سعيدوني يا صحابي انتع اللمة

[406_nassim]

السلام عليكم


انشاء الله ركم ملاح



اليوم رني حب نحكي ونفرغ وش كاين في قلبي

الله غالب مقدرتش

مهم انا اعمل في مجال الحلويات وكرهت خدمتي من اشياء بزاف اهموها

1 صحابي يقلولي انت طفلة بش تخدم الحلويات


يك طفلة هي لتدخم الحلويات رني حب نحبس الحلويات ونخدم مع صحابي قلي اروح تخدم معيا في القهوة وش ندير


قلولي وانا صح مرنيش صيب روحي في الحلويات وكرهتها والله عندي بزاف اسباب


ارجوكم سعيدوني​

 

[samra106]

انا قتلك قبل يا نسيم احسن الطهاة في لعالم هم رجا وسيرتو في مجال الحلويات كيما جاك توراس لكان تعرفو خدمة نورمال كيف كل لخدم شريفة ونظيفة على الاقل احسن من توزع القهوة والتاي في القهاوي اخطيك من صحابك وهدرتهم وبشوية وطور روحك حتى يعود عندك محل وحدك وتولي انت المعلم​

 

[hadjer92]

يااااه باتيسري.. شكون لي كيفك خو ؟؟ والله تخطيونا نتوما نضيعو وما نلقاو با نفطرو..هههه..
ماديرش علا الناس.. الخدمة هادي او ماصابهاش...
é déja باتيسري خير من قهواجي.. هادا رايي..و حاشتك.. وحط في بالك او لي يدير علا الناس مايعيشش
راك قادر تبدل للقهوة وتندم ..
ربي يعونك خوو..سلاام

 

[406_nassim]

انا قتلك قبل يا نسيم احسن الطهاة في لعالم هم رجا وسيرتو في مجال الحلويات كيما جاك توراس لكان تعرفو خدمة نورمال كيف كل لخدم شريفة ونظيفة على الاقل احسن من توزع القهوة والتاي في القهاوي اخطيك من صحابك وهدرتهم وبشوية وطور روحك حتى يعود عندك محل وحدك وتولي انت المعلم​

شكرا ليك خويا بصح انا مرنيش صايب روحخي في الحلويات والله ايه خدمة مليحة بصح والله مرني صيب روحي والله العضيم يا خويا


والله من هدرت صحابي وليت كي نتكلم مع كاش طفلة لحمي يبدا يكل فيا نحشم بزاف


والله وليت موسوس حتي رني مشاكل مع بابا كي قتلو رني ريح نحبس الحلويات وقلي لالا وانا رني معول مهم شكرا ليك

 

[406_nassim]

يااااه باتيسري.. شكون لي كيفك خو ؟؟ والله تخطيونا نتوما نضيعو وما نلقاو با نفطرو..هههه..
ماديرش علا الناس.. الخدمة هادي او ماصابهاش...
é déja باتيسري خير من قهواجي.. هادا رايي..و حاشتك.. وحط في بالك او لي يدير علا الناس مايعيشش
راك قادر تبدل للقهوة وتندم ..
ربي يعونك خوو..سلاام

شكرا ليك الاخت مي رني معول بش نحبس البتسير مي قلت نحكي معاكم شويا انتوما والله مي والله وليت موسوس

 

[Oxygene2]

دير كيما يقولك راسك

 

[صفحة بيضاء]

هدو صحابك مشي صحاب هدي الغيرة راهي دير هاك واك الغيرة تهدر
راهم باغينك تقعد حيطيزت تشد معاهم الحيط باش ميطيحش
روح بركاك من هدي الهدرة خدم خدمتك هداك مكتوبك شكون قالك
هدي خدمت النساء دروك كلشي راه نورمال ايوا الدنيا تبدلت
حتى المرأة راهي تخدم بوليس ولا راكم باغين النساء يقعدوا يسربوا فماكل
ويخدموا عليكم ويروحوا برا لي يجي يتمسخر عليهم هديك خدمتك قعد فيها وسكت

 

[نسمة حب]

نسيموووووووو راك هكة انتيك خو ولي قولك العكس يغير منك وكيما قالو لي قبلي احسن طهاة العالم رجال

 

[Oxygene2]

مشي كيستيون تع صحابو هوا اصلا ماهوش باغي
خويا جامي تدير حاجة ماراكش حابها

 

[imen sana]

خويا نقولهالك صراحة واحد يخدم باتسري خير من قهواجي مع كل إحترامي للقهواجية.

تخدم باتسري،النظافة والعفافة والفن وبقدرك خير من الخدمة في القهوة اللي يتكيف واللي يشم والحس والفوضى وهدا جيبلي والاخر إدي راهي محنة كبيرة.
ما تخودش على كلامهم ولازم تكون قوي الشخصية وعندك ثقة في نفسك.
وزيد وعلاه تغضّب في باباك راهي رضاية الوالدين ما تتعوضش بكنوز الدنيا خويا خمّم مليح.
باتسري خير من قهواجي إديها من عند طفلة.
​

 

[406_nassim]

خويا نقولهالك صراحة واحد يخدم باتسري خير من قهواجي مع كل إحترامي للقهواجية.​

تخدم باتسري،النظافة والعفافة والفن وبقدرك خير من الخدمة في القهوة اللي يتكيف واللي يشم والحس والفوضى وهدا جيبلي والاخر إدي راهي محنة كبيرة.
ما تخودش على كلامهم ولازم تكون قوي الشخصية وعندك ثقة في نفسك.
وزيد وعلاه تغضّب في باباك راهي رضاية الوالدين ما تتعوضش بكنوز الدنيا خويا خمّم مليح.
باتسري خير من قهواجي إديها من عند طفلة.​

شكرا ليك الاخت بارك الله فيك عندك الحق في الكلامك الاخت مي انا طفل........... مكانش كفاش نقلك الاخت وكفاش نعبلك علي شعوري

 

[sleepingbeauty]

خدمة هايلة و مليحة و ما عندو ما خصها راك لاباس عليك احمد ربي كاين اللي يتمناواها و ما لقاوهاش و صحابك هادو التخمام تاعهم ما كان ما كان كيفاه هادا تخلي خدمتك و تولي قهواجي هبلو ولا واش بيهم​

 

[ichrak]

خويا كمل خدمتك لخاطر راح تلقاها غير هي مش راح تلقهم هوما باش يصرفوا عليك و على مرتك في المستقبل و كيما قالولك احسن طهاة العالم رجال ماتسمعش اصحاب السوء و ماتدري كي عتي كارها ربي حاط ليك فاها خير عسى ان تكرهوا شيئا و هو خير لكم و هسى ان تحبوا شيء و هو شر لكم حكها مليح في بالك خويا . ربي يهينيك و يسعدك

 

[hadjer92]

مشي كيستيون تع صحابو هوا اصلا ماهوش باغي
خويا جامي تدير حاجة ماراكش حابها

"عسى أن تكرهوا شيئا وهو خير لكم وعسى أن تحبوا شيئا وهو شر لكم..."

الصبر الصبر.. وربي هو اللي يفرج علا العبااد ...

 

[يسرى]

السلام عليكم
اخ نسيم انا ننصحك باش تقعد فلحانوت نتاع الحلويات احسن القهوة غادي تتعب بزاف زيد فيها حس والغاشي هدا رواح وهدا روح
دروكراك خدام فلحنوت ومنا للقدام تولي نتا الي حال حانوت ويقولو حلويات نسيم وتشوف ادا مولوش صحابك هما الي حبين يخدمو عندك
انت قلت بلي مراكش لقي راحتك ومن حقك باش تريح مي هدا يتسما هروب نتا لازم تسيي باش تحل هاد المشاكل الي مراهمش مخلينك تقعد الاز
مي مين دير حنوت حقنا نتاع القاطو نجو نطيحو عليك قاع الاعضاء
هههههههه
بلتوفيق وربي يجيب الي فيه الخير تقبل مروري اخي الفاضل

 

[hadjer92]

نقولك حاجا...ههههه ... انا كون يخطبني واحد قهواجي و واحد اخر باتيسري.. نخير الباتيسري.. هههه صح صح.. ولا واش تقولو ؟؟

 

[sleepingbeauty]

نقولك حاجا...ههههه ... انا كون يخطبني واحد قهواجي و واحد اخر باتيسري.. نخير الباتيسري.. هههه صح صح.. ولا واش تقولو ؟؟

صح عندك الحق يعني مع احترامنا للقهواجيين خدمة حلال تاني و ما بيها والو بصح ماشي واحد باتيسيي يخلي خدمتو و بروح يخدمها انا ما دخلتليش خلاص في مخي هادي​

 

[MARIA_4algeria]

الخدمة ماشي عيب
راهم يغيرو منك علاهاذيك يقولولك هك​

 

[406_nassim]

شكرا علي الردود الجميلة بارك الله فيكم صحابي تخمم ونشف مي والله رني ريح نهبل

 

[عفاف الجزائرية]

شوف خويا نسمي فاقد الشيئ لا يعطيه ديرها في بالكوزيد هاذو صحابك كون تجيهم من تحت لتحت وتقوللهم ارواحو نفتحلكم محل انا نخدم ونتوما توقفولي في المحل انا متاكدة انهم رح يوافقو
خويا نسيم نتا كرهت هاذي الخدمة من الهدرة نتاع صحابك انا كون تجي في طوعي ماكلاه تحبس كون يفتح عليك ربي في المستقبل تفتح مصنع وتولي الله يبارك نتا اللي تصدر للمحلات والمقاهي
لو عن كلامي ما تشوفش لهدرتهم وابقى في شغلك وانا رح نعود نجي نعاونك
​