خادم الاسلام
:: عضو مُشارك ::
- إنضم
- 15 فيفري 2009
- المشاركات
- 197
- نقاط التفاعل
- 0
- النقاط
- 6
السلام عليكم ورحمة الله
.
.
.
نصحوني أحبابي بالزواج قالولي أخطاك من التعواج تبقى تديك الأمواج هذه حالة العزوبية
في الليل درت حساب لقيت كلامهم صواب وقلت نبعضلهم جواب يعملولي عليه قضية
بابا المسكين وافق في الحال قال نجيبلو بنت الحلال امي جاها في البال تخطبلي وحدة بدوية
تفاهمنا على بنت المدينة قالولي فاهمة ورزينة راهي مخ في الكوزينة تتبختر بشوية
غدوة حملنا نوراة عملنا رواحنا زوارة قصدناهم حتى للدار نشوفو البنت المدينية
باباها يشكر ويزيد بنتي دخلت للمسيد بنتي طفلة كي الحديد العلم وزيد التربية
قتلو واش هي الشروط اليوم بيكم راني مربوط مالي عندكم محطوط ونزيدكم الشهرية
قالي يابني سجل عشرين صباط باش تبدل وثلاثين سروال مفصل ويكون ضيقين شوية
الجاج المشوي ماتنساش جيبلي قنطارين قماش زيد اضبحلي ربعة كباش هذه حاجة رمزية
بنتو طاهرة وشريفة ماتخليش يدها خفيفة عشر خواتم نظيفة اديرهم المدينية
قالي بنتي ماتخدمش النشاف تخرج للحمام بلا تلحاف شعرها لازملو حفاف وتزور امها كل عشية
الطفلة نطقت من لهيه قالتلو بابا غير انهيه خليني نحكم فيه ويمشي معايا بالنية
ومع غلاء المعيشة في بلادنا ومع الظروف الصعبة للحياة كيف لأي شاب بسيط بدأ في تكوين نفسه من الصفر أن يحقق مطالب بعض الاباء الذين يتلفظون بأمور أقرب منها الا التعجيزية
فبعضهم يطلب السكن وبعضهم يطلب المال الكثير وبعضهم يطلب الكباش وغير ذلك .
هل السعادة حقا تكمن في المادة وهل الفتاة اصبحت سلعة رخيصة تباع وتشترى بهاته الطريقة . ألم يسمعوا للحديث الذي يقول "إذا أتاكم من ترضون دينه وخلقه فزوجوه" أليس رفض المتقدم للخطبة لمجرد هاته الاسباب التفاهة يغير في الامر شيئا
أيكون السبب طمعا في زيادة حطام الدنيا وعرضها قد تسبب مثل هاته الآفات النفرة بين القلوب وتشكل مشاكل كبيرة وقد يؤدي هذا الرفض لمتقدم الى الخطبة بنفرة وعقدة نفسية في بعض الاحيان وقد يتوجه الشباب الى الفتنة والوقوع في المعصية وتكثر العنوسة أو ليس في الحقيقة من يرفض تقدمه للزواج هو المريض في دينه وخلقه .