حاجة توجع القلب في الـ ( resto ) المطعم الجامعي

الحالة
مغلق ولا يسمح بالمزيد من الردود.

Moha le sage

:: عضو بارز ::
أحباب اللمة
إنضم
15 مارس 2009
المشاركات
8,136
نقاط التفاعل
3,556
النقاط
356
السلام عليكم

وحد الظاهرة قلقتني بزاف بزاف كي كنت نقرى في la fac تاع فرحات عباس في سطيف و راني علابالي كاينا في جامعات اخرين تصرى فيهم والله اعلم

العقلية تاع واحد يمسح يديه بالبابة تاع الخبز ( الدخلاني تاع الخبز ) .. واحد يمسح بيها فمو ولاخر ينيطوايي في حبة تاع لانجاص ... ووحدة تمسح بيها يديها من الماء تاع التشينة :confused1::cursing:

انا نتخيل كيفاش هاذ الناس في دارهم وقيل ما عندهمش سرافت .. يتغداو وكي يكملو يجبدو طرف خبز ينحو منو البابا هذيك يمسحو بيها و يرموها

كاين لي لحقت بيهم الجرأة وين يمسحو صبابطهم بيها .. ايه نعمت ربي في الصبابط وفي الجامعة ثاني .. باش تعرفو درجة التقدم والرقي الحضاري لي لحقنالو

ذرك ولات نعمة ربي serviette ولا كيفاش ؟ تالمون متفنينين العين وما يروحوش ليها و ديفوا يكون مكاش الماء .. تلقاهم يمسحو في يديهم من المرقة و يرمو ذيك البابا فوق الطابلة ..

شحال من مرة هاوشت صحابي عليها بصح يقعدو يضحكو ومش دايرين هدرتي في السيريو

والله غير حرت .. المشكل يديروها ناس مثقفين وواعيين زعما ونا ما لقيتلهاش تفسير وراني خايف تكون كاينة في مطاعم تاع جامعات ولا تاع ثانويات بزاف

كي نتفكرها قلبي يوجعني بزاف ..ان شاء الله تكون نقصت ذرك




.
 
آخر تعديل:
والله أجهل
حب ذات يدير هكا ؟

 
مزاال مرحت للجامعة كنت هادك العام الباك والله غالب ماجبتوش
مي هاد العام نقرا بيان ونشالله نروح ونحارب تللك الداهرة المقززة ادا صبتها مازالت
 
اول مرة نسمع بهذي الضاهرة
الله غالب بلاك بعض الطلبة الجهال
و خساة فيه كلمة طالب
ربي يهدي ما خلق خويا
و شكرا للتنبيه اخي tarkan
 
نعمة ربي تسخطو وش نقولو غير ربي يهدي
 
هههههههههه واش نحكيلك من الشوفات تع الجامعة ربي يسترنا برك.
أنت قلت ناس مثقفين صدقني أكبر جاهلين عرفتهم في الجامعة سوى من ناحية الأخلاق ولا العادات
وزيد الجاهل راهو ليعلم ومايطبقش ولا يتمسخر بوش يعرف وحكاية الخبز هادي والتشينا ياو اهدر ولااقعد يديروها ومايحوسوش يفهمو قال وش نورمال جات في هادي .
والله تحير في هاد الوقت دي فوا نحس روحي نية كي نشوف لعوج والناس تقولي نورمال

 
H@teM، تم حظره "حظر دائم". السبب: مخالفة القوانين
مشكور خويا محمد على الموضوع
غير متخافش اي تخرج فيهم كي عادت نعمة ربي
يديرولها هك
وصحا صحورك
 
و الله جامي شفت كيما الظاهرة هادي انا وجعني قلبي كي قريت موضوعك ربي يهدي ما خلق
 
كون تروح تشوف هذو الاصناف تلقاهم في ديارهم ما يلحقوش باللبابة اللي راهم يمسحوا بيها ايديهم وغير ذلك
 
واه يا محمد أهلا بيك نقولك انا راني مريزيدي وكنت ليجور لوالة ناكل تم وشفت حيوانات يديروها لانو أولا التبذير في الجامعة لو أنو يمدلو قد لي ياكل مايبدرش أوكي وكاين لي حيوان على صفة بشر لانو حتى احترام الخبز مامدوش وصراحة انا نهبط نجيب الخبز ونطلع نطيب في لاشومبر وزيد ماشفتش نت خبز في التواليت أعزكم الله وانا شحال من مرة نخرجو ونديرو في شكارة ونخليه في لي زيزكاليي ومع من تهدر واحد جايب باك زهر ووواحد غلطوله في لامواين وواحد في الكتيبة تاع لاموان نورمالمو كيف هداك حتى الماكلة يقطعوها فيه مي واه هادي هي جزائر العزة والكرامة واحد يرمي في الخبز والفقير شهر وهو يخدم علابال يوكل ولاده هاداك الشوية تاع الخبز
 
الصح الصح مشتهاش باغسكو مزال ملحقش الجامعة السنة لاجبت الباك بلاك نولي نشوفها والله لعاد صح ربي يسخطهم ويذلهم لقاو النعمة ولاو يمسحو بيها في سبابيطهم :cursing: قرايتهم ذيك يروحو يلبخو بيها شوهو العلم وطيحوها بيه ولا يروحو يقراو فن النظافة والستظريف قبل اكيد هاذو زوايل :bored:

 
و عليكم السلام و رحمة الله و بركاته

أخي الكريم..بمجرد قريت العنوان دخلت باش نكتب على الخبز كفاش يمسحو بيه صباعهم
لكن صبت الظاهرة.. اللــه يبــارك..منتشرة على مستوى..
***الوطــــن***

يااااو كافرين بالنعمة ...الله يهديهم

جمعتك طيبة
 
لا حول ولا قوة إلا بالله ربي يهدي هادو لعباد ولكان جات من دراري صغار نقولو دورك يكبر ويفهم مي المشكلة من عباد كبار ومثقفين
مشكور خويا تركان على الموضوع وصحا فطورك
 
لكن صبت الظاهرة.. اللــه يبــارك..منتشرة على مستوى..
***الوطــــن***

كيفاش الله يبارك معناتها الله يزيدها.....على بالي بلي ماكش قاصد هكذا
المهم الظاهرة هذي راها partoutكيما راه يحكي exacte
ربي يهدينا و يهديهم.
 
مازال ماشفتهاش قدامي مي الله غالب ميعرفوش بلي هادي نعمة اللمهم ياكلو ربي يهديهم
 
و الله جامي شفتها الظاهرة هذي
كي نروح للجامعة و نشوف
راني مزالت باك
ربي يهديهم و الله
مشكور
 
هم تانيي تخرجو الله بارك
وعله نص لبنات تع لفاك يصهرو في لي les disco
هادي على فعيلهم
شكرا على موضوعك
 
Salem
c'est vraie ..... mais c'est tu voix bien tu trouvera aussi que c'est pas que de leurs faute...... dans la plus par du temps il y a pas de l'eau pour qu'il puisse laver leurs mains ....... comme même il y a les papier mouchoir
rabi yahedihome

 
ايه و الله كاين هاذ الظاهرة عندنا ان دخلت مرتين للريستو شفت لحوال قلت نبقا بالجوع و نتغدى برا بدراهمي و ما نشوفش هكذا مظاهر

الله يهديهم

dyn008_original_179_184_gif_2622397_3492c77902c4509bffa4a1e0ac7a5ba7.gif
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top