سلسلة "هيا نكتب كيف هي الحياة و كيف نحن".. و ثاني موضوع "المسامح يعاودولو الجاست"..

Tama Aliche

:: الصحافية الساخرة ::
صُنّآع آلمُحْتَوَى
إنضم
6 سبتمبر 2021
المشاركات
589
نقاط التفاعل
1,291
النقاط
51
محل الإقامة
أسوأ بلاصة
الجنس
أنثى
السلام عليكم و رحمة الله تعالى و بركاته


أh2.gif


٢٠٢٢١٢٢٣_١١٢٧٠٥.jpg

في برنامج "المسامح كريم".. وفجاة بعد مرور السنوات قلت نتخيل يجيبوني في هذا البرنامج 😁 وحينها تشوفو نورمال" Tama" تدخل وراء الستار و تقلبها نخنقهم كامل 😁😂 لذا تابعوا معي هنا الحلقة المنتظرة الآن على منتدى اللمة الجزائري.. بعنوان: "فتاة جزائرية بملامح براءة لم تراها من قبل تفرقهم كامل 😁" ( هنا نفتح قوس نقول لاصدقائي فاللمة قلنا براءة يعني براءة تقبلوها هذي ياو 😎 منكذبش عليكم ههههه خلونا مع العنوان اللي يجذب المشاهدين 😂😂😂"

المقدم: سيداتي اللي مايتفهموش مع ساداتهم 😂 ديما الرشق يا محاينك.. نقدم لكم حلقة ليست كباقي الحلقات التي حتما لن تصدقوا نهايتها 😁 الدعوة حماااات حمااات

هااااا قد حنت الأيام و تعبت الضمائر بعد تحركها لنرى فيها وجوها تعود فجأة لاخطائها لتعتذر بعد الظلم و ما فعلوه لمن عاملهم بأطيب الأخلاق و احسنها بل وقف معهم في الشدائد فكان لهم النكران و خرجات تصدم..

ومعنا اول كلمة نبدأ مع الاخت التي تجلس أمامكم والتي لا تعلم وربما قد يزور راسها الشك لم تم استدعائها لبرنامج "كابابل تتشقف الريسان" 😂😂😂

• أهلا بك سيدتي
•شكرا لك..

طبعا كما قلت بلاك معلابلكش علاه جبناك لهنا 😁
•معلبليش لكن واش حطيت في راسي بلاك كاش ماربحت حاجة 😅 بلاك طومبولا خرجت فيها ولا كاش سيارة تعطوهالي 😁
•الجمهور:
"مابغاش يضحك شغل صاحب دوبل فوسات محمد رغيس كي يدير نكتة وتضحك الناس شغل من الزعاف 😂😂"
•إذن قبل أن نبدأ الحديث نعرفوكم بالسيدة التي من بلد الجزائر ومن مدينة جيجل و اسمها جميل مثلها "فاطمة" وسنعود إليكم بعد هذا الفاصل ☺️

الفاصل مكتوب 😁👇
( •واش شريكي تبان صافا با..

•والله مانيش مليح خلاص.. تلفون في باطل تتفرج بعينيك ووقتك وماتلقاش حاجة تضحك اووو
•اه هذا اللي بيك متخممش اصحبي راه ظهر واحد واش نقولك العالمية مكانش كيفاش ماتضحكش .. اكتب فقط
محمد رغيس وشوف الضحك صح 😁
• اه صحيت صحبي علابلي مول ثقة.. دوك نحوس عليه
ايا يوتوب بحث: محمد رغيس والضحك
اليوتوب: دوكا هذا بنادم يضحكو معاه 🤪؟؟

وهنا السيد و الشعب كامل ضحك لاول مرة اشهار تحب تشوفو وانت مش مقلق 😂😂😂😂)

إشهارات الصحافية الساخرة كي تعول تدخل المجال 👆
😎

•سيداتي ناس ملاح وساداتي يلزمهم الفلقة 😁 ها قد عدنا من جديد مع الآنسة فاطمة المعروفة بين ناسها باسم "Tama" إذن خلينا نسقسيوها اذا عندها في راسها ناس يا ترى ظلموها شي نهار.. واش تقول "Tama"؟
•واش تقصد هنا (حكمها توسوسيس صاي 😂" اه دوكا فهمني واش صاري هنا علاه جبتني لهنا..؟

•بلعقل ما تقلقيش يا طفلة دوك نجبدولك على واشما يعجبكش وتقلق حينها براحتك..
حنا نقولوك شوفس فالشاشة لهنا وراح يخرجلك الماضي اللي كان ليك كية..

وتفتحت الشاشة ايااا ويبانو شي ناس باينة مايعجبهاش الحال نظرتها ليهم سكتت لحظة ما قدرت تقعد ماقدرت توقف 💔

«شكون هوما: الاهل.. لافامي.. الاصدقاء.. الجيران.. الناس اللي تعامل معاهم واللي ماتعرفهمش ولحقوك ووو... هذو كامل فيهم اللي غلط بزاف وي.. السم ولى في كل مضرب ما تتوقعش كامل منين تجيك الضربة»

المقدم:
"تخيل جميع اللي ضروك بزاف في حياتك بعد ماخربوا فيك بعد سنوات يرجعوا وعندهم ما يقولو كيفاش تتعامل معاهم؟؟"
هكذا مع "Tama" الي جاو هذو الناس وطلبو منا نستدعيوها لهنا باش يطلبو منها سماح على واش غلطوا معاها..


صاريتلي هكذا في هذا البرنامج اللي استضفت نفسي فيه وراني نتخيل فالناس اللي وراء الستار تحكي بكل جرأة وعندها بزاف كلام تقولو بعد الخراب اللي زرعته في حياتك و فات ما فات كيفاش السنوات بعد ما تحسسك الدنيا بنفس الشي اللي درتو ترجع باش تطلب سماح؟؟

( اكيد انا مامبا عطيتهم الفرصة باش يحكيولي واش حسوا بعد ما فاتت السنوات 😁)

المقدم:
" خليك معانا واسمعي بلاك يلين قلبك وتسامحيهم.. "


• واش حابني نسمع.. ؟؟ نسمع منهم بلي نفس الجاست ونفس الخطأ تعاود منهم وكانوا فرحانين وقت انا نتعذب.. الثقة في نفسك زعزوها واش بيك تسامح مرة ماشي كل مرة ونفس الخطأ لا لا هنا لازم تقولهم انت: "ما تستاهلوش تتسامحو" ياك فوت زحدي ليام كامل مقهورة بزاش دارو ايه واشنو ما بينتش هذا ماكان بانتلهم عادي يوم كانوا في وقتهم صحاح ايه بصح انا الدنيا ماديتش حقي كيفاش في سماء الله نقوله يا رب فاصي خلاص راني سامحتهم لا لا انا الدنيا سمحت فيها من حقي لكن عند الله بيناتنا كلام خلاف تم صح الكلام يجيب الحق ويخلصو.. "

جا واحد فيهم ينطق حبستو تم تم 🖐😁: "صوتك مانحبش نسمعو فما ادراك.. مكلاه نهار سامحتهم عاودو رجعوا يضرو اكثر.. منقدرش نتخيل في حياتي بعد الان انتهى."

ايا رفدت روحي وقبل ما نخرج كالعادة النكت تاعي اللي تضحك كل العالم قلت للمقدم الصامط وبزاف منهم فالتلفزيون تاعنا 😁: "كاش كابة تاع دراهم ولا ماتخلصوش بالدراهم انتم؟🙄 تخلصو بالتسامح والبوس.. ها وجهي الى سامحت وأدعو كل واحد دخل للبرنامج هذا بلاك تسامح 😂 خلي البرنامج يتوقف"
•الجمهور:
"ماضحكش و اللي محبيتهمش يضحكو يا بن عمي ضحكو يعييو الاعداء عمبالهم نسامحهم🤨😒"
ايا بعد ما خرجت رجعت شفت الحلقة فالتلفزيون بعد ما حطوها..حبيت نشوف وجهي كيفش خرج لقيتهم فريمون ماغلطوش كي كتبوا كلمة "البراءة" 😁 مكنتش عارفة هكا انا 😎 المهم السي المقدم قالهم بعد ما روحت انا : "شح تستاهلوا يعني عندها الحق كي ماسامحتكمش لوكان سامحتكم نعطيها كف" 😂😂😂

هذا فقط موضوع بسيط ولكم الخط لتبادل الآراء.. أما عن رأيي فهو كنصيحة: " ماتكثرش بالغلطة على حساب انسان قلبه طيب علابلك يسامحك ما تجي شي نهار وتحبسلك المعاملة هذي و من بعد تجي تقول بكل جراة و ثقة أنه المسامح كريم.. مابقاش كريم اللي يسامح بل يزيدو يعاودولو الجاست وكتر.. مني انا ما نسامحش و خليتهالهم لربي بإذن الله لانه ظلم واخطاء بعض البشر معك هي جزء من حياتك تصنع شخصيتك؛ فمنهم من اصبح ضعيف الشخصية ومنهم من مرض ومنهم من اصبح قاسي لا يرى احد امامه ومنهم من اصبح يؤذي الآخرين بمثل ما تأذى.. ومنهم من عاش مكوي ومتعذب ايامه وساكت ومخبي مثلي تماما هذا الاخير 💔.. " ومام نسامح ربي راح يرجعلكم ليها شي نهار يا يفكركم فالدنيا وهذي مأكدة؛ يا يخليها لنهار نتلاقاو و وتشوف بعينك كيفش عذبت هذاك الانسان بظلمك و أذيتك.. " مام طلب السماح مايطفيش الكية ذيك محال..


كانت معاكم: Tama Aliche
بعودة خفيفة ☺🌹




 
آخر تعديل بواسطة المشرف:
كالعادة مواضيعك ساخنة😂😂😂كنت نقرا ونتخيل فالموقف ضحكت من قلبي، راني نتخيل فيك مروبلا الدعوا، وعلاش ماتسامحيش ياك المسامح كريم، ولا عندك قاعدة نبغي ربي يخلص وعينيا تشوف، عندك تغنيها😂
 
موضوع رائع عرفتي توصلي الفكرة بطريقة شيقة و فكاهية طبعا و ركزيلي على محمد رغيس ههههههههه
اغلبية الناس يتفننو في ايذاءك و بعدها يجيو بكل برود يقولك المسامح كريم و صفي قلبك و و و.........
مهما تسامحي و مهما تتغاضاي مستحيل تنساي الجرح محال يبرا مالا كل واحد يدير حسابو و كل واحد يدير حساب للكلمة قبل مينطقها
 
سمراء اللمة كما العادة
قصف غير مباشر

صراحة اوافقك في جزء كبير من قراراتك
الماس اللي تحقر و تظلم و تتكبر
و بعدها تجي تطلب السماح من اجل ركوب الموجة
و ليس بدافع التوبة و الندم

الله غالب قلوبنا لحم و ليس حجر
و مهما طنا طيبين احيانا يكون لدينا رد فعل هكذا

بصراحة شكرااااااا
 
ها وجهي الى سامحت

تخايلت الجاست في وسط الاستيديو 🤔
الجمهور كامل يقول في قلبو هاذي فحلة نستعرف بيها

صحيح كاين حدود للسماح ويجي انهار يخلاص الشحن نتاع السماح خاطر الانسان ساعتها يولي بهلول وساذج

المهم حصة مثيرة بصح علاه كسرتي زجاج طواقي مقر القناة بحجرة من بعيد وهربتي مع الشارع ؟؟؟
 
/
هههههه جامي صراتلي قريت موضوع 4مرات
باش فهمت بلي الحكاية في استوديو وقاع
مع زدتيلنا محمد رغيس فلوسط هذاك هوا خلطتيلنا فلبراماتر ديراكت 😂
~~
المهم بانتلي الجمهور الكريم مضحكش كامل لقاا انسانة مكوية فلباسي زوج كيات خلفت كيتها اون بابليك ونشعتهم وجات خارجة
موضوع في القمة 💪🏻 خصوصا طريقة السرد وقاع
وكيما قلتي المبالغة في سماح الاخرين تولد الجراة القبيحة في تكرار نفس الخطأ مع نفس الشخص وفي الاخير الشخص هذاك هو لي يتكوى ويتعذب وكامل
🙃


🌹 الوردة لي خرجتي بيها من الاستوديو تا القناة منين سرقتيها ههههه



ملاحظة الرد دون ت ش ف ي ر من اي قناة 😂
الاخ دلور مر من هنا​
 
تخايلت اللقطة مليح
كاين وين بنادم يسامح ويفوت وكاين وين كلمة سماح تجيه ثقيلة بثقل الشي اللى صابووا

ومرات يكون جاء الطلب متاخر بزااف

بالعودة للحصة كانت حافلة ههه بالمغامرات يعطيك الصحة​
 
كالعادة مواضيعك ساخنة😂😂😂كنت نقرا ونتخيل فالموقف ضحكت من قلبي، راني نتخيل فيك مروبلا الدعوا، وعلاش ماتسامحيش ياك المسامح كريم، ولا عندك قاعدة نبغي ربي يخلص وعينيا تشوف، عندك تغنيها😂
😂😂😂😂😂 ضحكتيني.. ايه المسامح كريم لكن وقت اللي يلقاوه يسامح يجيبوها عليه او نديرو كلش ويسامحنا فهمتيني.. تسامح لكن ستصبحين بسبب تماديهم تكرهين
.. ياك المسلم مع ربه الذي يذنب يطلب منه الله التوبة النصوحة يعني مايعاودش يرجع لنفس الخطأ ويتمادى فيه لانه هنا راح يكون ربي منتقم منه.. هكذا فالدنيا فبين العبد والعبد أيضا قاعدة أنه تسانح على خطأك لكن يجب أن لا نكرره ونتمادى في التكرار بل في حجم الخطأ هنا راح يولي رجوعك وطلب السماح لا يصدق ولن يقبل يولي شغل تتمسخر بالقلوب تاع الإخرين وقلوبنا لحمة مش حجرة اختي
صحيت على المرور تاعك و نتمنى نكون وفقت ول وقليا في كسر الروتين فاللمة 😂😂😂 بهذا البرنامج الذي دخله الفنان المشهور رغيس ههخهههه
 
موضوع رائع عرفتي توصلي الفكرة بطريقة شيقة و فكاهية طبعا و ركزيلي على محمد رغيس ههههههههه
اغلبية الناس يتفننو في ايذاءك و بعدها يجيو بكل برود يقولك المسامح كريم و صفي قلبك و و و.........
مهما تسامحي و مهما تتغاضاي مستحيل تنساي الجرح محال يبرا مالا كل واحد يدير حسابو و كل واحد يدير حساب للكلمة قبل مينطقها
اهلا بالملاك في لمتنا الحلوة 😊
ابه محمد رغيس لكسر الدراما الحزينة 😂 في التعبير من بكري لابد من استعمال أدوات التعبير المختلفة حتى ولو كانت بنادم استعمل وصاي 😂😂😂😂ورغيس كان الفكاهة العجيبة ههههه
وكلامك صح الأذى ما يتنساش ليتراس يقعدو للأسف.. لكن لو فقط لا يعيدون الخطأ دائما لكنهم يعيدون الأمر فيتركون في قلوب الآخرين ألما لا يشفى
بوركت على مرورك سررت بك إن شاء الله نشوفك تضرب طلة على مواضيعي منذاك و نتلاقاو في نقاشات ساخنة نزلزلو اللمة 😂😂😂😂😂 السي @فريد أبوفيصل و @الامين محمد مايفكوناش 😂😂😂😂😂. الله يحفظك ياااارب
 
سمراء اللمة كما العادة
قصف غير مباشر

صراحة اوافقك في جزء كبير من قراراتك
الماس اللي تحقر و تظلم و تتكبر
و بعدها تجي تطلب السماح من اجل ركوب الموجة
و ليس بدافع التوبة و الندم

الله غالب قلوبنا لحم و ليس حجر
و مهما طنا طيبين احيانا يكون لدينا رد فعل هكذا

بصراحة شكرااااااا
😂😂😂💪🔥 القصف يااااه هات برك كاش حصة على المباشر وتشوف القصف الصح على أصوله الجيجلية بأطباق مختلفة مدام انت تحب تاكل بزاف 😂😂😂😂
ايه الاعادة هنا ليس فيها افادة 😂😂 بل فيها جراح ما يتفاصاوش للاسف يعاودوهم ويقولك نورمال سامح ماشي انتي تدي للنار 😂😂 سبحان الله عمبالهم بين العبد والعبد ساهلة ياو والله غير اللي ظلمتو يقتص منك نورمال عند ربي زانت تشوف
ربي يداوي قلوب سكنها جراح الظالمين و الحڨارين واللي غلطو في حقها وربي يلطف بيهم يااارب
العفو ♥
 
تخايلت الجاست في وسط الاستيديو 🤔
الجمهور كامل يقول في قلبو هاذي فحلة نستعرف بيها

صحيح كاين حدود للسماح ويجي انهار يخلاص الشحن نتاع السماح خاطر الانسان ساعتها يولي بهلول وساذج

المهم حصة مثيرة بصح علاه كسرتي زجاج طواقي مقر القناة بحجرة من بعيد وهربتي مع الشارع ؟؟؟
😂😂😂😂😂😂😂 الجاست الذي اشتهرت به الصحافية الساخرة بعده ههههههه
فحلة ياااه 😎 زيد قولها انت اخي فريد وتكتمل الفحولية تاعي 😂😂😂
ايه كاين حدود وكل حاجة جعل ربي فيها حدود وتجاوزها يصبح امر لا يغفر فيه بل يجب العقاب فيه والسماح المتكرر جعل كثير من الناس يتجاوزون الحدود بسهولة.. فلا سماح 😈😁
في الحقيقة كنت طامعة في دراهم بصح التكسار خاطيني 😁😂😂😂 واقيلا محمد رغيس سمع اسموا وجاء يكسر من ورايا 😂😂😂😂😂 تعرفوه حر مايبغيش على روحو 😂😂😂
مالا شكرا لك على متابعتك للبرنامج الجميل 😎 😂😂😂😂
 
/
هههههه جامي صراتلي قريت موضوع 4مرات
باش فهمت بلي الحكاية في استوديو وقاع
مع زدتيلنا محمد رغيس فلوسط هذاك هوا خلطتيلنا فلبراماتر ديراكت 😂
~~
المهم بانتلي الجمهور الكريم مضحكش كامل لقاا انسانة مكوية فلباسي زوج كيات خلفت كيتها اون بابليك ونشعتهم وجات خارجة
موضوع في القمة 💪🏻 خصوصا طريقة السرد وقاع
وكيما قلتي المبالغة في سماح الاخرين تولد الجراة القبيحة في تكرار نفس الخطأ مع نفس الشخص وفي الاخير الشخص هذاك هو لي يتكوى ويتعذب وكامل
🙃


🌹 الوردة لي خرجتي بيها من الاستوديو تا القناة منين سرقتيها ههههه



ملاحظة الرد دون ت ش ف ي ر من اي قناة 😂
الاخ دلور مر من هنا​
😂😂😂😂😂😂😂 الموضوع قريتو اربع مرات حاب تبين لنا انه تتزوج باربعة سبحان الله معشر الجال رقم اربعة يمشي في دمكم 😂😂😂 ولا واش قال الاخ @فريد أبوفيصل و @الامين محمد 😂😂😂😂 ويا @السلطانة اختي @ذكريات ارواح تشهدو على هذه المجزرة المجزرة اللي ماتخلاصش 😂😂😂😂
ايه محمد رغيس ومشاكله ههخهه علابلك انا اللي مخوفني حتى نلقاه طل عليا بكاش ستوري ينذب فيه عليا يقولهم هذيك الصحافية السارخة ولا الساخرة 😁 حبيت نقولها 😡 ياو يزعف تكذب كيفاش 😂😂😂😂 المهم هو هكا يرد حتى على بڨرة تحور في وجهو نورمال 😂😂😂😂 ينطقلهم
الجمهور ما يعرفش للضحك يعرفو غير اللي يضحك كما محمد رغيس و اخوانه المضحكين 😂😂😂 انا شغل غير تبهديل وصاي حاولت وفشلت هتههههههه
احم احم دلور يقول موضوع في القمة اوو ما هذه التعابير الراقية لا اصدق 😂😂😂😂
ايه المبالغة في أي حاجة تخرجلك ما لا يعجب لذا ما تسامحش 😂😂😂
الوردة اه غيور ماعندكش كيفها 😂😂😂 لقيتها غير هنا تطل بغات تطل عليكم 🌹 😁 مينذاك نزرعو الورود مش غير الدموع 😂😂😂😂😂

ردك جميل والتشفير فيها فيها مينذاك كاش قناة تحكم كلش باش نبدلو الجو 😂😂😂 ها نقعدو فالصيف ول لازم تشفير يناسب الجو الكئيب هذا ننساو قصة المطر اللي ما ضربش 😂😂😂 احوجي لطيف

شكرا لمن مر ويحمل اسم "دلور" إنه شخص لطيف ينحب تم تم ♥
مرة الجاية ية تقرى موضوع مرة وتحبس اربعة مكانش ولا فوت الاربعة وروح ديراكت للخمسة 😂😂 خمسة حرام ماتجوزش 😂😂😂😂

 
تخايلت اللقطة مليح
كاين وين بنادم يسامح ويفوت وكاين وين كلمة سماح تجيه ثقيلة بثقل الشي اللى صابووا

ومرات يكون جاء الطلب متاخر بزااف

بالعودة للحصة كانت حافلة ههه بالمغامرات يعطيك الصحة​
😁 اللقطة الأسطورية 😂😂😂😂
ايه صاديبون على الآثار اللي خلاو فالقلب 💔 قد لا يرضيها طلب سماح وخاصة التأخر فيه بسبب الكبر والعناد و حب النفس
شكرا علر متابعتك للحصة من برنامج لا تسامحهم 😂😂 نتمنى أن يصل الصوت للظالمين باش يديرو حسابهم و يفهمو 😂😂😂😂😂
 
اهلا بالملاك في لمتنا الحلوة 😊
ابه محمد رغيس لكسر الدراما الحزينة 😂 في التعبير من بكري لابد من استعمال أدوات التعبير المختلفة حتى ولو كانت بنادم استعمل وصاي 😂😂😂😂ورغيس كان الفكاهة العجيبة ههههه
وكلامك صح الأذى ما يتنساش ليتراس يقعدو للأسف.. لكن لو فقط لا يعيدون الخطأ دائما لكنهم يعيدون الأمر فيتركون في قلوب الآخرين ألما لا يشفى
بوركت على مرورك سررت بك إن شاء الله نشوفك تضرب طلة على مواضيعي منذاك و نتلاقاو في نقاشات ساخنة نزلزلو اللمة 😂😂😂😂😂 السي @فريد أبوفيصل و @الامين محمد مايفكوناش 😂😂😂😂😂. الله يحفظك ياااارب
مشكووورة حبيبتي على الكلمات الطيبة و حسن الاستقبال 🥰😘
اكييييد نتلاقاو في نقاشات ساخنة خلي نحركو الدعوة شوي نديرو شوي حماس هنا 🥳💪💪
تعيشي حبيبتي ❤🌹
 
مشكووورة حبيبتي على الكلمات الطيبة و حسن الاستقبال 🥰😘
اكييييد نتلاقاو في نقاشات ساخنة خلي نحركو الدعوة شوي نديرو شوي حماس هنا 🥳💪💪
تعيشي حبيبتي ❤🌹
العفو..
إن شاء الله حبيبتي لابد من تلك اللقاءات ♥
بوركت
 
وعليكم السلام. ياو استنيت كاش اهداء باسمي والو ههههههه

المسامح كريم نعم صح لكن ماش باش الواحد يتعود يجرح الناس مباعاد، يعود تسامحو مفيه حتى فايدة هاذي النوعية تاع بعض الناس لاتعرضني قدام الناس لازوز ههههه

نقدر نرفض تفوت الحصة اصلا ونحشمك قدام الجمهور الجزايري


يعطيك الصحة اختي

🌷🌷
 
وعليكم السلام. ياو استنيت كاش اهداء باسمي والو ههههههه

المسامح كريم نعم صح لكن ماش باش الواحد يتعود يجرح الناس مباعاد، يعود تسامحو مفيه حتى فايدة هاذي النوعية تاع بعض الناس لاتعرضني قدام الناس لازوز ههههه

نقدر نرفض تفوت الحصة اصلا ونحشمك قدام الجمهور الجزايري


يعطيك الصحة اختي

🌷🌷
😂😂😂😂😂 اهداء الى السلطانة طلب اعادة الحصة شغل كما ماتش يتعاود 😂😂😂 شعب يطالب بالاعادة دوما حتى قعدنا معاودين 😂😂

ايه كي تزيد عليها تولي الحجرة لابد منها نفتحلم دماغك و نحرقو في شي نار تاع الصيف 😂😂😂😂
ايه تحشمهم عادي كيما جرحوك بزاف وغلطو فيك وعاودوها شحال من مرة هنا لابد من ضربه ديراكت بحرقة 😂😂😂😂
يسلمك اختي السلطانة وشكرا على الاوسمة التي تشجعينني بها ❤
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top