ياحيه على القراية.........

[BARCA232]

السلام عليكم ورحمة الله تعالى
راكم كامل لاباس
الحمد لله
يسمحولي زملائي المشرفين ان كررت الموضوع
وان كان مكرر حذفوه وزيد آسف مسبقا
موضوعي يتلخص في القاري والفاهم
خوتي أنا نسمع يقولك جيبلي الفاهم وماتجيبليش القاري
والله حرت في الكلمة وسقسيت الناس
قالي واحد صاحبي تقول الشيخة الجنية في كلامها
جيبهلي فاهم وماتجيبهليش قاري
قلتله وأعلاه راه تحوس على الفاهم وماشي القاري
ياخويا القاري خير من الفاهم
واش قرا باطل
ياك 16عام والقراية القراية
ودا الشهادة وتخرج وراه يدور دوفيس
انا قلت من كلامها راها نازعة كلمة القاري من راسها
كاين اللي طاب قرايا ومادا والو غير اسم الشهادة يتبخر بيها
والراس خاوي
المهم والله ياجماعة الخير لقيت كلامها صحيح
تلقى واحد عمره ماقرى ماوالو وتلقاه يفهم خير من واحد طاب قراية
وحاشى للناس اللي تعبت وتحصلت على شهادات بمعنى الكلمة
شهادة +رصيد معرفي لاباس بيه
واش رايكم في هذه القصة
صح جيبهلي فاهم وماشي قاري
شكرا ليكم
كامل
​

 

[بنـ MaPa ـت]

salam....houma fi zoudj mlah mais el kari khir mnel fahem....sahite 3la lmawdou3​

 

[loca]

مرسي عليك خيي على موضوع في بالي واه جيبله فاهم متجبلهش قاري .

 

[aMiNa-K]

salam....houma fi zoudj mlah mais el kari khir mnel fahem....sahite 3la lmawdou3​

اواه اختي راكي غالطة

اعطيهولي فاهم و الله لا قرا .. وقيل ماقراوهالكش هدي

واحد قاري و بهلول مايقضي حتى صلاح .. بصح الفاهم وين يرموه يجي واقف
​

 

[بنـ MaPa ـت]

اواه اختي راكي غالطة​

اعطيهولي فاهم و الله لا قرا .. وقيل ماقراوهالكش هدي​

واحد قاري و بهلول مايقضي حتى صلاح .. بصح الفاهم وين يرموه يجي واقف ​

aya c'est bon mala lfahem khir....Merci khti​

 

[aMiNa-K]

aya c'est bon mala lfahem khir....Merci khti​

ههههههه
ايعيشك اختي

و ناس بكري هوما للي قالو الفاهم خيرمن القاري ماشي انا
انا خاطيني :angel_not:​

 

[BARCA232]

ههههههه
ايعيشك اختي

و ناس بكري هوما للي قالو الفاهم خيرمن القاري ماشي انا
انا خاطيني :angel_not:​

الله يبارك فيك اخي
والله منها صح
راه الفاهم خير من القاري
بصح انا نقصد
كاين ماقرا ماوالو
والله تلقاه حاجة فور
بارك الله فيك
​

 

[somiasahraoia]

على بالي بلي القاري خير من الفاهم في القراية
بصح في امور الدنيا الفاهعم خير من القاري

 

[ايمان 02]

لالا انا مانيش معاهم في هذا الامر صح الفاهم مليح ويسلك راسوا لكن القاري افضل منو في بزااااف صوالح
​

 

[mister lonely]

انا اسمحلي خويا نخالفك باسكو ,انا في رأيي المقولة هذي تنطبق على ناس بكري ,وعلا حساب اعتقادي يعني راني شاك بلي المقولة هذي خرجوها المجاهدين بكري في وقت الاستعمار ,وكانو يقصدو بيها النخبة الليبيرالية لي كانت تمثل الفئة المتعلمة والمتخرجة من المجتمع الجزائري في ذاك الوقت ,متخرجة من مدارس فرنسية ,وكانت الفئة هذي تدعو للادماج والمساواة ,وعلا هذي لي على حساب واش راني نشوف ناس بكري كانو يقولو على هذي الفئة جيبلي الفاهم والله لا قرا ,وللاسف بقا المثل هذا ينطبق علينا ضرك . ربي يجيب الخير نشاله.​

 

[bom]

خويا في هاذ البلاد ما تنفعش القراية دايما اقفز تعيش​

 

[Mr mino]

السلام عليكم

محمد خويا شوف اول حاجة نشكرك على الموضوع الشباب وربي يبارك فيك

نبدى ناقشك ضروكا

شوف اللي يقلك جيبو فاهم والله لا قرى هذي مقولة من عهد جدي وجدك وناس بكري راك تعرف كاين حوايج يقلوهم برك

المهم

حكاية انو الفاهم خير من القاري هذي انا شخصيا مانمنش بيها وعلاه

لانو مهما كان الانسان فاهم تخصو لقراية والله مايروح بعيد والدليل انو الرسول صلى الله عليه وسلم قال

" اطلبوا العلم من المهد الى اللحد "

يسما اهمية العلم كبيرة بزاف

نروحوا لوقتنا تع ضروك

رانا نشوفوا بلي بزاف ناس طلعت بيهم وهوما عمرهم ماقراو ايه صح كاينة

مي ابسط حاجة هذاك اللي طلعت بيه تلحقى مثلا للحساب يحبس يعيط لواحد قاري يحسبلو

ويلا ولا يعرف يحسب مثلا تلقاه مايعرفش يتصرف بالدراهم اللي عنده

فاهم صح كيفاه يجيبهم مي مايعرفش يتصرف بيهم

يسما ديما لازم القاري يرجع ليه

والصح الصح واش تبالهم القاري قرى باطل اوموا يسلكها كي تزير

بصح الفاهم الا طاح في حاجة تع قراية يحبس راسو ومايلقاش الحل

هذي هيا

وربي يخليك خويا الموح وميرسي على الموضوع

سلام عليكم




​

 

[AnGeL*dZ]

ماشي لقراية هي كل شيء
لفهامة
واحد فاهم خير من واحد قاري
على خاطر كاين يقرا باش يقرا يعني باش ينجح ويتهنى من لقراية وينجح ويخدم
وكاين اللي ماقراش وفاهم
صحيت خويا
​

 

[عاشقة الكرة]

هو صح الفاهم خير من القراي بصح فيها فيها تلقى الفاهم اذكى من القراي
مي كل واحد وكفاه
شكرا لك خويا

 

[BARCA232]

السلام عليكم

محمد خويا شوف اول حاجة نشكرك على الموضوع الشباب وربي يبارك فيك

نبدى ناقشك ضروكا

شوف اللي يقلك جيبو فاهم والله لا قرى هذي مقولة من عهد جدي وجدك وناس بكري راك تعرف كاين حوايج يقلوهم برك

المهم

حكاية انو الفاهم خير من القاري هذي انا شخصيا مانمنش بيها وعلاه

لانو مهما كان الانسان فاهم تخصو لقراية والله مايروح بعيد والدليل انو الرسول صلى الله عليه وسلم قال

" اطلبوا العلم من المهد الى اللحد "

يسما اهمية العلم كبيرة بزاف

نروحوا لوقتنا تع ضروك

رانا نشوفوا بلي بزاف ناس طلعت بيهم وهوما عمرهم ماقراو ايه صح كاينة

مي ابسط حاجة هذاك اللي طلعت بيه تلحقى مثلا للحساب يحبس يعيط لواحد قاري يحسبلو

ويلا ولا يعرف يحسب مثلا تلقاه مايعرفش يتصرف بالدراهم اللي عنده

فاهم صح كيفاه يجيبهم مي مايعرفش يتصرف بيهم

يسما ديما لازم القاري يرجع ليه

والصح الصح واش تبالهم القاري قرى باطل اوموا يسلكها كي تزير

بصح الفاهم الا طاح في حاجة تع قراية يحبس راسو ومايلقاش الحل

هذي هيا

وربي يخليك خويا الموح وميرسي على الموضوع

سلام عليكم




​

والله تدخل جيد
لكن اخي الفاضل
معك في كل قلتها
الا انه والله بحكم التجربة والوقت اصبح يعرف أصعب الأمور حتى الحساب
ومعك في شيء أنه لايمكن انكار الدراسة
بارك الله فيك
​

 

[messikimo]

تنجح في قرايتك وتتهنى​

 

[menoubia]

لالا ماشي كل ماهوش قاري يكون فاهم وماهوش كل قاري فاهم
وانا نقلك القراية متندمش عليها معليش نقرى ونتعب ونخلي الشهادة معلقة المهم يجي نهار وتنفعني وثاني القاري قليل وين تلقى واحد ماهوش فاهم اما الجاهل نسبة كبيرة يلي تلقاه ماهوش فاهم يعني القراية لازم لازمة
وادا واحد ماهوش قاري مانبا ميعرفش حتى يكتب اسمو ولا يمضي في ورقة ولا حتى يعمر شاك وين راهي الفهامة نتاعو

 

[BARCA232]

لالا ماشي كل ماهوش قاري يكون فاهم وماهوش كل قاري فاهم
وانا نقلك القراية متندمش عليها معليش نقرى ونتعب ونخلي الشهادة معلقة المهم يجي نهار وتنفعني وثاني القاري قليل وين تلقى واحد ماهوش فاهم اما الجاهل نسبة كبيرة يلي تلقاه ماهوش فاهم يعني القراية لازم لازمة
وادا واحد ماهوش قاري مانبا ميعرفش حتى يكتب اسمو ولا يمضي في ورقة ولا حتى يعمر شاك وين راهي الفهامة نتاعو

والله أنا ختي ندمت اللي قريت
وكان صرحت خير
واش من قراية واش من شهادة راكي تحكي عليها
معاك صح عندك شهادة
بصح راه صاريلك مثل الحاج كاين اللي يجيب غير الاسم
راها حاكمة غير الناس للي عمرها ماقرات
وشوفي الواقع تحكمي
بارك الله فيك
​