- الأوسمة
- 2
يا بكورة كرمي يا حب الملوك
صوتك الحنين جرح و ذني
****
دخلني دروب الغرام المشكوك
خطف قلبي ومن دونه خلاني
****
يا شمعة منورة في وسط حسوك
بيـضة تقدي في ظـلام زماني
****
عينيا إذا بعتي بدموعهم يشروك
دموع الحبيب ماكسبهم غاني
****
كلماتي اذا هجرتي بحروفهم يرجعوك
كـلام العـشيق النـاس بيه تغـني
****
يا صـافية الوجـه حمرة لحنوك
خليني نرعى في خدودك خليني
****
اذا زعفتي يديا الطاهرين يرضوك
من غيرك مكاش لي سكن بنياني
****
سـمرة خـمرية بـنت الملوك
زينك ما شفته من قبل عيـني
****
ياعسل التمر يا حب الملوك
يا شجرة خضرة في وسط جناني
****
شواقي رفدوك في قلبي حطوك
و عقلي زاهي بغرامك متهني
****
إذا انت وحيدة حضاني يونسوك
صدري صور على حدودك مبني
*****
واذا انت يتيمة من مك و بوك
تعالي يا عمري ترباي في حضاني
****
ينسـوك هموم بالفرح يغـطوك
ملاحفهم مقطنين بالقطن السوداني
****
اذا جعتي ياطفلة راهم يرضعوك
حليبهم شواقي و حبي و حناني
****
ينشفوا الدموع من عنيك و يسكتوك
الدمـعة في خـدك تحـرق جفاني
****
يقلعوا تنكادك و حزانك و يضحكوك
فمـك فانوس و ضحكتك جـني
****
يقعدوا حداك يحضوك و يقلشوك
قلاش الحبيب نشوة تسكرني
****
يا عنقود الدوالي يا حب الملوك
يا زهرة شبابي و شجرة ياسميني
****
دخلي عرشي و حنا نسيدوك
و ملكي أرضي و بحوري و ودياني
****
نلبسك التاج و الناس يحيوك
أنا سلطانهم ......و أنت سلطاني
****
ليام غدارة و يماتي ما يغدروك
كلمتي هـمتي اذا نطقها لساني
****
عينيا من ألف مرى خيروك
و قلبي ساعفهم طاعهم و عصاني
****
جوارحي على جميع النسا فضلوك
و عطاوك المفاتيح لي تحل بيباني
****
شواقك يامرى في الغرام فاتوك
و حبك بالحرير في البرد غطاني
****
نترجا و رجايا يديا يعانقوك
و نشوف القمر لكواني و دواني
****
عقلي و قلبي و الله ما ينسوك
إذا انت هجرتي و خويتي وطاني
****
يديا في جسدي و قلبي نقشوك
و خيالك وين ماروح ديما متبعني
****
راضية الله يرحم لي ولدوك
راضية إذا رضيتي بحبي رضيني
