النجدة......؟؟؟؟

[7younes]

السلام عليكم
من فضلكم اود مساعدتكم لانني لا اجد ما اتكلم فيه مع اصدقائي خاصة والناس عامة وشكرا​

 

[Adel Adel1]

في الحقيقة موضوعك يحدف لأنو ليس مفهوم و ليس له معنا كامل
لكن بعد التفكير
لاحضت أنك تتكلم في موضوع يمس العديد من المراهقيت و يوصلهم لحوايج مش ملاح
لانو تبدا هكاك بسكوت مبعد الوحدة و الوحدة تدفعك لملئ الفراغ بشي لي ماش مليح

نوصيك تنضم موضوعك و تضيفلو باه يكون موضوع كامل

و مرحبا بيك في المنتدى نتمنا تلقا غير الخير هنا

 

[مروة MARWA]

وعلا وش حاب تتكلم ؟
قوللنا و احنا نعاونوك بصح يكون كلام تاع الصح

 

[moha073]

اولا اخي نرحب بيك في لمتك و بين اهلك
ثانيا نحب نقولكبلي كاين ناس هدي هي طبيعتهم ما يحبوش يهدروا بزاف مهما يحاولوا مي مايقدروش
ياخي احيانا يقولك السكوت من دهب مرات بزاف انا شخصيا نفضل نسكت خير ملا نهدر حوايج خارجين على الطريق و لا حوايج نندم عليهم ممبعد
مي لازمك تحكي تضحك مع صحابك و لكن في اطار المسموح
و يبقى هدا مجرد راي
تقبل مروري و شكرا ​

 

[médéenne.girl]

خويا ولا ختي معلاباليش ماراكش داير نوع الجنس المهم هاد المشكلة تصرى لبزاف ناس كي طيح فيها منا للفوق سيي تندمج مع الجماعة هدا ادا كانو يهدرو ف كاش سوجي شاركهم برايك احشر روحك ..... واذا قعدتوا كامل ساكتين سيي كيفاش تحكي كاش حاجة معلاباليش ادا ما لقيت والو قول مثلا: الحال راهو شباب اليوم ..........اي حاجة امبعد هما يبداو يشاركو ف الراي وتدخلوا ف الموضوع وتهدرو هدا ادا ماكنتش مداسرهم اما اذا متعود معاهم احكيلهم واش درت اليوم ... اسكو جاز نهار مليح ولا لا ... وهي رايحة

 

[Parfum floral]

اذا حبيت تولي تهدر شوية انا نقولك حوايج حاول طبقهم
1/ تتعرف على صديق او 2 يكونو يهدروا بزاف و يتناقشوا بزاف رايحين يجبروك باه تمد رايك و باه تهدر
2/ ممارسة رياضة جماعية كيما كرة القدم بشكل منتظم يعني تلعبها بزاف رايح تتعلم الاندماج في المجتمع و من خلال تقييمكم للعب في كل مرة رايح تاني تهدر شوية
3/ الخطوة هاذي راك درتها و هي الانضمام للمة و ابداء رايك و ما تخافش تقول واش تحب بصح تحترم الناس لخرين

 

[SO GooD]

هههههههههههههههههههههههه منك بالصح ؟

روح لل dr psy4 راك تلقاه فاتح ال msn ديالو ضرك :biggrin::angel_not:

وإذا غابتلك قول ايه
​