مرحبا بيكم في وهران (هدرة spesial oran )

[fati-oran]

سلام كيراكم كاش تسنطيح ولا والو حنا رانا داخلينها روبلة

انا tradicteur يلا بغيتو تعرفو كاش كلام وهراني je suis la لي بغيتوه

 

[Fethi.dz]

كي راك خووو مرحبا بيك

بيناتنــا ان شاء الله تفيد و تستفيد

و تعلمتنــا الهدرة الوهرانية

بصح التسنطيح خاطينا ... خليه عالجنب

تحياتي​

 

[ليلى الجزائرية]

صحيتي اختي فاتي وهران واحنا غاية غاية ...........وكلام الوهراني مافي مثلو
وان شاء الله نتعلموه منك ....................التسنطيح كاين غير هوا خصوصا عند خويا فتحي
اقصد ابن الجزائر ....................................ونستناوك تعاودي تردي علينا بالوهراني يالوهرانية
اختك ليلى الجزائرية​

 

[AHHMED]

كيراكم دايرين واه انا مافهمتش التسنطيح
فهمونة مالكم باش انجمعو معاكم

 

[fati-oran]

:واه خويا ahmed التسنطيح ça veut dir الهبال et fait des chauses خارجة على العقل و متستعرف حتى بواحد هاكدا ليلى ختي ولا شا قلتي راكي معايا في الروبلة ماله ابن الجزائر les viss طاروله حسبني شير ماشي شيرةtellement مسنطح انا نقول يجي عندنا لسيدي الشحمي مارحبا بيه كاين بلاص في كل وقت
ههههههههههههههههههههههههههه

 

[Fethi.dz]

:واه خويا ahmed التسنطيح ça veut dir الهبال et fait des chauses خارجة على العقل و متستعرف حتى بواحد هاكدا ليلى ختي ولا شا قلتي راكي معايا في الروبلة ماله ابن الجزائر les viss طاروله حسبني شير ماشي شيرةtellement مسنطح انا نقول يجي عندنا لسيدي الشحمي مارحبا بيه كاين بلاص في كل وقت
ههههههههههههههههههههههههههه

ههههههههههههه

حبة حبة علينا يا خوو بلعقل

خلاص جاي عندكم .. هات نلقى بلاصة اللي في كل وقت موجودة​

 

[oranian]

في خاطر قٌاع المسنطحين و المسنطحات و تاحيا الروبلة و الهبال و الي بغا يعرف كثر
يضرب عندنا دورة لوهران و نرحبو بيه و نتهَلو فيه و نورله لهبال ولا شا قٌلتي ختي
مرحبا بيكم في وهران

 

[ليلى الجزائرية]

واه خيتي التسنطيح معاك فيه ونيشان انتي في كل كلمة قلتيها ...................ووهران بلاد الربلات

بصح اسمحيلي انا شويا امية في الكلام الوهراني داخل المنتدى

مانيش باغيا يولو مش عارفين كيفاش يردو علينا .............غير بشوي عليهم

غادي نورولهم هبالنا الحلو والباهي كيفنا ...............بلاد الزهو وهران

وعيش غاية معانا خويا احمد وخويا فتحي

فتحي وين غادي تروح لسيدي الشحمي

اختك ليلى الجزائرية​

 

[AHHMED]

سلام وعليكم
واه اختي راكي القيتي الاخت ليلة تعاونك غير بشوي علينا .. بغيت نطرحلكم سؤال واش تقولو كي تبغو تعيطوا لجماعة
والله كنت في وهران غير كما … وانا حاب اندور فيها بلة رسمييات ..
راني غير حاير سيد الشحمي هذا فندق للتحبوهم باش اربو الشحمة .. ولا راني غالط ...
ياخوية فتي قارع انروح معاك بخاطر اختي ليلة عرضتك غير وحدك
خوكم احمد

 

[AHHMED]

شكرا للأخت الوهرانية وعن الفكرة الرائعة الذي يتعلم فيها الأخ أو الأخت اللهجة وان تسمح للمشارك أن يعرف بعض الكلمات ولو نجد فيها بعض الغلاطات الإملائية لا يهم ...و أرجو أن تعوم جميع المناطق من الغرب إلي الشرق ومن الشمال إلي الجنوب أشكرك
أخيك احمد

 

[fati-oran]

خويا oranian ماتنساش دوار دوارنا و حنا ماليه gdl
خويا ahmed سيدي الشحمي hotel نتاع مهابيل
حنا نرحبوا بالضيف في hotel شيراطون 1.5million par nuit حاشاك
شكرا mk على التحية
ختي ليلى il faut تتعلمي مارحبا بيك في وهران راكي باينة نتاع هبال

 

[ليلى الجزائرية]

الا ختي فاتي قارعي شويا انا قلتلك نعرف الوهراني بصح صعيبة عليا نهدرو فالمنتدى باه خوتنا الي مايعرفو وهراني يتعلمو بشويا ...................اخي فتحي قتلك انت ليك سيدي الشحمي ...............

وخويا احمد مابغيت نعرضك على سيدي شحمي لخاطر تسنطيح تاعك مش الي يدي لسيدي الشحمي

وغاية عليك

دواركم وين جاي اختي فاتي

دوارنا احنا يسموه سيدي عيسى هههههههههههه

ليلى الجزائرية​

 

[AHHMED]

وعلاش اختي فاتي احنا قولنا اصحاب وهرن اعلمونة الهدرة وتقليد انتاعهم وبعد ارسلتونا لنوتلات …وين راهي ختنا ليلة تسمع..راها بعثتني على هواية لالة ،،ياختي سيد اشحمي خير من انوتلات

 

[ليلى الجزائرية]

ههههههههههههههههه خويا احمد انت تسنطيح عندك يهبل .........وسيدي الشحمي قليل عليك لازمك

حاجة فور والله .................كي تتعلم الوهراني ............غادي منعرفوكش منين انت ونينو جاي

نقولو عليك ولد المدينة ..............وهبالك هبال وهراني ساك

غاية عليك


وفاتي حابة تخلي غير دوارهم هو الماشي والباقي حابس



مشيها سوفي احمد ............مش هكى خير ..........​

 

[fati-oran]

قلتلك نرحبو بيكم في hotel كلشي خالص من عندنا يلا ماتحبوش les hotels pas de probleme نرحبوا بيكم في بيوتنا بعيد الشر عليكم من سيدي الشحمي
ختي ليلى حنا دوارنا سموه دوار المسنطحين وكيما قالك خويا oranian مارحبا بيكم هو يعرف كيفاش يشحب بيكم ça veut dir يحوس بيكم انا ماشي شحابة بزاف

 

[fati-oran]

ختي ليلى ماشي قاع ولاد المدينة ولاد البلاد

بالنسبة لدوارنا هاذا ما عندنا كل واحد راهي ساتراته بلاده


بزااااااااااااااااااااااااااااااااااااف عليك ختي ليلى

ههههههههههههههههههههها

 

[ليلى الجزائرية]

قارعي راكي بديتي تفهمي كلامي عكسي انا قتله ولد المدينة قصدي ولد وهران كان من دوار ولا من مش عارفا ........................وبزااااااااااف عليا وعليك​

 

[bouzanzan]

ازوووووووووووووووول فلاون خوك الزواوي راه هنا غير هاك​

 

[AHHMED]

واه الهدرة انتاعكم صبحت متتفهمش .....اخاطر دخلتوها تسنطيح ...انا قلت تعلمنة الهدرة الوهرانية....مرحبة بيك خوية الزواوة .....وين راك يا خوية فتحي انا راني ما فاهم والو ....الاخت ليلة لو انخاف نكذب نقول صح وهرانية ....وفاتى بعنى انتي عارفة الهدرة انتاع ناس ازمان ها فهمنا مالك ...
لكن طرحت سؤال واش اقولو اذا نديتم ...الجمع اناث ام ذكور..
اخيكم احمد

 

[fati-oran]

خويا احمد عندما ننادي جماعة(قلبتها عربية فصحى) نقولولهم ارواحوا هنا للاناث يا شيرات و الذكور يا شاشرة

شا قلتي فيها ختي ليلى تجي لعندي و مايخصك والو وين تقعدي في الصيف quelle place a oran


صحا خويا الزواوي..................................... باغي تدخل في التسنطيح