وأن نتجرد ونرد بكل حيادية فى المواضيع المطروحة.