سؤال مهم. كيف ترى نفسك بعد خمس سنوات.

[djvara]

السلام عليكم و رحمة الله و بركاته.
**********************************************
كل شخص فينا لديه طموحاته و أمانيه و أحلامه. و لتحقيق كل هذا يجب عليه أن يقوم بالتخطيط لمستقبله.
إذا فسؤالي للجميع و لنرى كيف يرى فينا كل أحد نفسه بعد 5 سنوات منذ الان؟
كيف ترى نفسك
بعد 5 سنوات؟
************************************************************************
الرجاء الاجابة بشكل مختصر و مقنع.
************************************************************************

​

 

[djvara]

بداية. بالنسبة لي . بعد 5 سنوات أرى نفسي إنسان مليونير صاحب شركة و مشاريع. مع زوجة و أطفال.
بالاضافة الى أني أرى نفسي صاحب أستوديو تسجيلات سمعية و بصرية جد متطور. و هذا هو أهم حلم لي في حياتي.
ببساطة هذا هو طموحي.

 

[lyna]

بداية. بالنسبة لي . بعد 5 سنوات أرى نفسي إنسان مليونير صاحب شركة و مشاريع. مع زوجة و أطفال.
بالاضافة الى أني أرى نفسي صاحب أستوديو تسجيلات سمعية و بصرية جد متطور. و هذا هو أهم حلم لي في حياتي.
ببساطة هذا هو طموحي.

rak tamouh yacer khoya w rabi ywafkek w yhakekl kolmek

 

[lyna]

et b1 ana haba nkoun ba3d 5 ans fi kolia ta3 tib w 3andi automobile mlaha w waldia radyin 3lia w haka nkoun raw3a
w merci khoya 3la question hadi walah mlaha w tkhali l3abd yfaker chwia fi lmostakbal ta3o

 

[djvara]

مشكورة على مرورك و على ردك المشجع. لكم ما قلتيلناش كيفاش تشوفي روحك بعد 5 سنوات؟

 

[عاشق الوفاق 1]

بدون تعليق

 

[titou_le_roi2009]

الله غالب ..... نحب بلادي

راني نشوف روحي بعد 5 سنين عايش في كندا ومتزوج وحدة حبة قليلة بصح جزايرية وعندي بنت صغيرة شابة عندي لوطو شابة ودار تاني شابة :yahoo: ان شاء الله :blushing:
شفتوا أنا قاع ماشي طماع :laugh: البراكة في القليل :001_rolleyes:

 

[Rissou]

ربي يستر خرجتلي بلاكا فيها....pas de signal

 

[pRiAnCa*mCeE]

اممم نكون جبت الباك وتخطبت في نفس العام...نقرا 4 في الجامعة و العام الاخير نتزوج ........حلم بسيط ومعقول مرسي على الموضوع

 

[نور الانوار]

نشوف روحي مازلت نسوفري مع القراية هههههههههه
​

 

[pRiAnCa*mCeE]

ههههههههههههههههههههههههههه العلم سلاح المرأة اجبدي قد ماتقدري حنونتي ومازال هههههههه

 

[angel_fly]

نشوف روحي في الجامعة و قرايتي ماشية مليح ان شاء الله و والديا راضيين عليا ان شاء الله

 

[دمعة توبة]

أرى نفسي بعد خمس سنوات في الجامعة ان شاء الله مهتمة بدراستي و والديا راضيين عليا ان شاء الله​

 

[avril.lavigne]

نشوف في روحي بعد 5 سنين
راني نقرا في الجامعة ومع ليحبني ونقرو في نفس الجامعة ان شاء الله ياربي
اذا خلانا ربي حيين الاعمار بيد الله​

 

[عاشقة الايمان]

نشوف روحي بعد خمس سنين عمري .............17 سنة ومازالت نجبد مع القراية
وان شاء الله ندير ادب باش نولي صحفية ممكن في قناة اليتيمة ..خخخخخخخخخخخخخههه
وممبعد كي نتخرج نشوف واش نزيد ندير بالاك نزيد نفوت الباك ونقرا حاجة نتاع عامين في الجامعة

 

[mustapha158]

نتمنى نكون نلت شهادة الدكتوراء متزوج زواج سعيد مدير مركز مختص في الأبحاث حول الطاقة المتجددة والنووية(ههههههههههههههه صمطتها بالزاف ) يبقى الأمل مشروع​

 

[القلب المحب]

والله انا نشوف روحي متزوج مع لي نحبو وعيشين في سعادة حاجة متخصا غير مع مشاكل نتع كل يوم لي تصير بين الزوجين بصح عند انا المهم نكون معه عيشا كي يكون هو معيا مشاكل تخلص من حياتي
​

 

[عجوز شنطاء]

غير لقراية و الدراهم و المنصب و الذرية يا ولادي ؟؟؟؟؟؟؟؟
حنا كي كنا في سنكم كنا نتميزروا مع الاستعمار في سبيل الله ثم الوطن ...
كنا نشوفوا روحنا بعد خمس سنوات اما الحرية ولا الشهادة ...

انا حياتي قضيتها في التعليم بصح الحمد لله خممت في الآخرة كيما نخمم في الدنيا ...
وظوك نشوف حياتي بعد 5 سنين كلها عطاء لله ثم للوطن و مازال البركة في العمر ...
و مازال عندي مشاريع الى آخر ساعة من حياتي ..
شكــــــــ يا رب ــــــــــرا على نعمة الصحة ...

 

[ASMA17]

يعطيك الصحة خويا
مانحبش نفكر فالمستقبل
نعيش كل يوم بيومو
​

 

[Iman89]

يعطيك الصحة على الطرح بإذن الله لاحياني ربي نكون كملت قرايتي العام الجاي ونشالله نلقى خدمة وادا مالقيتش نكمل ماستر ومبعد الا سهلي ربي الدكتوره ويفضو ال5 سنين