أفرحو رانا حابين نولو فرنسيين

الحالة
مغلق ولا يسمح بالمزيد من الردود.
ههههههههههههههههههه
هدي خرجة من التولى شوف خويا عبيدو انا نكره نفهم في السياسة مي الحاجة الي محيرتني يمنو ميحبوش يمدولهم حقوقهم............. يمنو محبوش يمدلوهم الجنسية ......... انا نشوف يديرو فيهم مزية ويمدولهم الجنسية
 
خويا عبيدو تفكرت واحد الحصة تفرجت عليها حول الهجرة المقننة وهي أن الدول الأوربية تستقطب اليد العاملة من شمال إفريقيا بشروط ومنها أن الاقامة تكون بمدة محددة وعدم الحق في التجنيس وغيرها من الشروط بحيث تصبح الدول نتاعنا تنجب الشباب وتبعثهم لفرنسا وأخواتها تستغلهم وترجعهم شيوخة يموتو في بلادهم، وهذا علاش لأن الدول الأوربية نقص منها عدد الشباب وكيما أحنا رانا نستوردوا في الشناوة هوما رايحين يستوردوا العرب والأمازيغ،.........


سلام خويا كمال
نقولك خويا أتأكد من حاجا وحدة الناس لي تحب بلادها وتخدمها تجري هي على لي عندهم فالراس
والناس لي دايرتها للنهب تهجر لمخاخ تاعها وهذي راهي تنطبق علينا لوكان يقعدو لمخاخ هنا على بالك بلي يبان العيب فالراشيين القانون لي راك تهدر عليه في روحوتبعتو مليح مليح واش هي الإمتيازات لي يقدموها للعباقرة تاوعنا باش يجلبوهم لعندهم ياخويا الناس باغية تخدم ماكانش التمسخير وحنا باش نجيبو لمخاخ رانا نجيبو فالبطالة تاع الشناوة زعما قالك الجزائريين فنيانين
ومايحبوش يخدمو ونقولك بلي هذ الشناوة لي راهم هنا مدخلوش غير هكذا راهم داخلين بيد وفي فايدة كبيرة وبالرغم من أننا نعرف النتائج تاع الشناوة إذا إحتلو مكان واش رايح يصرى فيه وشينا تاون أكبر دليل على ذلك هما بعاد عليهم كل شي وعلى هذي كور وأعطي لعور ربي يحفظك خويا كمال وربي يخليك ونورت الموضوع بالمشاركة وربي ينورك ويعطيك ماتتمنى دمت
أخي
 
اللي من مواليد 62 وهبط درك راهم في الخمسينات يهني ما شي شباب.................
يعني فرنسا راهي تخمم لبعيد وهذا اللي لازم نفطنولو.......................


تحية عطرة أختي ميديا وربي يخليك

والله ياختي غير فكرتي فيها مليح تاع الصح وكاينة معدل السن في هذ الحالة يلعب دور كبير
لكن تأكدي من أن فرنسا لما إقترحت هذ القانون فهي على علم ودراية بأن السلطة سوف
ترفض رفضا قاطعا هذا الإقتراح وبالتالي فرنسا تتجنب حكاية التعويضات بطريقة ديبلوماسية
وكيما يقول لمثل عندنا جات منك يالجامع ربي يحفظك وربي يخليك ويعطيك ماتتمني ختي
ونورتي الصفحة ربي ينورك ودمتي بألف خير وهناء
 
الله يرحم البطل الراحل هواري بومدين والي قال

كون يحب ربي ندير سور بيني وبينهم في لبحر

تحيا الجزائر و مانستعرف بحتى هدة تجي من عند العديان

و الحمد الله بلادنا شابة و مليحة و تستاهل الدم و ماشي خسارة

سامحنا خويا على الرد مرة ثانية

بارك الله فيك

مرحبا بك أخي كريم مرة أخرى وأخرى والموضوع موضوعك أخي ولا داعي للإعتدار بل كل الشكر لك والشرف لي مشاركتك المميزة أخي .
ونحب قبل مانعقب على كلامك نقول معاك الله يرحمو ويوسع عليه في ديك الرقدة راجل والبلاد كامل تدعيلو بالخير في كل شيء رفد راسنا في كل بلاصة وبلادنا خدمها تاع الصح بالرغم من أننا كنا خارجين من مرحلة صعيبة باش تبين واش بين هو يعني بعد الإستقلال تكون أي دولة مكسرة تاع الصح بصح منين كاين النية تاع الخدمة ولات عندنا بلاد في ظرف قياسي حير العالم ولوكان كان حي خويا تأكد بلي فرنسا ولا غيرها لوكان راهي تخلص بلا ماتتشرط ويكفي منين يضحك على العالم ويقولهم لوكان جات عندي حدود مع فلسطين مانحاربش كمشة يهود نخطفهم خطيف برك نكملهم والله غير كلام تاع زعيم حقيقي الله يرحمو عندو ما دار ويكفيه فخرا أول رئيس دولة عربية ينطق بالعربية في مجلس الأمم المتحدة ولي يحب يفهم يدبر ترجمان والله غير عندو تاع الصح فالراس ياخويا والله لوكان الواحد يظل يحكي على الخصال تاعو ماتكملش ربي يحفظك وربي يخليك خويا وربي يعطيك ماتتمنى تستاهل كل الخير دمت أخي
 
ههههههههههههههههههه
هدي خرج من التولى شوف خويا عبيدو انا نكره نفهم في السياسة مي الحاجة الي محيرتني يمنو ميحبوش يمدولهم حقوقهم............. يمنو محبوش يمدلوهم الجنسية ......... انا نشوف يديرو فيهم مزية ويمدولهم الجنسية

تحية عطرة أختي العزيزة صريحة وربي يدومها ضحكة

ونقولك ختي صريحة والله غير رانا كيف كيف في ما يخص السياسة وما يجي منها بصح منين نفكر
نقول مع هذيك الناس يمدو الجنسية ويمدولهم حقوقهم هذيك الناس ماشي كيما حنا والله غير حقك تديه وحنا بلادنا واش راه هالكها غير ماكلت لحقوق ونعرف واحد خدم بكري مع فرنسا ماشي حركي يعني خدام في شركة معاهم في فرنسا والله ياختي غير لليوم حقو يدي فيه بالسنتيم يعني
ماكانش عندهم كلمة يسموها ماكلت لحقوق حنا عندنا يظل يهنبر المسكين ويزيدو ياكلولو حقو وإذا هدر يسرحوه من الخدمة وحتى إذا جاب حقو مع القضاء ربي يجبلو شكون لي ينفدلو الحكم تاعو
يعني هرب من قطاعين الروس طاح في وكالين لبنيادم وربي يستر
ربي يحفظك وربي يخليك ويعطيك ماتتمني ونورتي الصفحة ربي ينورك ومرورك أسعدني كثيرا دمتي بألف خير وهناء إن شاء الله
 
واش أنت عندبالك مانك ماتحبش الحرقة غير ماراهيش حابة تبين برك هههههههه
لوكان تسمعك ههههههههه


شوفي ختي كيلوى الناس لكبار كامل ماشكيتش يقبلو بها بصح على حساب الوقت وطبعا بعدما ماتوافق الحكومة على هذ= الطريقة لي عندي ألفين بالمائة ماتقبلش ماشي بهم حب فالدزاير وشعبها بصح
باش حتى واحد مايترفه كيما هما راهم حالفين بصح نقولك شعبنا على حساب الميزيرية الأغلبية تقبل دوبل ناسيوناليتي بلاى ماتخمم وبلا أي تفكير وهذي أديها من عندي
خنا تحصل لخطاك مكاش دوبل لازم تخير ياهادى ياهاديك صح كاين الى شعبو تميزير يقول نقبل خير بصح تانى كاين الى مازال فى يدهم و لا رجلهم واش دارت فرنسا منشكش رايح يقبل بصح كيما قلت محال حكومتنا لعزيزة تقبل قرار يروح جنسية جزائرية :sleep:
ربي يحفظك وربي يخليلك مانك ويحفظها
اميين ياربى و يخلينا كامل والديينا :sleep:
وربي ينورك كيما نورتي الصفحة ياو راكي شمس ماشي غير لامبة ههههههههه دمتي بألف خير وهناء إن شاء الله

موضوع راه منور بصحابو يعطيك الصحة
 

لوكان تسمعك ههههههههه
ماعندها ماتدير ومانك هي لي قالت ماشي أنا هههههه


خنا تحصل لخطاك مكاش دوبل لازم تخير ياهادى ياهاديك صح كاين الى شعبو تميزير يقول نقبل خير بصح تانى كاين الى مازال فى يدهم و لا رجلهم واش دارت فرنسا منشكش رايح يقبل بصح كيما قلت محال حكومتنا لعزيزة تقبل قرار يروح جنسية جزائرية :sleep:
عندك الحق بصح النيف والرجلة راحت مع ناس زمان وحتى لي كانو مجاهدين ولقاو رواحهم مرميين على لاتوش ولا مرمدين راهم كارهين حياتهم وقالو ماشي هذي هي لبلاد ولمعيشة لضحينا برواحنا على جالها وحتى منين يشوفو لي كان البارح يبيع فيهم اليوم ولا داير كارطة ويخلص فالدراهم على أساس أنو مجاهد راهم يبغو يتكلاطاو من هذ الضرابي

موضوع راه منور بصحابو يعطيك الصحة
وقد زاد نورا بطلتك وربي يحفظك وربي يخليك ويعطيك ماتتمني دمتي بألف خير وهناء
 
السلام عليكم

وشراك خويا عبيدو؟.. صافا؟

* تعرف انا غير سمعت بهاد الخبر.. رحت نجري عند بابا قلتلو شوف شوف .. هيا جيب ناسيوناليتي.. و احنا تولي عندنا دوبل ناسيوناليتي :angel_not:
ما امنيش قالي بركاي من التمسخير.. قلتلو كما تحب.. نشوف جدي يجيبهانا.. بوجهو و يديه يمدولو ناسيوناليتي في نهارو :sleep:

بصح بابا غير تاكد من الخبر قريب ماضربني قالي ما امنتو سمعتو بالخبر يخي حابسين يخي.. و قالي يا الحابسة :crying:

و من بعد فهمني مليح مليح..قالي وش معنتها غير اللي زايدين قبل 62 يعني حابين يرجعو ماليكم كامل قور
و تولي فرنسا يماكم.. و هدي غير يفوتوها و ماننساوش وش دارت فينا فرنسا العجوز.. و مانسمحولهمش
و بدا يهدر و يعيط.. :crying:

* دوك الشباب تاعنا غير يسمعو بالخبر يصرالهم كما صرالي.. يفرحو بيها :sad:
دوبل ناسيوناليتي مليحة تفري كوارطك بالخف
بصح فرنسا تمد ناسيوناليتي ماشي باش تعتدر و لا تحبنا.. راهي مخبية نوايا مور هاد القرار

* كي العادة خويا.. مواضيعك مميزة
بارك الله فيك
 
السلام عليكم

وشراك خويا عبيدو؟.. صافا؟

* تعرف انا غير سمعت بهاد الخبر.. رحت نجري عند بابا قلتلو شوف شوف .. هيا جيب ناسيوناليتي.. و احنا تولي عندنا دوبل ناسيوناليتي :angel_not:
ما امنيش قالي بركاي من التمسخير.. قلتلو كما تحب.. نشوف جدي يجيبهانا.. بوجهو و يديه يمدولو ناسيوناليتي في نهارو :sleep:

بصح بابا غير تاكد من الخبر قريب ماضربني قالي ما امنتو سمعتو بالخبر يخي حابسين يخي.. و قالي يا الحابسة :crying:

و من بعد فهمني مليح مليح..قالي وش معنتها غير اللي زايدين قبل 62 يعني حابين يرجعو ماليكم كامل قور
و تولي فرنسا يماكم.. و هدي غير يفوتوها و ماننساوش وش دارت فينا فرنسا العجوز.. و مانسمحولهمش
و بدا يهدر و يعيط.. :crying:

* دوك الشباب تاعنا غير يسمعو بالخبر يصرالهم كما صرالي.. يفرحو بيها :sad:
دوبل ناسيوناليتي مليحة تفري كوارطك بالخف
بصح فرنسا تمد ناسيوناليتي ماشي باش تعتدر و لا تحبنا.. راهي مخبية نوايا مور هاد القرار

* كي العادة خويا.. مواضيعك مميزة
بارك الله فيك

وعليكم السلام ورحمة الله تعالى وبركاته

ونقولك راني الحمد لله نحمدو ونشكرو على كل شيء ويسقسي عليك الخير إن شاء الله ونقولك الصفحة راهي منورة بوجودك وبمشاركتك القيمة ولي تفرحني تاع الصح نظرا للأسلوب المميز الذي تتمتعين به ربي ينورك ويخليك
أنت باباك ولي ربي يخليه ويحفظو كي ما ضربكش راكي مليحة والشوفة لي يشوفو بها هما والشوفة لي نشوفو بها حنا فرق كبير كبير يعني حنا رانا في وقت الهربة تسلك وهما عندهم سياسة ربي ورحمتو هما يشوفو دايما لبعيد وحنا نشوفو غير قدام رجلينا هما مازال عندهم هذيك النيوفية وحنا نحاوهالنا هذ الطفيليات لي راها شادة الدزاير يعني كل شي ليهم برك والشعب خلي ياكلو لبحر
كلام باباك صحيح هما حبو يرجعونا ولاد فرنسا وكل مرة يشوفو دراسات ولا طرق باش دايما يقعدو يستنزفو خيرات الدزاير على كل حال هما ماراهمش مخصوصين من خيراتنا راهم مفيدين بزاف بصح يحبو يزيدو ولوكان نحطو مقارنة بسيطة بينا وبين الدول الأوروبية نفهمو كل شي هما فالخارج يستعملوسياسات وطرق مهما كانت حتى لوكان توصل للحروب باش يجيبو الخير لبلادهم ولشعبهم باش يعيش في رفاهية ويقولو خدمنا بلادنا وحنا عندنا السرقة والنهب وخيراتنا نخرجو فيها برة المهم الشعب تاعنا خلي يكريفي وعلى هذي الشعب لي راه يحرق راه لاحق خيرات بلادو برة ماراهيش صاحتلو هنا والخير ولا يلقاه في بلاد برة ومايلقاهش في بلادو .
وعلى هذي الشباب غير تأكدي بلي يصرالهم كثر ملي صرالك وإذا قبلت السلطات الجزائرية هذ الإقتراح ولي من المستحيل باش تقبلو ماشي حب في شعبها زكارة فيه برك لازم يقعدو غير هما لي عندهم دوبل ناسيوناليتي ولوكان داروها للشباب رايحين نلقاو كامل الشباب الجزائري متجنس وحاكم الطريق ويقولك هاي ليكم الدزاير كولوها وعلى هذي كاين نقطة لي دايما نفكر فيها كثر ولي هي فرنسا منين دارت هذ الإقتراح ماشي فيها حب في شعب الدزاير ولا مخصوصة تمد الناسيوناليتي ولي راهم عندها بزاف تعطيهم غير هما ناسيوناليتي برك لكن حبت تسكت الناس لي راهي تطالب بالتعويضات عن جرائم الحرب بهذ الطريقة ولي صح سياسة محكمة وعرفت واش تدير وتاع الصح حصلت هذ الناس لي راهي تطالب بالتعويضات وخلاتهم حايرين منين يسلكو ريسانهم ربي يحفظك وربي يخليك ويعطيك ماتتمني ومهما قلت لن أوفيك حقك ربي ينورك تستاهلي كل الخير ودمتي بألف خير وهناء إن شاء الله
 
وعليكم السلام ورحمة الله تعالى وبركاته


ونقولك راني الحمد لله نحمدو ونشكرو على كل شيء ويسقسي عليك الخير إن شاء الله ونقولك الصفحة راهي منورة بوجودك وبمشاركتك القيمة ولي تفرحني تاع الصح نظرا للأسلوب المميز الذي تتمتعين به ربي ينورك ويخليك

الحمد لله كي راك بخير.. الله يدومها
و نقولك الموضوع راه منور بمولاه :angel_not:.. احنا غير زيادة هههههه

أنت باباك ولي ربي يخليه ويحفظو كي ما ضربكش راكي مليحة والشوفة لي يشوفو بها هما والشوفة لي نشوفو بها حنا فرق كبير كبير يعني حنا رانا في وقت الهربة تسلك وهما عندهم سياسة ربي ورحمتو هما يشوفو دايما لبعيد وحنا نشوفو غير قدام رجلينا هما مازال عندهم هذيك النيوفية وحنا نحاوهالنا هذ الطفيليات لي راها شادة الدزاير يعني كل شي ليهم برك والشعب خلي ياكلو لبحر

و يخليك.. و ربي يحفظك انت تانيك
قول مزية برك مارحتش عند جدي.. لوكان راه جبدلي المحشوشة و تيرا عليا ه ه ه ه..
الناس الكبار يعرفو يخممو و يعرفو كيفاش يسيرو.. بصح راهي محيرتني فيهم حاجة وحدة برك.. كيفاش راهم حاملينا و حاملين الجياح تاعنا ههههه

كلام باباك صحيح هما حبو يرجعونا ولاد فرنسا وكل مرة يشوفو دراسات ولا طرق باش دايما يقعدو يستنزفو خيرات الدزاير على كل حال هما ماراهمش مخصوصين من خيراتنا راهم مفيدين بزاف بصح يحبو يزيدو ولوكان نحطو مقارنة بسيطة بينا وبين الدول الأوروبية نفهمو كل شي هما فالخارج يستعملوسياسات وطرق مهما كانت حتى لوكان توصل للحروب باش يجيبو الخير لبلادهم ولشعبهم باش يعيش في رفاهية ويقولو خدمنا بلادنا وحنا عندنا السرقة والنهب وخيراتنا نخرجو فيها برة المهم الشعب تاعنا خلي يكريفي وعلى هذي الشعب لي راه يحرق راه لاحق خيرات بلادو برة ماراهيش صاحتلو هنا والخير ولا يلقاه في بلاد برة ومايلقاهش في بلادو .

انا كي قريت الخبر اول مرة ماكملتش قريت كلش.. و ماخممتلهاش فرنسا علاش راهي دير هكدا.. و الشبيبة تاعنا كامل يقراوها كما انا قريتها مع اللول.. و يشدو في خيط راشي
دوكا راني فهمت مليح.. فرنسا تشوف بلي الجزائر بقرة حلوب ماتطلقهاش حتى يحبس الحليب من البقرة و يدبحو البقرة و ياكلو لحمها و يرمو العظام للكلاب ( حشاكم)
اعدروني على هاد التشبيه

وعلى هذي الشباب غير تأكدي بلي يصرالهم كثر ملي صرالك وإذا قبلت السلطات الجزائرية هذ الإقتراح ولي من المستحيل باش تقبلو ماشي حب في شعبها زكارة فيه برك لازم يقعدو غير هما لي عندهم دوبل ناسيوناليتي ولوكان داروها للشباب رايحين نلقاو كامل الشباب الجزائري متجنس وحاكم الطريق ويقولك هاي ليكم الدزاير كولوها وعلى هذي كاين نقطة لي دايما نفكر فيها كثر ولي هي فرنسا منين دارت هذ الإقتراح ماشي فيها حب في شعب الدزاير ولا مخصوصة تمد الناسيوناليتي ولي راهم عندها بزاف تعطيهم غير هما ناسيوناليتي برك لكن حبت تسكت الناس لي راهي تطالب بالتعويضات عن جرائم الحرب بهذ الطريقة ولي صح سياسة محكمة وعرفت واش تدير وتاع الصح حصلت هذ الناس لي راهي تطالب بالتعويضات وخلاتهم حايرين منين يسلكو ريسانهم ربي يحفظك وربي يخليك ويعطيك ماتتمني ومهما قلت لن أوفيك حقك ربي ينورك تستاهلي كل الخير ودمتي بألف خير وهناء إن شاء الله

ياو الشباب تاعنا الله ينوب.. مزية الخبر مايقيسهمش
ماشكيتش السلطات تاوعنا يقبلو.. و مام لوكان يقبلو... تتخلط الحالة
la plupart اللي يقيسهم القرار شافو فرنسا وش كانت دايرة هاداك الوقت
و موحال يقبلو

جات الكتيبة اسورتي.. خضرة و حمرة ههههه
علام تاع بلادنا.. و ليكيب اللي نسيبورتيها في الدزاير.. المولودية :cool:

:angel_not:
 
الحمد لله كي راك بخير.. الله يدومها
و نقولك الموضوع راه منور بمولاه .. احنا غير زيادة هههههه

ربي يخليكوربي يحفظك ونقولك والله يالأمينة أنا لي راني زيادة بلا بيكم وماتعاوديش تقولي راكي زيادة وأنا لي عندي راكي الكل فالكل ربي ينورك ويخليك والموضوع تاع الصح نور بحضورك .


و يخليك.. و ربي يحفظك انت تانيك
قول مزية برك مارحتش عند جدي.. لوكان راه جبدلي المحشوشة و تيرا عليا ه ه ه ه..
الناس الكبار يعرفو يخممو و يعرفو كيفاش يسيرو.. بصح راهي محيرتني فيهم حاجة وحدة برك.. كيفاش راهم حاملينا و حاملين الجياح تاعنا ههههه

أجمعين ربي يعطيك ماتتمني وتاع الصح مزية مارحتيش عند جدك لي ربي يحفظو ويخليه هو تاني على خاطرش ممكن تلقاي راسهم شوية قاسي في هذ الأمور وهما راهم حاملين الجياحة تاعنا فوق القلب برك يقولك كل جيل وجيلو ولوكان نهدرو على الأجيال يبداو يضحكو على الجيل تاعنا ويخرجونا صحراء وحنا نشوفو في رواحنا قافزين زعما والغبرة مانفضناهاش على رواحنا الجيل تاع زوج كيلو شحمة فوق راسو واش من جيل خليها ترقد برك هههههههههههههه


انا كي قريت الخبر اول مرة ماكملتش قريت كلش.. و ماخممتلهاش فرنسا علاش راهي دير هكدا.. و الشبيبة تاعنا كامل يقراوها كما انا قريتها مع اللول.. و يشدو في خيط راشي
دوكا راني فهمت مليح.. فرنسا تشوف بلي الجزائر بقرة حلوب ماتطلقهاش حتى يحبس الحليب من البقرة و يدبحو البقرة و ياكلو لحمها و يرمو العظام للكلاب ( حشاكم)
اعدروني على هاد التشبيه

والله ثم والله ماراهي غير فرنسا لي تشوف فينا بقرة الحلوب العالم كامل يحلم لوكان جات عندو أرض كيما أرض الدزاير والله غير يديرو لعجب ويوكلو العالم كامل من عندنا والله يالخيرات لي عندنا ماكانش فالعالم كامل
البترول الغاز أكبر إحتياطي من الذهب الأورانيوم الفوسفات الحديد أراضي خصبة شافها جابوني قالهم والله غير العالم كامل نوكلو من هذ الأرض لوكان جات عندنا وبلا مانزيد ندخل فلي ديتاي كاملين مخك يحبس وحنا مدابينا مخك يقعد راه منورنا وربي يكثر من أمثالو


ياو الشباب تاعنا الله ينوب.. مزية الخبر مايقيسهمش
ماشكيتش السلطات تاوعنا يقبلو.. و مام لوكان يقبلو... تتخلط الحالة
la plupart اللي يقيسهم القرار شافو فرنسا وش كانت دايرة هاداك الوقت
و موحال يقبلو

الشباب تاعنا فيه وعليه باش مانظلموهش كامل وراكي شفتي عندو النيف في شحال من مواقف والله غالب ماعندوش سلطةحقيقية لي تمثلو ولي تعطيه الصورة الحقيقية تاعو وراكي عارفة هذي سياسة مدروسة مليح
والشباب إذا تحرك لبلاد يحركها لكن ماعندوش لي يقودو ولا يسيرو مليح على منهجية مليحة باش يولي لطريقو والدليل على ذلك الحزب تاع الفيس إستغل هذ الموقف مليح وكركر معاه الملايين من الشباب لي كان يظن بلي لقى المتنفس تاعو وتبع قوم كانت عندها أغراض أخرى والنتيجة كيما شفتي ونقول المتنفس باش تتأكدي بلي لحديث لي قلتو في موضوعك السابق حول لفساد ماكنتش نحط غير هكذا وهذا هو القصد تاع المتنفس وين راه يإما هكذا ولا هكذا والوقت الحالي راه في هذ الحالة


جات الكتيبة اسورتي.. خضرة و حمرة ههههه
علام تاع بلادنا.. و ليكيب اللي نسيبورتيها في الدزاير.. المولودية

مانيش عارف إذا تسمحيلي باش نقولك ماشي غير لكتيبة لي خرجت أسورتي وكيما يقولوكلك على بعضك حلو
ربي يبارك فيك أسلوب وطريقة نقاش مميزة وحنى أفكار ماشاء الله ربي يكملك بعقلك وربي يعطيك ماتتمني
تستاهلي كل الخير ربي ينورك ودمتي بألف خير وهناء و ماتنسايش تاني أنا راني ملودية فالدم الله غالب الدم خضر ولعروق حمورة والقلب أبيض علام دزاير
 
الله الله الله
عليك خويا عبد الحميد
ربي يحفظك ويسترك دنيا وآخرة
الله يبارك قمة في الأخلاق والنبل واللباقة وحسن المعاملة

وأختي أمينة ثاني اسم على مسمى
ربي يبارك فيها


وواحد منكم مراهو زيادة بل العكس أنتوما من أعمدة هذا المنتدى
وبلا بيكم تنقصو حاجة كبيرة

وفي خاطر أختي أمينة حتى ردي بالألوان إلي تحبيهم
 
الله الله الله
عليك خويا عبد الحميد
ربي يحفظك ويسترك دنيا وآخرة
الله يبارك قمة في الأخلاق والنبل واللباقة وحسن المعاملة

وأختي أمينة ثاني اسم على مسمى
ربي يبارك فيها


وواحد منكم مراهو زيادة بل العكس أنتوما من أعمدة هذا المنتدى
وبلا بيكم تنقصو حاجة كبيرة

وفي خاطر أختي أمينة حتى ردي بالألوان إلي تحبيهم

ربي يبارك فيك خويا كمال والله غير كل هذا من نبلك وحسن خلقك ربي يكملك بعقلك خويا
وبيك خويا تكمل وحتى أنت خويا راك وزن ثقيل فالمنتدى وهذي ماشي مجاملة ربي يحفظك

وهذ الألوان ياخويا هما الألوان لي عزاز على قلبي علام دزاير وعلام فريقي المحبوب مولودية الجزائر
تاريخ وحضارة ربي ينورك خويا وربي يعطيك ماتتمنى تستاهل كل الخير دمت أخي
 
ربي يخليكوربي يحفظك ونقولك والله يالأمينة أنا لي راني زيادة بلا بيكم وماتعاوديش تقولي راكي زيادة وأنا لي عندي راكي الكل فالكل ربي ينورك ويخليك والموضوع تاع الصح نور بحضورك .

ايعيشك خويا

و احم احم :angel_not:.. دوك نبدا نشوف في روحي تاع الصح هههههه

أجمعين ربي يعطيك ماتتمني وتاع الصح مزية مارحتيش عند جدك لي ربي يحفظو ويخليه هو تاني على خاطرش ممكن تلقاي راسهم شوية قاسي في هذ الأمور وهما راهم حاملين الجياحة تاعنا فوق القلب برك يقولك كل جيل وجيلو ولوكان نهدرو على الأجيال يبداو يضحكو على الجيل تاعنا ويخرجونا صحراء وحنا نشوفو في رواحنا قافزين زعما والغبرة مانفضناهاش على رواحنا الجيل تاع زوج كيلو شحمة فوق راسو واش من جيل خليها ترقد برك هههههههههههههه

ايعيشك

خلاص نخلو البير بغطاه خير
نخلوها ترقد.. و نخلوها تخمر مليـــح مليـــح :glare:

والله ثم والله ماراهي غير فرنسا لي تشوف فينا بقرة الحلوب العالم كامل يحلم لوكان جات عندو أرض كيما أرض الدزاير والله غير يديرو لعجب ويوكلو العالم كامل من عندنا والله يالخيرات لي عندنا ماكانش فالعالم كامل
البترول الغاز أكبر إحتياطي من الذهب الأورانيوم الفوسفات الحديد أراضي خصبة شافها جابوني قالهم والله غير العالم كامل نوكلو من هذ الأرض لوكان جات عندنا وبلا مانزيد ندخل فلي ديتاي كاملين مخك يحبس وحنا مدابينا مخك يقعد راه منورنا وربي يكثر من أمثالو


الجوابنة لوكان جات هادي بلادهم.. الصحرا و مايطلقوهاش.. نشوفو بلادهم غير جزر و حجر و زلازل.. البحر ماخلاوهش ترونكيل..ضربوهم بزوج قنابل نووية هيروشيما و ناكازاكي ناضو نورمال عندهم تكنولوجية و راهم ينافسو في الدولة رقم 1 في العالم..
حنا من 62 مازال مارفدناش البلاد ههه
و لوكان نشوفو الفرق بينا و بينهم نصيبو فرق شاسع.. هوما العامل عندهم يخدم من قلبو.. و هدا يعاون في هدا باش يطلعو بالبلاد كامل..و حنا عندنا كلش و مادرنا والو.. يخدمو من فوق القلب و هدا يقابر في هدا و غير يشوفو واحد يخدم من قلبو يجبدولو التابي من تحت رجليه

و لوكان غير كملت دخلت فلي ديتاي نوووورمال.. و ادا ماعرفتهمش من عندك رايحة نعرفهم من جيهة اخرى :angel_not:.. راني غير نخرب في تاريخ الجزائر.. اخرتها رايحة نعرف :crying:
و كل مرة راهو يتحرقلي فوزيبل ههههه

الشباب تاعنا فيه وعليه باش مانظلموهش كامل وراكي شفتي عندو النيف في شحال من مواقف والله غالب ماعندوش سلطةحقيقية لي تمثلو ولي تعطيه الصورة الحقيقية تاعو وراكي عارفة هذي سياسة مدروسة مليح
والشباب إذا تحرك لبلاد يحركها لكن ماعندوش لي يقودو ولا يسيرو مليح على منهجية مليحة باش يولي لطريقو والدليل على ذلك الحزب تاع الفيس إستغل هذ الموقف مليح وكركر معاه الملايين من الشباب لي كان يظن بلي لقى المتنفس تاعو وتبع قوم كانت عندها أغراض أخرى والنتيجة كيما شفتي ونقول المتنفس باش تتأكدي بلي لحديث لي قلتو في موضوعك السابق حول لفساد ماكنتش نحط غير هكذا وهذا هو القصد تاع المتنفس وين راه يإما هكذا ولا هكذا والوقت الحالي راه في هذ الحالة

يعني راك تغطي على الشبيبة تاعنا :glare:..هنا تغلبني كي تقول فيهم و عليهم
بصح اللي عندهم القلب تاع الصح مايبانوش قدام لخرين.. و يعتبرو حالات شادة و الشاد لا يقاس عليه :sleep:
و حكاية المتنفس.. يعني يا كحلة يا بيضة.. مكانش ميتش ميتش
و وين راهم اللي يحركو الشباب فحاجة تاع الصح.. ماشي كما الفيس اللي كان مخبي نوايا موراه.. و تخلطت الحالة موراه.. و جوزنا عشرية ماطلتش فيها الشمس.. لازم نردو بالنا باش مانطيحوش في فيس وحدوخر

يظهرلي الحل لازم نكونو جيل من دارة و جديد.. نجيبوها من التربية للتعليم للتمهين
بصح باش تخرج جينيراسيو جديدة لازم نقعدو نخدمو فيهم وحد ال 30 ولا 40 سنة
ياحصراااااااه.. جبدة :crying:.. و وين راهم اللي يكونو جيل جديد يكون مليح

و كاين حل وحدوخر :thumbup:.. نقطعو اللياس و خلاص :thumbdown:
ههههه

مانيش عارف إذا تسمحيلي باش نقولك ماشي غير لكتيبة لي خرجت أسورتي وكيما يقولوكلك على بعضك حلو
ربي يبارك فيك أسلوب وطريقة نقاش مميزة وحنى أفكار ماشاء الله ربي يكملك بعقلك وربي يعطيك ماتتمني
تستاهلي كل الخير ربي ينورك ودمتي بألف خير وهناء و ماتنسايش تاني أنا راني ملودية فالدم الله غالب الدم خضر ولعروق حمورة والقلب أبيض علام دزاير

ايعيشك خويا :001_smile:
مواضيعك هي اللي تخلي الواحد يهدر.. و بلاما نجيب خبر نلقى روحي جردت هههه

* و ماراكش تشوف بلي راني نهدر باسلوب بسيـــــــط.. رحمتني اللهجة تاعنا راني نهدر بيها.. لوكان جينا لازم نهدرو بالفصحى تشوف كيفاش نخلطها ههههه.. ماتفهم والو وش نكون نهدر

* انت تانيك شينوي.. الله يبارك
كامل رانا شناوة هنا.. :cool:

* بارك الله فيك خويا عبيدو.. و الله يعطيك ماتتمنى
و ماتحرمناش من مواضيعك
 
الله الله الله

عليك خويا عبد الحميد
ربي يحفظك ويسترك دنيا وآخرة
الله يبارك قمة في الأخلاق والنبل واللباقة وحسن المعاملة

وأختي أمينة ثاني اسم على مسمى
ربي يبارك فيها


وواحد منكم مراهو زيادة بل العكس أنتوما من أعمدة هذا المنتدى
وبلا بيكم تنقصو حاجة كبيرة

وفي خاطر أختي أمينة حتى ردي بالألوان إلي تحبيهم

ايعيشك خويا حمة.. و ربي يبارك فيك

رد بزاف شباب .. شكلا و مضمونا :cool:

صحيت خويا حمة
 
السلام عليكم
مور القضية اسباب غامضة وتخليني نشك بزاف في خطط فرنسا
نظن فرنسا حابة تعوض على نفسها ماشي على الشعب
في زمان قيس الاستعمار كانت تقول الجزائر جزء لا يتجزأ من فرنسا وجا الوقت الي حابة تثبت هدي النظرية
وعندك الحق الشباب غادي يعجبهم الامر هههه بصاح الشوابين كانت مادابيهم لوكان يرحلوهم لمكة
ماشي خير الفرنسا ماغادي تنفعهم

هذا راي وشكرا على الطرح
مع العلم انا ماسمعت هدا الخبر غير من عندك اهنا
على العموم مرسي

 
ايعيشك خويا

و احم احم .. دوك نبدا نشوف في روحي تاع الصح هههههه

بيني وبينك ماتمرقيهاش منين تشوفي روحك ياك غير عبيدو هذا ههههههههههههههههههههه ونقولك حاجا والله غير تستاهلي وربي يحفظك وحتى منين تشوفي لروحك تخرج عليك ماشي كي لي ماكان والو ويشوفو في رواحهم حاجا ربي يكملك بعقلك


ايعيشك

خلاص نخلو البير بغطاه خير
نخلوها ترقد.. و نخلوها تخمر مليـــح مليـــح

ههههه لازمنا نخلو البير بغطاه على خاطرش الفرق لي بينا وبين ناس بكري فرق مابين سما ولرض
ومايتقارنش وحتى للدرك تلقايهم كبار فالسن الله يبارك ودمهم سخون تاع خدمة وتاع نيف مايهنوش رواحهم
حنا وقتنا تلقاه مازال جاي لدنيا وعظامو تاع فرماج لي يدرها يقولك ماقدرتش يعرف غير الشحمة فوق راسو تسيل وشعرو واقف تقول شوك تاع قنفود ويكحل على الطفيلات وهو أصلا ماتفرقوش بينو وبين الطفلة ربي يهدي وخلاص


الجوابنة لوكان جات هادي بلادهم.. الصحرا و مايطلقوهاش.. نشوفو بلادهم غير جزر و حجر و زلازل.. البحر ماخلاوهش ترونكيل..ضربوهم بزوج قنابل نووية هيروشيما و ناكازاكي ناضو نورمال عندهم تكنولوجية و راهم ينافسو في الدولة رقم 1 في العالم..
حنا من 62 مازال مارفدناش البلاد ههه
و لوكان نشوفو الفرق بينا و بينهم نصيبو فرق شاسع.. هوما العامل عندهم يخدم من قلبو.. و هدا يعاون في هدا باش يطلعو بالبلاد كامل..و حنا عندنا كلش و مادرنا والو.. يخدمو من فوق القلب و هدا يقابر في هدا و غير يشوفو واحد يخدم من قلبو يجبدولو التابي من تحت رجليه

و لوكان غير كملت دخلت فلي ديتاي نوووورمال.. و ادا ماعرفتهمش من عندك رايحة نعرفهم من جيهة اخرى .. راني غير نخرب في تاريخ الجزائر.. اخرتها رايحة نعرف
و كل مرة راهو يتحرقلي فوزيبل ههههه

والله غير عندك الحق تاع الصح هما من مترا يخرجلك لعجب وحنا من ألاف الهكتارات ماعرفناش واش نخرجو
رجعناها زوبيا حشاك غير هذا ياكل في هذا وغير هذا ينطح هذا هذا ماتشوفي غير المشاكل ولي يخدم تاع الصح والله مايقعد يقولك يبين فينا العيب ويلعبولو كاش لعبة مسكين يرموه على راسو وحتى واحد مايرحمو وحتى القانون تاعنا مايراعيش للعبد هذا كيفاش داير ولا يتفتح تحقيق تاع الصح والله غير زوج كلمات يخسروهم عليه ولي هي القانون لا يحمي المغفلين وهكذا راهم يقولو لي يقدر يقفز على خوه يجيبو عمرها ماكانت العدالة تمشي هكذا جامي ولازم منين تكون ضرابي كيما هذو يجيبو تحقيق تاع الصح ويكشفو الحقيقة وهذاك الوقت لي دارها يخلص خلاص مليح مانظنش كاين واحد أخر رايح يفكر بهذ الطريقة بصح تقريبا ديما مطفرة غير فالقليل ولي قلبو سخون ولي يسرق مليار ولا زوج يعطوه عام حبس باش يخرج يتفحشش ولي يسرق ألف فرانك يضربوه ب3 سنين ولا 4 والفرق باين مول الألف ماعندهمش كيفاش ياكلو معاه بصح مول المليار والزوج راهي شبعة بيناتهم وحتى ولات الناس كامل تفكر في سريقات كبار تاع لملاير يقولك نضرب فيها عام ومانكملوش 5 جويلية كاين تنقاص و 1 نوفمبر كيفكيف والعيد كيف كيف ونقولك بعض البوليسية كرهو قالك نحكم سراق ونغامر بحياتي ونديه للحبس ونضرب يومين نلقاه فايت قدامي ويضحك عليه والله غير عجب كيفاش لبلاد تتسقم هذي لي قتل عندو قانونو وحدو ولي سرق كيف كيف ماتفهمي والو والناس وعلاش تخدم كيما هكذا ولي ديتاي أمينة مايتحطوش فالمنتدى وراكي عارفة تقلاب لحجر واش يخرج والواحد مايفهمش خير ملي يفهم والله يالوكان تفهمي غير قلبك يتعمر وتكرهي النهار لي زدتي فيه​
*

يعني راك تغطي على الشبيبة تاعنا ..هنا تغلبني كي تقول فيهم و عليهم
بصح اللي عندهم القلب تاع الصح مايبانوش قدام لخرين.. و يعتبرو حالات شادة و الشاد لا يقاس عليه
و حكاية المتنفس.. يعني يا كحلة يا بيضة.. مكانش ميتش ميتش
و وين راهم اللي يحركو الشباب فحاجة تاع الصح.. ماشي كما الفيس اللي كان مخبي نوايا موراه.. و تخلطت الحالة موراه.. و جوزنا عشرية ماطلتش فيها الشمس.. لازم نردو بالنا باش مانطيحوش في فيس وحدوخر

يظهرلي الحل لازم نكونو جيل من دارة و جديد.. نجيبوها من التربية للتعليم للتمهين
بصح باش تخرج جينيراسيو جديدة لازم نقعدو نخدمو فيهم وحد ال 30 ولا 40 سنة
ياحصراااااااه.. جبدة .. و وين راهم اللي يكونو جيل جديد يكون مليح

و كاين حل وحدوخر .. نقطعو اللياس و خلاص
ههههه

والله ماراهي كيستيون نغطي على الشبيبة وكامل نعرفو بلي الظروف حطت الشباب في وقت ماشي وقتو
وزمان ماشي زمانو هذي حالة الشبيبة تاعنا وداما نقولك مارانيش نهدر على لي ما يتفرقش بين الطفلةوالطفل باينة الفئة لي نهدر عليها وهذ الفئة لي راهي تعاني مع هذ الوقت والشبيبة لي يرمي روحو في لبحر ياكلو الحوت واش يتسمى هذا ماراهش حاس لازم دايما ندخلو في أعماق المشكل باش نحوسو على الحقائق ماشي نشوفوها بسطحية كيما راهي تشوف فيها المسؤولين تاوعنا و يفوتولنا في رسائل ملغومة حول الشباب بلي ماشي تاع خدمة والشباب إتكالي يستنى غير فالحكومة والشباب يكره بلادو ونهار الفوط تسمعي غنية أخرى غير الشباب هو الطاقة تاع لبلاد والشباب فخر لدزاير وخزانها والهف داير طريق ومنها نعرف بلي الشباب راه صاريلو كيلي عايش وهو ميت وكل واحد كيفاش يفكر كاين لي جابها لبحر وكاين لي خرج طريق بأي صفة كانت وياويلهم وياويلهم المسؤولين أمام الله واش راه يستنى فيهم ومنين تسمعي سيدنا عمر رضي الله عنه قالهم لو عثرت بغلة في الشام لخشيت من الله أن يسألني عنها لما لم أعبد لها الطريق وشوفي الفرق بيناتهم ونقولك الحل الوحيد ماشي جيل جديد مسؤولين جدد برك دم جديد فالسلطة ماشي هذ لفاقير لي رانا كل عام نشوفو فيها في سنين مادارت والو واش رايحين نستناوم منهم قوليلهم يطلقوها من يدهم برك وتتفرجي الدزاير كيفاش تولي لازمنا سلطة تاع الصح تعاقب المجرم لكبير ماشي الصغير ولازم يعرف شوية مولانا تاني كي يحب يسرق مايديش كلش وما يفكرش بعقلية غير ليا تاني الغاشي راهي معاه وراكي تشوفي الإقتصاد تاع الدزاير شكون لي راه شادو منين جاه طاح عليه من السما ماكانش منها باينة ولكن حتى واحد مايقدر يتقدم ولا يحاسب والواحد باش يقطع لياس كيما قلتي هذي تاني ماشي مليحة وهذي لي يحوسو عليها هما بالعكس لازمنا نكونو واعيين تاع الصح ومانخلوش الفرصة للإنتهازيين يزيدو يمصو دمنا وسياسة العنف هذي بينت بلي كاين ناس عندها أغراض ماتقدرش تحققها غير وضع متعفن لكن هناك حلول بزاف حضارية تاني تقدر تحط كل واحد في بلاصتو لكن ربي يجيب من يطبقها

ايعيشك خويا
مواضيعك هي اللي تخلي الواحد يهدر.. و بلاما نجيب خبر نلقى روحي جردت هههه

* و ماراكش تشوف بلي راني نهدر باسلوب بسيـــــــط.. رحمتني اللهجة تاعنا راني نهدر بيها.. لوكان جينا لازم نهدرو بالفصحى تشوف كيفاش نخلطها ههههه.. ماتفهم والو وش نكون نهدر

* انت تانيك شينوي.. الله يبارك
كامل رانا شناوة هنا..

* بارك الله فيك خويا عبيدو.. و الله يعطيك ماتتمنى
و ماتحرمناش من مواضيعك

ربي يحفظك وربي يخليك والله لوكان تكتبي كامل الصفحة مانمل من كتيبتك والله يبارك عندك أسلوب مميز
وماشي قضية دارجة ولا فصحى واش الفرق بيناتهم غير الكلمة لي تحبي تقوليها بالدارجة تقلبيها فصحى هذا مكان لكن منين عندك الأسلوب الله يبارك بغات دارجة ولا فصحى الأسلوب عمرو مايتبدل ربي يبارك فيك
أما مسألة شينوي والله يا أمينة غير الله غالب فالدم تاريخ وحضارة وفرحت منين لقيتك كيفي شينوية تاع الصح
وراكي عارفة الشناوة موجودين في كل بلاصة الله يبارك ربي ينورك وربي يعطيك ماتتمني أنت تاني ويحققلك كل أمنياتك المواضيع راني منقص بزاف ممكن على وقت مانوليش نتواجد كثير في المنتدى يعني غير في أوقات متباعدة نظرا للإرتبطاتي المهنية يعني مشاغل تاع خدمة رايحة شوية تربطني وعلى هذي نخاف نحط موضوع ويجي مشارك يلقى الردود تاعي متأخرة يقولك حاجا هكذا ولا هكذا ربي يعيشك ومهما قلت مانوفيكش حقك ومهما قلت تستاهلي كثر دمتي بألف خير وهناء إن شاء الله
 
السلام عليكم
مور القضية اسباب غامضة وتخليني نشك بزاف في خطط فرنسا
نظن فرنسا حابة تعوض على نفسها ماشي على الشعب
في زمان قيس الاستعمار كانت تقول الجزائر جزء لا يتجزأ من فرنسا وجا الوقت الي حابة تثبت هدي النظرية
وعندك الحق الشباب غادي يعجبهم الامر هههه بصاح الشوابين كانت مادابيهم لوكان يرحلوهم لمكة
ماشي خير الفرنسا ماغادي تنفعهم

هذا راي وشكرا على الطرح
مع العلم انا ماسمعت هدا الخبر غير من عندك اهنا
على العموم مرسي



وعليكم السلام ورحمة الله تعالى وبركاته

تحية عطرة أخي الفاضلة الغليزانية ونورتي الصفحة وربي ينورك
كامل نتفق معاك في هذ النقطة وربي سبحانو قالك لن ترضى عنكط اليهود ولا النصارى حتى تتبع ملتهم يعني باش يحبونا هذي ماكانش منها مفروغ من هذ الهدرة وعلى هذي نشوفو بلي أطماع فرنسا فالدزاير مازال كاينة وخاصة منين إستعمرتنا وتعرف الصغيرة ولكبيرة على الدزاير يعني راهي حافظة الدزاير شبر شبر وماشي محال راهي دات معاها مخططات تاع الدزاير كاملة بصح درك باش فرنسا
تحاول تعاود سياسة أتبتث فشلها منين كانت هنا ماظنيتش وعلى هذي تفكر في طرق أخرى لها أبعاد
يعني يستنزف الخيرات تاعك بلا مايجيك مسألة الترحيل هما يعني فرنسا مارايحاش ترحل الشوابين لالا هما حطو إقتراح يجنسو بيه هذ الشوابين هنا عندك ومن هذ الإقتراح تقدري تستنتجي شحال من حاجا والحاجا اللولة على حساب جريدة الخبر لي نشرت الخبر هذا يقولو باش يسكتو أفواه المطالبين
بالتعويضات تاع جرائم دارتهم فرنسا هنا فالدزاير ومنها ختي نقولك أنا لخبر هذا نشر في جريدة الخبر وكاين بزاف لي قراوه ماشي غير أنا ومنين لقيت لخبر هذا كيما راكي تشوفي فيه غريب تاع الصح حطيتو هنا فالمنتدى نتناقشو فيه وكل واحد عندو رأي ومن بين الأراء هذي رأيك أنت لي نحترمو تاع الصح ووجهة نظر عندك ماشاء الله ربي يحفظك وربي يخليك ويعطيك ماتتمني دمتي بألف خير
 
أظن ان هذه مجرد اشاعات طرحت
لنكن واقعيين و منطقيين لنتريث و نحلل هذا الخطاب بعقلانية
منح الجنسية الفرنسية للجزائريين المولودين قبل 1962 أي قبل استقلال الجزائرأمر مستبعد لقد حاول ساركوزي و منذحملته الانتخابية محاربة المهاجرين و خصوصا المغاربة و الأفارقة و اراد التركيز على فئات و كفاءات معينة و اطارات ، ولا ننسى تنامي ظاهرة اليمين المتطرف و تصريحات الوزير الفرنسي
الأخيرة المعادية للمهاجرين و خصوصا من ذوي الأصول العربية، دون ان ننسى لوبان و مواقفه الداعية لطرد المهاجرين من ذوي الانتماءات الغير الأوروبية ، كما ان اروبا
عرفت مؤخرا ظهور عدة حركات يمينية متطرفة داعية للعنصرية، أو ما تسمى بالحركات الفاشية الجديدة ، أي أن هذه الورقة التي تلعبها الحكومة الفرنسيةما هي الا اشاعات تريد من خلالها نشر بلبلة في أوساط الجزائريين الذين
سئموا الوضع المتعفن، و الحالة الاجتماعية المتدهورة التي أثقلت كاهل هذا الشعب البسيط في حين ظهور أشكال طبقية في الجزائر و ظهور طبقات جد برجوازية في حين بدأ اختفاء معالم الطبقة المتوسطة
أرجو من اخي السوفي حمة أن يغفر لي تطاولي و هروبي من المنتدى السياسي الى منتدى دزيريشوتايم
هههههههه
تحياتي لكم
 
أظن ان هذه مجرد اشاعات طرحت
لنكن واقعيين و منطقيين لنتريث و نحلل هذا الخطاب بعقلانية
منح الجنسية الفرنسية للجزائريين المولودين قبل 1962 أي قبل استقلال الجزائرأمر مستبعد لقد حاول ساركوزي و منذحملته الانتخابية محاربة المهاجرين و خصوصا المغاربة و الأفارقة و اراد التركيز على فئات و كفاءات معينة و اطارات ، ولا ننسى تنامي ظاهرة اليمين المتطرف و تصريحات الوزير الفرنسي
الأخيرة المعادية للمهاجرين و خصوصا من ذوي الأصول العربية، دون ان ننسى لوبان و مواقفه الداعية لطرد المهاجرين من ذوي الانتماءات الغير الأوروبية ، كما ان اروبا
عرفت مؤخرا ظهور عدة حركات يمينية متطرفة داعية للعنصرية، أو ما تسمى بالحركات الفاشية الجديدة ، أي أن هذه الورقة التي تلعبها الحكومة الفرنسيةما هي الا اشاعات تريد من خلالها نشر بلبلة في أوساط الجزائريين الذين
سئموا الوضع المتعفن، و الحالة الاجتماعية المتدهورة التي أثقلت كاهل هذا الشعب البسيط في حين ظهور أشكال طبقية في الجزائر و ظهور طبقات جد برجوازية في حين بدأ اختفاء معالم الطبقة المتوسطة
أرجو من اخي السوفي حمة أن يغفر لي تطاولي و هروبي من المنتدى السياسي الى منتدى دزيريشوتايم
هههههههه
تحياتي لكم

تحية عطرة وطيبة أخي مهدي

والله التأكد من صحة الخبر شيء صعب جدا لأن المصدر كان جريدة الخبر ومنه نقل الخبر نظرا لإستغرابي الشديد مما تم التطرق له ولكن رغم كل شيء هذا لا يمنعني أن أقول لك بارك الله فيك على التحليل المنطقي إلى أبعد الحدود وكلنا نعلم أن فرنسا لو كانت نيتها صادقة فلديها كمية هائلة من طالبي الجنسية الفرنسية من المهاجرين فلما لم تسوي وضعيتهم لكن أغلب الإحتمالات تصب إلأى محاولة من فرنسا لإسكات الجمعيات المطالبة بمحاسبة فرنسا على جرائمها إبان الإحتلال
على الجزائر ومنه نستنبط أن المشكلة أبعد بكثير من محاولة در الرماد في الأعين ومسألة منح الجنسية الفرنسية للجزائريين من مواليد 1962 ماهي إلا لعبة سياسية تريد من ورائها غلق أفواه
المطالبين بهذه التعويضات الذي زادت حذتها مؤخرا وفرنسا كما هو معلوم لا تريد الإعتراف بما فعلته وإعترافها سوف يضعها في موقف لا تحسد عليه وتصبح ملزمة مباشرة بدفع التعويضات حسب الأعراف والقوانين الدولية ولهذا تريد خلق نوع من عدم الإستقرار مابين هته الجمعيات
كما تريد إستغلال الوضع المتعفن بالجزائر وأقصد به متعفن من الناحية الإجتماعية أو السياسية
والهوة الموجودة مابين السلطة وشعبها حفظك الله ورعاك أخي الكريم وزادت صفحتي إشراقا بتواجدك المميز دمت بألف خير إن شاء الله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top