لا لنكلوديان و سبيس تون فيفا طيور الجنة و كراميش و براعم

الحالة
مغلق ولا يسمح بالمزيد من الردود.

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351



سبيستون قناة شباب المستقبل ... وش من شباب رايحين يطلعو؟؟؟


حابين يطلعو شباب وللا غريدايزارات و باتمانات ....


هي صح في واحد الوقت كانت مليحة و برامجها ملاح .. بصح ضرك ... مافيها مايعجب برامجها تقريبا كلهم أكشن و حروب ، المشكل مش الرسومات ، المشكل أنو هاذ الرسومات مش هاذي قناتهم .. نورمالمو قناة كيما هاذي للأطفال يعني نورمالمو يديرولهم رسوم في سنهم ..وين هي زينة و نحول، وين هي مدينة النخيل ، وين هي قرية التوت ، عبقور، دعبول ........... هاذي رسوم في سنهم و قد عقلياتهم الصغيرة ... ضرك نشوف في خاوتي الصغار الواحد يهز عصى و يقول لخوه أنا السيف القاطع سأحارب الشر ..... و يضرب خوه، وللا يشوفو يتوشي حاجتو يقولو أيها المحتال الشرييييير هععععععععععععع و يعطيه براس... ماهمش فاهمين



كيما مدينة النخيل و هايدي و بشار و ... بعد الحلقة يبقى الطفل هادي


بصح السيف القاطع و فرسان الارض و... الطفل يضبع وتعجبو حركاتهم و يحاول يقلدهم



هاذي غلطة سبيس تون خاصها التنظيم و عدم النظام هذا يؤثر سلبا على الأطفال، ياك دايرين سبيس باور.. يديرو فيها رسوم الأكشن كلها و يخللو سبيستون 1 و 2 للصغار



أمانيكلوديان شبهي ( مانيش فاهمة وش معناها شبهي؟؟؟؟)


هي ثاني للصغار لكن أنصحكم متخلوهمش يشوفوها .. مافيهاش ريحة الحيا (من الطبيعي أنو الواحد يتفرج في قناة للأطفال يشوفها مع أبوه عادي .. بصح هاذي لا، الواحد يبقى خايف... راكم فاهميني) يضيعو في الأطفال قد ما يقدرو و الأطفال سريعين التأثر و الصراحة أنا شاكة في هاذ القناة


تقييمي الشخصي ليها: قناة ضايعة و تنشر الفساد


My


best channel أما طيور الجنةالله يبارك


و صديقة العائلة، 10/10 تستاهل 5 نجوم، الواحد كي يشوف عصومي و وليد و لجين و الشلة يحس مازال كاين أمل في الأجيال الجاية


أتمنى أن لا تخلو من أي تلفاز


كراميشو لو أنها تعاند في طيور الجنة بصح معليش على الأقل يتعاندو في حاجة فيها الخير


أعتبرها توأم طيور الجنة


براعم الأخت الصغرى لهذا التوأم ، قناة قمة للأطفال مابين 3 ـ 6 سنوات و برامجها تعليمية مفيدة و بأسلوب شيق و ممتع (أنا كي نشوف خاوتي يتفرجو فيها نقعد معاهم شوي ... نروح معاها )


؟؟؟؟ ((( بقاااااااااااااااااااات أم بي سي ثري نخللي تقييمها ليكم ...)))؟؟؟؟




لازم الاباء ينتبهو للقنوات اللي يشوفو فيها أطفالهم و يتبعوهم و مش يشوفو قناة نتاع رسوم و فيها أطفال يقولو خلاص هاذي للصغار ونخلوهم يشوفوها


سؤال: هل تؤيدني في كلامي؟؟؟









 

السوفي حمة

:: عضو شرفي ::
إنضم
2 أكتوبر 2007
المشاركات
2,260
النقاط
583
محل الإقامة
الوادي
الجنس
ذكر
اله يرحم أيامات زينة ونحول وسنان
zenawnahool.jpg


kaza_j1iAqQI2hs.jpg

 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
اضافة:
تفكرت حاجة: كاين لي وجهو انتقادات لقناة طيور الجنة ـ و من بينهم أعضاء في اللمة و راني نشفالهم مليح ـ قالو هي تدعو للرقص ... نقولهم يا جماعة الخير علاه ماتقروش بالخير و تقولو الصح .. يعني خلاص .. حبست عند هاذي؟؟ كلش مريقل و بقات هاذ النقطة؟؟ ـ هاذي وحدة ـ
أما اثنين: في رايكم وشنهي الحاجة لي تجذب انتباه الأطفال أكثر بعد الألوان ؟؟؟ أضنها الموسيقى ( وبيناتنا: مش حنا الكبار وللينا نعشقو في القناة و منصبروش عليها؟)
ياسيدي نديرو هدرتي غالطة، من جهة نظري أضن أنو المشرفين على القناة أذكياء استعملو علم النفس و ثاني عرفو كيفاه يتعاملو مع الوضع الحالي بليونة ، هم يعملو على أساس الوضع الحالي لي رانا فيه و هاذي نقطة ايجابية و ان دلت على شيء فانها تدل على مدى ذكائهم
و ماتنسوش رانا في وقت الموسيقى و الصخب و الهرج ووقت ميلودي و عايلها و صحاباتها
 

rania 3asla

:: عضو مُتميز ::
إنضم
8 أوت 2009
المشاركات
530
النقاط
16
العمر
28
انا للأسف اختي ما نأيدش رايك و تقبلي مني رايي الشخصي انا نحب نقلك مش مشكل ادا تفرجو سبيستون وللا رسوم متحركة على العموم نحمدو ربي لي يتفرجو هاد القنوات لانو كيما راكي تشوفي في الانحطاط الاخلاقي في القنوات التلفزيونية و انا كي نشوف الاولاد لصغار يتفرجو في الرسوم المتحركة نعرفهم راهم مازالهم براءة اما بالنسبةmbc 3 قناة قيمة فيها برامج ثقافية و انا حقيقة تعجبني تقبلي مروري اخت الغالية وتقبلي رايي
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
انا للأسف اختي ما نأيدش رايك و تقبلي مني رايي الشخصي انا نحب نقلك مش مشكل ادا تفرجو سبيستون وللا رسوم متحركة على العموم نحمدو ربي لي يتفرجو هاد القنوات لانو كيما راكي تشوفي في الانحطاط الاخلاقي في القنوات التلفزيونية و انا كي نشوف الاولاد لصغار يتفرجو في الرسوم المتحركة نعرفهم راهم مازالهم براءة اما بالنسبةmbc 3 قناة قيمة فيها برامج ثقافية و انا حقيقة تعجبني تقبلي مروري اخت الغالية وتقبلي رايي
عندك الحق و راني معاك
مقلتش المشكل في البرامج اللي يقدمو فيها
بصح لازم يقدو سنهم
وشكرا على صراحتك
 

Robben 11

:: عضو مُشارك ::
إنضم
1 أفريل 2009
المشاركات
448
النقاط
7
توحشت سينان هههههههههه

مررسي
 

nada242008

:طبيبة صيدلانية:عضو شرفي
إنضم
24 جانفي 2009
المشاركات
10,214
النقاط
351
الجنس
أنثى
أنا أوافقك الرأي. قناة طيور الجنة وحدها لفتت انتباه الكبير قبل الصغير
شكراااااااااااا على الطرح الجميل
 

SOUMA.

:: عضو مُتميز ::
إنضم
8 أفريل 2009
المشاركات
707
النقاط
17
صح يا أختي عندك الحق ، سبيس تون فسدت ، رجع فيها غير أفلام كرتونية فيها العنف ، تعلم الاولاد الصغار العدوانية والشر ، واحد طفل صغير برئ رقيق ينعتولو أدوات خشينة ، يعلموهم كيفاه يضربوا ويعيطوا وووووووووووو ....... الخ ..... المهم انا نقول للأولياء حطوا طيور الجنة لاولادكم وكي تحبوا تبدلوا الجو عليهم شوية حطولهم سبايس تون في الوقت اللي يحطوا فيه توم وجيري ... وقولوا للرسوم المتحركة الاخرى بااااااااي .. خاطر ماروكو وسالي وبائع الحليب و غيرها من الافلام الكرتونية راحت .. ممكن تلقاوها غير فالقناة الأرضية الجزائرية ساعة على ساعة .. شكرا اختي على الطرح اللميز .. والله موضوعك هام جدا .. لأن الاطفال الصغار لازم نربيوهم من الصغر على السلم مش على العنف باه يجي جيل سلمي مش عدواني وعنيف
 

السوفي حمة

:: عضو شرفي ::
إنضم
2 أكتوبر 2007
المشاركات
2,260
النقاط
583
محل الإقامة
الوادي
الجنس
ذكر
أنا عندي أصدقائي حذفو قناة نيكلوديون من الجهاز
نظرا لتأثيرها السلبي على أولادهم
وواحد قالي أنه لاحظ ابنه يقوم بحركات غريبة
ولما سأله من أين تعلمها عرف أنها من إحدى الرسوم في تلك القناة

 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
أنا أوافقك الرأي. قناة طيور الجنة وحدها لفتت انتباه الكبير قبل الصغير
شكراااااااااااا على الطرح الجميل
شكرا لك :thumbup:
و شكرا لابداء رأيك ندى
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
صح يا أختي عندك الحق ، سبيس تون فسدت ، رجع فيها غير أفلام كرتونية فيها العنف ، تعلم الاولاد الصغار العدوانية والشر ، واحد طفل صغير برئ رقيق ينعتولو أدوات خشينة ، يعلموهم كيفاه يضربوا ويعيطوا وووووووووووو ....... الخ ..... المهم انا نقول للأولياء حطوا طيور الجنة لاولادكم وكي تحبوا تبدلوا الجو عليهم شوية حطولهم سبايس تون في الوقت اللي يحطوا فيه توم وجيري ... وقولوا للرسوم المتحركة الاخرى بااااااااي .. خاطر ماروكو وسالي وبائع الحليب و غيرها من الافلام الكرتونية راحت .. ممكن تلقاوها غير فالقناة الأرضية الجزائرية ساعة على ساعة .. شكرا اختي على الطرح اللميز .. والله موضوعك هام جدا .. لأن الاطفال الصغار لازم نربيوهم من الصغر على السلم مش على العنف باه يجي جيل سلمي مش عدواني وعنيف
راكي فهمتيني :thumbup:
بصح ديري في بالك سبيس تون مليحة ناقصتها التنظيم برك
و القناة الأرضية برافو عليها.. تعرف وش تقدم و ديما تفكرنا بأيام زمان
و يعطيك الصحة على رايك
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
أنا عندي أصدقائي حذفو قناة نيكلوديون من الجهاز

نظرا لتأثيرها السلبي على أولادهم
وواحد قالي أنه لاحظ ابنه يقوم بحركات غريبة
ولما سأله من أين تعلمها عرف أنها من إحدى الرسوم في تلك القناة
شفت؟؟ نستعرف بيهم :thumbup: و الحمدلله مانيش الوحيدة لي نقول هاك:001_rolleyes:
حتى أنا معتها في الدار منعا باتا
هاذ القناة رسالتها واضحة :cursing:
ونتمنى حذفها من جميع الأجهزة
شكرا لك السوفي
يعطيك الصحة
 

رنيم الصمت

:: عضو شرفي ::
إنضم
13 جويلية 2008
المشاركات
4,195
النقاط
351
هادي كدالك تعلم البنات شطح و الردح من الصغر فتيات رقصات مند الصغار
وهذا الرأي كنت عاملة حسابو
أرجع للصفحة الأولى الرد الثاني و شوف الاضافة اللي كتبتها
و شكرا على رأيك الصريح :thumbup:
 

iktimel

:: عضو فعّال ::
إنضم
8 أوت 2009
المشاركات
1,648
النقاط
77
العمر
27
انا بصراحة اوافقك الراي اختي رنيم طيور الجنة وكراميش انا مانقدرش نفرط فيهم نبغيهم بزاف و راني حافظة كل الاناشيد تاعهم في تنين وبا لتحديد ديمة بشار و شهد صلاح في طيور الجنة و في كراميش هاديك لي تغني الله امرنا بالصلاة


مشكورة اختي رنيم موضوع قيم بارك الله فيك

تقبلي مروري

تحياتي
 

iktimel

:: عضو فعّال ::
إنضم
8 أوت 2009
المشاركات
1,648
النقاط
77
العمر
27
بصح فيها بزاف حوايج مفيدة

ماتقولوليش على طيور الجنة

اجمل قناة في التلفاز
 
الحالة
مغلق ولا يسمح بالمزيد من الردود.
Top