أفرحو رانا حابين نولو فرنسيين

الحالة
مغلق ولا يسمح بالمزيد من الردود.
صراحة هذا وين راني نقرا فالخبر

واذا صح اكيد عندها اهداف اخرى خفية

وعمرو الذيب يلا يرجع خروف

شكرا على الطرح
 
ههههه هاذي جديدة ربحت مالا شافو الغاشي ملهوف على فرنسا فرنسا ...
 
نوووووووووووووووووووووووووووووووووو

ويييييييييييييييييييييييييييييييييييييييييييييييييييييييييي

واش ختي هوارية هذا واش جاد بيه لكلافي تاعك أنت تقولي نوووووووووو وحنا هذ النووووووووو وين نحطوها ماراكيش قابلة الهدرة هذي ماراكيش قابلة الفكرة عندها ألف باب ختي
المهم نورتي بالطلة تاعك وربي يحفظك
 
ههه عبيدو خويا من كثرة للي خاطيني السياسة
و الله مافهمت القصة مليح
اسمحولي
نخلي المجال للسياسيين
شكراااااا
 
فرنسا منساتش مشروع الجزائر فرنسية مزال راها باغيا طبقه بصح بزاف مايقبلولهاش اقصد الشعب
 
جدودي عندهم الجنسية فرونساز مش راح يأتر عليهم

مي فرونسا سير مقصدها مش في مصلحة لبلاد


تحية طيبة أختي ميرنا
نقولك ختي كل دولة تخزر لمصلحتها هذي أكيد ومافيها شك جدودك أنت تهناو مايحوسو عليها
بصح على حساب مافهمت ماشي الدزاير كامل رايحين يجنسوها لكن المضرورين برك يعني لي
نضرو من الجرائم الفرنسية لي ماصرالو والو وعلاش يجنسوه على حساب مافهمت من الموضوع
هكذا تبقى الأغراض هذي واضحة عندهم أغراض وراهم دارسينها مليح مايحطوش حاجا غير
هكذا بصح الحاجا لمليحة لي فكرت فيها أنا ولي هي إذا دارو هذ العفسة صحيح هذ الناس تدي حقها ماشي كيما عندنا هنا حقك في يدك ويطير ربي يلطف وخلاص ربي يحفظك وربي يخليك
وربي يعطيك ماتتمني نورتي الصفحة وربي ينورك دمتي
 
صراحة هذا وين راني نقرا فالخبر

واذا صح اكيد عندها اهداف اخرى خفية

وعمرو الذيب يلا يرجع خروف

شكرا على الطرح


تحية عطرة ختي حورية

وأنا نقولك صراحة تاني منين قريت لخبر هذا في الجرائد ما أمنتش بصح هذا هو الواقع
واش تحبي تديري عندها أهداف هذي لابد بصح باش توصل دولة تقترح هذ الإقتراح وتجنسلك
شعبك راهي كبيرة وعندها أبعاد أكثر نورت الصفحة وربي ينورك دمت بألف خير وهناء إن شاء الله
 
ههههه هاذي جديدة ربحت مالا شافو الغاشي ملهوف على فرنسا فرنسا ...

تحية طيبة أختي مريومة وربي يحفظك

ههههههه والله غير عندك الحق شافو غير الشباب يحرق قالك ندولهم تاني الشياب تاعهم هههههه
المشكلة ختي لوكان جاتن قضية جنسية ولا مادابيهم يمدو الجنسية يمدوها غير للغاشي لي راه عندهم لتم برك لكن الأهداف والأغراض هذ الخطرة تختلف ويقرر يجنسلك شعبك في بلادك مانيش عارف مجرد رشوة من فرنسا باش تسكت الغاشي لي راهي تطالب بالتعويضات ولي فرنسا بالاك عرفت بلي هذ الغاشي غير يشحم وخاطيه يعني ماراهش متضرر بحتى حاجا ودخلها من هذ الباب
وبهذ القانون تغلقلهم فمهم يا إما عندها غرض أكبر من هذا ربي يحفظك وربي يخليك ختي مريومة ويعطيك ماتتمني دمتي بألف خير وهناء إن شاء الله نورتي
 
ههه عبيدو خويا من كثرة للي خاطيني السياسة
و الله مافهمت القصة مليح
اسمحولي
نخلي المجال للسياسيين
شكراااااا


واش راكي ختي فريدة ربي يحفظك وربي يخليك هههههههههه عندك الحق راكي متهنية من السياسة ولي يجي منها غير وجع الراس بصح ماعليش نفهمك في هذ النقطة كاين عندنا جمعيات فالجزائر راهي تطالب بالتعويضات من فرنسا على الجرائم لي إرتكبتها هنا منين كانت محتلتنا
منها التجارب النووية وغيرها وعلى هذي فرنسا باش تعوض هذ الناس قالت لازم نديرلهم الجنسية الفرنسية وهكذا يعني يولو عندهم زوج جنسيات وهذا هو الموضوع على واش راه يدور
ربي يحفظك ختي فريدة ومرورك أسعدني كثيرا وأفرحني ربي يفرحك ديما ويعطيك ماتتمناي
ودمتي بألأف خير وهناء إن شاء الله
 
فرنسا منساتش مشروع الجزائر فرنسية مزال راها باغيا طبقه بصح بزاف مايقبلولهاش اقصد الشعب

والله راني معاك لوكان ماكوناش جزائر فرنسية فرنسا خرجت مع الباب ودخلت مع التاقة خويا لعزيز
سواء بنفودها ولا بقوانينها لي راهي تمشي والمشكلة فالجنسية الفرنسية لي حبت بالاك تزيد العدد تاعها هنا يعني هي لوكان حابة تمد الجنسية الفرنسية للجزائريين بلا غرض تروح تمدها للغاشي لي راه عندها لتم راه خير ربي من الجزائريين مازال ما سقموش كوارطهم تعطيهم الجنسية تهني روحها وتهنيهم بصح باش تجنسلك الغاشي هنا في بلادك هذي كبيرة بزاف بالرغم من أنم الغاشي كامل يحوس عليها يعطوه الجنسية منا غدوة كان هنا وراح ماتصيبوش يدور ربي يجيب الخير برك
ربي يحفظك وربي يخليك خويا وربي يعطيك ماتتمنى دمت أخي
 
غير بالباسبور لخضر ما نستعرف
 
الجنسية تاعهم يخلوها عندهم ماعندنا مانديرو بيها


هادي مليحة مية سنة وفرنسا قاعدة فدزاير وماقدرتش تردنا فرنسيين كي خرجت جاية تمدلنا جنسيتها

فرنسا دارت جرائم ولازم تعترف بيها وتعوض المتضررين

الجنسية تاعها تgـارديها لروحها احنا جزائريين وسنبقى كدلك
 
غير بالباسبور لخضر ما نستعرف

ربي يخليك ختي البسكرية وربي يحفظك

المشكلة ماشي حنا لي يعطونا الجنسية يعطوها غير لي كبرو والله أعلم غير لي نضرو كذلك
الموضوع هذا ذكروه الجرائد ويعتبر مجرد غقتراح دارتو فرنسا والله أعلم الغرض منه
إسكات أفواه المطالبين بالتعويضات ومنتم نقدرنفهم بلي فرنسا غير معترفة بطريقة مباشرة
بهذ الجمعيات
ربي يحفغظك وربي يخليك وربي يعطيك ماتتمني ودمتي بألف خير وهناء إن شاء الله
 
إن شاء الله تعالى نروحو
شكرا جزيلا و بارك الله فيك
 
الجنسية تاعهم يخلوها عندهم ماعندنا مانديرو بيها


هادي مليحة مية سنة وفرنسا قاعدة فدزاير وماقدرتش تردنا فرنسيين كي خرجت جاية تمدلنا جنسيتها

فرنسا دارت جرائم ولازم تعترف بيها وتعوض المتضررين

الجنسية تاعها تgـارديها لروحها احنا جزائريين وسنبقى كدلك

تحية عطرة أختي العزيزة إيمان
عندك الحق الجنسية تاعهم يخلوها عندهم لكن المشكلة حنا خاطيتنا يعني لي يستفاد منها فئة محددة من الأعمار وليس الكل ونقدر نقولك عندك الحق فرنسا لوكان تريح ألفغ سنة فالجزائر ماتقدرش ترجعها فرنسية على خاطرش هذاك الوقت كانت عندنا الروح الوطنية والنخوة والنيف
والرجالة كانت فالميدان تخدم وعلى هذي كيما دارت ماقدرتش بصح منين خرجت ندمت لي ريحت 100 سنة على خاطرش لي ماقدرتش تخدمو هي في 130 سنة خدموه ولادها في 10 سنين
وعلى هذي هي ماراهيش محتاجة حتى تقسم علينا الجنسية تاعها بصح كاين وراء هذا الغرض هدف لي يجي الوقت وين ينكشف بوضوح ربي يحفظك وربي يخليك وربي يعطيك ماتتمني دمتي بألف خير وهناء
 
إن شاء الله تعالى نروحو
شكرا جزيلا و بارك الله فيك

واش خويا حاجي خرجت عليك العفسة ههههههههههههههههههههههه
على بالك لازم تولي الإزدياد تاعك من 62 واهبط برك على خاطرش ماتصحلكش ههههههههه
هذا غذا وافقت السلطات طبعا على هذا المقترح لي راهي تهدر عليه فرنسا ولي راني مستبعد جدا باش ياوفقو عليه نورت الصفحة خويا وربي ينورك وربي يحفظك ويخليك دمت أخي
 
خويا عبيدو تفكرت واحد الحصة تفرجت عليها حول الهجرة المقننة وهي أن الدول الأوربية تستقطب اليد العاملة من شمال إفريقيا بشروط ومنها أن الاقامة تكون بمدة محددة وعدم الحق في التجنيس وغيرها من الشروط بحيث تصبح الدول نتاعنا تنجب الشباب وتبعثهم لفرنسا وأخواتها تستغلهم وترجعهم شيوخة يموتو في بلادهم، وهذا علاش لأن الدول الأوربية نقص منها عدد الشباب وكيما أحنا رانا نستوردوا في الشناوة هوما رايحين يستوردوا العرب والأمازيغ،.........

 
اللي من مواليد 62 وهبط درك راهم في الخمسينات يهني ما شي شباب.................
يعني فرنسا راهي تخمم لبعيد وهذا اللي لازم نفطنولو.......................
 
الله يرحم البطل الراحل هواري بومدين والي قال

كون يحب ربي ندير سور بيني وبينهم في لبحر

تحيا الجزائر و مانستعرف بحتى هدة تجي من عند العديان

و الحمد الله بلادنا شابة و مليحة و تستاهل الدم و ماشي خسارة

سامحنا خويا على الرد مرة ثانية

بارك الله فيك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top