والله غير كرهت حبيت تعاونوني......

[moni92]

السلام عليكم يا احباب
انا كرهت بكل معنى الكلمة تعبت ديقوتيت فطت روحي حياتي ولات ملل في ملل ماكانش الجديد والقديم نسيتو واش بقا والو حياتي فارغة قلبي فارغ مازال غير عمري ضرك يزيد يفرغ والله كرهت كرهت حابة تغيير حابة نحس بالفرحة بالسعادة ببب..... والله ماني عارفة واش نقول وحبيت نفرغ قلبي لاول مرة في منتدانا العزيز لعل وعسى يحصل شي يخرجني من هاذي الحالة.

 

[ايمان 02]

يا ختي كامل مرات نكرهوا بصح لازم تبدلي الجو حاولي تقراي كتب خارجية حوسي على صحابات ملاح احكي معاهم تناقشوا تحاوروا
​

 

[Dr.CrAzY]

وعليكم السلام
الصلاة والقرآن
و
حاولي تكسري الروتين اليومي
ديري حوايج...
​

 

[moni92]

ما لقيتش اللي يستاهل وحتى كون نلقا مانلقاش فواش نهدر.

 

[moni92]

ما لقيتش ميفاش نكسر الروتين........

 

[رانيا ميسي]

مرحلة وتمر متفكريش بزاف وتقلقيش روحك حاولي تنسي روحك
اختكى رانيا

 

[noumira]

اختي والله غير كامل يصراولنا حوايج هاك مي الواحد يعرف كيفاش يتصرف في لحظات كيما هاك الحمد لله احنا مسلمين ونورمالمو غير يضيق خاطرنا نصلو ونقراو قران نريحو

 

[●¦[ الــفـــارس ]¦●]

كرهتي و مكانش لازم عليك تكرهي

لانك رايح تزيدي تكرهي
​

 

[حسان]

الاخت الفاضلة

حاولي تراقبي نفسك و راقبي تصرفاتك و راقبي كلامك لتعرفي نفسك جيد

و عندما تعرفين نفسك جيد تستطيعي أن تتحكمي فيها


و عندما تتحكمين فيها توجيهها كيفما تشاءين

و عندما توجهينها كيفما تشاءيين

تذهب كراهية و تاتي متعة و السعادة


كيما يقولو ناس بكري ( انت لي تمشي نفسك و ليس نفسك تمشيك )

كي كون قلبك يحكم و عقلك يقرر و انت تبعي برك يكون كل شيء ساط و كراهية و الإكتتئاب

بصح كي تكوني انت تحكمي في نفسك تتحكمي في قلبك واش يحب و تتحكمي في عقلك واش يقرر تعرفي طريقك و تجد الأبواب مع المفاتيح و تفتحي أي باب تريدين

مثل : نفسك تكره المطالعة لان نفسك هي التي تحكم

و عندما انت تحكمي في نفسك و في قلبك و عقلك تذهبي للمطالعة و تجعلي قلبك يعشق المطالعة و عقلك يقرر المزيد من اللذة مطالعة


أنصحك يا اختاه اختاري صديقة واحدة عاقلة التي تبكيك و ليس التي تضحكك

تقبل تحياتي ​

 

[ابوندى]

الا بدكر الله تطمئن القلوب

هدا كلام ربنا

برك حبيت نحطلك حاجة في راسك اختي العزيزة انه لا يوجد شيئ يستاهل انك تقلقي وتكرهي روحك من اجله والله

كوني واثقة من نفسك وتوكلي على الله
​

 

[moni92]

شكرا ليكم كامل كي راكم حسيتو بيا وحاولتو تخرجوني من هاذي الحالة بصح غير كي ندخل للمة ونشوف ردود كيما هاكذا نرتاح شكرا مرة اخرى نحبكم كامل .

 

[sheherazed]

شوفي أختي باش نقولك تقدري تنحي الكرهة نكون نكذب عليك ولكن نصيحتي ليك هي انك تحاولي تملئي وقتك بأشياء مفيدة ومادابيك تنوعي فيها مثلا الصباح تتعلمي اشياء جديدة في المطبخ (وصفات،ديكور...........)والمساء حاولي تاخدي قيلولة وبعدها قراي القران او اكثري من الصلاة والذكر والكتب الدينية أو الحصص الدينية
وفي المساء خصصي جزء من وقتك للنت او التلفزيون ولكن فيما يرضي الله لان الملل من صنع الشيطان والفراغ له دور كبير في تخريب وتشويه حياة الفرد لذلك لا تتركي للفراغ سبيلا اليك وحاولي استثمار وقتك أحسن استثمار ولا تنسي المشي قليلا سواء مع صديقاتك أو عائلتك(كالتسوق أو الدراسة أو الشغل)

وان شاء الله تتخلصي منهاد المشكل

 

[loca]

ما لقيتش اللي يستاهل وحتى كون نلقا مانلقاش فواش نهدر.

معليش انت غي قولي شكون بغيتي وهدرة تتفكروها بشوية ولا نقولك انا ثرثارة ومجنونة نحكيلك :001_wub: ههههههههههه حشمت زعما .

 

[loca]

اي ازين دنيا متستاهل تحاجة انا تاني كارهة بصح خليها تخلى الا بغات متزعفيش روحك ختو صاي كل يوم نخبرك جديد كيما نهار الخميس غلبت ريال ههههههههه ومن تخسر البرصا غادي نخبرك هههههههههههه بلا زعاف ختو هادي دنيا واش غادي ديري .

 

[loca]

ما لقيتش ميفاش نكسر الروتين........

الا عندك جداك روحي نقرشي عندها ولا روحي قرعجي شوية عند ماماك كيفي هههههههه بصح معنديش جداتي:crying: يااااااااااه فكرتني علاش هكا هههههه

 

[shahrazad]

إذا اعتلت أبداننا داويناها بالقرآن
وإذا ذلت أخلاقنا قومناها بالقرآن
وإذا نامت ضمائرنا أيقضناها بالقرآن
وإذا وهنت عزائمنا قويناها بالقرآن
وإذا مرضت نفوسنا عالجناها بالقرآن
وإذا أظلمت سبلنا أنرناها بالقرآن
راه عندنا كنز يا ختي
حاولي ديري حاجات جدد ..مثلا اتعلمي طيبي كل يوم سيي حاجا
زوري لافامي تاعك ..مارسي رياضة
ديري بروgرام لليوم تاعك باه مااتكرهيش
و اتفكري الناس الي راهم مراض وراهم يعانيو من مشاكل كباار
تحسي روحك نتي راكي فالجنة وتقولي الحمدلله ​

 

[jolie عاشقة كوريا]

كيما قال الاخ فارس
كرهتي و مكانش لازم عليك تكرهي

لانك رايح تزيدي تكرهي


هذي هيا يا حنونتي
رانا كامل كيف كيف
سي اخرجي حوسي
مارسي الهوايا ديالك
وماتفكريش بزاااااف
لانك تتقلقي وتكرهي
جوجو*جولي*​

 

[moni92]

ياتلا كي تقولو اخرجي حوسي وين نروح ماكانش حتى بلاصة نتاع تحواس راها الدار ثم الدار ادعولي ربي يخرجني من ههاذ البر.