واش رايكم في زواج العزايج

[chiva.]

مساء الخير


يا جماعة حبيت نسقسيكم واش رايكم في زواج العزايج العزوج تزوجك وحدة متعرفهاش

 

[سجل أنا جزائري]

العزايج يعني التقليدي ؟؟

 

[ملاك الليل]

مهما اختارت الام لولدها البنت التي تراها مناسبة لا اظن انها بالضرورة ستعجبه
الاذواق متعددة .....وارضاء الناس غاية لا تدرك .....................

 

[chiva.]

ايه تزوجك على اختيارها :confused1:

 

[chiva.]

بصح يا ختي ملاك نعرف كثير ناس زوجوهم عزايجهم وصدقولهم نساهم منيش عارف تخلبطت :crying:

 

[معاك يا الخضراء]

prrrrrrrrrrrrrrrrrrrrrrrr
انا ما تعجبنيش هاد الفكرة
ماهيش حاجة مليحة pour moi

 

[boutarfaya]

الام خدمتها تروح تخطب لمرا لبنها لي يقلها هوا عليها برك ماشي هيا لي تخيرهالوووو
​

 

[سجل أنا جزائري]

أنا نشوف فيه ما فيه حتى مشكل الا على هذوك اللي دايرين صحابتهم بانسور مش مليحة ليهم هذي العفسة

أنا عندي 2 خاوتي يما هي اللي خيرتلهم و عايشين و متهنين ما خصهم والو

 

[fahima m]

انا رايي مايعجبنيش هاذا الزواج لازم الراجل هو الي يختار امراة ومن بعد يقول لامو اخطبيهالي الا اذا كان الراجل حشايمي هههههههه وهاذا مانضنش كاين منها ساعتها تروح ماماه تخطبلو ههههههههههههههههه

 

[ميديا]

انا ضد الفكرة هادي

يلزم الرجل هو الي يشوف و يختار

ع خاطر هو الي رح يكمل معاها حياته

ماشي أمه و أنا عندي كيما امه تختار ليه

و تزيد تزوجهاله و هو ما يقدرش يقوللها لا

مع احترامي للرجال هاد قدام أمه

عنده شخصية ضعيفة و اذا عجباته هاديك حاجة أخرى.​

 

[Rosa2]

انا ضد هاد الفكرة تماما

كل واحد و حر في نفسو
و و الله كون تجي تشوف كامل الامهات اللي يزوجو ولادهم كيما يبغو
بعد شهر و لا شهرين
النتيجة
راهي باينة
​

 

[MR-REDOUANE]

وعلاه لا لا تتبروبوزي عليا وحدة و تعجبني مشي بالسيف عليا و انا نظن كلشي بالمكتوب ساديبون وين نطيح

 

[صريحة]

انانشوف في وقتنا هدا انو الطفل يخير وحدو خير .......على خاطر كانش مايجرى بيناتهم ..........راح يحط كل اللوم على والديه
ويمكن يخسروا بعضاهم وهدي حاجة ماشي منيحا
يعني من الاحسن يخير وحدو ويعوم بحرو وحدو كيما يقولوا
​

 

[العمانية]

السلام عليكم ورحمة الله وبركاته

يعتمد ع الشاب

في شبابعادي عندهم الزواج التقليدي، انا 2 من اخواني اتزوجوا تقريبا من 13 سنة وكان تقليدي
بس اتوقع اخواني اللي الحين ما راح يوافقوا يتزوجوا بهالطريقة

 

[BellojojO]

كل واحد حر في اختيارو
وهو لي راح يكمل حياتو معها
​