المسلسلات لحقتنا حتى للمة !!!!! خلونا نريحو لوجه ربي

الحالة
مغلق ولا يسمح بالمزيد من الردود.

Moha le sage

:: عضو بارز ::
أحباب اللمة
إنضم
15 مارس 2009
المشاركات
8,136
نقاط التفاعل
3,556
النقاط
356
صح فطوركم

راه بدا شوي يوجعني قلبي من عفسة كل ما يتفرج واحد حاجة يجي يحكيهالنا هنا :confused1:

وحدة تحكي على الجمعي ولخرى على مرنا وخليل والذراري قاعدين يوافقو فيكم :blink:

انا ديرو عليا اطرحو مواضيع المسلسلات في قسم حواء واللي حب من الذراري المواضيع هذو يروح لثم

الواحد التلفزيون كرهو غير الماتشات برك وقريب منتفرجهمش نجي هنا كشما نحكي نلقاها مليانا غير بالمسلسلات ؟؟ راهم بارتو و في الاقسام كامل .. انا كون تم هكذا منزيدش ندخل ونقول لصحابي تلقاوني في سكايب كي العادة

يا سيدي الواحد كاره التجغبيل هذا وهذيك باب الحارة ولخرى الجمعي .. يرحم والديكم ديريهم في قسم حواء

راني محترمكم وعلابالي بلي تحبو المسلسلات ..بصح ماشي تعمرو هاذ القسم بيهم ولا راني غالط

ربي هدينا ... تخيلو كل حلقة برك من 4 مسلسلات يحكي عليها 20 عضو ؟؟ رايح نولو مسلسل كثر من رانا ديجا مسلسل

راح نديرلكم مسلسل وسمو قلوب من كرطون ... راح نتورني فيه استناوه راه قريب


محمد


chitane2.jpg















.
 
ما تجمعش ا السي محمد انا جامي حكيت على مسلسل ما نتفرجش اصلا...انت كي تلقى موضوع تعرفو من العنوان وش فيه لاعاد مسلسل ما تدخلش
 
السلام عليكم
صح فطورك خويا محمد معليكش لاباس وشنو هذا قلقت ..نحكيلك على الحلقة ليوم تاع باب الحارة خلي غدوة ان شاء الله ههههههههههههه راني نتمسخر راك عندك حق بصح تعرف رمضان يجي ويجيب معاه الجديد والاعضاء يحبو يحكو خلو يروحو قسم حواء وخلاص ماتقلقش بريك
رانا نسناو مسلسل تاعك
 
سلام عليكم
يا خويا المنتدى قسم عدة اقسام كاين المنتدى تاع السنما يحكيو فيه على رواحهم
هديك حاجتهم يتفرجو او لا .. امحمد ماتعمرش راسك بزاف ماتقراش لمواضيع هادو خلاص هههه
 
اصبت ... و الله خير ماقلت ... كنت راح نقولها مي نت سبقتني ... من عندي من عندك مايهمش ، المهم يفهمو المغزى .
 
جزاك الله خير خويا
تستاهل التقييم
 
يا أخي محمد صحة فطورك
عندهم الحق لأنه لما يكتبو موضوع كيما هذا تلقى ألف رد
بالصح أكتب موضوع جاد وشوف شكون يتلفتلك

وعلى رأي مولا الكوستيم
السوفي حمة
مشرف منتدى اللاقمي والدقلة

 
يا أخي محمد صحة فطورك

عندهم الحق لأنه لما يكتبو موضوع كيما هذا تلقى ألف رد
بالصح أكتب موضوع جاد وشوف شكون يتلفتلك


هههههههههههه
وين راهو الجد ونصهم بز حاشا لي مايستهل
لكن كاين اعضاء محترمين
والبزوز نورمالمو ما يقراهمش المنتدى ناو ديسك
بصحتكم لفطور وخونا محمد يستهل تقييم لانو كلاونا البز
 
ديما محمد موجوع قلبو من لعوج تع البنات هادا صح عندك حق مي ما تقلقش روحك قلك واحد تقلق مات:blink:
271877_1222358725.gif

 
موضوع يحكيو فيه على مسلسلات رمضان مليحة هدي ,,و 500 قناة قع ما كفاتش
 
احم احم انا تحسبالى على دهبية رانى نجوز مسلسل فى هاد منتدى اسمو دهبية طويل كتر منهم كامل ههههه

واش نقولك لازم لواحد يسقسيك واش رايك فى مسلسل لفلانى و فنان العلتانى ههههه كيما قال خويا حمة دير موضوع فيه جدية و تشوف غير مشاهدات خلى برك
 
محمد الى راك تقصد وحدة نعرفها راهي ماشي تحكي على المسلسل راهي تحكي على قضية اخرى ....وكلمة التجغبيل اسمحلي ....؟؟؟؟
 
ما تجمعش ا السي محمد انا جامي حكيت على مسلسل ما نتفرجش اصلا...انت كي تلقى موضوع تعرفو من العنوان وش فيه لاعاد مسلسل ما تدخلش


منيش نجمع يا بنت سطارنو ..راني نحكي على اللي تتفرج حلقة وتجي تحكيها هنا :cursing:

نتي نستعرف بيك ..رغم اني ميهمنيش الناس ربي يسهل على كل واحد المهم يخلولنا نشايخو مليح
 
صح والله
هداك باب الحارة غير هو راهو يدور هنا
و زيد وزيد ........
اللي تفرج حاجه يخليها في قلبو وعلاش يجي هنا يحكي لنا
ايا بزااااااااف سمطوهالنا قعععع
 
سلام محمد.......................شكرا على الموضوع
انا راني معاك في وضع المواضيع نتاع المسلسلات في القسم نتاع حواء
شكرا
تقبل مروري
 
السلام عليكم
صح فطورك خويا محمد معليكش لاباس وشنو هذا قلقت ..نحكيلك على الحلقة ليوم تاع باب الحارة خلي غدوة ان شاء الله ههههههههههههه راني نتمسخر راك عندك حق بصح تعرف رمضان يجي ويجيب معاه الجديد والاعضاء يحبو يحكو خلو يروحو قسم حواء وخلاص ماتقلقش بريك
رانا نسناو مسلسل تاعك

وعليك السلام

صح فطورك تسنيم الثانية

ما تحكيلي خيتي على باب الحارة لا باب الزنقة .. راني انا حكايات

رمضان يجي ويجيب الهدرة الفارغة تاع المسلسلات ..يا سيدي روحو لقسم حواء العيب واملاوه .. العيب فيا انا كون نقلكم علاش

انا نجي كشما نكتب ولا نرد نلقى المسلسلات والحلقات بزاف ..نخليهم في الدار نكونيمتي نلقاهم والله غير حالة ..

مسلسل تاعي راه قريب
 
سلام عليكم
يا خويا المنتدى قسم عدة اقسام كاين المنتدى تاع السنما يحكيو فيه على رواحهم
هديك حاجتهم يتفرجو او لا .. امحمد ماتعمرش راسك بزاف ماتقراش لمواضيع هادو خلاص هههه

اهلا خويا مروان

منتدى السنما تيليشارجي فيه الفيلمات

يا سيدي يديرولهم خيمة المسلسلات والبرامج وربي يسهل عليهم منين اللمة تدخل كامل ثم ..

مش المشكل فيا .. كون جا ليا نخرج ما نكونيكتش .. المشكل في الاعضاء لخرين لي حابة تحكي وتتناقش واش يديرو .. يحكو لازم على باب الحارة ؟؟
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top