واش اعطاتك الدزاير من خيرها

[BOUSS]

ما عطاتنا والو غير التبهدييل ههههههههههه

يعطيك الصحة ختي ونطلب ربي ان شاء الله يجيب الخير للبلاد:closedeyes:

 

[BOUSS]

يكفى اننا نعيش فى سلام بدون حرب بلد حرة والحمد لله

بعطيك الصحة ختي هذا الكلام كانويقولوه في 62 اما اليوم
نفوتو حاجة اخري لازم نحاسبو مسؤلينا واش دارو لشعبهم:closedeyes:

 

[BOUSS]

ههههههههه

اعطاتنا الحيطان باه نركزززووووا عليهم
....

شكرا لك على الموضوع ​

هكذا باش مايخصروش دراهم الصبيغة ديما يبقاو
امقين هههههراك فهمتني وراني فهمتك صحافطورك جيجي:wink:

 

[BOUSS]

لقد اعطتنا الجزائر الانتماء يكفيك شرفا ان تقول انا
جزائري​

​

هدي بلامزية كل واحد او واحد ماينجم ينحيلك جرائريك
من قوة حبنا ليها لازم ديما هي الي تكون في السماء هلا هاديك اليوم
خيرها لشعبها وصحا فطورك اخي:closedeyes:

 

[انسان فاقد الذاكرة]

المواضيع المكتوبة بالعامية مكانها قسم واش تهدر

الرجاء الانتباه عند طرح المواضيع

ينقل للقسم الصحيح

المواضيع المكتوبة بالعامية مكانها القسم العام

الرجاء الانتباه عند طرح المواضيع

ينقل للقسم الخاطئ

 

[abidou 20081]

صحا فطورك خويا وربي يتقبل ويعطيك الصحة على الموضوع القيم


موضوعك خويا يتقسم على زوج نقاط واش عطاتك الدزاير من خيرها وواش عطيناها من جهدنا

مالا خويا حنا ماعطيناها والو على خاطرش لي شادينها راهم ياكلو فيها وحدهم وماخلاونا واش نعطوها
وهي ماعطاتنا والو على خاطرش لي راه شاد الروبيني يعرف وين يسربي وفي كلتا الحالاتين رانا نسوفرو خويا
لكن رانا مشاركين في غلق الروبيني حنا كشعب وهذي صراحة لي لازم تاني نهدرو عليها
الشعب يستاهل على خاطرش يروح يرشي ويعاون الخبيث على خبثو وجامي شفنا ناس ناضت على كلمة حق
السراق يعاونوه ويسكتو عليه ومكانش لي يهدر ولا لي يشوف حاجا تاع منكر يسكت ويقول واش دخلني أنا ماعلابالوش بلي هذاك الخير لي راه ينهب فيه راه حقك وحقي ونهار لي نولو حنا ناس مريقلين ماتخافش يلحقنا الخير
تاع بلادنا دراع وإذا كنا رايحين نفوتو كونكور كيف كيف بصح نروحوة كي أنا وأنت تاكلين على واش كاين
في عقلنا ماشي على كتافنا رايحين نتريقلو بصح حنا نعاونو السراق والمرتشي ونقولو حرام هذي لي مجاتش
مالا لازمنا حملة كبيرة وتكاتف كبير بين الشعب نبداو نحبسو الرشوة ومعاونة السارق وكيما رانا نهدرو ونكشفوهم رايحين لي شادين الروبيني دراع يعرفو كيفاش يسربو بصح باش نقعدو كيما رانا يكذب عليك خويا
مالا سؤال في محلو الدزاير ماتعطينا والو من خيرها على خاطرش لي راه شاد الخير تاعها
رانا نعاونو فيه باش مايعطينا والو
ربي ينورك ونتمنى فهمت قصدي وربي يتقبل منا ومنك ويصلح أحوال لبلاد والعباد​

 

[rida_dj]

يكفي أني دزيري

 

[شوقي16]

حنا كامل نحبو نحصدو لي يزرع ماكاش
المثل يقلك ازرع ينبت

 

[نهلة21]

الجزائر يكفى انها كبرتنا ورجعتنا شباب وشبات حنا لى نقرو باش نطلعوها نكبر بلادنا ونفتخر بيها نحمد ربى ع كل حال
الحق كامل راجع فى المسؤلين لكبار لى ما دارو والو فى لبلاد
مى على كل حال نحمد ربى حنا رانا ساكنين وعايشين كاين دول الفقر ماكلهم لا تعليم ولا سكنة ولا حتى شئ

 

[jiji 94]

هكذا باش مايخصروش دراهم الصبيغة ديما يبقاو
امقين هههههراك فهمتني وراني فهمتك صحافطورك جيجي:wink:

الحمد لله اللي فهمتني
ها راك عارف الشعب الدزيري
يبغوووا غير البيروا والستيلوااا ...

ما يحبوش يتعببووووووووووا

جيلاليـــــــــــــ​

 

[الرومنسي الجاد]

أنا نسال فيها ميترا على ميترا
​

 

[هدوء المطر]

شوف قبل يا خويا bouss واش مدينا حنا للدزاير باه نقولو الدزاير واش اعطاتنا من خير!!
حنا راقدة و تمونجي ما نخدمو البلاد ما نحوسو عليها و كي ما نلقاوش الخير نقولو يا حصراااه على الدزاير...و لا نحوسو نرقدو و الخير ينزل علينا ؟؟؟
على كل شكراً على الطرح

 

[azzedine02]

انا مانشريك وخويا مايكريك وعدوك عمرو لا يولي يبغيك والتقاشر مايفرقوش عليك

 

[AMOUNA+MIMA]

الحمد الله على كلشي المهم كاينا بلادنا وقت الصح نرجعولها​

 

[AMOUNA+MIMA]

انا مانشريك وخويا مايكريك وعدوك عمرو لا يولي يبغيك والتقاشر مايفرقوش عليك

ياعزدين خويا رمضان ماراه مخلي فيك والو:surrender:
هدا موضوع الناس دخلت فيه موضوعي​

 

[touffik]

بلد مكى ..................

 

[kamel2010]

الله غالب مازال ماكانش المسؤولين المسلمين بجد الكل يخمم في نفسه الرئيس بوتفليقة يريد ان يبقى رئيس بأي طريقة و الوزراء يريدون أن ينهبو أكبر قدر ممكن من النقود لكن الله غالب لو كان جاو يخافو من ربي لوكان راهم مخلصين لكن سوف يأتي يوم و تنهض مظاهرة جد كبيرة