واش ندير ما فهمت والو

[zella2007]

السلام عليكم

اليوم ما علافت واش ندير جماعة وللا لمن نشكي
تعرف واش صرى

المعدل نتاع الباك 9.97/20 واش ندير

 

[السهم]

مديرش في لالك اصبر

 

[السهم]

راك معايا
صح ولالا

 

[لوليا]

خويا انا راني حاسة بيك prcqعامي الاول تاع الباك جبت كيفك وعاودته وجبتو ب 12ماتقلقش روحكok

 

[الكابيست]

ماتعمرش راسك بزاف خويا العزيز واللي جابها ربي مرحبا بيها ، وبالاك فيها خير تعاود العم وتجيب الباك بمعدل مليح :angel_not:

 

[amuno]

خيرها في غيرها
كيما يقولوا

ماتقلق روحك خويا ما والوا الناس راهي قع كيما هاك وهادا ماكتبلك ربي شدوا وأحمد ربي على النعمة اللي راك فيها​

 

[nourr]

متزعفش خويا
لي كتبها ربي راح تصيب

 

[القلب الطيب]

ربنا يعينكم
الله يوفقكم

 

[zella2007]

السلام عليكم اخوتي
يعطيكم الصحة

على هذه المؤازرة

بارك الله فيكم

 

[السهم]

السلام عليكم

 

[السهم]

مساء الخير جميعا

 

[zella2007]

مساء النوررررر

 

[اجمل زهرة]

ماعليش يا خويا ما تقلق روحك ما والو

ماشي نهاية العالم هادي

و ربي يوفقك المرة الجاية و تدي معدل احسن

​

 

[نذير1]

خيرو في غيرو وانساء الله العام الجاي اتجيب خير منو

 

[غادة اليم]

السلام عليكم ......

ماعليش خويا قدر الله وماشاء فعل ولا حول ولا قوة لنا الا به ... ربي اكيد راه يعوضك عنو خير سبحانه والصح فيك عندي وحدة من العايلة ادات نفس معدلك تاني بصح الحمد لله على كل حال ونزيدلك عندي صديقة اخرى العام اللي فات ماجابتوش بمعدل 9.98 مسكينة دارت حاااالة على جال زوج فواصل كون اداتو بصح بشحال ب10 واش راح ادير بيها تاع العام اللي فات ديجا ماداروش واش حبو وزاد كامل عاودو عامهم في الجامعة دونك كيف كيف .... بصح صديقتي هاذيك هاذ العام الحمد لله جابتو وب 13.87 لعشية برك كنت معاها قالتنا منين شافت المعدل راح صلات وحمدت ربي كي عاودتو وماجابتوش العام اللي فات هكذاك انت ماتنساش بلي ... عسى ان تكرهوا شيئا وهو خير لكم وعسى ان تحبوا شيئا وهو شر
كـــــــل التوفيق ومازال قدامك حياة طويلة عريضة شد في صحتك برك والباقي ربي يسهلك
​

 

[programmeur]

خويا انا كان عندي هموم وقعدت نفكر فيهم بصح كي قريت موضوعك والله قلبي تقطع ونسيت بلي عندي هموم
خويا راني حاس بواش راه صاري في قلبك
شاوالا حبيت نقولك حاجة
تعاوده وتديه بمعدل مليح 13 ولا 14 خير ملي تربحه في عامك الاول ب 10
لانك كي تجيبه ب 14 قادر دير اختصاصات ملاح بصح 10 مادير بيها والو و الاختصاص التاعك هو لي
يحددلك حياتك في المستقبل
مرات الواحد يلزمله يضيع عام باش يربح حياة كاملة
نتمنالك التوفيق والنجاح في دنياك واخرتك