ياو نوووووووورمال.. عادي في بلادي !!!

[aMiNa-K]

صحا فطورك وربي يتقبل ختي أمينة

وربي يحفظك وربي يخليك
بالنسبة للاخت أنا تاني ماقلت حتى حاجا هي جابتها بصيغة الجمع وكاين لي مايفهمش دايما يحشر روحو ويحسب دايما لكلام راه عليه وأنا بالعكس وراني قلتها في المشلركة اللولة على لقلوب لي بردت
لكن وقيلا راهم عداوك بنورمال هذي ههههههههههههههههههههههههههههه
ربي يحفظك وربي يخليك وربي يعيطك ماتتمني
دمتي ودامت مواضعك المميزة ​

ايعيشك خويا عبيدو
رانا في الوقت المليح يروح مع الدوني :bored:

حابة نسقسيك على حاجة برك.. قرعاجية انا :001_rolleyes:
الصورة الشخصية تاعك!!!.. هاداك زيدان؟؟؟.. و اللي معاه ماجر؟؟؟.. واش راه يخنق فيه وقيل؟؟؟؟
التصويرة تاع الصح؟؟؟.. و لا مفبركة؟؟؟
ادا مفبركة غير استعرف :001_tt2:

هيا جاوب :glare:​

 

[abidou 20081]

صحا فطورك وربي يتقبل ختي أمينة

قبل كل شيء نقولك صح رانا في وقت كلش تخلط لمليح مع الدوني رجعو كيف كيف وماعادتش تفرق ولي اليوم تشوفو موسى غدوة يطلعلك فرعون وربي يجيب الخير برك في مايخص الصورة مافيهش مشكل وهذا ماشي تقرعيج لي يحب يسقسي مافيها حتى عيب ونقولك هي صورة حقيقية وكيما يقولو هي صورة نادرة وين إلتقى ماجر مع زيدان على أرضية الملعب لتسليمه جائزة وليس لخنقه وكانت صورة جد معبرة على إعتبار إلتقاء نجمين عالميين واحد لعب لبلادو ودار إسم والأخر لعب لغير بلادو ودار إسم كيف كيف والصورة الكاملة هاهي

ربي يحفظك وربي يخليك ويعطيك ماتتمني وربي يفتح في وجهك كل بيبان الخير
وربي يتقبل الصيام والقيام وصالح الأعمال ​

 

[aMiNa-K]

yew koul chi normale
hhhha

ايييييي وي
نشوفوكم وين تروحو بنورمال تاعكم هدي.. و سور ماتروحوش بيها بعيد :001_tt2:

ميرسي​

 

[azoula]

قولولي علاش كل حاجة عندنا نورمال؟.لانوكلش نورمال ماعندي مانقولك خويا غير "نورماااااااال "

 

[aMiNa-K]

ههههه فى اللول صح صحورك و فطورك تاع غدوة

دوك نمدلك متال يجو يقولولك وزير سرق نتى واش تقولى نورمال ههههه انا جابلى ربى تالمو كترو حوايج كيما هادو ولاو نورمال و تالمو تعاودو ريحيين يولو كتر من نورمال و بزيادة متقدرييش تبدليهم مالا تنفع كلمة نورمال حب يقول هكدا و لا كتر .....بصح تانى بزاف حوايج ناس يقدرو يبدلوهم تلقايهم يغطوها بكلمة نورمال ...على هديك شد الحيط و قول نورمال فى بلادى هادى واش نقولك ختيتو موضوعك شباب كيما عادة يعطيك الصحة

مممممم يعني نورمال = هكدا و لا كثر
ايه عيش تشوف.. عيش تسمع

عادي في بلادي

نورتي الموضوع بمرورك اختي

و صحا فطورك انتي تانيك
و صحا صحورك
و تقبل الله​

 

[aMiNa-K]

ال نورمال في الكوشة والبريوش او يطيب

""" أنا مير و أنت مير ........شكون يسوق الحمير"""""

هذا systeme نتاع يهود باش واجد لا تحمل المسئولية
البريسيدان ولا ملك ............نورمال
الشيتة ولات قفازة............نورمال
سرقوا 3200 مليـــــار .........نورمال
نو ....او ..........ر......م0....ا..........ل


نبقاو نورمال حتى يطيب البريوشششششششششششششش

هههه
هدي جديدة..( النورمال في الكوشة و البريوش يطيب) :001_cool:
و زدت كملت عليها (انا مير و انت مير و شكون يسوق الحمير) :thumbup:
هدي هي العقلية اللي راهي تمشي دوكا

بصح وقتاش يطيب البريوش :confused1: :confused1: :confused1:

يعطيك الصحة.. المشاركة تاعك فووووور بزاف
و صحا فطورك خويا و تقبل الله​

 

[Mr Lonely]

اغلبية الجزائريين والفوا هاذي الكلمة
و المشكل لصقت فيهم تاع الصح و يقدروش يبدلوها
شعب نورمال هههههههههههههههه
تقبلي مروري​

 

[aMiNa-K]

صحا فطورك وربي يتقبل ختي أمينة ​

قبل كل شيء نقولك صح رانا في وقت كلش تخلط لمليح مع الدوني رجعو كيف كيف وماعادتش تفرق ولي اليوم تشوفو موسى غدوة يطلعلك فرعون وربي يجيب الخير برك في مايخص الصورة مافيهش مشكل وهذا ماشي تقرعيج لي يحب يسقسي مافيها حتى عيب ونقولك هي صورة حقيقية وكيما يقولو هي صورة نادرة وين إلتقى ماجر مع زيدان على أرضية الملعب لتسليمه جائزة وليس لخنقه وكانت صورة جد معبرة على إعتبار إلتقاء نجمين عالميين واحد لعب لبلادو ودار إسم والأخر لعب لغير بلادو ودار إسم كيف كيف والصورة الكاملة هاهي ​

​

​

ربي يحفظك وربي يخليك ويعطيك ماتتمني وربي يفتح في وجهك كل بيبان الخير

وربي يتقبل الصيام والقيام وصالح الأعمال ​

الله يسلمك خو و انت زاد
صحا فطورك انت تانيك

اااااه صار هدي هي حكاية التصويرة.. بانتلي زيدان يخنق في ماجر :blushing:
(واحد لعب لبلادو و دار اسم.. و لوخر دار اسم تانيك بصح لعب لبلاد وحدخرة.. ماشي كيف كيف)
شكرا لك على التوضيح

و باااااااااارك الله فيك ​

 

[killua0555]

مممممم يعني نورمال = هكدا و لا كثر​

ايه عيش تشوف.. عيش تسمع​

ايه ياختيتو هكدا ولا كتر لخطر متقدريش تهدرى حتى لوكان تهدر تخلص على هديك رقدونا عقولنا بكلمة نورمال ​

عادي في بلادي​

هادى الفيرسيون اراب تاع نورمال:laugh: كلش عادى فى بلادى مام محال عادى فى بلادى ​

 

[كرومة الوهرانية]

هههههههههههه نورملي كل شيء نورمااااااااااااال في جزائر

 

[abidou 20081]

الله يسلمك خو و انت زاد
صحا فطورك انت تانيك

اااااه صار هدي هي حكاية التصويرة.. بانتلي زيدان يخنق في ماجر :blushing:
(واحد لعب لبلادو و دار اسم.. و لوخر دار اسم تانيك بصح لعب لبلاد وحدخرة.. ماشي كيف كيف)
شكرا لك على التوضيح

و باااااااااارك الله فيك ​

يلا مزية ختي أمينة وربي يحفظك
هذي هي حكاية التصويرة ومزية سقسيتي لا تنشريها فالجزيرة وتقوليلهم زيدان خنق ماجر ههههههههههههه
واحد مثل بلادو ماشي كيما واحدمثل بلاد الناس عندك الحق وهذي كلمة تاع الصح يصح لوكان نفكرو شوية فالوقت لي كان زيدان يمثل فالخارج كنا حنا مانستاهلوش باش يلعب معنا واحد كيما زيدان ولوكان تاني راه ماوصلش وين راه وصل ليوم ربي يخقظك وربي يعطيك ماتتمني
وربي يتقبل الصيام والقيام دمتي ودامت مواضعك المميزة ​

 

[aMiNa-K]

قولولي علاش كل حاجة عندنا نورمال؟.لانوكلش نورمال ماعندي مانقولك خويا غير "نورماااااااال "

ايه كلش نورمال.. امالا مانسحقو حتى واحد يشكي من حاجة فهاد البلاد مادام كلش نورمال

ميرسي اختي​

 

[aMiNa-K]

اغلبية الجزائريين والفوا هاذي الكلمة

و المشكل لصقت فيهم تاع الصح و يقدروش يبدلوها
شعب نورمال هههههههههههههههه

تقبلي مروري​

ايه يا خويا لصقت فيهم.. علقة :laugh:

يخي شعب يخي.. ميرسي خويا ​

 

[aMiNa-K]

مممممم يعني نورمال = هكدا و لا كثر​

ايه عيش تشوف.. عيش تسمع​

ايه ياختيتو هكدا ولا كتر لخطر متقدريش تهدرى حتى لوكان تهدر تخلص على هديك رقدونا عقولنا بكلمة نورمال ​

عادي في بلادي​

هادى الفيرسيون اراب تاع نورمال:laugh: كلش عادى فى بلادى مام محال عادى فى بلادى ​

ههههههههه
مليحة فيرسيو اراب :laugh:

ايعيشك اختي.. فرحتيني بالرد تاعك

صحا فطورك و تقبل الله ​

 

[aMiNa-K]

هههههههههههه نورملي كل شيء نورمااااااااااااال في جزائر

لالا انتوما anormal رجعتوه نورمال :bored:
الجزائريين لازم يحكمو السيرفو تاعهم و يشوفوه كيفاش يفونكسيوني :001_tt2:​

 

[aMiNa-K]

يلا مزية ختي أمينة وربي يحفظك

هذي هي حكاية التصويرة ومزية سقسيتي لا تنشريها فالجزيرة وتقوليلهم زيدان خنق ماجر ههههههههههههه
واحد مثل بلادو ماشي كيما واحدمثل بلاد الناس عندك الحق وهذي كلمة تاع الصح يصح لوكان نفكرو شوية فالوقت لي كان زيدان يمثل فالخارج كنا حنا مانستاهلوش باش يلعب معنا واحد كيما زيدان ولوكان تاني راه ماوصلش وين راه وصل ليوم ربي يخقظك وربي يعطيك ماتتمني

وربي يتقبل الصيام والقيام دمتي ودامت مواضعك المميزة ​

مزية سقسيتك قبل ماننشر الشكوك تاوعي هههههه

راك نورت الموضوع بمشاراكاتك خويا عبيدو.. بارك الله فيك

صحا فطورك
و تقبل الله ​

 

[BarBi3]

ih normmmmmmal
hhhhhhhhhhhhhhh
​

 

[Bob Marley]

والله ياأختي موضوع رائع
وكلمة نرمال هي nourmal
راهي تعجبني ياسر هدي الكلمة
لانه تقرب لصراحة
تفاجي على القلب

 

[zinnoo walido]

الاخت ماشي الشعب راه جاهل بارسكو يقول نورمال بالزاف

ضرك الناس والفت كلمة تاع نورمال
ثانيا رانا في بلاد كلش نورمال مالا وعلاش ميقولوش نورمال
ثالثا انت حكيتي شغل على حاجة بيزار كي تقوليها لواحد يقلك نورمال بيان سير يقول نورمال علا خاطر ماش مليح كي يقلك واحد حاجة بيزار تنخلعي وتقوليلي كيفاش او منا ومنا

تسما لي راه يقول نورمال راه مثقف او واعي !!! ولا لا ؟

شخصيا نستعمل كلمة نورمال بالزاف

ضرك كاين ناس يقلك واش بيها هذي دارت موضوع على نورمال نقلهم سي عندها الصح سي فري هذا الامر يثير التساؤل او نورمال كي راهي دارت عليه موضوع هههه

مارسي على الموضوع

صح رمضانكم

 

[SOUMA.]

والله يا اختي غير نورمال .
هادي هي بلادنا عندنا كلش نورمال