... والله لن أتزوج جامعية حتى ولو لم يكن في الأرض غيرهن

للاسف
الجامعة في وقتنا مؤسسة فساد على كونها مؤسسة تربية
والمحرم يروح في جرة المجرم كيما يقولو
انا منريسكيش بواحدة جامعية اللهم ادا كنت نعرفها مليح

وكلامي راهو معمم وديما نقول ونعاود حاشا بنات الفاميليا المربيات...
​
 
ماشي كامل لبنات كيف كيف
اذا شفتو واحدة ماتعموش على لبنات كامل
و نظن كل شي من التربية تاع الدار
و الثقة...
صباعتين يديك ماشي كيف كيف...
​
 
السلام عليكم
جامعية ولا أمية ولا ماعلاباليش واش
نظن هذا يخص كل شخص وكل واحد وذوقو
اللي يحب وحدة مقراتش راهم غير هوما
واللي يحب وحدة جامعية راهم تاني غير هوما
وكل واحد يرقد على الجنب اللي يريحو
أنا ما تهمنيش هدرة الناس واللي يقول بنات الجامعة يخبط راسو فالحيط مئة مرة
مناه ميهمنيش رايو
وكل واحد يدي اللي كتبلو ربي
والناس عقليات
وبنت الجامعة تلقى اللي يناسبها
والأخرى نفس الشي​
 


الناس اشكال و انواع

على بيها الانسان كل ما يجي يهدلر مايعممش

و زيد اللي يحب يتزوج بجامعية ولا امية

بينه بين نفسه

هو حر في اختياره

وعلاه يروح يبرح بيها و يزيد يقول "........"

ماشي كامل الناس كيف كيف

مشكور خويا على الموضوع

سلام

​
 
يا خويا هنا وحبس وشكون الي قالكم الاميات وانتاع الليسي وانتاع السيام راهم عفيفات وطاهرات....انا شفت وقريت وكملت قرايتي وافتخر باني جامعية والحمد لله على النعمة التي حباني بها الله ....ما نقلكش الجامعيات كامل ملاح بصح والله كاين بنات في الجامعة فعلا يرفعوا الراس قمة في الاخلاق والمعاملة والطهارة ....ونرجع للاميات الي قاعدين في الدار والله يا خويا وربي راه شاهد على واش نقول غير داروا الي يستحاو الرجال يديروها انا شفتهم وحكاولي قصصهم كل ما نشوف في الاعراس بنات تلقى الجامعيات يحكوا على مغامراتهم مع الصديقات والمحجوبات الي تحسبهم ما شافوش الضوء فالنهار يقولوا كلام تستحي تسمعوا كل الناس فيهم وعليهم وانت وزهرك وايامك ان شاء الله تقراو ردي لانو كلام سمعتوا وعشتوا مش مجرد كلام .....
 
صحيح انا ما زلت ما رحتش للجامعة بصح قلو حتى الجمعيات كتحللهم ميقبلوكش
 
ميش قاع لبنات كيف كيف

كاين الله يبارك الملتزمات

بصح اختي ما تبدايش تطيحي في لقدر

ممكن الاحترام حتى للزائر


​
 
kaaaaaaaaaaaaaaaaaaaaritha
 
لا يهم ان كانت جامعية او امية او ماكثة بالبيت المهم ان تكون ذات تربية و اخلاق فاينما ذهبت تجد الاشكال التي تتحدث عنها و الجامعة دات غير الشيعة هي صح فيها صوالح الله يسترنا لكن الله غالب واش دير هذا هو حالنا وين ما رحت تلق الي مليح و الي مشي مليح لهذا لا تحكم من شخص واحد و تقول بنات الجامعة كلهم مشي ملاح لأنه اذا شفت صباع يدك تلقاهم مشي كيفكيف و اذا لقينتهم كيفكيف قول بنات الجامعة قاع كيفكيف مع اني اشك و مع هذا اشكرك على الطرح فهذا الكلام اينما ذهبت تسمعه و الحق مشي عليك الحق على المناظر الي راكم تشوفوها لكن الانسان ايضا يميز المليح ملي مشي مليح .
​
 
السلام عليكم

الجامعة ما ولاتش معيار نقيسوا بيه التربية، كيما فيها اللي مش متربيين فيها المتربيين تاني ، ما نقدروش

نعمموا

و اللي يفكر بلي بنات الجامعة بكل ما يصلحوش مخو مقفوووووووووووووووول و ما يعرفش يخمم و يميز بين الصح

و الغالط و اللي ما يعرفش يميز بين الصح و الغالط راهو غبي ...و في الاخير هو اللي ما يصلحش!!
 
والله ما عندو الحق علاه بنت الجامعة هي الطبيبة لي داوي فيك قولي واش شفت فيها بنت الجامعة هي الاستادة لي قراتك واش درلتلك بنت الجامعة هي المهندسة لي بناتلك دارك .......................ايه يا في كل بلاصة كاين المليح وكاين لقبيح والمتربية وبنت فاميليا لو كان يحطوها مع الفاسقين تبقى على دينها وتربيتها علاه هاكا تجريح
 
هذا الانسان اكيد مجروح من جامعية لكن التعميم خطا ماشي كل اصابع اليد متشابهة انا قريت فالجامعة صح تلقى الصالح و الطالح لكن الاساس فالتربية اذا كانت البنت متربية اكيد ماهيش رايحة تخون الامانة حتى و لو سكنت في ثكنة راح تعطي مهيبة لنفسها كاين صحباتي جامي هدروا مع ولد يعني زميل فالدراسة و نعرف بنات ما عندهمش الباك و نهار كامل هما فالجامعة حتى شكيت انهم نجحوا الباك و درت عليهم تحريات لقيته لا باك لا ..
يعني حنا الجامعيات ربي يجيب بصح رانا مطلوبين بزاف في هذا الوقت واحد كي يحب يتزوج يقول ليماه جبيها قارية باه تقري الاولاد
المهم تقبل مروري و شكرا على الموضوع
 
المتربية متربية جامعية ولال امية والفالسة فالسة وهاذي ما هيش نظرية وما تعممش على لبنات اكل
 
إيه عندكم الحق حبة تفاح تخسر صندوق

الله يديرلنا ربي لعقل
​
 
قال merini:
... والله لن أتزوج جامعية حتى ولو لم يكن في الأرض غيرهن

(( . . .والله لن أتزوج جامعية حتى ولو لم يكن في الأرض غيرهن . . .))
هكذا صرخ خالد في وجهي والشرر يتطاير من عينيه، ووجهه قد اعتصر واحمر كأن الدم الذي يغلي في عروقه يكاد أن يحرق وجهي.
فهدأت من ثورته قليلا ثم قلت له يا خالد الجامعة مزيج من الناس وتجد فيها القبيح والمليح و ...
وقبل أن أتم كلامي قال : اياك أن تترك قريبة لك تذهب للجامعة، فقد أصبحت الجامعة ؟؟؟؟؟
اتق الله يا خالد .
قال : اسأل الطلبة الجامعيين هذا السؤال : لو خيروك بين طالبة جامعية وأخرى ثانوية وأخرى من المتوسط وأخرى أمية، فأيهن تختار للزواج ؟ وسترى صحة كلامي.

وأنا بدوري أسألك يا من دخلت الى هذا الموضوع أرجوك بصدق ماذا تختار ؟؟
التوقيع
كن نحلي الفكر، لا تكن ذبابيــــًا
أما النحلة فإنها لا تحط إلا على الزهور
وأما الذبابة فإنها لا تحط إلا على الأوساخ والجروح​

sigpic68447_3.gif
​
إضغط للتوسيع...


هههههههههه

يقولك التعميم عمى وفي هاد الدنيا كاين المليح والدوني ماشي كامل الجامعيات ملاح وماشي كامل الاميات ماشي ملاح (او العكس)


ربي والرسول امرونا بطلب العلم ونتوما مازلتو تحوسوا على الجهل والامية الله يعافينا ....زيد
الناس راهي تتقدم ولا تولي مارش آريار؟؟؟؟:sleep:


ربي يهدي ما خلق ...............قولوا آمين

 
ياخويا الوحدة كي تخرج من الدار فحلة فحلة

مي باه نقلك ندي وحدة جامعية إيس

ـالفـ اهم يفـ ـهـ م
سامحوني على الإزعاج
لا يهمـ ني ردك او تقـ ـ ـييمك المهم ان تـ ستفيـ د
اللـهم أع ـن علـ ى ذكرك و شـ كرـك
إِقْرَا جَيـِ ـ دًا مَا بَيـْ نَ السُـ ـطُورْ​
 
والله ياخو كل وحدة يحكم فيها اصلها.وانا نقول بلي بنات الجامعة فيهم لقبيحة ولمليحة كيفهم كيما لي ماهومش تع الجامعة.بصح انا نقول الفرق بين الجامعية ولي مقراتش كبير واضح ويبان في قداه من حاجة حتى في طريقة لكلام و..و..انا نعرف واحد كان يحلف على بنات الجامعة وتزوج بيها جامعية.الله غالب هادي عقليات الناس.ونقول لبنات الجامعة ماتزعفوش بزاف لي حاكمين عليكم بالغالط.ربي يهديهم.وراه واحد يدي لي يخرج عليه ويكون من مستواه..........ويحياو كامل بنات الجامعة ونقلهم راكم tjr هايلات.
 
توقيع السلطانة
والله مش فارقه ممكن تكون جامعية ومخها على قدها
وفى واحدة متعلمتش لكن تقدر تتدبر امورها وتتصرف كويس
مش شرط اهم حاجة الصفات الى فيها

ويعنى ليه التحقير من الاميين
زمان كان جدودنا طلعوا اباءنا احسن الناس وكانوا لا يعرفوا يقروا ولا يكتبوا
 
انا جامعية وافتخر ​

الجامعة مكان لطلب العلم وترقية المستوىماشي...........​

عشنا فم وشفنا كاين لي ماشاء الله بلا مايشوفها باباها ولا خوها يعني البنت يحكمها عقلها ماش ماليها​

وكاين لي نقولو الله يسترنا "فهمتوني واش حبيت نقول"​

يا خويا ما تخلطش كيما كاين المليح كاين الدوني​

مثقفة ومتخلقة​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

م
... والله لن أتزوج جامعية حتى ولو لم يكن في الأرض غيرهن
2
المشاركات
26
المشاهدات
2K
اسماء16
ا
العودة
Top Bottom