حكايتي وعائلتي مع الجن...والله وعد إذا قرأت الموضوع سأترك رد

[الورد الأحمر]

حكايتي وعائلتي مع الجن...

السلام عليكم
جماعة ليوم قررت نحكيلكم حكاية معذبتني عندها بزاف
لحكاية عندها 3 سنين من لي صرات بالاك تقولو وعلاه
جاية ليوم تحكي فيها كي قدامت بصّح بالنسبة ليا عمرها
ما تقدام وباقية نقطة سوداء في حياتي وما لقيت كيفاه ندير
باش نمحيها من الذاكرة، بصح بشرط : أنا نشارككم القصة
ونتوما تشاركوني الردود هكذا باش نحس بلي راكم معايا
وصدقوني والله وربي شاهد عليا كون نزيد عليكم كلمة
والله القصة حقيقية وصراتلي أنا شخصيا.
نخليكم مع القصة
.
.
.
الحكاية بدات نهار من السبت كي رجعت أختي الصغيرة عليا
للدار وقالتلي: نور جبت وحد cd من عند وحد الطفل يقرا معاي
بصح قبل ما يمدهولي قالي ندبر عليك ما تشوفوش على خاطر
يخوّف، قلتلها هاتو كي جابتهولي قريت العنوان بالاك حتى
نتوما عدا عليكم كان عنوانو : "شاب يستخرج من قبره بعد ثلاث ساعات
من موته " وكعنوان آخر من تحتو كان مكتوب :
"كان تاركا للصلاة" هذا واش لي نشفا عليه، المهم أنا حسابلي
قصة يحكيها إمام ولا ما علاباليش المهم ما توقعتش يكونو
فيه صور لهاذ الشاب،بدينا نتفرجو فيه حتى ظهرولنا الصور
تخلعنا ونضنا نعيطو وأنا نسيت كيفاش نستعمل الميكرو حتى
la souris نسيت كيفاش نخدم بيها هكذا والصور مازالو
يفوتو واحنا نشوفو ومشوكيين... هذي كانت البداية.
من هذاك النهار انهارنا خاصة وأنو احنا ثاني ما كناش نصليو
وتبدلت علينا الدنيا وعدنا نصليو وما نشفاش على روحي كنت
نصلي حبا مني لله إنما خوفا لأنو -ربي يغفرلي- الوقت هذاك
فسدتلي صورة رحمة ربي لي كانت عندي وصراحة -ربي يغفرلي- كرهت
ربي في المرحلة هذيك وكنت نقول وعلاش يدير
فينا هك كي نموتو ويقول رحمتي واسعة المهم بديت نصلي
بصح في نفس الوقت ما كانش إسمو قاعدة نقرب من ربي
هاذا إسمو بعد وهنا بدات المعانات.
مع الوقت عدت أنا وأختي هذيك غير نبكيو ونحبو نوقفو
قدام لمرايات ونشوفو رواحنا واحنا نبكيو ونقولو لبعض ما كناش هك،
والشي لي يحير كان يصرالنا هك غير كي ندخلو
للدار يعني كون نكونو في دار خلاف ولا برا نكونو روعة
وكانت المعانات لكبيرة تبدا من ورا العصر كان العصر يأذن
وغير ما نصليوه يبدا الحال يتقلب علينا، والكابوس
تع الصح كان الليل كي يطيح ويوصل وقت النعاس نتم
يطلع علينا النهار ونشبعو بكا وعياط ونسخايلو رواحنا
رايحين نموتو وماما وبابا يسكتو والنافع ربي أرواح
وسكتنا،بسيف لا ينعسونا ويروحو ينعسو أختي ما عاناتش
بزاف المعانات لكبيرة ديتها أنا على خاطر نهار لي شفت
تصاور هاذوك كي خرجت من بعد لغداء ورجعت للدار وانا
خايفة حتى لا نطلع في الدروج خاصة واحنا لي نسكنو في
الطابق 7 حليت الباب تاع الدار وقريت لامان في الوقت
هاذاك كانت ماما متخبيتلي ورا الباب زعمة تتمسخر معاي
وخلعتني انتم تهزيت لسما وتنفضت وكلشي بدا من تم في لحظة
ضعف كلشي يقدر على الإنسان،مع الوقت عدت نحس كائنات
خلاف معاي خاصة في الدار كنا ننعسو أنا وأختي هاذيك لي
فرحت ب cd لي جابتو (هههه) وأختي الصغيرة خلاص
كنا 3 وكنت علابالي بلي كانو معانا زوج خلاف ماش من
جنسنا ماش من البشر في الأول كنت نحسهم برك بصح
مع الوقت بدا الحال يطور وعادو يمسوني كانو ديما يمسوني
على يدي ليمن، كنت كي نوض صباح نقول لماما: لبارح
في الليل أم كانو معانا في البيت كانت تقولي تسخايلي
برك باش ما تخلعنيش من بعد نقولها بصح شكون لي كان
يمسلي في يدي كي عدت نسخايل وما كنتش نخاف منين
عطاني ربي القوة هاذيك ما علاباليش ووصل النهار لي
ضربوني فيه بكف والله حسيتو وطغاني قلت لماما حتى
الضربة سخايلتها؟ ومع الوقت ما عدتش أنا برك لي
يصراولي حوايج هك حتى أختي -مولات السي دي- عادو
يصراولها حوايج كيما هاذو واشيا هي كلش صرالها برا الدار
وعاداو ليام واحنا عايشين هك ديما بكا وهم، ووصل النهار
لي نتم تأكدت بالشي لي كنت نقولو وصرا لأختي الصغيرة
خلاص حكاية حبستلي عقلي.
كانت في بيت بابا تقرا في سورة البقرة - على حساب ما حكاتلنا
من بعد ما صرات لافار- كي قفلت المصحف وقفت وهاذا واش
شفات عليه،واش صرا من بعد غير نسمع عياط تاع واحد يعيط
للرب لي خلقو ما حبيتش حتى نأمن بلي لعياط هذا في دارنا أنا
كنت في البيت لي قدامها خرجت نجري لقيتها تجري في ل
couloire وهو طويل وهي مازالت تجري أنا حكمتها قلتلها
واش بيك واش صرا نلقاها مازالت تعيط وتشاور بيدها للبيت
لي كانت فيها أنا حسابلي كاش واحد من لافامي صراتلو
حاجة قدمت رايحة نشوف وليت خفت كي دورت لقيتهم كامل
وراي وما عندهم ما خصهم قلت ومالا عليمن قاعدة تشاور
بيدها حكمناها كامل غير نلقاوها تبعد فينا وكملت تجري
كي زدت حكمتها هدرت معاي وأمرتني قالتلي: استغفري
الله وتعاود فيها بديت نعاود واش قاعدة تهدر ونلقاها
بدات تشهّد وتعاود زادت قالتلها ماما واش بيك تعيط
هدرت اختي قالت خاطيني لي عيطت والله خاطيني لي
عيطت أنا نتم طلقتها وخليتها وبدلت البيت وقعدت وحدي
نبكي ونقول لروحي سير هاذوك لي موالفين يقيسوني
ولي ضربوني جات ليا أختي لكبيرة داتني منين هوما
علابالها بلي حالتي أي كثر من حالتهم كامل نزيد نسمع
أختي الصغيرة مازالت تعاود في خاطيني لي عيطت
وانا قاعدة غير نزيد نخاف منها ونهرب للور حتى وصلت
للسور وما قدرتش نزيد نوخر زادت قدمت ليا أختي لكبيرة
وقعدتني قدام أختي الصغيرة وانا خايفة منها نتم صراتلي
حاجة هذيك هي الحاجة لي بانتلي مليحة في الحكاية هذي
كاملة كي كانو كامل يسكتو فيا أنا وأختي الصغيرة لي
ما علابالهاش حتى واش صرالها أنا بديت نشوف فيهم
ظلمة على خاطر كان كاين نور من وراهم قاعد غير يقوى
ويقوى حتى عاد قوي بزاف وساطع نتم أنا ما نشفاش
واش صرا على خاطر تغاشيت.
هاذا كامل وبابا ما كانش في الدار هنا قرر بابا يجيبنا
راقي للدار وحكاية الرقية وواش صرا في الرقية حكاية
خلاف وخلعة خلاف أنا هنا نحبس القصة إلى حبيتوني
نكمل وإلى لقيتكم تأقلمتو مع القصة وحبيتو النهاية
نكملهالكم وإلى وجعتلكم راسكم غير اسمحولي
حبيت برك نفرغ واش كاين في قلبي
شكرا
...​

 

[tarek 09]

الله أكبر قصة تخوف مي مليحة
وخاصة أنها واقعية
و أي واحد كي يقرا قصة كيما هادي سير يحس بها
ونورمالمون كامل الأعضاء يتجاوبو مع القصة .......باش تكملينا الجزء الثاني
ولا ماتجاوبوش مع القصة كمليهالي وحدي
شكرا لك أختي
والحمد لله كي راكم دوكا بخير

 

[الورد الأحمر]

الله أكبر قصة تخوف مي مليحة
وخاصة أنها واقعية
و أي واحد كي يقرا قصة كيما هادي سير يحس بها
ونورمالمون كامل الأعضاء يتجاوبو مع القصة .......باش تكملينا الجزء الثاني
ولا ماتجاوبوش مع القصة كمليهالي وحدي
شكرا لك أختي
والحمد لله كي راكم دوكا بخير

شكرا خويا والله كتبتها والدموع
يوصلو لعينيا
شكرا على المرور والرد
والله رتاحت شويا
...​

 

[zola_ta]

و الله غير قصتك عجيبة أختي نور ، مادا بيك تكملي القصة ، قلبي معاك أختي الحبيبة

بصح برك حبيت نقولك باللي واش شفتي فال cd ما كان غير خرافات ، و نشفالو هاداك ال cd دار حالة في واحد الوقت . و سقساو عليه بزاف علماء في الدين و كان جوابهم باللي اشاعات و أكاذيب نشروها الناس للتضليل و الدليل واش صرالك نتي و أختك يعني كي ارتعبتوا و وصلتي لمرحلة حسيتي روحك كرهتي ربي ، يعني خوفك منو كان على أساس أنه ظالم و يعذب الناس و هادا هو الهدف تاع اللي دار هاد ال cd معنتها أعداء الله و أعداء الاسلام ، و قالوا العلماء أنه حتى لو استخرجت الميت من قبره فلن ترى آثار التعذيب ، لأنه يحس بها هو أما نحن فلن نستطيع رؤيتها و الدليل أن الكثير من الباحثين و خاصة المحققين اذا كانت هناك جريمة يستخرون المجني عليه من القبر للتأكد من هويته أو ما شابه ذلك ، و رغم ذلك لم نسمع أبدا بوجود آثار التعذيب أو غيرها .

المهم أختي شكرا لك على فتح قلبك لنا و ان شاء الله نكونوا في مقام اخوتك و نحسوا بيك
باين عليك بزاف حساسة حبيبتي . أختك المحبة زولا

 

[الورد الأحمر]

و الله غير قصتك عجيبة أختي نور ، مادا بيك تكملي القصة ، قلبي معاك أختي الحبيبة

بصح برك حبيت نقولك باللي واش شفتي فال cd ما كان غير خرافات ، و نشفالو هاداك ال cd دار حالة في واحد الوقت . و سقساو عليه بزاف علماء في الدين و كان جوابهم باللي اشاعات و أكاذيب نشروها الناس للتضليل و الدليل واش صرالك نتي و أختك يعني كي ارتعبتوا و وصلتي لمرحلة حسيتي روحك كرهتي ربي ، يعني خوفك منو كان على أساس أنه ظالم و يعذب الناس و هادا هو الهدف تاع اللي دار هاد ال cd معنتها أعداء الله و أعداء الاسلام ، و قالوا العلماء أنه حتى لو استخرجت الميت من قبره فلن ترى آثار التعذيب ، لأنه يحس بها هو أما نحن فلن نستطيع رؤيتها و الدليل أن الكثير من الباحثين و خاصة المحققين اذا كانت هناك جريمة يستخرون المجني عليه من القبر للتأكد من هويته أو ما شابه ذلك ، و رغم ذلك لم نسمع أبدا بوجود آثار التعذيب أو غيرها .

المهم أختي شكرا لك على فتح قلبك لنا و ان شاء الله نكونوا في مقام اخوتك و نحسوا بيك
باين عليك بزاف حساسة حبيبتي . أختك المحبة زولا

شكرا أختي والله كلامك يريح القلب
وانعم هي خرافات بصح من الخلعة
ما قدرتش نخمم ولا نستوعب
والحمد لله راني نحب ربي ضرك
ونصلي علا خاطر نحبو ونحب
نرجعلو خيرو لي في الحقيقة
هو خير ليا بعد
شكرا
...​

 

[sindiana]

انشالله ميكون غير الخير

يااااااااا نووووووور انا تاني تفرجت هاد cd هو مخيف جداااااااااااا لا بل جدا جدا كي شفته تغاشيت و قعدت نبكي و من هاديك الليلة و ليت نوم منامات مشي ملاح و وليت نصليييييييي و من هاداك سيدي خلو بزاف كفار للاسلام و تابو بزااف منه ***المهممممممممم ربي يعاونك و ننتظر نهاية القصصصصة و انا راني سامعة قصص بزاف كيما هاك يا اختي الدنيا راهي غي مشاكل من هاد النووووع بصح احنا نخلو الايمان تاعنا بربي و مارراناش عارفيين اذا الشي اللي شفتوه حقيقي يعني خرافات ام لا و الله ماراني عارفة وصلت وليت نأمن خاطر سمعت بزاف قصص غريبة كيما هاك حتى انها صرات للعائلة تاعي و نهار لي جابو الراقي بصح ارقي مليح و ناااس ملاح بزاف يعني مشي كيما الراقيين اللي يكذبو كاين و كاين المهمممممم قالهم بلي اقراو القرااان بزاف و اعطاهم ادعية بزاف حتى خلاصت المشكلة من الايمان بالله و عبادته والحمد لله و انشالله اختي دوووم انشالله تصلي و تدعي ربي و انشالله نكونو في الجنة اجمعين يااااااااا رررب قولو ااااااامين و نقولك بلي انسي هاد القصصصة و ادعي ربي علابالي بلي صعيبة بصح حااااولي راكي صغيرة و مالازمش تفكري كيما هاك بزاف صح و نتمنالك التوووووفيق

 

[صمت الذكريات]

الا بذكر الله تطمئن القلوب

 

[©§¤°الجزائـ صوت ـر°¤§©¤]

السلام عليكم:
يا نور ختي شوفي الي يرحك أنا والله تبعت حكايتك وغضتيني ربي يعفينا منهم
المهم تكوني أنتي وعايلتك بخير
وحنا هنا نعاونوك باش تتخطاي هاد الصدمة
وتأكدي بالي كون تكملي الحكاية رايحين نقراوها ونكونو معاك
أنت الحاجة الي تريحك ديريها
وربي رحمن رحيم على كل يء قدير​

 

[همتي جزائرية]

سبحان الله والحمد لله اختي نور راكي بخير وتهلاي في صلاتك وذكر ربي بزاف هو لي ينجي سبحانو.........

 

[الورد الأحمر]

شكرا إخوتي والله مروركم
يطلع المورال للعبد وانشاء الله
نكمل القصة
...​

 

[طارق القبطان]

بسم الله الرحمن الرحيم
قال تعالى ( إن كيد الشيطان كان ضعيفا )
أما عن cd راهو غير خرطي لأنه منافي تماما لما أخبر به النبي صلى الله عليه وسلم حيث أخبرنا أن عذاب القبر لا يسمعه أحد من الثقلين وكذلك لا يراه عذاب القبر عالم آخر لا يمكن لمن هم في الدنيا رؤيته
قد يكون شخصان مدفونان في حفرة واحدة واحدهما في جحيم والآخر في نعيم
الأمر ليس بتلك الخطورة لأن كما أخبرنا المولى عز وجل إن كيد الشيطان كان ضعيفا
عليك بالتمسك بالدين والمحافظة على الصلوات والأذكار اليومية أذكار الصباح والمساء والنوم
وعندها لن يحدث معك شيء

 

[الورد الأحمر]

شكرا أخي على النصيحة
...​

 

[hicham500]

انا متأسف لما حدث لك اختي الكريمة ، ولكن كما قال الاخوان قبلي أنا أيضا شاهدت ال cd نهار خرج ،كنت نتفرج فيه ونضحك على خاطر لي دارو باين جاهل الانسان كي يموت الروح نتاعوا تطلع لحياة البرزخ وتبقى معلقة هناك حتى يوم الحساب

 

[الورد الأحمر]

انا متأسف لما حدث لك اختي الكريمة ، ولكن كما قال الاخوان قبلي أنا أيضا شاهدت ال cd نهار خرج ،كنت نتفرج فيه ونضحك على خاطر لي دارو باين جاهل الانسان كي يموت الروح نتاعوا تطلع لحياة البرزخ وتبقى معلقة هناك حتى يوم الحساب

شكرا على مرورك الكريم
...​

 

[belgacem39]

شكرا لكي اختي مي انا تاني صرات هاد القصه عندنا وين نسكنو بصح كانت واحد لمرا سحارة ماشي تارك صلات وصدقيني صرات صح عندنا .
ونتي ربي يهز عليك الضر انشاء الله.

 

[عاشقة الايمان]

شكرا أختي على القصة مادابينا تكمليها
والله خوفتيني اليوم درك نبات نحلم في الأحلام المخيفة :crying::crying::crying:
كون غير مادخلتش للموضوع :crying::crying:

 

[همسة الجزائر]

اخواني يتعرض الاسلام هذه الايام الى انتهاكات ومحاولات من اليهود لتفرقت الدين الاسلامي وللأسف البعض يحاو تقليدهم بالملبس والمأكل وحتى الكلام والاعتقادات

هنــا شاب في 18 سنة من عمره قيل عنه انه تارك للصلاة وكل شيء يخص الدين الاسلامي يعني (غير مسلم) ترك الاسلام وتقلد بالغرب وكان لايمتلك الى سماع الاغاني ومشاهدة افلام الجنس (المشينة) كفانا الله شرها وكان مرح ومتمتع بالحياة ولم يحسب حساب اي شيء وفي يوم من الايام وجد ميت بفراشه وسرعان ما غطى الثرى وجهه ودفن بالتراب وبدأت وتجهز اهله لعمل فاتحة تليق بولدهم الطيب وبعد ثلاث ساعات حفر قبره شكا انه لم يمت واغمى عليه


فماذا وجودوا ,,,,,,,,, عذاب القبر
فبعدما انتشر القرص الذي يحتوي على صورة يزعم مروجها أنها لشاب عذب في قبره بعد ثلاث ساعات من دفنه ، كثر السؤال عن حقيقة هذا الأمر ولأنه قد أجاب علمائنا حفظهم الله تعالى عن الأسئلة التي وجهت إليهم حول هذه القضية ، قام اخواننا بمجالس الهدى حفظهم الله تعالى بتسجيل وتفريغ كلامهم وإنزاله في هذه الشبكة المباركة فجزاهم الله خيرا ، وقد جمعت تفريغاتهم في هذه الصفحة كي يسهل الرجوع إليها والإستفادة منها ، وتجدون الملف الصوتي في مشاركتهم على هذه الصفحة هنا

وإليكم أقوال العلماء

الشيخ العلامة صالح اللحيدان حفظه الله تعالى :


وهذا تفريغ نص كلام الشيخ اللحيدان : بتاريخ 16 محرح 1427هـ.
السؤال: فضيلة الشيخ انتشر عندنا بين بعض الناس في الجزائر قرص يباع في بعض المكتبات يحتوي هذا القرص على قصة مصورة يزعم فيها اصحابها ان شخص مات وهو لا يصلي ويستمع للموسيقى فأخرجوه من القبر بعد ثلاث ساعات وتغير لونه وشاب رأسه وغير ذلك من علامات التغير فما نصيحتكم إتجاه هذا الأمر ؟
الجواب: الله وأعلم بصحة ذلك والله على كل شيء قدير ولا شك ان من لا يتمسك بدين الإسلام عرضةً لكل تغيير فإن الله جل وعلا غير أقواماً وهم أحياء قلبهم قردة وخنازير فالله على كل شيء قدير وأما التصديق بذلك من عدمه فلا يترتب عليه شيء إلا انه ينبغي ان يكون زاجر القرآن وزاجر السنه أبلغ في وعظ القلوب من القصص . انتهت إجابة الشيخ.


الشيخ العلاّمة صالح بن فوزان الفوزان حفظه الله تعالى :

السؤال: أحسن الله إليكم صاحب الفضيلة، هذا سؤال قد تكرر، يقول : قبل عدة أيام انتشر بين الناس صورة لرجل خرج من قبره وقد تغيرت ملامحه، وأصبح في منظر لا يستطيع أحدٌ أن يراه، هل هذا صحيح أو هذا من عذاب القبر الذي سلطه الله على هذا الشخص ؟

الجواب : نحن يعيش معنا دجالون وكذابون يعيشون معنا إما بداخل بلادنا وإما يندسون من الخارج ويروجون هذه الأمور، في المدينة من كم سنة زينوا ميت متلفلف عليه حية ، متلفلفة عليه حية ، ثعبان، وقد أبطل أهل المدينة هذه الحكاية وقالوا ما رأيناها ولا لها أصل ولا حصلت وإنما هي كذب ، ثم الآن جابوا واحد طلع من القبر، الي في القبر مش طالع إلى يوم القيامة مش طالع إلى الدنيا أبدا، إلى يوم القيامة مش طالع، هذا من الكذب ومن التدجيل ومن جمل طريق الموعظة، ربما يكون هذا ما هو مخرف ولكن الاجتهاد وهو جاهل، يجتهد وهو جاهل يبي يذكر الناس ، هذا مثل الي يضعون الحديث يكذبون على الرسول -صلى الله عليه وسلم - ويقولون هذا ن باب الترقيق والموعظة ولا يضر ، هذا من هذا النوع، هذا من الكذب على الله عزوجل والكذب على رسوله -صلى الله عليه وسلم - ، نعم.


الشيخ العلاّمة أحمد النجمي حفظه الله تعالى :

يقول السائل : أحسن الله إليكم، هناك قرص انتشر مؤخرا بين الناس فيه صورة لفتى أُخرِجَ من القبر وصورته قد تغيرت بحيث ظهرت عليه علامات التعذيب، ويزعمون أنَّ الفتى كان لا يصلي ويستمع للموسيقى، وقد فُتِنَ بهذا القرص بعض الناس، فما توجيهكم أحسن الله إليكم ؟؟
الجواب : العذاب على المُعَذَّب، لا نعلمه ولا يعلمه أهل الدنيا، فهو شيء ربما يكون مُعَذَّبًا الشخص وأنت تنظر إليه ولا تدري عنه؛فالذي يقول أنَّهم رأو عليه علامات أو ما أشبه ذلك، هذا كلامٌ لا صِّحَةَ له، وهذه من الادِّعاءات التي ليس لها صِحة.


الشيخ الفاضل عبد العزيز بن يحيى البرعي حفظه الله تعلى :

في درسه شرح مسائل الجاهلية بتاريخ 16 محرم 1427 هـ فأجاب :
هذا بارك الله فيكم كنا سمعنا به قبل شهور أنه في السعوديه ثم سمعنا انه في الكويت ثم سمعنا انه في بلد آخر, نقول ان الله على كل شيء قدير والله عزوجل لو احب ان يرينا لأرانا لكن هذا امر يفتقد للواقعيه امر يفتقد الواقع ولو كان هذا الكلام صحيحاً لثبت بالأسانيد الصحيحه فربما ابرك الله فيكم يكون مدبلجاً هذا السيدي(cd) ومصلحاً بطرائق معينه حتى يرى هذا الشيء فلعلهم صوروا لهم مريضاً في المستشفى وأتوا بهذه الصوره من أجل ان يخوفوا الناس أو أنهم يريدوا ان يبيعوا كميةً من السيديهات كل هذا بارك الله فيكم متوقع فنحن لا نصدق مثل هذا الشيء إلا بالسند الثابت الصحيح .
وتتمةً للسؤال الأول لهذا السيدي الذي يصور تصوير ذوات الأرواح محرم سواء كان هذا الأنسان حياً أو ميتاً فتصويره حرام. أنتهت إجابة الشيخ .

أسأل الله أن ينفع بها الجميع وأن يجزي اخواننا بمجالس الهدى على مجهوداتهم الطيبة خير الجزاء .

بارك الله فيكي اختى على فتح هاد الموضوع واسال الله ان تزول عنك هاته المخاوف

تقبلي مروري

 

[meryem]

السلام عليكم
انا اصدقكي اختي نور ولاكنني اضن ان هادا cdمجرد صور مصنوعة ولا شيئ هاكدا انا مشفتش cdوان شاء الله منشوفوش او اضن ان راي zola_ta صواب

 

[luna]

سلام

يقولون بأن هذا السيدي هدفه هو اخراج الكفار عن كفرهم و ادخالهم في الاسلام و الله عجب كيفاش يحبو الكفار يتبعوهم و هوما يورولهم تصاور كيما هادو بالعكس ادا كان راح يسلم يبطل ...و هادا والو خلي التصاور اللي دايرين فيهم اسم الله جل جلاله في السماء و على الحجر و يقولو بالي معجزة...:angry::angry: ويطبعوهم للمسلمين باش يتمسخرو بيهم ...أختي واش صرالك انتي و أختك و الله نتأسف ليه بصح ماشي جن على خاطر هوما مخلوقات كيما حنا ربي خلقهم باش يعبدوه كيما أحنا و تلقاي فيهم الكفار و المسلمين و الملحدين و كلش يعني قصة أنه واحد يدربو جن هادي كامل ماكاش منها واش صرالكم هي صدمة من واش شفتو و أترت فيكم و على نفسيتكم و كي قريتو القران ريحتو على خاطر القرأن هو يهدي النفس و يديرلها الراحة و الاطمئنان

 

[programmeur]

يا يما واش قريت
فلم تاع خوف ............ بصح راني نقارع في الجزء الثاني من فلم الرعب الحقيقي