السلام عليكم و رحمة الله تعالى و بركاته
واش راكم خاوتي ؟؟
ان شاء الله تكونوا بألف خير
علابالك بلي أنا افضل عضو هنا ولا لا ؟؟
و شكون لي ماعجبوش الحال كي قلت هكا ؟؟
هيه ..... ماتزعفش عليا خاطاك انا نستاهل هذا اللقب
و الله غالب مكاش عضو يستحق هذا اللقب
و نقولها بكل جرأة افضل و احسن عضو
كامل يهتمو بيا و يحبو يسعدوني
و علابالي كاين بعض الأعضاء ماعجبهمش كلامي
و يحسبوني عضو مغرور.. مريض بالغرور
و نقوللهم صدقوني انتم بدوني لا قيمة لكم ولا نفع منكم
بصح عندي بروبلام صغير
طبعا لأني نستاهل الإهتمام فلا بد تعرفو الشكل تاعي باه تعالجوه
البروبلام تاعي للأسف انو كاين بعض الأعضاء يحاولو يضيقو عليا
و يديرو عفسات يحسبوا رواحتيهم بهدوك لعفايس راح يفرحوني
مي للأسف قاس بسببهم الضيق و الوهن
ماديرش في بالك بلي هذي المشكلة تكون عليا برك
راهي تتعدى كل الأعضاء
وهنا المشكلة ...
وهنا المشكلة ...
شفت كيفاش راني نهتم بيك
و للأسف انتم لا تريدون ذلك
و راني عارف بلي الشيطان عندو دور كبير في هذا
و بالزيادة نفسك الأمارة بالسوء ...بصح ماذنبي انا
لازم ولا بد تكون لك وقفة مع نفسك
لاخاطر انا نستاهل الإهتمام اكثر من هذا
ربي يسترك ...يرحم والديك ...ماتعذبنيش
و غير ماكلاه تحاول تبلعطني ولا تراوغني
انت ثاني مقتنع بقرار نفسك بذلك
كيفاش يعيش اهم و افضل عضو في الظروف القاسية هدي
أرجو الإنقاذ بسرعة ...
ارجوا الإنقاظ ازربوا
عرفتني شكون انا ولا مازال ؟؟
عرفتني شكون انا ولا مازال ؟؟
أنــــــــــــــــــــــا
..-***-.. أنا قلبــــــــــــــك..-***-..
أهم الأعضاء في جسمك
اهتـــــــــموا بقلوبكــم..
واجعلوها مشغوله بذكر الله فقط
اهتـــــــــموا بقلوبكــم..
واجعلوها مشغوله بذكر الله فقط
و تقبلوا تحيات سامي البسكري
