واشكم ناس اللمة سافا سور كامل تخممو فالماتش:tears: مبقاش وقت وهدي اخر فرصة لينا واش حيصبرني للسبعة ونص
المهم انا اليوم حبيت نحكيلكم على البنات الي عادو هابلين على الزواج و بالتحديد الزواج في فرنسا
معندهاش باسر وين جاتنا خالتي من فرنسا وهي عندها طفل في عمرو 25 سنة مالا بنات الجيران كامل كي سمعو مازال عندها طفل مازال متزوجش عادو كل يوم عندنا وحتى وحدة ماتدخل يدها فارغةولاو كامل فحلات وحدة طيبتلنا القاطو وهي في دارهم كاس الماء يجيبوهولها ليدها و لخرا دارتلنا المحجوبة و كاين وحدة خرجت فاها طول وقالت لاختي كان حب يخطب متنساونيش والمشكلة انهم مازالو صغار و الكبيرة فيهم عمرها 19 سنة
وانتم واش رايكم في هاد التصرفات ولبنات تحبو تتزوجو في فرنسا حتى واحد متعرفوهش و جامي شفتوه غير باه تروحو لفرنسا