تقرا السيجي بسيف وترد بسيف عليك

[fatima02]

السلام عليكم

والله يلا قريت الموضوع
والله وبسيف علا جدك ترد على الموضوع صايي راك حلفت

ههههههههه هدي مشي هدرتي هدي ظاهرة انتشرت بزاف هاد الليام في المنتدى
يكتب موضوع + والله العظيم ترد

حتى ولا الواحد كي يبغي يدخل موضوع يخاف يحلفوه
مع احتراماتي لأصحاب المواضيع مي لازم نهدر على هاد الظاهرة
اولا هادا حليف والحلف حاجا كبيرة في الدين مشي لعبة في سيجي تع كاش لعبة تبدى تحلف
ثانيا دي فوا السيجي يكون مكرر ومكرر ومكرر ويعاودوا يكرروه ويحلف عليك
بش تعاود ترد
وعلاه كيما هاكا تحوسوا على ردود بسيف
لي عجبوا السيجي يرد ولي محبش يدبر راسوا
و هدا مشي اسلوب نتعاملوا بيه
يقولك الإنسان يحلف في المواقف الجادة لي تستحق مشي غير هاكا






ودرك ترد على هاد السيجي ولا نحلف
​

 

[médéenne.girl]

صح عندك الحق مرقوها ويعجبوني كي يقلك ابعث الرسالة ل 100 لا بعتها تسرالك حاجة مليحة ولا مبعتهاش تسرالك حاجة مشي مليحة خلونا من الجياحة صحا.... لي عجبو الموضوع يعلق ولي معجبوش مشي بسيف ..... ولا حلف واحد ومقراهش هما يتحاسبوا واش داك تكتب ف الحليف كلمة والله ماشي ساهلة خليها ف بلاصتها

 

[AnGel_LoVe]

عجبك موضوع رد ,, ما عجبكش ما تردش


+ الحليف هادا ما يجوزش واقيلا لخاطرش ماشي من قلبك

صحيتي على الموضوع ..

​

 

[abidou 20081]

أنا تاني قلت واش بيها فاطمة اليوم تقولنا بسيف على جدكم تردو ههههههههههههههههههه

ربي يخليك وربي يحفظك موضوع تاع الصح قيم وهذي ظاهرة شفتها أنا تاني تاع ردو عليا بسيف

الله غالب كاين بعض الأعضاء ملو بالاك من الغاشي لي تفوت على الموضوع بلا مايردو عليه يقولك ندير هذ العفسة بالاك تجيب وماشي مليح لحلوف هكذا وماشي ساهل تاني بصح البعض حسبها لعبة يلعب بها
وزيد ماعلابالوش بلي راه يحلف في الأعضاء بلا ماعلابالهم يعني يرفد فالإثم باطل كيفاش تحلف للواحد باش يرد عليك وهو مازال ماقراش حتى الموضوع لكن راكي عارفة المستويات تفترق والعقليات كيف كيف
ونتمنى الموضوع تاعك هذا ينبه هذ الفئة وتعرف بلي ماشي حاجة مليحة لي راهم يديرو فيها
وراني رديت بلا ماتحلفي ههههههههههههه
ربي يبارك فيك وربي يحفظك ويعطيك ماتتمني دمتي بألف خير وهناء إن شاء الله ​

 

[BarBi3]

ايييه صح الحليف ماشي لعب
و ماشي في موضوع و على رد
ربي يهدي
مشكورة اختي على الموضوع
​

 

[الظل الطويل]

مالا معليش نقرا ومنردش هههههه
​

 

[fatima02]

صح عندك الحق مرقوها ويعجبوني كي يقلك ابعث الرسالة ل 100 لا بعتها تسرالك حاجة مليحة ولا مبعتهاش تسرالك حاجة مشي مليحة خلونا من الجياحة صحا.... لي عجبو الموضوع يعلق ولي معجبوش مشي بسيف ..... ولا حلف واحد ومقراهش هما يتحاسبوا واش داك تكتب ف الحليف كلمة والله ماشي ساهلة خليها ف بلاصتها

ايه ختي يلا حلف وما قراوش هو يتحاسب يحصلوا في رواحهم باطل
وكل واحد حر في روحوا
شكرا ليك اختي

 

[Bob Marley]

حتى بلا جدك مشي لعبا
مرسي على الموضوع

 

[fatima02]

عجبك موضوع رد ,, ما عجبكش ما تردش


+ الحليف هادا ما يجوزش واقيلا لخاطرش ماشي من قلبك

صحيتي على الموضوع ..

​

وصحيتي نتي على الرد تاعك والحليف مايجوزش على خاطر الحليف مشي لعب
​

 

[سماح4]

انا عن نفسي ما نحيرش اصلا اذا حلفوني ولا لا وعلاش ربي ما يظلمش عبادو ممكن الموضوع ما يستحقش نرد عليه وممكن ما يعجبنيش وممكن اصلا ما يكونش عندي الرد جاهز في هذيك اللحظة يعني مانيش مظطرة نرد عليه .
بارك الله فيك على الموضوع القيم والجاد ....وفعلا الحلف بالله لأسباب تافهة ماشي ساهل نتمنى ينتبهو لهذي النقطة ...شكرا ليك اختي الكريمة

 

[fatima02]

أنا تاني قلت واش بيها فاطمة اليوم تقولنا بسيف على جدكم تردو ههههههههههههههههههه

ربي يخليك وربي يحفظك موضوع تاع الصح قيم وهذي ظاهرة شفتها أنا تاني تاع ردو عليا بسيف

الله غالب كاين بعض الأعضاء ملو بالاك من الغاشي لي تفوت على الموضوع بلا مايردو عليه يقولك ندير هذ العفسة بالاك تجيب وماشي مليح لحلوف هكذا وماشي ساهل تاني بصح البعض حسبها لعبة يلعب بها
وزيد ماعلابالوش بلي راه يحلف في الأعضاء بلا ماعلابالهم يعني يرفد فالإثم باطل كيفاش تحلف للواحد باش يرد عليك وهو مازال ماقراش حتى الموضوع لكن راكي عارفة المستويات تفترق والعقليات كيف كيف
ونتمنى الموضوع تاعك هذا ينبه هذ الفئة وتعرف بلي ماشي حاجة مليحة لي راهم يديرو فيها
وراني رديت بلا ماتحلفي ههههههههههههه
ربي يبارك فيك وربي يحفظك ويعطيك ماتتمني دمتي بألف خير وهناء إن شاء الله ​

ايه خويا واحد يحلف باش يرد على حاجة مازال قاع ماقراهاش بلاك ماعلابالهمش بلي راهم يدوا في الإثم باطل وزيد كي يحلفوك الرد تاعك ماغاديش يكون كيما ترد على سيجي مهم وراك حاب ترد عليه يعني تقول يكون غير شكر وان شاء الله هاد الموضوع ينبههم ويبطلوا هاد الطبيعة
وبارك الله فيك انت تاني شكرا على المشاركة الرائعة تاعك

 

[مروة MARWA]

لا انا نرد
و هادي اللعبة الغاشي كامل مرق بيها
بصح باينتك خفيفة دم و لازم نرد عليك

 

[ami_prince]

10/10

صح عندك الحق مرقوها ويعجبوني كي يقلك ابعث الرسالة ل 100 لا بعتها تسرالك حاجة مليحة ولا مبعتهاش تسرالك حاجة مشي مليحة خلونا من الجياحة صحا.... لي عجبو الموضوع يعلق ولي معجبوش مشي بسيف ..... ولا حلف واحد ومقراهش هما يتحاسبوا واش داك تكتب ف الحليف كلمة والله ماشي ساهلة خليها ف بلاصتها

:cursing:

 

[abidou 20081]

ايه خويا واحد يحلف باش يرد على حاجة مازال قاع ماقراهاش بلاك ماعلابالهمش بلي راهم يدوا في الإثم باطل وزيد كي يحلفوك الرد تاعك ماغاديش يكون كيما ترد على سيجي مهم وراك حاب ترد عليه يعني تقول يكون غير شكر وان شاء الله هاد الموضوع ينبههم ويبطلوا هاد الطبيعة
وبارك الله فيك انت تاني شكرا على المشاركة الرائعة تاعك

ربي يخليك ويحفظكختي فاطمة
وتاع الصح العقلية منين تكون صغيرة تخلي مولاها يدير كل شيء
وماعلابالوش واش راه يدير وهذا تاني مايعنيش راه حلفك محتوم عليك ترد عليه
لوكان يبدلوها ويقولك حشمتك بربي ترد على الموضوع بالاك الرد تاعك يكون مليح
بصح كيما هكدا وحتى ويحب يرد يقولو مشكور وخلاص يعني راني رديت وحتى واحد مايستفيد
يعطيك الصحة أنت على الموضوع القيم والهادف وربي يبارك فيك ويعطيك ماتتمني
دمتي بألأف خير وهناء إن شاء الله ​

 

[youba115]

كتب موضوع زين ناس ترد رد واحد تبارك الله

 

[nina88]

والله عندك لحق اختي علاه لحليف كل واحد حر يرد ولا نو

 

[foufa34]

صح هدي عفست للحليف انا تاني تقلقني....كل واحد حر...شكرا لك

 

[fatima02]

ايييه صح الحليف ماشي لعب
و ماشي في موضوع و على رد
ربي يهدي
مشكورة اختي على الموضوع
​

ومشكورة اختي على المشاركة تاعك
وان شاء الله تحبس هاد الخدمة

 

[fatima02]

مالا معليش نقرا ومنردش هههههه
​

كل واحد حر بصح انا راني نهدر على الحليف ومحاولة الإجبار لي يديروها
ومعليش كون ماراديتش ههههههههه

 

[fatima02]

حتى بلا جدك مشي لعبا
مرسي على الموضوع

ايه في هادي نظن عندك الحق مي كي تتنارفا من هاد الحركات
على العموم نقدم اسفي واعتذاري