الكووووس ...كوشمار pour moi

الحالة
مغلق ولا يسمح بالمزيد من الردود.

médéenne.girl

:: عضو مُشارك ::
إنضم
24 سبتمبر 2009
المشاركات
147
النقاط
7
مأسااااااااااة:crying::
أنا ملي بديت نقرا ف لا فاك ما كاش حاجة حيرتني كيما الكوووووس هادي صح ظاهرة اجتماعية كبيرة فريمو كاتاستروووف وشنو هذا معاناة كبيرة الغاشي ، التطبااااع ، االسريييقة ، الملامسااااات، الرائحة الكريهة ، الضرب ، العنف ، هذا داخل في هذا ، ولي بالطالووون أنا نخاف منهم تع الصح باسكو رجليا بامال دو فوا تمحااااو و ملي بديت نقرا راحولي وحد 3 خواتم تكرفصو ايه آمنو.... تلواو مع صباعتيا وزيد الساك تقطع شحال من مرة لي دايرة خمار طار تكرفص ولي بلا حجاب الله يبقي الستر على شعرها والحاجة لي صح تقلق كو الكوووس هادا تحسبو بيس يركبو فيه كامل الشيوخا العجايز الدراري السراااقين البطاليين المتشردييين كامل ايييه عندي des histoires مع الكوس وانا خطرة والله العظيم لا شفت واحد أخينا ملتحي و قميص ..... من طفلة للخرة يكاريسي فيهم نورمالل التنوفيق راهو داير حالة ..و سرقولي البورتابل تماااك ودكا تبدلت العقلية الدخول ماولاش من الباب حاشاكم من التاقة لوح الساكادو واتسرسب موراه .. هادوا des etudiantsلي حكم بلاصة يا حسراه كيشغل راهو قاعد في الجنة ولي قعد واقف راحت عليييه والمالور ما يقلبوش مام با على ليكارت...... الور أنا حرت حتى الدراري من برا دايرينا ضحك يعايروا فينا ويضحكو علينا شكووون عندو حل و كيما يقولوااا ما يحس بالجمرة غير لي كواتو
في انتظااااااااااااااااااار الردوووووووووووووووود
 

shahrazad

:: عضو شرفي ::
إنضم
10 مارس 2009
المشاركات
4,089
النقاط
191
العمر
29
محل الإقامة
تيبازة
الجنس
أنثى
ويدا ركبت في داك الكوس تقول كريمينال محبوس
عاكرامة غيـــر دوس
و ماتكون ماطماعــــين

و الله ياختي واش نقول واش نخلي الحالة راهي قراف
تحيري كي تشوفيهم و الله ماتقولي كبار جامعيين
انا في لول كنت مخلوعة قااع مي اوبعد مافيهاش
ادا معفستيش على الغاشي و الله ماتصحلك
و لولاد ايييييييه كي يوصلو التم مايعرفو ني طفلة ني مرة
و بغييير واش يصرا الداخل
من جهة هادي ظاهرة تبهدل
و من جهة تاني علاش ميحسنوش الظروف و يزيدو فليكوس
علاه راه عاجبنا الحال كي نظلو نطابعو !!
الله غالب و لا كلشي بالقوة و هادا هو الواقع
الي يفرط في حقو يبات براا
علاه فكرتينا علااااه هههههههه
لوكان نكمل نهدر مانحبسش
بارك الله فيكي ختي





 

ADEL ARK

:: عضو متألق ::
إنضم
18 جوان 2008
المشاركات
4,192
النقاط
159
محل الإقامة
قسنطينة
الجنس
ذكر
صدقيني ماعلاباليش وش معنتها الكوووس

الكوس انا نعرفو المتلت لي كنا نقراو بيه بكري كي كنا صغار


مككن قصدك الطرام
الطرولي
البيس ؟؟؟؟
 

aMiNa-K

:: عضو فعّال ::
إنضم
19 جانفي 2009
المشاركات
1,500
النقاط
37
صدقيني ماعلاباليش وش معنتها الكوووس

الكوس انا نعرفو المتلت لي كنا نقراو بيه بكري كي كنا صغار


مككن قصدك الطرام
الطرولي
البيس ؟؟؟؟
الكوس

تقصد حافلات نقل الطلبة

مساكن الطلبة راهم المعاناة مع لي كوس.. يوميا
 

nada242008

*طبيبة صيدلية*عضو شرفي
إنضم
24 جانفي 2009
المشاركات
10,214
النقاط
351
الجنس
أنثى
انا تاني مافهمتش الكوس انا نعرفو بلي ادارة . كنت نروحلو كل عام باش نخدم كواغط لابورس.
المهم والله عندك الحق كان يصرا فينا الباطل باش نركبو في البيس .هذا تبهديل وتقطاش وصاك مقطع وصباط طايروزعما اللي يركبو فيه غير الطبة والصيادلة و ....كالحيوانات ومش الكل طبعا
وحد البخص.والله تحشمي من الناس وبالعكس البيس تاع الدكور يطلعو في عقلهم وميتين بالضحك على طبيبات المستقبل
ماتقلقي روحك ماوالو هذي سنة الحياة
 

asmaa_h

:: عضو فعّال ::
إنضم
28 جوان 2008
المشاركات
1,792
النقاط
77
يا يما على هاداك الكوس نهار الحد رحت للجامعة و كي راجعة حبيت نركب فالكوووس يا و قريب و انا نركب و ننسى رجليا الله يستر برك ههههههههههه
 

médéenne.girl

:: عضو مُشارك ::
إنضم
24 سبتمبر 2009
المشاركات
147
النقاط
7
الكووووووووووووووس بالنسبة لي ما فهموش هو حافلة نقل الطلبة .....تلك الحافلة باللون البرتقااالي
 

BarBi3

:: عضو مُتميز ::
إنضم
29 أوت 2009
المشاركات
668
النقاط
16
ما تفكرينيش
ديجا نسمع كلمة كوس نحس الغاشي يدز فيا و من شعري يقطشو فيا
كي نجي نركب فيه نشهد اونكا قتلوني و نستغفر و ندعي ربي يقدرني و يعطيني الصبر

يا ختي ربي يستر بركــ
 

السوفي حمة

:: عضو شرفي ::
إنضم
2 أكتوبر 2007
المشاركات
2,260
النقاط
583
محل الإقامة
الوادي
الجنس
ذكر
الكوس هو لجنة الخدمات الجامعية
ونقل الطلبة من مهامها، لكن للأسف راهم ينقلو كلش
إيه يا أختي الحالة راهي مازالت هيا هيا من زمان
لكن أحنا مكانش يركب معانا أي واحد مهوش طالب وحتى إلي معندوش البطاقة ميستعرفوش بيه.
بالصح البيس نهار يمشي وعشرة حابس
لكنها سنوات قليلة وتفوت وتبقى للذكرى فقط.
أصبري وخلاص

 

chemssou007

:: عضو فعّال ::
إنضم
12 سبتمبر 2009
المشاركات
2,416
النقاط
577
العمر
30
بكل صراحة و دون نفـــاق

3 سنوات و أن أتنقـل باستعمال حافلات الطلبة، Jamais شفت هاذو المشاكل، الدعوة Bien، كاين حشير صح مي السرقة و الملامسات و دخول العجايز و الشيوخا و الله والو...

رانا Trés Bien

Des Fois يصراو شوي مشاكل Mais مشي لهاذي الدرجة الحمد الله الدعوة هانية في سطيف

Setif



~~~Change We Need~~~
 

médéenne.girl

:: عضو مُشارك ::
إنضم
24 سبتمبر 2009
المشاركات
147
النقاط
7
خويا انا راني نهدر على الجزاااائر العاصمة بالتحديد مي الولايات لخرين على بالي مكاش مشاكل كما هكدا ...... juste في odin
 

chemssou007

:: عضو فعّال ::
إنضم
12 سبتمبر 2009
المشاركات
2,416
النقاط
577
العمر
30
علابالي

صح رحت L'Alger قداه من خطرا، Un Grand Probleme De Transport

كاينة صح دزان و سريقــة و المشاكل لخرين

dsl J'ai Mal Compri

Merci Bien


~~~Change We Need~~~
 

ملاكي

:: عضو مُشارك ::
إنضم
2 أكتوبر 2009
المشاركات
240
النقاط
6
اختي انت على حساب ما فهمت تروحي دايرة الخواتم و الصباط طالو
و اتخليهم يطبعوك
اختي خواتمك خبيهم نهار توصلي ديريهم و الطالو البسي باسكيت
هكدا ما يكونوش عندك مشاكل
 

IMANO77

:: عضو مُتميز ::
إنضم
6 سبتمبر 2009
المشاركات
583
النقاط
17
ههههههههههه

المهم اختي مش غير تبهدلنا فيهم ربي يكون معانا برك

الكوس يقراو بيه في الرياضيات
وفي الجاميعا نعرفوه وين يديرو الدواسا تاع لابورس

ADEL ARK
خويا بصح قتلتني بالدحك لخاطر كنت كيفك مفهمت والو فيها
ولي دحكني الطرام كي جيت نقرا التم اول مره الناس كامل تقول طرام وانا نحسب فيه تران هههه
شهر باه فهمت بلي بيس ههههه
 

نسومة

:: عضو مُشارك ::
إنضم
1 أكتوبر 2009
المشاركات
354
النقاط
7
هههههههههه الله يصبركم و يقويكم على المواصلة نسمع بهادو المشاكل من صحاباتي اللي يجي للليسي بالبيس تاع الحكومة
الله يقاوينا انا مزال منولي نروح فيهم حتى نوصل للجامعة
الله يصبركم و يقدركم
 

معاك يا الجزائر

:: عضو مُشارك ::
إنضم
2 أكتوبر 2009
المشاركات
192
النقاط
6
و الله يا ختي غير قتلتيني بالضحك.mais هادي ظاهرة مكررة و بسبابها قالولي حباباتي انت متكبرة.يا ختي انا ما نحملش الضيق surtout كي تكون الحالة mixed.و ما نقدرش نطبع .و الله غير بزاف انا نروح في bus بالدراهم و نوصل لاباس و مانروحش في course و نوصل مريضة من عقلي.زعما حنايا niveau جامعي.خاصتنا بزاف الحضارة.يعطيك الصحة على الموضوع.فكرتيني في ايام الجامعة و الميزيرية الزرقة.
 
الحالة
مغلق ولا يسمح بالمزيد من الردود.
Top