ياو راه جا الصيف >> نووضو

[Lovely_girl]

السلام عليكم ورحمة الله وبركاته

كيراكم / واشراكم / كيدايرين

الموهيم انا وحدة مقلقة وما نبغيش المقدمات اوقاع :cursing:

اتسما نزدملكم في السوجي ديراكت :tongue_smilie:

ليسونسيال قاع رانا عارفين باللي الصيف جا :yahoo:

وجاب معاه السخانة والديقوطاج :blink:

انا قلت نحي على خاطركم شوية .. جبتلكم شوية أسئلة [ ع آلمكشًوف ]

- في الكونجي :

شكون أكثر واحد توحشتو
شكون أكثر واحد ما كش حاب تتلاقا بيه
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )
واش هي أكثر بلاصة راك حاب تصيف فيها
شتاهي أكثر ساعة متأخرة رقدت فيها
شتاهي أكثر ساعة متأخرة نضت فيها

- البروقرام :

هنا حط البروقرام تاعك من اللي تنوض حتى اللي ترقد >> تحقيق بوليسي

أتمنى يعجبكم الموضوع .. واذا ما عجبكومش ما نيش سايلة عليكوم :thumbdown:

نتمسخر برك .. مكلاه النش :music_whistling:

بيييس​

 

[Lovely_girl]

جماعة والله غير كنت نتمسخر انا سايلة عليكوم

ردو

 

[titou_le_roi2009]

الله غالب ..... نحب بلادي

شكون أكثر واحد توحشتو عمر صاحبي الله يرحمه عندو 3 شهر ملي مات :sad:
شكون أكثر واحد ما كش حاب تتلاقا بيه واحد سموه عبد الكريم دارلي بروبلام الصيف لي فات :blush:
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه ) راه معايا :yahoo:
واش هي أكثر بلاصة راك حاب تصيف فيها الصراحة كنتنموت على وهران وادا خرجت منها نموت :laugh:
شتاهي أكثر ساعة متأخرة رقدت فيها كل يوم 5 ومرات نلحقها 6 نتاع صباح :lol:
شتاهي أكثر ساعة متأخرة نضت فيها 14.00 نتاع لمقيل :blush:

- البروقرام : كل يوم ننوض على 12 نضرب فيها دوش خفيف ونفطر ومن بعد نهود للبحر نبحر حتى 16.00 ونولي للدار نضرب فيها دوش من لملح نتاع لبحر ونستيكي روحي :001_cool: ونخرج نروح ندور وكيما يقول واحد صاحبي نشوف ونتشاف ومن بعد 21.00 نولي للدارنتعشى ونعاود نخرج نولي حتال 02.00 وكاين وين تكون كاينة صواري نولي على 04.00 نتاع الصباح :yahoo: وكي نكون عيان نريح في الدار وندخل لمنتدى اللمة ونقصر شوية ونرقد ومن بعد كلشي يتعاود مرة نريح في قهوة مرة مانخرجش قاع النهار من الدار على حساب المورال كي داير وهدي هي حياتي كي راهي ماشية مشكورة على الموضوع

 

[Lovely_girl]

مرسي خويا بزاف على مرورك

الحمد لله اللي كاين واحد فيه الخير :glare:

عمر صاحبي الله يرحمه عندو 3 شهر ملي مات :sad:

ألله يرحمو خويا :sad:

- البروقرام : كل يوم ننوض على 12 نضرب فيها دوش خفيف ونفطر ومن بعد نهود للبحر نبحر حتى 16.00 ونولي للدار نضرب فيها دوش من لملح نتاع لبحر ونستيكي روحي :001_cool: ونخرج نروح ندور وكيما يقول واحد صاحبي نشوف ونتشاف ومن بعد 21.00 نولي للدارنتعشى ونعاود نخرج نولي حتال 02.00 وكاين وين تكون كاينة صواري نولي على 04.00 نتاع الصباح :yahoo: وكي نكون عيان نريح في الدار وندخل لمنتدى اللمة ونقصر شوية ونرقد ومن بعد كلشي يتعاود مرة نريح في قهوة مرة مانخرجش قاع النهار من الدار على حساب المورال كي داير وهدي هي حياتي كي راهي ماشية

عندك بروقرام حافل .. الله يبارك :laugh:

مشكورة على الموضوع

عفوا .. ومرسي ليك مرة وحدوخرا :001_smile:

 

[killua0555]

[

]

- في الكونجي :

شكون أكثر واحد توحشتو .....الاستاد تاع الفلسفة كنت مهبلاتو خخخخ
شكون أكثر واحد ما كش حاب تتلاقا بيه ...مازال مخممت خخخ
شكون اللي ماذابيك كون تتلاقا بيه في البلاصة اللي راك رايح تصيف فيها .....مهم منكرهوش الى كان
واش هي أكثر بلاصة راك حاب تصيف فيها .....كوكب هوليلاوى
شتاهي أكثر ساعة متأخرة رقدت فيها ....10 تاع الصبح مرقدش طول الليل
شتاهي أكثر ساعة متأخرة نضت فيها ....4 تاع العشية

- البروقرام :

هنا حط البروقرام تاعك من اللي تنوض حتى اللي ترقد >> تحقيق بوليسي


كل نهار ونهارو ....خطرات نوض بكرى لواحد يخرج يدور و يدور و مبعد يولى للدار
و خطرات نود روطار لواحد يدور برك
و خطرات يكون ديقوطاج الدورة و مكاش هههههه
​

البرقرام نوض على 4 تاع لعشية و نبقى نخمم ادا نتعشى و لا نتغدى و لا نفطر ....كى نكمل و نخير تكون 6 ......لواحد يسقسى على صحاباتو واش راهم كاش خرجة...كاش تقرعيجة ....تكون 8 ...نقعد فى النت و يخلاص النهار

 

[D aucun]

جماعة والله غير كنت نتمسخر انا سايلة عليكوم

ردو

شكون أكثر واحد توحشتو

بزاف سيرتو................


شكون أكثر واحد ما كش حاب تتلاقا بيه

بال ما نحكي........................مي والله ماعندي دوماج


شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )

كان ولكن يا حصرا على ايام زمان


واش هي أكثر بلاصة راك حاب تصيف فيها

المهم وين يقولولي لي جان صحابي

شتاهي أكثر ساعة متأخرة رقدت فيه
4 تاع الصباح


شتاهي أكثر ساعة متأخرة نضت فيها

9 صباحا

- البروقرام : كل يوم وكيفاه

 

[asouma13]

تعقيب

هههههههههههههههه و اخيرا لقيت وحدة مقلقة كيفي و عندي زوج أصدقاء نعزهم بزاف احمد و براهيم مدابيا نشوفهم


اخر ساعة ارقد فيها 7 صباحا كنت في عرس

اخر ساعة نوضت فيها 1 ضهرا كنت راجعة من العرس
خخخخخخخخخخخخخخخخخخخخخخخ

 

[sara_k]

شكون أكثر واحد توحشتو كلاستي قااااااع
شكون أكثر واحد ما كش حاب تتلاقا بيه استاذي نتاع الماط
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )صحاباتي
واش هي أكثر بلاصة راك حاب تصيف فيها المهم ماشي دارنا هههه
شتاهي أكثر ساعة متأخرة رقدت فيها الصباح
شتاهي أكثر ساعة متأخرة نضت فيها كاين نهارات مارقدتش فيهم باش نقولك فيوك نضت

 

[نسمة الحب]

شكون أكثر واحد توحشتو اساتذتي واصدقائي
شكون أكثر واحد ما كش حاب تتلاقا بيه سامو.....()
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )ولا واحد
واش هي أكثر بلاصة راك حاب تصيف فيها جيجل
شتاهي أكثر ساعة متأخرة رقدت فيها 03.30
شتاهي أكثر ساعة متأخرة نضت فيها لا اتذكر

- البروقرام :

هنا حط البروقرام تاعك من اللي تنوض حتى اللي ترقد >> تحقيق بوليسييا سيدي انا ننوض على 11 ولا 10.30 نكمل نديباراسي الدار على 12.30 هكاك....نتفرج خليل ومنبعد نتفرج عصي الدمع في دبي راهو كمل البارح ومن بعد يا نرقد يا نقرا المصحف كل مرة كفاه ومن بعد نتفرج جمال الروح في ام بي سي ومنبعد نبقى مع العايلة نحكوا شوية ولعشية اشاك فوا كفاه تفوت.شكرا

أتمنى يعجبكم الموضوع .. واذا ما عجبكومش ما نيش سايلة عليكوم :thumbdown:

نتمسخر برك .. مكلاه النش :music_whistling:

بيييس

 

[حفيد هواري بومدين]

راهو قريب يفض الصيف هاذا وين فقتي؟؟؟
____
صيف = ديقوتاج+ صماتة رهج+ القلقة بزاف+ ماتلقا مادير
بفففففففففففف​

 

[zagane]

السلام عليكم ورحمة الله وبركاته

كيراكم / واشراكم / كيدايرين

الموهيم انا وحدة مقلقة وما نبغيش المقدمات اوقاع :cursing:

اتسما نزدملكم في السوجي ديراكت :tongue_smilie:

ليسونسيال قاع رانا عارفين باللي الصيف جا :yahoo:

وجاب معاه السخانة والديقوطاج :blink:

انا قلت نحي على خاطركم شوية .. جبتلكم شوية أسئلة [ ع آلمكشًوف ]

- في الكونجي :

شكون أكثر واحد توحشتو
شكون أكثر واحد ما كش حاب تتلاقا بيه
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )
واش هي أكثر بلاصة راك حاب تصيف فيها
شتاهي أكثر ساعة متأخرة رقدت فيها
شتاهي أكثر ساعة متأخرة نضت فيها

- البروقرام :

هنا حط البروقرام تاعك من اللي تنوض حتى اللي ترقد >> تحقيق بوليسي

أتمنى يعجبكم الموضوع .. واذا ما عجبكومش ما نيش سايلة عليكوم :thumbdown:

نتمسخر برك .. مكلاه النش :music_whistling:

بيييس​

salme alaycom
شكون أكثر واحد توحشتو elbhar
شكون أكثر واحد ما كش حاب تتلاقا بيه elmodja
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه )¿????¿¿¿
واش هي أكثر بلاصة راك حاب تصيف فيها ain tork oran
شتاهي أكثر ساعة متأخرة رقدت فيها 10h ta3e sbahe
شتاهي أكثر ساعة متأخرة نضت فيها 08h sabahane

- البروقرام :

هنا حط البروقرام تاعك من اللي تنوض حتى اللي ترقد >> تحقيق بوليسي
fawda fi fawda ydji wahdah

 

[ASMA17]

شكون أكثر واحد توحشتو ليزامي تاوعي
شكون أكثر واحد ما كش حاب تتلاقا بيه ليبخوف تاوعي ههههه
شكون اللي ماذابيك كون تتلاقا بيه في البلاصة اللي راك رايح تصيف فيها ( وتفوت الصيف معاه ) صحبتي الانتيم
واش هي أكثر بلاصة راك حاب تصيف فيها بجاية
شتاهي أكثر ساعة متأخرة رقدت فيها 03:00
شتاهي أكثر ساعة متأخرة نضت فيها 09:00

- البروقرام :
صباح نفوتها مع لميناج و مين نكمل نكوناكتي فاللمة حتى 12:00 نروح نفطر و نغسل لماعين و ندورها تفراج و تقصار حتى يجي ليل و نتعشاو و نرجع للتفراج و الجماعة حتى نرقد
و هاكا يفوت النهار تاعي

 

[meryem33]

انا نحب نصيف في أسطنبول و نحب نلقى ثم يحي و مانحبش نلقى تيم وهكا مايقتلنيش الديقوتاج