واش رايكم .... شاركوني

الحالة
مغلق ولا يسمح بالمزيد من الردود.

angel_fly

:: عضو بارز ::
أحباب اللمة
إنضم
12 جانفي 2008
المشاركات
1,393
نقاط التفاعل
4
النقاط
37
السلام عليكم و رحمة الله تعالى و بركاته

حبيت اليوم نتطرق لموضوع اللي هو المقولات او الخرافات كيما تحبو اللي خلاوهم ناس بكري مثلا يقولك الطفلة اللي تكنس فالليل ما تتزوجش و يقولك اللي يلعب بالمقص يصرالو مشاكل و كاين بزاف نسيتهم حاليا

هل تصدقو المقولات هادو و لا تعتبروهم خرافات برك
انتظر مشاركاتكم و اللي يعرف مقولات اخرين ما يبخلناش
و شكرا لكم
 
كاين بزاف يقولك...الي ياكل من القدر يوم عرسو يجي ممطر...ويقلك اذا حطيتي ذراعك على الرضيع يبقى بنفس الحجم ما يطوالش...ايضا اذا في عيد كنتي مثلا زعفانة في العيد القادم ثاني تزعفي...وغيرا من الخرافات انا حاجة مش موجودة في القرءان مانامش بيها...موضوع ممتاز شكرا
 
واه نيشان كاين بزاااف
تاني يقولك كي ترمش عينك اليسرى يعني راح تصرالك حاجةى ماشي مليحة
و...........و ...............و

انا مانامنش بيهم
يظهرولي خرفات
لانو واحد كي يتوكل على ربي ما يخاف من حتى حاجة
و ما يديرش في راسو هكا


صحيت خويا
 
يقولو ناس بكري تاني كي تحكي حاجبك اليسرى معناها راهم يمنشرو فيك ,راهم مجرد خرافات و ما نآمنش بيهم
صح فطورك أختي
 
يقولو ناس بكري اللي ياكل فالمرميطه ولا المقله عرسو تطيح فيه النو
نظن مكانش منهم هذو الحوايج والله اعلمممم
 
يقولك كي يصلحول تحت كراعك ماتتزوجيش تبالي مكانش منها
 
انا ما نامنش بيها خاطر خرافة واحد ما يعلم الغيب
 
مشكووووووووووووووور
 
اللي يامن بهذي الخرافات تصرالوا على حسب ما شفت
واللي ما يامنش بيها بالتاكيد ما تصرالوش
وانا عن نفسي ما نامنش بهذي الخرافات لانه هدره ما كانش منها
شكرااااااااااااا على الموضوع
 
انا منمنش بيهم...نامن غير بلي تعجبني كيما هدي تقدري تقولي نتفاءل بيها ...كي ترمش عينك تشوفي الغايب ولي مهمش ملاح كامل منامش بيهم لا خاطر تولي طيرة
 
يا جماعة الله غالب هذا الجهل خلاهم يفكروا هكا و يختارعوا في خرافات ..أكيد مانامنش بيهم
المهم ما تزعفوش اكنسوا في الليل راكم كاااااااااااااااامل تتزوجواااااا
 
نعرف يقلك تاني اللي يحك راحة يدو راه رايح يترفح هههههه:001_rolleyes:
هوما مجرد خرافة واذا صح صرات راهي مجرد صدفة
وميرسي موضوع هااااااااااااااااايل :thumbup:

 
السلام عليكم صحا فطوركم

حبيت نقولكم بلي مشي كلش راه خرافات

كاين بعض الاقوال راها صح

وانا ايضا كنت نحسبها خرافات وكي تقولي الام نتاعي عليهم نبقا نضحك

لكن من بعد معظمها صبتهم صح

ومثال ذلك الام كانت تقولي دايما لي يغسل الماعن في الليل مشي مليح

قلت انها خرافة قالتها مرأة متحبش تغسل الماعن

لكن بعدها تأكدت ان الرسول صلى الله عليه وسلم نبه لها

وزيد ايضا النفخ على الطعام وتأكدت مؤخرا فموضوع لاحد الاخوة فالمنتدى

يعطيكم الصحا على الموضوع واعذروني يلا طولت عليكم
صحا فطوركم
 
كاين بزاف يقولك...الي ياكل من القدر يوم عرسو يجي ممطر...ويقلك اذا حطيتي ذراعك على الرضيع يبقى بنفس الحجم ما يطوالش...ايضا اذا في عيد كنتي مثلا زعفانة في العيد القادم ثاني تزعفي...وغيرا من الخرافات انا حاجة مش موجودة في القرءان مانامش بيها...موضوع ممتاز شكرا


شكرا عزيزتي على الاضافات المميزة شكرا لك على المرور
 
واه نيشان كاين بزاااف
تاني يقولك كي ترمش عينك اليسرى يعني راح تصرالك حاجةى ماشي مليحة
و...........و ...............و

انا مانامنش بيهم
يظهرولي خرفات
لانو واحد كي يتوكل على ربي ما يخاف من حتى حاجة
و ما يديرش في راسو هكا


صحيت خويا

اكيد كل شيء من عند ربي سبحانه
شكرا على الاضافة و شكرا على الرد المميز
على فكرة انا اختك
 
يقولو ناس بكري تاني كي تحكي حاجبك اليسرى معناها راهم يمنشرو فيك ,راهم مجرد خرافات و ما نآمنش بيهم
صح فطورك أختي


الله يسلمك انت زادة
الف شكر على الاضافة و المشاركة
يعطيك الصحة
 
يقولو ناس بكري اللي ياكل فالمرميطه ولا المقله عرسو تطيح فيه النو
نظن مكانش منهم هذو الحوايج والله اعلمممم

نورت الصفحة بوجودك
شكرا جزيييييييييييييييييلا على المرور
 
يقولك كي يصلحول تحت كراعك ماتتزوجيش تبالي مكانش منها


نعرفها الهدرة هادي و الله اعلم كيما قلت كل شيء بيد ربي
شكرا على الاضافة و الرد
 
انا ما نامنش بيها خاطر خرافة واحد ما يعلم الغيب


اكيييييييييييييييييييييييييييييييد غير ربي اللي يعلم الغيب
شكرااااااااااااااااااااااااااااا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top