حاجة توجع القلب في الـ ( resto ) المطعم الجامعي

الحالة
مغلق ولا يسمح بالمزيد من الردود.

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851
السلام عليكم

وحد الظاهرة قلقتني بزاف بزاف كي كنت نقرى في la fac تاع فرحات عباس في سطيف و راني علابالي كاينا في جامعات اخرين تصرى فيهم والله اعلم

العقلية تاع واحد يمسح يديه بالبابة تاع الخبز ( الدخلاني تاع الخبز ) .. واحد يمسح بيها فمو ولاخر ينيطوايي في حبة تاع لانجاص ... ووحدة تمسح بيها يديها من الماء تاع التشينة :confused1::cursing:

انا نتخيل كيفاش هاذ الناس في دارهم وقيل ما عندهمش سرافت .. يتغداو وكي يكملو يجبدو طرف خبز ينحو منو البابا هذيك يمسحو بيها و يرموها

كاين لي لحقت بيهم الجرأة وين يمسحو صبابطهم بيها .. ايه نعمت ربي في الصبابط وفي الجامعة ثاني .. باش تعرفو درجة التقدم والرقي الحضاري لي لحقنالو

ذرك ولات نعمة ربي serviette ولا كيفاش ؟ تالمون متفنينين العين وما يروحوش ليها و ديفوا يكون مكاش الماء .. تلقاهم يمسحو في يديهم من المرقة و يرمو ذيك البابا فوق الطابلة ..

شحال من مرة هاوشت صحابي عليها بصح يقعدو يضحكو ومش دايرين هدرتي في السيريو

والله غير حرت .. المشكل يديروها ناس مثقفين وواعيين زعما ونا ما لقيتلهاش تفسير وراني خايف تكون كاينة في مطاعم تاع جامعات ولا تاع ثانويات بزاف

كي نتفكرها قلبي يوجعني بزاف ..ان شاء الله تكون نقصت ذرك




.
 
آخر تعديل:

exe

:: عضو مُشارك ::
إنضم
13 أوت 2006
المشاركات
213
النقاط
7
والله أجهل
حب ذات يدير هكا ؟

 

mimilove1

:: عضو مُتميز ::
إنضم
9 أكتوبر 2008
المشاركات
620
النقاط
17
العمر
29
مزاال مرحت للجامعة كنت هادك العام الباك والله غالب ماجبتوش
مي هاد العام نقرا بيان ونشالله نروح ونحارب تللك الداهرة المقززة ادا صبتها مازالت
 

Mr Lonely

:: عضو مُتميز ::
إنضم
1 نوفمبر 2008
المشاركات
508
النقاط
17
اول مرة نسمع بهذي الضاهرة
الله غالب بلاك بعض الطلبة الجهال
و خساة فيه كلمة طالب
ربي يهدي ما خلق خويا
و شكرا للتنبيه اخي tarkan
 

Dr.CrAzY

:: عضو فعّال ::
إنضم
15 ماي 2009
المشاركات
2,374
النقاط
77
هههههههههه واش نحكيلك من الشوفات تع الجامعة ربي يسترنا برك.
أنت قلت ناس مثقفين صدقني أكبر جاهلين عرفتهم في الجامعة سوى من ناحية الأخلاق ولا العادات
وزيد الجاهل راهو ليعلم ومايطبقش ولا يتمسخر بوش يعرف وحكاية الخبز هادي والتشينا ياو اهدر ولااقعد يديروها ومايحوسوش يفهمو قال وش نورمال جات في هادي .
والله تحير في هاد الوقت دي فوا نحس روحي نية كي نشوف لعوج والناس تقولي نورمال

 

H@teM

:: عضوية محظورة ::
إنضم
12 أوت 2009
المشاركات
2,107
النقاط
77
H@teM، تم حظره "حظر دائم". السبب: مخالفة القوانين
مشكور خويا محمد على الموضوع
غير متخافش اي تخرج فيهم كي عادت نعمة ربي
يديرولها هك
وصحا صحورك
 

ميسومة الدلوعة

:: عضو فعّال ::
إنضم
10 أوت 2009
المشاركات
1,554
النقاط
37
العمر
27
و الله جامي شفت كيما الظاهرة هادي انا وجعني قلبي كي قريت موضوعك ربي يهدي ما خلق
 

rokho

:: عضو مُشارك ::
إنضم
18 سبتمبر 2007
المشاركات
251
النقاط
6
العمر
37
كون تروح تشوف هذو الاصناف تلقاهم في ديارهم ما يلحقوش باللبابة اللي راهم يمسحوا بيها ايديهم وغير ذلك
 

D aucun

*طبيب*
إنضم
4 جويلية 2009
المشاركات
2,105
النقاط
91
العمر
31
الجنس
ذكر
واه يا محمد أهلا بيك نقولك انا راني مريزيدي وكنت ليجور لوالة ناكل تم وشفت حيوانات يديروها لانو أولا التبذير في الجامعة لو أنو يمدلو قد لي ياكل مايبدرش أوكي وكاين لي حيوان على صفة بشر لانو حتى احترام الخبز مامدوش وصراحة انا نهبط نجيب الخبز ونطلع نطيب في لاشومبر وزيد ماشفتش نت خبز في التواليت أعزكم الله وانا شحال من مرة نخرجو ونديرو في شكارة ونخليه في لي زيزكاليي ومع من تهدر واحد جايب باك زهر ووواحد غلطوله في لامواين وواحد في الكتيبة تاع لاموان نورمالمو كيف هداك حتى الماكلة يقطعوها فيه مي واه هادي هي جزائر العزة والكرامة واحد يرمي في الخبز والفقير شهر وهو يخدم علابال يوكل ولاده هاداك الشوية تاع الخبز
 

Lonely Girl

:: عضوية محظورة ::
إنضم
31 جانفي 2009
المشاركات
2,284
النقاط
77
Lonely Girl، تم حظره "حظر دائم". السبب: مخالفة القوانين
الصح الصح مشتهاش باغسكو مزال ملحقش الجامعة السنة لاجبت الباك بلاك نولي نشوفها والله لعاد صح ربي يسخطهم ويذلهم لقاو النعمة ولاو يمسحو بيها في سبابيطهم :cursing: قرايتهم ذيك يروحو يلبخو بيها شوهو العلم وطيحوها بيه ولا يروحو يقراو فن النظافة والستظريف قبل اكيد هاذو زوايل :bored:

 

صدق الايمان

:: عضو مُتميز ::
إنضم
11 نوفمبر 2008
المشاركات
1,300
النقاط
37
و عليكم السلام و رحمة الله و بركاته

أخي الكريم..بمجرد قريت العنوان دخلت باش نكتب على الخبز كفاش يمسحو بيه صباعهم
لكن صبت الظاهرة.. اللــه يبــارك..منتشرة على مستوى..
***الوطــــن***

يااااو كافرين بالنعمة ...الله يهديهم

جمعتك طيبة
 

touti

:: عضو مُشارك ::
إنضم
23 جوان 2008
المشاركات
207
النقاط
6
العمر
29
لا حول ولا قوة إلا بالله ربي يهدي هادو لعباد ولكان جات من دراري صغار نقولو دورك يكبر ويفهم مي المشكلة من عباد كبار ومثقفين
مشكور خويا تركان على الموضوع وصحا فطورك
 

MR-REDOUANE

:: عضو مُتميز ::
إنضم
26 فيفري 2009
المشاركات
505
النقاط
17
لكن صبت الظاهرة.. اللــه يبــارك..منتشرة على مستوى..
***الوطــــن***

كيفاش الله يبارك معناتها الله يزيدها.....على بالي بلي ماكش قاصد هكذا
المهم الظاهرة هذي راها partoutكيما راه يحكي exacte
ربي يهدينا و يهديهم.
 

khadidja2

:: عضو مُشارك ::
إنضم
13 مارس 2009
المشاركات
199
النقاط
6
مازال ماشفتهاش قدامي مي الله غالب ميعرفوش بلي هادي نعمة اللمهم ياكلو ربي يهديهم
 

nina bonoise

:: عضو متألق ::
إنضم
8 أوت 2009
المشاركات
3,357
النقاط
157
و الله جامي شفتها الظاهرة هذي
كي نروح للجامعة و نشوف
راني مزالت باك
ربي يهديهم و الله
مشكور
 

Bob Marley

:: عضو مُتميز ::
إنضم
14 أوت 2009
المشاركات
813
النقاط
16
هم تانيي تخرجو الله بارك
وعله نص لبنات تع لفاك يصهرو في لي les disco
هادي على فعيلهم
شكرا على موضوعك
 

joura

:: عضو مُشارك ::
إنضم
25 جوان 2008
المشاركات
288
النقاط
16
Salem
c'est vraie ..... mais c'est tu voix bien tu trouvera aussi que c'est pas que de leurs faute...... dans la plus par du temps il y a pas de l'eau pour qu'il puisse laver leurs mains ....... comme même il y a les papier mouchoir
rabi yahedihome

 

هبه الرحمن

:: عضو منتسِب ::
إنضم
19 أوت 2009
المشاركات
68
النقاط
2
ايه و الله كاين هاذ الظاهرة عندنا ان دخلت مرتين للريستو شفت لحوال قلت نبقا بالجوع و نتغدى برا بدراهمي و ما نشوفش هكذا مظاهر

الله يهديهم

 
الحالة
مغلق ولا يسمح بالمزيد من الردود.
Top