مرحبا بيكم في وهران (هدرة spesial oran )

[hiba17]

وينتا تزوجت بش تطلق يا خويا عادل هههههههههههههههههه يا ختي فاتي حاولي تهديه و ترجعيه في قراره رانا صرفنا دم قلبنا على العرس و درك حاب يطلق الله يهديك حاول تستحملها شويه و الطلاق مرهش ساهل في وقتنا راك عارف حقوق المراه راهم زادو درك مين تتجوز و تطلق بسرعه هاك غادي خونا احمد يخاف مسكين و يزيد يحكم رايه و يقول ما نتزووووجش احنا رانا دايرين حمله لتزويج الشباب و اي واحد حاب يتزوج يخليلنا la demonde و احنا نقومو بيه انشاء الله :sun:
....................................
و يا ختي فاتي العرس تع دوار بلقايد ندو فيه عرس خونا احمد و من ناحية بلاطو يا ختي الحمري راه بعيد علينا شا جاب لينا حمراوه الله يبعدهم علينه :^)

 

[عادل]

السلام عليكم
اولا انا اسف النى ما رديت من زمان والسبب اني كنت اكتب في الرد ولما قربت اخلص راحت الكهرباء
المهم رايح افتكري شو كنت رديت ااااااه
انا معلابليش واش رايح نكتب لان المعلومات كثيرة وانا شوى ثقيل لذا رايح اختصر كلامي في نقطتين
يا سي لزرق والقائدة ليلو ووو الحر ب منيش داخلها حاااربو انتم برك انا مريح غير نتفرج لاني خوااااف نخاف نموت قبل ما نتزوج :P
اما عن الزوجة يا فتفوتة وهبهوبة ( اسم الدلع هيبة شو رايك ) علابالي مليح مكلاه تقوليلي بدلوو اخاطر منيش رايح نبدلو المهم انا رايح نطلق راهة مطلقة من ظرك واما عن الاشياء التى سوف اخسرها فأن زوالي ومفلس ومعندي والو :evilgrin:
يلا اسف لو كنت نساي شىء لان ردودكم كنت قرأتها قبيلة اما الحين دخلت ارد بس
سلامووووووووووووووووووووووووووو
​

 

[hiba17]

السلام عليكم يا احلا اعضاء في احلا منتدى راني حابه نقولك يا خويا عادل مادام قررت تطلق ماعلينا غير نسمعو كلامك و واضح انو ما بقات عشره بينك و بين العروسه بصح هي راهي طالبه مؤخر قيمتو كبيره ;(و انت كيما راك تقول زوالي مسكين ..........بصح ما تخممش مدام هبهوبة( ههههههههه كيما سميتني )هنا ما تخمم في والو غادي نديرولك تيليطون و نجمعو المبلغ تع المؤخر باش تعطوه للعروسه و توسعك ......................
........................................
و هذه دعوه لكل الشباب لمن اراد الزواج عليه بالتسجيل و نحن نبحث له عن عروسه تناسبه و كل واحد يكتب المواصفات لي يحبها

و اجرنا عند الله

 

[عادل]

السلام عليكم
هبهوبة كي عاد راكي حابة تديري تيلطووون نقلك زيدي واحد باش نتزوج من جديد ونشري كاش توارق ولا سيري 6 نجيبوها من المصنع قبل الغاشي
يلا يلا بحرتو ولا واش ارواحو للمدرسة ارواحو رانا نستناووووو
فتفوتة لزرق ليلووو وين راكم ؟؟؟
​

 

[AHHMED]

سلام و عليكم
اختي فاتي اولا مبروك علينا ان المضوع اصبح ثابت والثبات لله و الشكر يرجع المشرفين والرقابة ..........
و لن انساء الطلبة الدئمين في هل المضوع الشيق...........................


عادل الحمد لله على رجوعك طولت وطال جوابك...................
هبهوبة اه نسيت واسش اسمك ......اههههههههههه...لفيتك غير تبكي على لعروسة لمطلقة ...و فكريني في طلطون الهاذ العريس انعودولو العرس عدنا هنا في الصحراء ....مرحبة بيكم .كلش موجود.........و العرس اندروهلو في وصط النخيل................
ليلو........بركاك من الضحك علية خلاص قلتلكم راني ازرق...................صح سولت عن الكوشة والله انا الي ضحكت على روحي وين راني من الناس خلاص راح القطار علية.....................
فاتي بصحتك لبحر ............الاخت كريمة يضهر ما اعجبهاش الحال................
اه نسيت اختي ابنت امي لقد سجلد نفسها في المنداء.................
اخيكم احمد لزرق

 

[fati-oran]

صباح الخير عليكم
يو يو يويويو
بالباراكة علينا تثبيت الموضوع
................
لا زملها حفلة ندخلوها مع التيليطون نتاع عادل
واش راكم قولولي كاش سخانة انا كنت معرسة من نهار الاربعاء على هاذيك ماجيتش
احمد كاش سخانة عندك انت وليلى
وانت عادل صايي عولت على خلاها راك باغي طلق
بصح العروسة عندها شرط لازم تخرج وتخليلها الدار
رايحة تطردك من البيت
......................
اعضاء الموضوع رايحة نخليكم في هذا شهر اوت
ونوكل هيبة في بلاصتي على خاطر راهي كيفي بنت وهران
وتعرف العقلية
...........
..............
والله ماراني قادرة نخليكم بصح الله غالب عندي scout هذا الشهر
لازم نروح
..............
تهلو في رواحكم خوتي والله ماننساكم عندي غير انتوما
احمد ليلى عادل هيبة كريمة وكامل اعضاء المنتدى
راني نبغيكم بزاف دعولي ربي ماياكلنيش الذيب فالغابة
...............
تهلوافي رواحكم وماتنسوش الموضوع لازم تشرفوني
...........
باااااااااااااااااااااااااااااي

 

[عادل]

السلام عليكم
مبروووك عليكم التثبيت .. نستاهلو الصراحة :biggrin:
فاتى ردي بالك من الذيابة في الغابة راهم يقول الذيابة يحبو لحم الاساتذة يستبنوه ( اكيد رانى نقجم معاك ) بصحتك الاسترخاء في الغابة وردي بالك ورجعيلنا بسلامة ونتمنالك عطلة سعيدة ملئها الفرح والاستفادة ان شاء الله
هبهوبة ورينا شطارتك في المدرسة متنسايش انى المدير هنا يعنى التالميذ يلازم ينجحو سينو تبطلي انت داكووور
ليلووو واش كاين وعلاش هذا الغياب خير ان شاء الله اااه نسيت واش حالة الحروب عندك رانى خايف برك تولى تحاربي فينا احنا
يا سي احمد يا لزرق طووول بالك راهم يقول الشجرة المليحة هي لي تنظرب بلحجرة باش تعطي الثمار الحلو وانت في بالك لقيت جماعة يظربو شجرة اصلا لا ثمار لها ؟؟؟؟ لا اعتقد ذلك لذلك خليك كوووووووووووووول وارمينا بثمارك الطيبة وخلي قلبك كبير ولا تهتم
كريمووووو واش حظرتي حصتين ومباعد ولا خبر ؟ وعلاش خير ان شاء الله
يا جماعة المدرسة راها امانة من عند فاتى ردو بالكم عليها
يلا رانى نستنا فيكم
:call:
​

 

[hiba17]

السلام عليكم يا احلى ناس و احلى اعضاء في احلى منتدى انا اسفه على التاخير خاطرش ماكنتش في الدار كنت في العاصمه كان عندي عرس فات فيلم (هايل) و تمنيت لو كنتو معايه و درك عرفت بلي اختنا الحبيبه فاتي رشحتي في بلاصتها و هذا شيء يسعدني و انشاء الله نحسنو المدرسه باش كي تجي فاتي تفرح و ما تقولش بلي كي راحت رقدتو ما تحشموناش يا خوتي
و بداو للتيليطون تع الطلاق لخوكم

و متنسوش الله يرحم والديكم لي حاب يتزوج يقولنا مواصفات لي راه حابها و كل سي علينا الفرصه تجي مره مشي 2 اغتنموها و لن تندمو

 

[karima]

السلام عليكم

مساء الخير لاني في المساء كيف الحال
خويا لزرق صار هكدا ما اعجبنيش الحال ياك عارف بلي عجبتني قعدتكم والدليل اني ادخلتها
بصراحة كنت نستني في المعلمة وصاحبة القعدة لكن خسارة راهي راحت
المهم مبروك اعليكم وانا معاكم التثبيت وما تنساو راني كنت فال خير اعليكم كي دخلت ثبتوا موضوعكم
على هذيك انقول للمعلمة كثريلي القاطو
اتهلاو في رواحكم وان شاء الله ترجع ايامكم وترجع معاها البسمة
في امان الله
تقبلوا فائق الاحترام والتقدير ​

 

[hiba17]

السلام عليكم خوتي و الله الي القسم بدون فاتي مراهش جايني قاع بصح انشاء الله نحاولو مع بعضنا نخلوه احسن باش كي تجي تفرح و مرحبا بيك يا ختي كريمه المدرسه مدرستك .:sun:
...............................
و بمناسبة التثبيت جبتلكم طارطه :clap:

​

..........................راني نشوف في الحاله راقد بزاف;(;( مكان لي بغا يدير معايه تيليطون لعادل مكان لي بغا يسجل روحه بش نزوجوه مالا غادي نقلبهالكم قرايا و مكان لا عراس لا حفلات فهمتو انا معلمه شديده و منبغيش اللعب و الزعاقه و راني نعلن ان عادل المدير و احمد الملقب بلزرق المستشار العام و اي تلميذ يتغيب على المدرسه اكتر من يوم راه العقاب تاعه عندي و الله لا يوصلكم للعقاب .

 

[hiba17]

السلام عليكم خوتي و الله الي القسم بدون فاتي مراهش جايني قاع بصح انشاء الله نحاولو مع بعضنا نخلوه احسن باش كي تجي تفرح و مرحبا بيك يا ختي كريمه المدرسه مدرستك .:sun:
...............................
و بمناسبة التثبيت جبتلكم طارطه :clap:

​

..........................راني نشوف في الحاله راقد بزاف;(;( مكان لي بغا يدير معايه تيليطون لعادل مكان لي بغا يسجل روحه بش نزوجوه مالا غادي نقلبهالكم قرايا و مكان لا عراس لا حفلات فهمتو انا معلمه شديده و منبغيش اللعب و الزعاقه و راني نعلن ان عادل المدير و احمد الملقب بلزرق المستشار العام و اي تلميذ يتغيب على المدرسه اكتر من يوم راه العقاب تاعه عندي و الله لا يوصلكم للعقاب .

 

[karima]

السلام عليكم

صباح الخير
هيبة الرائعة انا غير شفت هذيك الطورطة دخلت نجري
مشكورة يا الغالية
وعندك حق لازم انشرفوا لمعلمة اديالنا
رانا نستناو في خونا لزرق واختنا ليلو راهي في الحروب ان شاء الله ترجع
وعادل وين خونا
المهم اكيد ترجع الايام تاعهم وترجع معاها خفة الدم والانس
تقبلوا فائق الاحترام والتقدير​

 

[ليلى الجزائرية]

السلام عليكم
كي راكم يا خوتي لعزاز ...............يا خي غاية وحاكمة عندكم صح ولالا ...............اختي هبوهوبة كيما قال عدولة ..............احنا ماقدرناش نحضرو الدروس دياولك لخاطر الليكول بعيد على البحر لخاطر السخانة قتلتنا

كريمة توحشتك حنونتي كي راكي .........................ان شاء الله عجباتك مدرستنا ............على فكرة الحروب هاذ الايام انا بعيدة عنها والحمد لله راني عاملة هدنة :sun:......................خويا عدولة وين رحت ولا خلاص بطلت تطلق .....................احمد يالزرق فاتي بتسلم عليك وتقلك ان شاء الله نعود عن قريب ...............اما انا نقولك ان شاء الله ماتكون زعفان من الموضوع اياه وخلاص قررت ...........نتمنى تعود عن قرارك وتولي لينا

اختكم ليلى
دخلت للاطمئنان عن الاحباب لاغير ساعود عما قريب

 

[hicham_si07]

خاوتي انا نقرأ في وهران
عندي عامين وهذا الثالث
بصح مازلت ناقص هدرة وهرانية

 

[hicham_si07]

ان شاء الله نوالف بيها هالعام

 

[عادل]

السلام عليكم
يؤيؤيؤيؤيؤيؤ ليلووووووو من جديد في المدرسة ليلو وليتى كي لقمر منين دلك باش تباني ولقمر في الشتا ثاني المهم مرحبا بيك من جديد وبصحتك الشبشاقة ااااه اقصد لبحر علابالك لزرق نتاعنا راه حاب يملص من عندنا ويهرب علينا
كريمووووو ياهلا ومرحبا بيك لكن الظاهر انك طالبة كسولة :evilgrin: مناش شايفين نشاطك
هبهوبة راكي فالحة غير في القاطو والتورطة شولك كاش خدمة مليحة في المدرسة بركاك من التفنين
يا سي لزرق ترجع ولا نرحو نجيبولك الغيطة ( الزرنة) باش تولى :party:
ونرحب بكل التلاميذ الجدد اهلا وسهلا ومرحبا بكم معنا في مدرسة فاتي لتعليم السياقة خخخخ ااااف اقصد لتعليم اللهجة الوهرانية
​

 

[AHHMED]

بسم الله الرحمان الرحيم

 

[karima]

السلام عليكم

اممممممممممممممممم:dull:
المدرسة راهي فارغة
وينكم يا جماعة لتكونوا في مدرسة اخرى :thinking:
المهم كي ترجعوا قولولي
خويا احمد اهلا وسهلا بعودتك
منور خويا
ما بقى واش انقول
اتهلاو في رواحكم
في امان الله ​

 

[noor1]

سلام عليكم
و الله اني احبكم يا وهرانيين
لكن ابغى حدا يعلمني لانو ما افهم كثيرا

 

[rostom]

يعطيكم الصحة كامل ...
~
~
بالصح حبيت نقلكم

باللي غاضتني عمري

كي ما حضرتش من الاول .. بالصح من اليوم راني هنا

~
~
انا من الشرق الجزائري ’’’ ونعرف التسنطيح

بالصح راني حاب نعرف واش هو التسنطيح في وهرن


بالرغم راني عايش في وهرن بالصح فهموووونييييي

​