السلام عليكم و رحمة الله و بركاته
هذي يويمات شاب ليبي و كيف ايصيم رمضان ... و حني عارفين اغلب الشباب كيف يمشو في رمضان ... و اني حبيت نطرح هذا الموضوع بيش يستفيدو الشباب و ممكن يغيروا هذي العادات السيئة
الساعة 5 الفجر ...
الحاجة : نوض يا وليدي كان بتتسحر غدوة اول يوم في رمضان كل سنة و انت طيب ...
صاحبنا اينوض يضربها مكيرينة و عصيرة لين ينتفخ و بعدين اينوض يتخرمد في البلكونة يضربله هضاكا السبسي ... و يجي خاش ... يستني شوية الساعة 5:30 قبل الامساك بدقيقة ... تقول مركب فياق اينوض يضرب سبسي تاني و يستعد للصيام ... المؤذن ايذن للفجر ... هو و لا علي باله ... و يكلم البنات و العيلة في الحوش :
الشاب : و الله اينوضني واحد غدوة نتفاهم معاه لا قراية و هم يحزنون .
المهم صاحبنا نوم الى الساعة 5 عشية و بعدين اينوض بالسيف ايدوش و يطلع للنت ايهدرز شوية لين يوصل وقت المغرب ... قبل المغرب بعشر دقائق ايروح ... ما وصل للحوش الا عند اذان المغرب ... يخش ياخذ هضاكا التمرات و الحليب ... الوالد و باقي افراد العائلة ينوضو لصلاة المغرب و هو و لا علي باله ...
الحاج : هيا نوض يا وليدي كان بتصلي معانا ...
لا رد يدنكس راسه و ياخذ وجهه الي الخارج يضرب هضاكا السبسي و يولي بعد ماتكون العائلة اجتمعت علي مائدة العشاء ... ياكل من هنا و هناك و يقول :
الشاب : تعرفو جيعان حوعة متتصوروهاش ....
المهم بعد العشي يتفرج علي التلفزيون هات يا قالوها و الكاميرا الخفية و برنامح اللمة ... المهم الحاج بوه ماشي لصلاة التراويح و صاحبنا ايولع السيارة و يطحلها تخييط شوارع الي الساعة 11 ليلا ... يتلاقاء هو و صحاب السوء و يتجمعوا و هاتلك يا كارطة ... برا ... برا ... الساعة 2 في الليل تعاركو علي الكارطة ولع صاحبنا السيارة ... متكنطي خربت ليلته ... يجي لاول كفي نت و يشدها دخان و مكياطة و نت ... لحد الساعة 4:30 .... يروح للحوش يلقي الحاجة موتيتله السحور ...ياكل و يطلع يولع السبسي ... و.... و .... و....و يعاود السيناريو نفسه .
هل هذا الشاب صايم حقا ام هو واخذ شهر رمضان شهرا للنوم و الكارطة و الهياجة في الليل .... يعني يقلب جوه من حياة التسكع في النهار الي الليل .... للاسف الشديد اكثر شبابنا يمضون الشهر الكريم زي صاحبنا ....
اللهم انزل الرحمة و الهداية في قلوب شبابنا في شهرك الكريم يا ارحم الرحمين .
و السلام عليكم
هذي يويمات شاب ليبي و كيف ايصيم رمضان ... و حني عارفين اغلب الشباب كيف يمشو في رمضان ... و اني حبيت نطرح هذا الموضوع بيش يستفيدو الشباب و ممكن يغيروا هذي العادات السيئة
الساعة 5 الفجر ...
الحاجة : نوض يا وليدي كان بتتسحر غدوة اول يوم في رمضان كل سنة و انت طيب ...
صاحبنا اينوض يضربها مكيرينة و عصيرة لين ينتفخ و بعدين اينوض يتخرمد في البلكونة يضربله هضاكا السبسي ... و يجي خاش ... يستني شوية الساعة 5:30 قبل الامساك بدقيقة ... تقول مركب فياق اينوض يضرب سبسي تاني و يستعد للصيام ... المؤذن ايذن للفجر ... هو و لا علي باله ... و يكلم البنات و العيلة في الحوش :
الشاب : و الله اينوضني واحد غدوة نتفاهم معاه لا قراية و هم يحزنون .
المهم صاحبنا نوم الى الساعة 5 عشية و بعدين اينوض بالسيف ايدوش و يطلع للنت ايهدرز شوية لين يوصل وقت المغرب ... قبل المغرب بعشر دقائق ايروح ... ما وصل للحوش الا عند اذان المغرب ... يخش ياخذ هضاكا التمرات و الحليب ... الوالد و باقي افراد العائلة ينوضو لصلاة المغرب و هو و لا علي باله ...
الحاج : هيا نوض يا وليدي كان بتصلي معانا ...
لا رد يدنكس راسه و ياخذ وجهه الي الخارج يضرب هضاكا السبسي و يولي بعد ماتكون العائلة اجتمعت علي مائدة العشاء ... ياكل من هنا و هناك و يقول :
الشاب : تعرفو جيعان حوعة متتصوروهاش ....
المهم بعد العشي يتفرج علي التلفزيون هات يا قالوها و الكاميرا الخفية و برنامح اللمة ... المهم الحاج بوه ماشي لصلاة التراويح و صاحبنا ايولع السيارة و يطحلها تخييط شوارع الي الساعة 11 ليلا ... يتلاقاء هو و صحاب السوء و يتجمعوا و هاتلك يا كارطة ... برا ... برا ... الساعة 2 في الليل تعاركو علي الكارطة ولع صاحبنا السيارة ... متكنطي خربت ليلته ... يجي لاول كفي نت و يشدها دخان و مكياطة و نت ... لحد الساعة 4:30 .... يروح للحوش يلقي الحاجة موتيتله السحور ...ياكل و يطلع يولع السبسي ... و.... و .... و....و يعاود السيناريو نفسه .
هل هذا الشاب صايم حقا ام هو واخذ شهر رمضان شهرا للنوم و الكارطة و الهياجة في الليل .... يعني يقلب جوه من حياة التسكع في النهار الي الليل .... للاسف الشديد اكثر شبابنا يمضون الشهر الكريم زي صاحبنا ....
اللهم انزل الرحمة و الهداية في قلوب شبابنا في شهرك الكريم يا ارحم الرحمين .
و السلام عليكم
