مرارة العنوسة

[بنت الزيبان]

السلام عليكم اخوتي في الله الكرام
والله حبيت ناقش معاكم مشكل معقد اصبح يضرب مجتمعنا بقوه وصارة اغلب النساء مهددة به وهو مشكل العنوسة والتعب النفسي الكبير الدي تعاني منو العانس ولو ان التعبير ضالم ممكن نقول المتاخرة عن الزواج
والله وش رايكم في اسباب هدي الضاهرة هل هي اسباب راجعة للمراة وتصرفاتها اليوم الي صارت اغلبها تخلو من الاحترام
ام ان السبب التزايد الكبير في نسبة ولادة الاناث على حساب الدكور
ام اننا يمكن نرجع السبب لغلاء المهور وتعصب اولياء الامور
ام الفساد الاجتماعي المنشر وسهولة العلاقات مما يغني على الحاجة للزواج
ام ان الضاهرة نتيجة جميع كل هدة العوامل بالاضافة الى مكتوب ربي طبعا ولا كيما يقولوللي ميتزوجش راك مربوط
والله ممكن ايضا السحر يلعب دورو ايضا
ارجو انكم تشاركوني برايكم وناقشو الامر كطبقة مثقفة وعلاش لا ممكن نلقاو حلول للمشكل

 

[صفحة بيضاء]

السبب الرئيسي ما ذكرتيه وهو قلة الشغل
حبيبتي البطالة ...في كتير شباب نفسهم في الزواج
واذا بيشتغل الراتب قليل و بتعرفي الناس تغيرت
في شباب بدن يصير عندن بيت
بلأول بعدين يفكر فالزواج والمهر
غالي بس كل البنات عم
يطلبوا مهر 7 ملايين لفوق والذهب والخروف... الخ
لما بنحسبها بتصير ب30 مليون الله يعينا
كل بلد وعندوا سبب نحنا سببنا البطالة​

 

[بنـ MaPa ـت]

دوك المكياج هو لي يولي سبب العنوسة ياختي....يطيك ال صحة سلام..​

 

[SOUHA]

موضوع رائع اشكرك
نقولك في بلادنا الاوليلء كي يجي زوالي يخطوب مسكين يصعبو عليه كلش واش راح يدير يسكن مع العائلة مالين الطفلة ما يحبوش واذا كرا دار كيفاش يعيش والسلاك قليل يخمم كيما هاك ميقدرش يكمل نص دينو واش احا يدير ام يزوجو غير ماين الشكرا

 

[Moha le sage]

والتعب النفسي الكبير الدي تعاني منو العانس



التعب النفسي يعاني منو الراجل الغير متزوج ايضا صدقيني ..

احيانا كثيرة نتمنى تكون بجنبي زوجة نفرغلها همومي ... و تعطي شوية بنة لحياتي لي سماطت بشي كثير

اكيد الزواج هو استقرار في هاذ الحياة .. واذا طول يحس الانسان انه ضايع ..


الواحد يصبر لربي .. هو اللي خلقو .. واللي خلق ما يضيع

...

اسباب القضية كثار .. ونا تعبان مورالمون على ذيك منيش راح نحكي فيهم

يعطيك الصحة على الموضوع اللي يقيس ..

 

[killer of dracoula]

التعب النفسي يعاني منو الراجل الغير متزوج ايضا صدقيني .. هادي كاينة حبيبي

احيانا كثيرة نتمنى تكون بجنبي زوجة نفرغلها همومي ... و تعطي شوية بنة لحياتي لي سماطت بشي كثير

اكيد الزواج هو استقرار في هاذ الحياة .. واذا طول يحس الانسان انه ضايع ..


الواحد يصبر لربي .. هو اللي خلقو .. واللي خلق ما يضيع

...

اسباب القضية كثار .. ونا تعبان مورالمون على ذيك منيش راح نحكي فيهم

يعطيك الصحة على الموضوع اللي يقيس ..

ربي يكون في عونك خويااااااا med وربي يعطيك ماتتمنى

تستاهل غي الخير وأكثر

والله..نشوف فيك تحكي كيما هكداااا غاضني الحاااااااااااااال

ان شاء الله تكون أمورك مهنية أكثر واتكون بخير هاديك هي الدنيااااا

ربي يعطيك ماتتمنى
​

 

[سماح4]

اختي العزيزة هناك أسباب كثيرة أدت الى العنوسة وراكي ذكرتي اغلبها لكن هذا الزواج نشوفو مكتوب ورزق من عند ربي ...كي يجي وقتو ما يشدو والو مهما كانت المشاكل ...صح العنوسة مشكل كبير لكن المشكل الاكبر اذا تزوجتي وندمتي وهذا أبشع موقف ممكن تتصوريه كثروا لمشاكل وكثرت الانانية ولات الوحدة كي تروح تسكن عند اهل راجلها يعيشوها في جحيم وماتقدرش تشرط سكن خاص لانو ما يقدرش ....عطيتك مثال ....انا نضن هذا مكتوب لكن ساعات العنوسة راهي رحمة من عند ربي لو كان تسقسي بعض المتزوجين الواحد كي يكون عزابي يكون يحلم بالسعادة والراحة والاستقرار وكي مايلقاهمش واش فايدة الزواج؟؟؟...ربي يستر ....
اللهم أرزق جميع بنات المسلمين وشباب المسلمين ازواج صالحين تقر بهم أعينهم وتسعد بهم حياتهم.

 

[programmeur]

مشكلة كبيرة
هناك اسباب كثيرة وقد ذكرتيها
من بينها كثرة النساء في هدا الزمن
والشباب ني دار ني دوار ني خدمة ني زدمة ونهار اللي يعطيه ربي رزق وينوي الحلال يصيب بروصي ماشي امراة + في وقت الخطوبة الشروط دايرين حالة
وامور اخرى مثلا وحدة تقرا ومهبلتها القراية نهار اللي يجي يخطبها واحد تقوله حتى نكمل قرايتي
ونهار اللي تكمل قرايتها تبور و تقعد ني خدمة ني زواج وربي يستر
الله غالب الواحد يصبر ويرضى بقضاء وقدر الله بصح يلزم يفكر زين قبل مايعمل اي حاجة
واللي تجي من عند ربي مرحبا بيها
والله يفرج على كل انسان

 

[بنت الزيبان]

شكرا الردود الجميلة لكن لاحظت انو في رجال ايضا يعانو والله الطرفين يعانو وش هي الحلقة المفقودة في المنتصف ياريت نحاولو نفهمو المشكل ونحلو الازمة وانا شخصيا ارى ان البنات تريد الستر مش المال

 

[belgacem39]

سلام الله عليكم

اختي راكي تحكي على وحد المشكله المجتمع تاعنا ولرط روحو فيها

صح العنوسه صعيبه بكل مراحلها

مي واش راح نقلك انتي ذكرتي اسباب تاعها كلها صحيحه و كزتل كاين اسباب وحد اخرين

مي نتمنو يردو عليك كل واحد يمد لينا الحل لي يدور في راسو

و انا من وجهة نضري الحل

اولا البنات ينقصو شويا من التفتح لي راهم غالطين فيه بزاااااف

معناتها الواحد يشوف طفلى و تعجبو و كل شيء يروح يسال عليها باه يفرب منها حلال يقولولو خليك منها راهي دارة و دراة

و المهر علاه يقلك بابا الطفله اعطيلنا كيما يمدو الناس

انا زوالي و فلان بروجوازي كيفاه راح نقدر نمد كيما هوا

ام الطفلى تقلك منخرجش بنتي بالرخس

و تنصى قوله صلى الله عليه و سلم

اقلكم مهرا اكثركم بركه

و و و و و

اسمحليلي اختي على الاطاله مي هادا مشكل عام و لازم نحاولو نفتحوه الا قدرنا ربي

سلالالام​

 

[بنت الزيبان]

سلام الله عليكم​

اختي راكي تحكي على وحد المشكله المجتمع تاعنا ولرط روحو فيها​

صح العنوسه صعيبه بكل مراحلها​

مي واش راح نقلك انتي ذكرتي اسباب تاعها كلها صحيحه و كزتل كاين اسباب وحد اخرين​

مي نتمنو يردو عليك كل واحد يمد لينا الحل لي يدور في راسو​

و انا من وجهة نضري الحل​

اولا البنات ينقصو شويا من التفتح لي راهم غالطين فيه بزاااااف​

معناتها الواحد يشوف طفلى و تعجبو و كل شيء يروح يسال عليها باه يفرب منها حلال يقولولو خليك منها راهي دارة و دراة​

و المهر علاه يقلك بابا الطفله اعطيلنا كيما يمدو الناس​

انا زوالي و فلان بروجوازي كيفاه راح نقدر نمد كيما هوا​

ام الطفلى تقلك منخرجش بنتي بالرخس​

و تنصى قوله صلى الله عليه و سلم​

اقلكم مهرا اكثركم بركه​

و و و و و​

اسمحليلي اختي على الاطاله مي هادا مشكل عام و لازم نحاولو نفتحوه الا قدرنا ربي​

سلالالام​

والله اخي الكريم اشكرك على تفاعلك الجاد بالموضوع وعند الحق في كل الي قلتو ادا كنت انا طفلة غيضني حال البنات اليوم من انفتاح مبالغ فيه ولو انو اصلا منقدروش نقولو انفتاح لان الانفتاح من وجهة نضري هو انك تثقف وتطلع على ثقافات الغير وتسفيد وتترك السلبيات لكن الي نشوفوه راهم يهزو الي في السلبيات والحل يبدا من الاسرة وتربية الاسلامية الصحيحة
اما غلاء المهور والله صح تحير علاه كل هدا والوالدين يعياو نادمين كي يشوفو عمر بنتهم راح والله انا مع تسهيل الامور للحلال لانو الطريقة الوحيدة لحل عدة مشاكل مش غير العنوسة

 

[Moha le sage]

ربي يكون في عونك خويااااااا med وربي يعطيك ماتتمنى

تستاهل غي الخير وأكثر

والله..نشوف فيك تحكي كيما هكداااا غاضني الحاااااااااااااال

ان شاء الله تكون أمورك مهنية أكثر واتكون بخير هاديك هي الدنيااااا

ربي يعطيك ماتتمنى
​

ربي يحفظك خويا قستني بردك والله

كون صبت منحكيش .. بصح راني عبد الله غالب

ان شاء الله نفريها هاذ العام و تسمع مني اخبار مليحة ..

ربي يفرج عليك نتا ثاني و يعطيك وش تتمنى

خوك محمد

 

[اسماء16]

والله وش رايكم في اسباب هدي الضاهرة هل هي اسباب راجعة للمراة وتصرفاتها اليوم الي صارت اغلبها تخلو من الاحترام ​

لالا ختي هنا راكي غالطة معضم النساء محترمات ولكن معندنا منقولو غير المكتوب ربي مزال ملحقش

ام ان السبب التزايد الكبير في نسبة ولادة الاناث على حساب الدكور
ممكن تكون نسبة البنات اكتر من نسبة الدكور ولمن ليس هدا السبب الكافي للعنونسة
ام اننا يمكن نرجع السبب لغلاء المهور وتعصب اولياء الامور
لالا ولله في هدا الوقت مشكيتش الناس مزالو بهدي العقليو راهم غير ياربي يجي خطاب لبنتي تقولي غلاء المهر لالا
ام الفساد الاجتماعي المنشر وسهولة العلاقات مما يغني على الحاجة للزواج
اضن هدا السبب الكافي والمقنع على هروب الرجل من الزوج الانه وجد كل ماتيحتاجه في المراءة مما سبب نسبة العنوسة لدا المراءة وخاصتا لا يوجد عمل يقدر ان يعيش هدا الرجل او بمعني اخر تلبية حاجيات العرس

ام ان الضاهرة نتيجة جميع كل هدة العوامل بالاضافة الى مكتوب ربي طبعا ولا كيما يقولوللي ميتزوجش راك مربوط
والله ممكن ايضا السحر يلعب دورو ايضا
ممكن السحر الانه مدكور في القارن الكريم
وهو عامل اساسي في هدا الوقت
وهو منتشر بشكل كبير في اوساط الجزائرية​

شكرااا اختي على الموضوع الجميل تحياتي لكي وواصلي تميزك

​

 

[soufi1932]

سلام بنت الزيبان . تعرفي حطيت يدك على الجرح تاع أغلب الشباب . أنا منهم لكن مشكل تأخر الزواج يعود حسب ما أعانيه إلى قلة الحوار بين أفراد الأسرة . خليني نقولك أنا أستاذ مترسم والسكنة كاينة ، لكن باه نجيب بنت الناس لازم نكون قادر نصونه ونحافظ عليها كيما نحافظ على عايلتي لكن كيف ..........................؟

 

[chiva.]

سبب العنوسة

الشروط

العنوسة حددوها في عام 2008 / 23 سنة فمبالك الان ؟؟؟؟

ان شاء الله يفيقو

كل منزل تجد بنت او اثنين احسب كم نسمة عندنا في الجزائر 36مليون نسمة

 

[بنت الزيبان]

سبب العنوسة

الشروط

العنوسة حددوها في عام 2008 / 23 سنة فمبالك الان ؟؟؟؟

ان شاء الله يفيقو

كل منزل تجد بنت او اثنين احسب كم نسمة عندنا في الجزائر 36مليون نسمة [/quote]
ياخاه 23 والله الوحدة وقتها حدها كملت القراية يعني خلاص راه كل البنات عنسو حرام عليك مالا نحفرو قبر ونكتبو فيه عانس قبل الاوان سامحني العانس حدودها على حساب اطلاعي الحاص في سن الاربعين
وهدا لرتفاع سن الزواج بسبب الدراسة وعمل المراة

 

[hicham500]

عندك الحق
شكرا لك على الموضوع
وان شاء الله يرزق بنات الحلال بالزوج الصالح وين ماكانوا ​

 

[Elif DZ]

أختي هذا المشكل سببه مزيج من المشاكل
فالبطالة و الفقر و قلة العمل و غلاء المهور و عزوف بعض الشباب عن الزواج بدون سبب

ربي يرزق الجميع شركاء حياة حلال
​

 

[chiva.]

سبب العنوسة

الشروط

العنوسة حددوها في عام 2008 / 23 سنة فمبالك الان ؟؟؟؟

ان شاء الله يفيقو

كل منزل تجد بنت او اثنين احسب كم نسمة عندنا في الجزائر 36مليون نسمة [/quote]
ياخاه 23 والله الوحدة وقتها حدها كملت القراية يعني خلاص راه كل البنات عنسو حرام عليك مالا نحفرو قبر ونكتبو فيه عانس قبل الاوان سامحني العانس حدودها على حساب اطلاعي الحاص في سن الاربعين
وهدا لرتفاع سن الزواج بسبب الدراسة وعمل المراة

يا ختي رانا عايشين الواقع شحال من خطاب يتقدمو يقولو له طفلة راهي مزالت تقرا

اوكي قرايتك تلقة روحها عزوج بارت بيباي

 

[** غزال الصحراء **]

ينقل لقسم النقاش