اللي يحشم غير مايدخلش.مثل العادة؟؟؟

[BARCA232]

السلام عليكم
راكم كامل لاباس
ويديكم الفضول من عنوان موضوعي
الى تكرر كثير بنفس الصيغة
لأنه لو لم أفعل هكذا لاتفاداه الكثير
حبيت نوجه رسالة الى الجميع
كلنا وراء النت ملائكة
لكن كل انسان عنده نقاط ضعفه
مي المهم باه مانطولش عليكم
اليوم كنت في رحلة انا وأصدقائي في احد الشلالات الصغيرة في ولاياتنا
الى هنا كل شيء عادي
وبحكم هذه الشلالات لازم تهبط التحت باه تشوف المناظر الطبيعية
أيا من اللحظة الاولى تشوف عاريات كاسيات في الطريق وزيد........:thumbdown:
بصح واش نقولك شفت قرودة في شكل انسان
ناس غير متأدبة
كل واحد مع الحبيب كبير صغير
والمشكل والادهى الحكومة موجودة
ولاشيء يذكر عادي والله نظن في لوروب مايديروش هكذا
وخاصة في الاماكن العامة
الناس تحترم بعضها
والله تحتار وين تروح ديفولي على روحك
من غير هذا المنتدى
ياجماعة الخير شوي الرجوع الى الأصل والاحترام اللي غاب كليا
ربي يهدي الجميع
​

 

[cocasse]

يا ربي يهديك خويا كاشما بقات حشمة مع هذ الجيل المكشوف.............
راح كلش الأسلام بقى غير أسمو...................ربي يحفظنا برك...........أمين

 

[برنســ اللمة ـيسة]

واش راح نديرو يا البارصا هادو اللي تلقاهم هكدا كامل راهم كوافا كي يجيو يتحلبو يخرجو على الطريق و هما حاطين رواحهم يديرو في حاجة مليحة

 

[im£ne]

ربي يهدينا...
و الله واحد يقول يخرج يحوس
مي الله غالب ماتقدرش تخرج اونفامي مع عباد كيما هاك

 

[BARCA232]

ربي يهدينا...
و الله واحد يقول يخرج يحوس
مي الله غالب ماتقدرش تخرج اونفامي مع عباد كيما هاك

وزعما وحدك تنجمي تخرجي
والله تكرهي حياتك ولي عنده الرجلة التامة
مييقدرش يخرج
​

 

[BARCA232]

ربي يهدينا...
و الله واحد يقول يخرج يحوس
مي الله غالب ماتقدرش تخرج اونفامي مع عباد كيما هاك

وزعما وحدك تنجمي تخرجي
والله تكرهي حياتك ولله لي عنده الرجلة التامة
مييقدرش يخرج
​

 

[moha39]

ربي يهدينا ياخويا

 

[Bob Marley]

البارح كونت انكذب و الليوم وشوفت بعيوني ايليك اوعدي
جات الصيف و جاء لبحر ايليك اوعدي
خوي جات الصيف وعندنا ما نشوفو

 

[بنـ MaPa ـت]

rahoum ykaldou fi wahd el 3ibad lah yahdihoum 3adt nakrah ki nkoul had elkelma rani krib nakfar 3la djalhoum wakllah ghir kayen dziryine li rahoum hakda....yatik saha Merci​

 

[شعيب العلمي]

الحكومة موجودة

الحكومة تشوف غير مول الطابلة تاع الدخان جي تنحيلو السلعة
ربي يهدي ماخلق

 

[SOUHA]

الله غالب راك في لالجيري خو عادي في بلادي

 

[محبة الورود]

الله يهدي من خلق والله غير كترة هدلحوايج في بلادنا بزاف ربي يستر برك بصح يجي النهار لي يتكشفو فيه يمهل ولايهمل سبحانو

 

[BARCA232]

الحكومة موجودة

الحكومة تشوف غير مول الطابلة تاع الدخان جي تنحيلو السلعة
ربي يهدي ماخلق

والله عندك الصح
مقابلة غير صاحب الطابلة
مشكور أخي
​

 

[فتاة حساسة]

يا خوتييييييييييييييييييييييي
ما بقا لا حشمة ولاحيا

ربي يهدي ما خلق
هدا ماكان
ماعندنا مانديرو يا خويا
قال صلي الله عليه وسلم فان لم تستحي فافعل ماشئت

 

[بشيرز]

ربي يهدي الجميع

 

[فتاة حساسة]

تاع صح
الجيل هادا جيل خاسر
البارح كي رحنا لقالمة نحوسو

يا خوتي
كنت انا وبابا
لقيت بنات .....................

حتى حشمت قدام بابا
ربي يحمينا

 

[عفاف الجزائرية]

والله خويا محمد الواحد حرمت عليه الخرجة مع العائلة وين تروح تلقى لي كوبل فاضحين رواحهم
غزاو المناطق كامل غزاو الغابات البيتزيريات كل شي
الواحد مزاللو غير المنتدى اللي لاقي فيه الاحترام والتقدير
ربي يسترنا وراك قلتها ربي يهدي

 

[anissa 13]

والله يا أخي عندك الحق لي كوبل غزاو الأماكن العامة حتى ولينا نحشموا نتمشاو مع والدينا برا. الله يهدينا الكل و يهدي حكومتنا

 

[امورة المنتدى]

تولي كي تمشي فالطريق غمض عينيك وقول ربي يستر

 

[اسماء16]

ولله خلات 2010 علابالي راح تخلى وزاد هدا لعام صيف راه جاي يجري ربي يسترنا هدا مكان ولله صح لعجب عاصمة قتلهم اسكتوووووووووووو