اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
ايه سمعت بهذا الخبر قالهالي الأستاذ
انا ما تعجبنيش هذي الفكرة
وي حابة نروح لفرانسا توريست برك مي نعيش ثما لا
انا حابة نروح لسوريا ولا تركيا ودبي
خلينا من فرنسا ما تلزمناش
اذا الشباب رحبوا بهذا الموضوع يا خسارة دم اللي راحوا ويلبسوا عجار خير ليهم يلعن بو الجنسية الفرنسوية اللي دم اهلنا عبا الارض على جال نخرجوهم منها
خلي الواحد يوكل التراب وما يرضاش بجنسية الكلاب تاع اليهودي ساركوزي
ايه هادي الاقتراح جامي و يلا يقبلوو واحد من الكبار تاع الجزاير على خاطر هوما اللي تعبو باش يدو الجنسية الجزايرية يعاودو يروحو يدو الفرنسية مشكيتش يلا يقبلو
مي الشبيبة تجيها على القوسطوووو و قااااع تفرح بالخبر و لا واش قال
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مشكور على الموضوع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تحية عطرة وطيبة أخي سليم
ياخويا والله غير كلامك دوى ونحي فيك الروح الوطنية لي راك تتمتع بها وعندك الحق
بصح ياخويا راك تشوف بعينك بلا مايديرو قانون الناس راهي تهرب وترمي روحها لبحر غير على جال
باش يخرج لهذ الدول سواء فرنسا أو غيرها ويتمنى يريقل كوارطو كيما يقول وكوارطو أول حاجا يتمناها أنو يدير جنسية أخرى تاع هذيك الدولة لي راه فيها وعلى هذي اللإقتراح هذا تاع فرنسا ماجاش من فراغ
وقالك الدزاير أصلا راهم شادينها وعايشين فيها غير صحاب الدوبل ناسيوناليتي والدزاير ليهم برك الشعب مايسال فيها والو ولي حرروها تاع الصح ماتو ولي راه عايش رماو عليه الماء ربي يجيب الخير برك
ربي يحفظك وربي يخليك ويعطيك ماتتمنى خويا وربي ينورك كيما تورت الموضوع دمت بألف خير إن شاء الله
الف شكر اخي على ردك الرائع لكني اردت ان اقول انني سيدة وسليم شاه هو زوجي وهو اللي سجلني في المنتدى لانني ما نعرفش للانترنت ياسر
الجزائر جابت الرجال والنساء الحراير وما تسحقش فضلة ساركوزي واعوانه والله كون يعطوني الملايير ما ندي جنسية واحد اصله يهودي مجري
أخي عبيدو الخبر سمعتو عندها ياسر -بزاف-
أولا كيف قلت من قبل في أحد المواضيع
هذا أسلوب ماكر لما يسمى بالاعتذار
والدولة الجزائرية لن تقبل به
لكن ألا ترى أن الذين يرمون نفسهم في البحر سيكونون فرحين بهذا الخبر
كفانا كذبا على أنفسنا والمبالغة في التمجيد والتهليل بشعبنا
الناس هنا باعت الدين
فما بالكــ الوطن
هذا استعمار في قالب جديد
atontion
هكا تتكتب و لا لا
خبر جديد آه
مليحا ومش مليحا
صح هنا الشباب ما عندهم لا خدمة لا زدما مي كومام كي يخلو بلادهم يعني منين زادو ما حسوش ببلادهم
وانا نقول بلي دم الشهداء ماش راه تنسينا فيه كارطة تاع الجنسية
شكرا على الطرح
تحية عطرة وطيبة أخي مهدي
والله التأكد من صحة الخبر شيء صعب جدا لأن المصدر كان جريدة الخبر ومنه نقل الخبر نظرا لإستغرابي الشديد مما تم التطرق له ولكن رغم كل شيء هذا لا يمنعني أن أقول لك بارك الله فيك على التحليل المنطقي إلى أبعد الحدود وكلنا نعلم أن فرنسا لو كانت نيتها صادقة فلديها كمية هائلة من طالبي الجنسية الفرنسية من المهاجرين فلما لم تسوي وضعيتهم لكن أغلب الإحتمالات تصب إلأى محاولة من فرنسا لإسكات الجمعيات المطالبة بمحاسبة فرنسا على جرائمها إبان الإحتلال
على الجزائر ومنه نستنبط أن المشكلة أبعد بكثير من محاولة در الرماد في الأعين ومسألة منح الجنسية الفرنسية للجزائريين من مواليد 1962 ماهي إلا لعبة سياسية تريد من ورائها غلق أفواه
المطالبين بهذه التعويضات الذي زادت حذتها مؤخرا وفرنسا كما هو معلوم لا تريد الإعتراف بما فعلته وإعترافها سوف يضعها في موقف لا تحسد عليه وتصبح ملزمة مباشرة بدفع التعويضات حسب الأعراف والقوانين الدولية ولهذا تريد خلق نوع من عدم الإستقرار مابين هته الجمعيات
كما تريد إستغلال الوضع المتعفن بالجزائر وأقصد به متعفن من الناحية الإجتماعية أو السياسية
والهوة الموجودة مابين السلطة وشعبها حفظك الله ورعاك أخي الكريم وزادت صفحتي إشراقا بتواجدك المميز دمت بألف خير إن شاء الله
السلام عليكمبيني وبينك ماتمرقيهاش منين تشوفي روحك ياك غير عبيدو هذا ههههههههههههههههههههه ونقولك حاجا والله غير تستاهلي وربي يحفظك وحتى منين تشوفي لروحك تخرج عليك ماشي كي لي ماكان والو ويشوفو في رواحهم حاجا ربي يكملك بعقلك
هاني وليت
و راني نقولك غير ماتحليش العين.. صينو تندم عبيدو ههههه
و كل دقيقة نبوانتيلك هنا
ههههه لازمنا نخلو البير بغطاه على خاطرش الفرق لي بينا وبين ناس بكري فرق مابين سما ولرض
ومايتقارنش وحتى للدرك تلقايهم كبار فالسن الله يبارك ودمهم سخون تاع خدمة وتاع نيف مايهنوش رواحهم
حنا وقتنا تلقاه مازال جاي لدنيا وعظامو تاع فرماج لي يدرها يقولك ماقدرتش يعرف غير الشحمة فوق راسو تسيل وشعرو واقف تقول شوك تاع قنفود ويكحل على الطفيلات وهو أصلا ماتفرقوش بينو وبين الطفلة ربي يهدي وخلاص
ههههه
ششششت احنا درك ماشي غير فرماج
مانروحش بعيد نهدر على روحي برك..نغسل الحوايج في الماشينة تمتم نقول أأأيي عييت هههههههه
وقيلا عندك الحق نخلوها ترقد خير
والله غير عندك الحق تاع الصح هما من مترا يخرجلك لعجب وحنا من ألاف الهكتارات ماعرفناش واش نخرجو
رجعناها زوبيا حشاك غير هذا ياكل في هذا وغير هذا ينطح هذا هذا ماتشوفي غير المشاكل ولي يخدم تاع الصح والله مايقعد يقولك يبين فينا العيب ويلعبولو كاش لعبة مسكين يرموه على راسو وحتى واحد مايرحمو وحتى القانون تاعنا مايراعيش للعبد هذا كيفاش داير ولا يتفتح تحقيق تاع الصح والله غير زوج كلمات يخسروهم عليه ولي هي القانون لا يحمي المغفلين وهكذا راهم يقولو لي يقدر يقفز على خوه يجيبو عمرها ماكانت العدالة تمشي هكذا جامي ولازم منين تكون ضرابي كيما هذو يجيبو تحقيق تاع الصح ويكشفو الحقيقة وهذاك الوقت لي دارها يخلص خلاص مليح مانظنش كاين واحد أخر رايح يفكر بهذ الطريقة بصح تقريبا ديما مطفرة غير فالقليل ولي قلبو سخون ولي يسرق مليار ولا زوج يعطوه عام حبس باش يخرج يتفحشش ولي يسرق ألف فرانك يضربوه ب3 سنين ولا 4 والفرق باين مول الألف ماعندهمش كيفاش ياكلو معاه بصح مول المليار والزوج راهي شبعة بيناتهم وحتى ولات الناس كامل تفكر في سريقات كبار تاع لملاير يقولك نضرب فيها عام ومانكملوش 5 جويلية كاين تنقاص و 1 نوفمبر كيفكيف والعيد كيف كيف ونقولك بعض البوليسية كرهو قالك نحكم سراق ونغامر بحياتي ونديه للحبس ونضرب يومين نلقاه فايت قدامي ويضحك عليه والله غير عجب كيفاش لبلاد تتسقم هذي لي قتل عندو قانونو وحدو ولي سرق كيف كيف ماتفهمي والو والناس وعلاش تخدم كيما هكذا ولي ديتاي أمينة مايتحطوش فالمنتدى وراكي عارفة تقلاب لحجر واش يخرج والواحد مايفهمش خير ملي يفهم والله يالوكان تفهمي غير قلبك يتعمر وتكرهي النهار لي زدتي فيه
*
et ouiiiii
هنا تشوف لا ديفيرونص.. و هنا تعرف وعلاش هادوك الهيه متقدمين و احنا الله ينوب :crying:
والله ماراهي كيستيون نغطي على الشبيبة وكامل نعرفو بلي الظروف حطت الشباب في وقت ماشي وقتو
وزمان ماشي زمانو هذي حالة الشبيبة تاعنا وداما نقولك مارانيش نهدر على لي ما يتفرقش بين الطفلةوالطفل باينة الفئة لي نهدر عليها وهذ الفئة لي راهي تعاني مع هذ الوقت والشبيبة لي يرمي روحو في لبحر ياكلو الحوت واش يتسمى هذا ماراهش حاس لازم دايما ندخلو في أعماق المشكل باش نحوسو على الحقائق ماشي نشوفوها بسطحية كيما راهي تشوف فيها المسؤولين تاوعنا و يفوتولنا في رسائل ملغومة حول الشباب بلي ماشي تاع خدمة والشباب إتكالي يستنى غير فالحكومة والشباب يكره بلادو ونهار الفوط تسمعي غنية أخرى غير الشباب هو الطاقة تاع لبلاد والشباب فخر لدزاير وخزانها والهف داير طريق ومنها نعرف بلي الشباب راه صاريلو كيلي عايش وهو ميت وكل واحد كيفاش يفكر كاين لي جابها لبحر وكاين لي خرج طريق بأي صفة كانت وياويلهم وياويلهم المسؤولين أمام الله واش راه يستنى فيهم ومنين تسمعي سيدنا عمر رضي الله عنه قالهم لو عثرت بغلة في الشام لخشيت من الله أن يسألني عنها لما لم أعبد لها الطريق وشوفي الفرق بيناتهم ونقولك الحل الوحيد ماشي جيل جديد مسؤولين جدد برك دم جديد فالسلطة ماشي هذ لفاقير لي رانا كل عام نشوفو فيها في سنين مادارت والو واش رايحين نستناوم منهم قوليلهم يطلقوها من يدهم برك وتتفرجي الدزاير كيفاش تولي لازمنا سلطة تاع الصح تعاقب المجرم لكبير ماشي الصغير ولازم يعرف شوية مولانا تاني كي يحب يسرق مايديش كلش وما يفكرش بعقلية غير ليا تاني الغاشي راهي معاه وراكي تشوفي الإقتصاد تاع الدزاير شكون لي راه شادو منين جاه طاح عليه من السما ماكانش منها باينة ولكن حتى واحد مايقدر يتقدم ولا يحاسب والواحد باش يقطع لياس كيما قلتي هذي تاني ماشي مليحة وهذي لي يحوسو عليها هما بالعكس لازمنا نكونو واعيين تاع الصح ومانخلوش الفرصة للإنتهازيين يزيدو يمصو دمنا وسياسة العنف هذي بينت بلي كاين ناس عندها أغراض ماتقدرش تحققها غير وضع متعفن لكن هناك حلول بزاف حضارية تاني تقدر تحط كل واحد في بلاصتو لكن ربي يجيب من يطبقها
ايه عندك الحق بصح المفيد وين راه
راهم لاتيين بالخبر تاع ناصيوناليتي ههههه..وين راهم الي يسمعو لهاد الهدرة
ربي يحفظك وربي يخليك والله لوكان تكتبي كامل الصفحة مانمل من كتيبتك والله يبارك عندك أسلوب مميز
وماشي قضية دارجة ولا فصحى واش الفرق بيناتهم غير الكلمة لي تحبي تقوليها بالدارجة تقلبيها فصحى هذا مكان لكن منين عندك الأسلوب الله يبارك بغات دارجة ولا فصحى الأسلوب عمرو مايتبدل ربي يبارك فيك
أما مسألة شينوي والله يا أمينة غير الله غالب فالدم تاريخ وحضارة وفرحت منين لقيتك كيفي شينوية تاع الصح
وراكي عارفة الشناوة موجودين في كل بلاصة الله يبارك ربي ينورك وربي يعطيك ماتتمني أنت تاني ويحققلك كل أمنياتك المواضيع راني منقص بزاف ممكن على وقت مانوليش نتواجد كثير في المنتدى يعني غير في أوقات متباعدة نظرا للإرتبطاتي المهنية يعني مشاغل تاع خدمة رايحة شوية تربطني وعلى هذي نخاف نحط موضوع ويجي مشارك يلقى الردود تاعي متأخرة يقولك حاجا هكذا ولا هكذا ربي يعيشك ومهما قلت مانوفيكش حقك ومهما قلت تستاهلي كثر دمتي بألف خير وهناء إن شاء الله
و ربي يحفظك انت تانيك
و جبدة نكتب صفحة كاملة وش نخلي لخرين ههههه
و حكاية دارجة و فصحى.. غير خلي البير بغطاه قولي كوني جملة بالفصحى نشوكيك.. نجيبلك كريز كاردياك سوربلاص ههههه
و الشناوة بلاما نهدرو.. اللون تاع الرد يهدر وحدو
و حكاية المواضيع كامل خدامين و كامل يقراو غير ماتديرهاش سبة هههه
و كامل نغيبو و الواحد مايدري وقتاش مايزيدش يولي كامل لهنا.. المهم يخلي بلاصتو نظيفة و يهدرو عليه غير بالكلام الحلو
بارك الله فيك خويا عبيدو