معاناة شاب اثناء الخطية

[بقعة ضوء]

قصيدة باللهجة الجزائرية

نصحوني صحابي مرة بالزواج ...وقالوالي

بركاك من التعواج وراهي رايحة ترميك الامواج ادا بقيت في بحر العزوبية...

بقيت في الليل نطلع في الحساب..ولقيت كلامهم صواب

وفي الغد بعتلهم نواب ...يطرحوا لاهلي القضية.....

بابا وافق في الحال ..وقال جيبوا بنت الخال..

ويما جاها في البال ..تخطبلي وحدة بدوية ..

تفاهمنا على بنت المدينة...

قالو راها فاهمة ورزينة.......

راهي تخمم في الكوزينة .تطبخ طبخات شهية.........

عولنا و قصدنا الدار....

ودرنا رواحنا زوار قاصدين البنت المعنية

الراجل يشكر في بنته وزيد .....قارية ما تركت مسيد.....

وصحيحة كالحديد.. بنت العلم والتربية......

قلت واش هي الشروط؟....راني صيرت بكوم مربوط...........

ومالي عندكم محطوط.....ونزيدلكم شهرية.......

قال ياولدي سجل.... عشرين صباط باش تبدل .......

وخمسين سروال مفصل ....وكونو ضيقين شوي..

وزيد كيلوا دهب صافي .......وتجيبو وانت :scared:زاهي...:sad:

والشنتوف ماهو كافي .........راني درت فيك مزية....

بنتي راهي غالية وشريفة .......وما تتركش يدها خفيفة.....

عشرين خاتم في قفيفة .....وتحطهم في يدها هي...

كرفاش بولحية ما تنساش .....والمليون لازم اكون معاه...

والحايك لازم منو تلقاه .....وتقدمو لبنتي هدية.....

قالي ياسي موح ........بلاك تنسى خيط الروح.

باش ازيد لبنت في الروح ........وتبقى دايما حية...

تشريلها عشر كباش والجاج المشوي ما تنساش.........

جابولي لعروس للبيت...وكي شفتها من الخوف بكيت....

قالتلي لازمني نبقى حرة......ويماك لاوم ترميها برة.......

ماتكترش من الهدرة .....راني طفلة حضرية. ......

قالت خف طلع البارمي ..... قلت يا امراه ....

لازم تفهمني......ترفدي حوايجك وتلمي .....

وطيري اليوم عليا ..

في انتظار الردود

 

[فريد43]

ابيات شعرية رايعة بصح الزواج مليح خويا ماتقطعش لياس المفيد راهو في التربية ماشي في بنت المدينة ولا بنت الدوار المهم المراة الي تقومك وتبني معاك دار وانا نقولك حاجة من ضرك المراة كيما تكون معاها في الاول سيفار راهي تحتارمك بصح الى طلقت روحك راهي تعفسك مع احترامي لبنات المنتدى
هذا راي واتمنى ان تتقبله
​

 

[بقعة ضوء]

شكرا لك اخي على الرد وانا احترم رايك

 

[maroua-babia1]

هههههههههههههههههههههههههههههههههه
نقلك قلهم أحكمو بنتكم خير ..وزيد البنات عادو بزاف ولاو يمدو الربعي بألف..
شكرا على القصيدة الواقعية

 

[ايات الرحمان]

قصيدة غاية في الروعة
الزواج اليوم حاجة صعيبة بزاف العائلات تبحت على المركز و المال و الهنى ربي يجيب المهور الغالية و الشروط التعجزية انا من راي الهنى هو الغنى كاين بزاف بنات عايشين عند الازواج اللي يطلب يحضر لكن رفعة سعادة ما كانش. التفاهم هو الصح و و الرضا بمكتوب ربي حاجة لازما

 

[بقعة ضوء]

والله غبر عندك الحق هناء هو الصح


شكرا لكم على الرد

 

[nina bonoise]

هههههههههههه
مليحة القصيدة هذي

 

[لحظة أمل]

هههههه
مليحة بزاف وكاين منها مي مش ديما

​

 

[H@teM]

ههههههههههههههههههههه
طرح العيد هادي
صحا عيدك اختي

 

[مايلي]

هههه اوحي عليه المخلوق شاقعدله؟
هههههههههههه يعطيك الصحة طاطا واللهي غير موضوع هايل
وصح عيدك....​

 

[ملكة زماني]

جى يزوج يتهنى؟؟؟مسكين
زاد على روحو
راك تليق مداح انى نتمسخر معاك تعود تغضب
كلامك معبر

 

[سماح4]

شكرا ليك كلمات موزونة فعلا ..........بصح راك بالغت شوية .(بيناتنا)ههههههههههها