جات العطلة مش راح نشوف حبي ...حبيبتي... نكره حياتي مع لفامي

[فؤاد الورقلي]

هههههههههههه حبابي كامل راح نتوحشهم:crying:

هاد الهدرة اخي يقولوها الي يخرجو غير كي يعودو يقراو
كون جات عندهم حرية فالخروج ما يقولوش هاكا
وكي عاد دايريين القراية سبة هام يتوحشو

انا الحمد لله كي تجي العطلة نفرح نقول الحمد لله حنقعد شوي فالدار خاطر توحشت الميكرو هههههه​

السلام عليكم
ايه كل نتوحشوا احبابنا واصحابنا
مي مش لدرجة نكره الدار
شكرا على مرورك بارك الله فيك

 

[فؤاد الورقلي]

والله غير عندك الحق هاد الظاهرة راهي منتشرة بزاف ... واش نقولو...الله يهدي ماخلق

بالعكس انا هادي شحال وانا نستنى فهاد النهااار واخييييييييييرا جا الحمد لله هههه
نتمنالكم عطلة سعيدة
تحياتي...​

السلام عليكم
ايه والله منتشرة ونسمعها بزاف في الجامعة

عطلة سعيدة
شكرا على مرورك وفقك الله

 

[BARCA232]

السلام عليكم والله جبت في القول خويا فريد
راهم قبالي
كي تجي العطلة يكرهو حياتهم
يا سيدي خلت الحبيب اللي يفليكسي واللي يقلشها
واش تروح أدير في الدار يا غير الهم تاع الوالدين والتزيار تاع الخوت
المهم لازم دير سبة تاع الدروس الاضافية
ياو ماتغيبليهمش
يلقو الحل
الجيل تاع اليوم
ساهلة ماهلة
كان الأفكار الشيطانية
راهم يسموها عطلة الغم والهم
ماتحبش تعاون الحاجة تحب تعاون الحبيب والحبيبة
ربي يهدينا ويهدي الجميع
ان لم تستحي فأفعل ماشئت
راحت الحشمة راحت ايام زمان الجميلة
وين كان الواحد يقارع غير تجي العطلة يروح يلعب للماتش ويزور جده في الريف ويدخلها صيادة ويلعب في التراب
زيد يا بوزيد على الأيام الزينة
وين راح اللي راه يزور العايلة
المهم الحب
اللي يجيبليهم حبة في الراس
الله يبارك فيك خويا موضوع شباب بزاف
ربي يبارك فيه
ويكثر من امثالك

​

 

[فؤاد الورقلي]

ياو كاين التيليفون السكايب الامسان الكام كاين وسائل الكومينيكاسيو خويا فوفو مايحيروش خلاص ​

ههههههههه​

هذيك بكري ضروكا تطورت الحالة تشوفوا نورمال في العطلة ولا في القراية ولا في العيد ​

السلام عليكم

اهلا حبيبي مينو الغالي
مي المشكل انهم مايحبوش يقعدوا في الدار ههه الخرجة من صباح للمساء ههه
شكرا مينو على المرور بارك الله فيك وربي يجازيك

 

[فؤاد الورقلي]

الله يستر

...................................................................................​

السلام عليكم

يسترنا وجميع المسلمين
شكرا

 

[فؤاد الورقلي]

السلام عليكم والله جبت في القول خويا فريد

راهم قبالي
كي تجي العطلة يكرهو حياتهم
يا سيدي خلت الحبيب اللي يفليكسي واللي يقلشها
واش تروح أدير في الدار يا غير الهم تاع الوالدين والتزيار تاع الخوت
المهم لازم دير سبة تاع الدروس الاضافية
ياو ماتغيبليهمش
يلقو الحل
الجيل تاع اليوم
ساهلة ماهلة
كان الأفكار الشيطانية
راهم يسموها عطلة الغم والهم
ماتحبش تعاون الحاجة تحب تعاون الحبيب والحبيبة
ربي يهدينا ويهدي الجميع
ان لم تستحي فأفعل ماشئت
راحت الحشمة راحت ايام زمان الجميلة
وين كان الواحد يقارع غير تجي العطلة يروح يلعب للماتش ويزور جده في الريف ويدخلها صيادة ويلعب في التراب
زيد يا بوزيد على الأيام الزينة
وين راح اللي راه يزور العايلة
المهم الحب
اللي يجيبليهم حبة في الراس
الله يبارك فيك خويا موضوع شباب بزاف
ربي يبارك فيه
ويكثر من امثالك​

السلام عليكم
والله كلامك صحيح 100بالمئة
واش راح نقولو غير ربي يهدي الجميع

وشكرا على مرورك الجميل بارك الله فيك

 

[BeSt GlAdiAtOr]

إيه يا خويا فؤاد والله ماكانش قد من العطلة شوية روpو وترياح والخدمة في الدار حاجة مليحة
مكانش قد تعاون والديك مي بخصوص نوحشك و تتوحشيني شي فارغ لي عينو في الحب راه في القلب وماوش أفار نشوفك ونشوفك​

 

[chouchita]

* و الله انا ما نشكي لا من الدار و لا من حاجة اخرى انا رايحة نتوحش تاع كلاستنا كامل و الله ربي يحفظهم كي خاوتي و كتر المهم ربي يعطيني الصبر برك منا على 15 يوم **​

 

[poli]

كي يعود عندي حبيبي نقلك اسكو نتوحشوا ولا نو ههههههههههههههه

 

[فؤاد الورقلي]

إيه يا خويا فؤاد والله ماكانش قد من العطلة شوية روpو وترياح والخدمة في الدار حاجة مليحة


مكانش قد تعاون والديك مي بخصوص نوحشك و تتوحشيني شي فارغ لي عينو في الحب راه في القلب وماوش أفار نشوفك ونشوفك​

السلام عليكم

اهلا خويا وائل
مي كاين ناس تكره جدا العطلة لانه تمنع عليهم الخرجة والتحواس وعمل الدار راه شاق خويا ههه كيما يقولوا

شكرا على مرورك وفقك الله

 

[fufa22]

بوانتي في سوق السبت غدوا الجمعة درك تجي هيا ويماها تشوفها
lol
​

 

[همسات الحنين]

الحب وما قتل بخصوا بينا وجوه الشر تحشم باش تشوف فاgير كيما ذوك
ملي تشوفهوم تقول ناقصهم حنان الاهل ماسكيين في دين بعضاهم ويضحكوا في ضحك لبهالل

 

[سماح4]

أنا نقري ماشي نقرا بصح العطلة نشوفها راحة على الاقل الواحد يتصبح الصباح وهذوا ايامات الربيع يروح يحوس فالجنان مع اهلو وكاش ما يقضي صوالح كان معطلها بسبب انو كان مربوط فالتعليم ،اما الشباب لي تحدثت عليهم ربي يهديهم ........يمالا فالصيف واش يديروا؟؟؟

 

[كنزة فراح]

الله ينجحنا كآمل
و الله يهدي اصحاب التفكير المحدود

 

[فؤاد الورقلي]

* و الله انا ما نشكي لا من الدار و لا من حاجة اخرى انا رايحة نتوحش تاع كلاستنا كامل و الله ربي يحفظهم كي خاوتي و كتر المهم ربي يعطيني الصبر برك منا على 15 يوم **​

السلام عليكم

الكل نتوحشوا مي كل حاجة وقتها
شكرا على مرورك بارك الله فيك

 

[فؤاد الورقلي]

بوانتي في سوق السبت غدوا الجمعة درك تجي هيا ويماها تشوفها

lol​

السلام عليكم
ههههههههه مي انا مش نهدر على روحي وقلت كاين بعض الشباب والشابات
وعلى حساب هدرتك عشتي في ورقلة لانك ذكرتي سوق السبت ههه
شكرا على مرورك جزاك الله خيرا

 

[ميديآ]

هههههههههه

واش الديروآآآ
هادي هيآآآ

 

[ZOUZOU34]

شكون لي يقول لا للعطلة غير لي مايعرفش صلاحو انا عجبني لحال كي دينا العطلة هكدا نولي نقعد في النت بزاف نحي على خاطري ماسشي كيما كنا نقراو نتاع دارنا يقولولي ماكانش ميكرو قرايتك مي دوك فووووووور مانوضش بكري و كي نوض نجي لحبي (المنتدى)وهي رايحة ..................

 

[sarsoura05]

nta 15 jours ma9dertech ana hbibi nchouf mara fi koul sif ana noskon fi souk ahras w hwa fi azzaba bsah neb9aw dima fidele w galbi 3andou w galbou 3andi
.c le vrai amoure que jai trouvé tres tot

 

[مـــــلاك]

هم يضحك و هم يبكي ههههههه
انا يا خويا نموووووووووووووووووووت على العطلة ، منصدق يعطونا نهار repot نموت بالفرحة ، باسكو نحس روحي ديما stressé معا القرايا بصح كي يعطونا les vacances نسولاجيو شويا
اما هذو تاع حبيبي و حبيبتي """ربي يهديهم برك" ميعرفوش صلاحهم رايحين يحبو مالا مشي رايحين يقراو​