هل من مساعدة

[نموسة الجميلة]

ممكن وصفة قاطو فرماجة

 

[بنت الـــ سـوف ـــواد]

السلام عليكم اختي والله مادبيا نساعدك بصح انا تاني من صباح وانا نحواس على قاطو فرماجة مي الله غالب ملقيتش
ان شاء الله يفيدونا الاعضاء بافكارهم
سلام​

 

[حورية الجزائر]

يحتوي على الفرماج ولا شكلو شكل فرماجة؟
عندي وصفة قاطو الفرماج
​

 

[بنت الـــ سـوف ـــواد]

انا نرد على الاخت انا نحوس على قاطو فرماجة وفي مكونته فيه فرماج انا نستحق ضروري ضروري
ان شاء الله تحطيلنا في اقرب وقت ممكن بليز
سلام ​

 

[حورية الجزائر]

السلام عليكم

عندي وصفة تاع قاطو الفرماج اقتصادي ويقطع

تحطي القطعة الزبدة كاملة وتحطي عليها حبات الفرماج 8حبات

وتمزجيهم مع بعض بكف اليد جيدا

وبعدها حطي الفرينة تدريجيا

حتى تتحصلي على عجينة متماسكة

ابسطي العجينة وقطعيها بواسطة سكين الى قطع مستقيمة

ومن بعد الى خطوط مائلة وهذا للحصول على مثلثات

تدخليهم للفرن حتى تكتسب لون ذهبي

غطسيها فالعسل مباشرة بعد اخراجها من الفرن

ثم ترمديها

اما في كوكاو مطحون شرائح اللوز

او قوفريط يكون مهرمش

هاذي هي الطريقة لي عندي



​

 

[alai]

سلام حلوة الفرماجة هي حلوة الفرماج
ويكون الشكل مثلث
250غ مارقرين طرية 4حبات فرماج 1مغرف سكر قلاسي 2مغارف مايزينة فرينة حسب العجينة
خلطي بكف اليد مارقرين وسكرقلاسي و فرماج حتى تحصلي على كريمة زيدي مايزينة وفرينة بشوية وانتي تخلطي حتى تحصلي على عجينة . شكلي من العجينة حربوش(boudins) قطعيه على شكل مثلثات حطيهم يطبوا مدة15 الى20 دقيقة خليه يبرد حطيه في معجون المشمش ثم نوات كوك لاخذ اللون الابيض
اتمننى لكي التوفيق

 

[بسمة شوق]

انا عندي نفس وصفة لي قدمتها الاخت حورية الجزائر, مجربة ولذيذة

 

[بنت الـــ سـوف ـــواد]

اشكركم جزيل الشكر على الوصفة الفرماجة الرائعة ولذيذة في نفس الوقت
انا جربتها وطلعتلي هايلة انا غمستها في القوفريط

شكرااااا​

 

[نموسة الجميلة]

شكرا يااختى alia هدا لنحوس علية

 

[بلبلة سطيف]

قاطو الفرماج

الى الاخت التى تبحث عن هده الكيفية وهى سهلة واتمنى التوفيق 500غ زبدة طرية +فنجان سكر نخلط جيدا حتى نتحصل على كريمة +8 قطع فرماج +1/2ملعقة خميرة +قشورليمونة +فرينة نتحصل على عجينة متماسكة وطرية نعمل حربوش نقطع مثلثات ونطيب لما يبرد نغطس فى المربى سائل ونمرغد فى القفريط مرحى اى مشكل اتصلى بى