السلام عليكم يا ولاد بلادي وبنات بلادي
انا واعوذ من كلمة انا عييت وعييت بزاف وماعدتش قادرة خلاص....وصلت لمرحلة كرهت فيها كلش
بيني وبين الهبال شعرة وبيني وبين الموت خطوة
ا
حبيتو حب ماتتخيلوهش ..حب اعظم من الحب نفسو..حب اكبر من اي حب..لو الحب ذاتو يحكي ويشوف حبي يقول هدا مشي حب..بل هو حب..ماني لا شاعرة ولا فيلسوفة كيما يسموني..راني انسانة عاشقة ولهانة حنينة وحساسة زيادة عن اللزوم..عاطفية بزاف وقلبي هو اللي يتحكم فيا
المهم
حبيتو بطريقة جنونية...نسمح في كلشي على جالو ونضيع كلشي على جالو..لما نمشي فالزنقة عمري مانرفد راسي وهو دايما بين عينيا.نمشي كي المهبولة ونضحك وحدي.عفوا مشي وحدي نضحك معاه ونحكي معاه بيني وبين نفسي يعني دايما وفي كل خطوة ولحظة معايا مايفارقنيش لدرجة اني نتخيلو فالناس اللي نشوفهم فالطريق.كل كلمة وحركةونفس ليه وحدو.نحرم نفسي من اي شيء لاني مانيش عارفة ادا هو راه ياكل ولا لالا.تتخيلوها هادي ادا قلت اني حبة حلوى مانشريهاش في غيابو وماناكلهاش وحدي او بلا بيه.نحب نقسم معاه كلش.حقي تاع الفاكية نخبيه ونقسمو معاه حتى لو طال غيابو نبقى مخبيتها حتى لو فسدت وانا حارمة نفسي منها.لظروف عملو يغيب عليا بزاف حتى الاتصال بيناتنا مايكونش نولي كي المهبولة عليه نتقلق عليه نوله عليه نتحير عليه نخاف عليه نديعلو في صلاتي وفي غير صلاتي انو ربي يحفظو ويكون بخير وعلى خير ويرجعلي سالم غانم باذن الواحد الاحد.نبكي عليه بحرقة من شدة الاشتياق ليه.تسماطلي الدينا بلابيه.نولي رافدة غير الموبيل ونعيط بالاك في اي لحظة يكون في منطقة فيها الشبكة ونحكمو ونحكي معاه.وغير يدخل لمنطقة الشبكة نكون معاه مرات هو ينخلع لما يرن الهاتف نتاعو لانو مانتبهش باللي راه في منطقة فيها شبكة يعني نكون معاه في اول لحظة وهاد الشي هو يشهدلي بيه.سميتو حبيبي كيما يقولو المصريين وكانت احلى كلمة نقولها في حياتي حتى هو تعجبو بزاف.فالنت دايرة اسمو هو كلمة السر.هو ثانيك كان يحبني ويغير عليا بزاف ويظل يوصي فيا .لدرجة انو قالي مانحبكش تخدمي تقعدي فالدار وهكا حتى واحد مايحكي معاك او يشوفك من غيري.اقنعتو انو لازم نخدم باش هكا نقدر نشوفو واقتنع مع انو كان يفضل نقعد فالدار لانو كيما قال هو يجي النهار اللي نولو فيه مع بعض في بيتنا الزوجية.كنا متفاهمين بزاف ومخطين لكل حياتنا وعمرنا ماتفاتنا.لطبيعة شغلو كيما قلت ميقدرش يتقدملي الا بعد فترة ومن المفروض الاسبوع هدا راني تخطبنا.تفاهمنا مرة وهادي قبل رمضان باسبوع لما كان اجازة تفاهمنا انو يتقدملي لما حكيت مع يما رفضت بصح انا اصريت عليه وتمسكت بيه في هاد الاثناء هو كان حكى مع الدار وكانو جايين خطابة لاختو قالولو خلي من بعد رمضان يعني انا احرجت قدام اهلي بعدماوجدت روحي .
وخلال شهر رمضان مافتحتلوش السيرة نهائيا وخليتو على راحتو باش مايقولش راهي تضغط عليا وفات الشهر وصارو شهرين ولا فاتحني فالموضوع ولا اعتذر مني ولا فهمني ولا قالي على الخطوة او الفكرة الجديدة وماحبيتش نفاتحو مع انو جرحني واحرجني وفوتها لاني نحبو وعذرتو ومن رمضان شوفو وين رانا درك.من فترة عاودنا حكينا وتفاهمنا انو في هاد الاجازة لازم يتقدملي وكنا متفاهمين.ثم غاب عليا اكثر من شهر ونصف بسبب العمل والاتصال مكاش تقدمولي ناس وخطبوني واهلي وافقو عليهم حاولت نتصل بحبيبي مكاش... ننتظر...؟ الحالة مطولة واهلي مصرين عليه وشايفين انو الانسب ليا وادا قلت لالا امي رايحة تشك اني مازلت على علاقة بالحبيب الاول ونولي في مشاكل معاهم وحتى واحد ماوقف جنبي او عاوني ومع العلم انو مرة وصل خبر للوالد نتاعي باللي شافوني مع واحد (يعني معاه) واديت علاجالها طريحة:yes: ماعندي واش نقول ومن يومها تغيرت المعاملة تاع دارنا معايا وحلف بابا انو يمدني لاول خطاب حتى لو كان طلاب وماتقدملي حتى واحد والحمدلله حتى لو تقدم كنت متفاهمة مع حبيبي ادا تقدمولي راني نبطل ونستناه.المهم كان عليا ضغط كبير و وافقت على هدا العريس مع اني غير مقتنعة بيه بصح شوفو واش خممت واش راني رايحة نضحي على جال حبيبي
انا قلت نساير اهلي ونقبل وندير برايهم ولما يرجع حبيبي نخبرو وهو يحكي مع هدا العريس ويفركش كلش وهكا العريس هو اللي يبطل من عندو مشي مني وقدام اهلي نكون رضيتهم وكسبت حبيبي
لما جا ماقدرتش نقولو راني تخطبت لاني خفت على مشاعرو وزيد كان عدنا بزاف ماتلاقيناش وكان عليه ضغط كبير من الخدمة يعني مشي من اول لقاء نقولو انا راعيت مشاعرو وحبيتو حتى يرتاح شوية وعلى هادي قتلو برك راهم جايين وادا جاو راه الله غالب عليا واللي زادت هردتها قتلو راني حكيت معاه يعني مع هاد الخطيب وراه جا ليا للخدمة وشفتو كنت حابة نغيضو فقط
وهنا تقلبت كل لحكاية من يومها وانا فالعذاب والبكا وماعندي مانحكي وانتم ماعندكم ماتتخيلو اعتبرني خدعتو وخنتو وتخليت عليه ولما فهمتو انو راه خاطبني اتهمني انو كان صديقي وكنا على علاقة وتقدملي عييت نحلف ونفهم فيه قالي مانصدقكش خلاص خلاص وراح اجازة للدار ومن المفروض في هاد الاجازة يجيب دارهم ويطلبني عييت نعيط ونبكي ونفهم فيه وهو مشي حاب يكلمني او يسمعني او يفهمني او يعذرني او يحس بناري او حتى بالتضحيات اللي درتها على جالو والمعانات اللي عانيتها وهو بعيد عليا كان يغلق الهاتف نتاعو ويخليني نتعذب وادا فتحو نكون معاه في اول دقيقة يفتحوفيها وادا ادا رد عليا يحكي معايا مقلق ومعصب وبجفاء ومانسمع والو وماتفهيميني والو مانصدقكش لو حلفتي او قلتي واش قلتي مانصدقش خلاص خلاص ونسيت كلش كان بيناتنا وقلبي راه حجرة وماعدتش نصدق وماعدتي تعنيلي والو وخدعتيني وانتي اللي خسارة عليك وماتخيلتش تخرجيلي بهاد الخرجة ماعندي حتى مشاعر تجاهك وماتزيديش تحوسي عليا وماتعيطيليش
واش تتخيلو انتوما ردة فعلي ولا الحالة اللي وليت فيها..بكيت وبكيت وبكيت وعيطتلو بدل المرة 20 وحكيت وفهمت وحلفت وشرحت ظروفي واني ماتخليتش عليك ولو كان هداك صديقي كيما راك تقول كون راني مقتنعة بيه ومتفاهمة معاه علاه نحوس عليك انت ونعذب روحي على جالك .والو راسو خشبة وقلبو حجرة ومن الحوايج اللي مشي ملاح فيه انو ادا قال كلمة عمرو مايدور فيها حتى لو ندم عليها طول حياتو..ولحد الساعة عدنا اكثر من 20يوم وحنا على هاد الحالة وهو غالق الهاتف نتاعو وانا ماناكل مانشرب مانرقد مانحكي مانخدم..كل حاجة سامطتلي وبديت نخمم فالانتحار او نقطع يدي وندخل للمستشفى يمكن لما يسمع بيا يحن قلبو ويرجعلي بصح لعنت بليس واستغفرت وراني ندعي الليل مع النهار انو يحنن قلب امين عليا ويرجعهولي ولا يفرق بيناتنا وكل اللي يقرا قصتي يدعيلي من قلبو وربي يجزيه نشالله
المهم قتلو انا ماخممتش في روحي وبس لو كنت كذلك كنت نرضى بمكتوبي اللي جاني ومانلتفتش للوراء نهائيا واني حتى ماخممتش في هدرة الناس عليا وعلى دارنا.قتلو انا خممت لما ترجع انت من خدمتك تعيط لهاد السيد وتقولو باللي هادي حنونتي وتحبني انا والاهم من هدا يعيطلو بالرقم نتاعي وهكدا يتاكد باللي راني صح معاه.ومنبعد؟اكيد راح يبطل مني وتولي الهدرة عليا وعلى دارنا..هادو كامل ماخممتش فيهم خمتت فقط اني نكون معاه ويرضى عليا وهو يقولي خدعتيني وخنتيني
قصة طويلة وكي نظل نحكي اللي في قلبي يبقى في قلبي
بعد كل هاد الحب الكبير والمعانات اللي عانيتها على جالو والبكا اللي بكيتو عليه والصبر اللي صبرت باش نكون معاه وسامحة في كلش على جالو ومانخرجش لاي مكان حتى نقولو ونشاورو وماجوزت حتى كونكور على خاطر هو قالي مانحبكش تخدمي والناس اللي شافوني معاه والاحلام اللي حلمتها والمخططات وكلشي واللي ماحكيتوش اكثر من اللي حكيتو
يتخلى عني بهاد البساطة
ياريت ياريت ياريت كل واحد او وحدة يقرى قصتي يدعيلي من كل قلبو انو يحنن قلب امين عليا ويرجعهولي ويزيل الغشاوة على قلبو وعينيه
ماتقولوش باللي مايحبينش هو راه يموت عليا كيما انا ويغير عليا
اتصلت بصديقو الانتيم وحكيتلو ماصدقش اللي صارنا وقالي امين راه يحبك وراه ناويك وقالو حتى لو يخطبوها 10 راني انا اللي نديها ومانسمحش فيها
يمكن تقلق لاني انا ماصارحتوش من الاول اني تخطبت وزدت غلطت كي قتلو جا ليا وحكيت معاه فالهاتف لانو يغير عليا ومايحب حتى واحد يسمع صوتي
عاونوني قولولي واش ندير يرحم والديكم والله لايفرقكم على احبابكم نشالله والله لايوريكم اللي راني فيه مانتمناه لحتى واحد او وحدة
بعد يومين راه جاي ليا يمكن يكون اللقاء الاخير
واش تنصحوني ندير واش نعمل واش نحكي واش نقول حاباتو يرجعلي باي طريقة ساعدوني
واهم حاجة تقولولي واش نقولو كي يسقسيني علاش حكيتي معاه
اسمحولي على الاطالة قلبي راه معمر
انا واعوذ من كلمة انا عييت وعييت بزاف وماعدتش قادرة خلاص....وصلت لمرحلة كرهت فيها كلش
بيني وبين الهبال شعرة وبيني وبين الموت خطوة
ا
حبيتو حب ماتتخيلوهش ..حب اعظم من الحب نفسو..حب اكبر من اي حب..لو الحب ذاتو يحكي ويشوف حبي يقول هدا مشي حب..بل هو حب..ماني لا شاعرة ولا فيلسوفة كيما يسموني..راني انسانة عاشقة ولهانة حنينة وحساسة زيادة عن اللزوم..عاطفية بزاف وقلبي هو اللي يتحكم فيا
المهم
حبيتو بطريقة جنونية...نسمح في كلشي على جالو ونضيع كلشي على جالو..لما نمشي فالزنقة عمري مانرفد راسي وهو دايما بين عينيا.نمشي كي المهبولة ونضحك وحدي.عفوا مشي وحدي نضحك معاه ونحكي معاه بيني وبين نفسي يعني دايما وفي كل خطوة ولحظة معايا مايفارقنيش لدرجة اني نتخيلو فالناس اللي نشوفهم فالطريق.كل كلمة وحركةونفس ليه وحدو.نحرم نفسي من اي شيء لاني مانيش عارفة ادا هو راه ياكل ولا لالا.تتخيلوها هادي ادا قلت اني حبة حلوى مانشريهاش في غيابو وماناكلهاش وحدي او بلا بيه.نحب نقسم معاه كلش.حقي تاع الفاكية نخبيه ونقسمو معاه حتى لو طال غيابو نبقى مخبيتها حتى لو فسدت وانا حارمة نفسي منها.لظروف عملو يغيب عليا بزاف حتى الاتصال بيناتنا مايكونش نولي كي المهبولة عليه نتقلق عليه نوله عليه نتحير عليه نخاف عليه نديعلو في صلاتي وفي غير صلاتي انو ربي يحفظو ويكون بخير وعلى خير ويرجعلي سالم غانم باذن الواحد الاحد.نبكي عليه بحرقة من شدة الاشتياق ليه.تسماطلي الدينا بلابيه.نولي رافدة غير الموبيل ونعيط بالاك في اي لحظة يكون في منطقة فيها الشبكة ونحكمو ونحكي معاه.وغير يدخل لمنطقة الشبكة نكون معاه مرات هو ينخلع لما يرن الهاتف نتاعو لانو مانتبهش باللي راه في منطقة فيها شبكة يعني نكون معاه في اول لحظة وهاد الشي هو يشهدلي بيه.سميتو حبيبي كيما يقولو المصريين وكانت احلى كلمة نقولها في حياتي حتى هو تعجبو بزاف.فالنت دايرة اسمو هو كلمة السر.هو ثانيك كان يحبني ويغير عليا بزاف ويظل يوصي فيا .لدرجة انو قالي مانحبكش تخدمي تقعدي فالدار وهكا حتى واحد مايحكي معاك او يشوفك من غيري.اقنعتو انو لازم نخدم باش هكا نقدر نشوفو واقتنع مع انو كان يفضل نقعد فالدار لانو كيما قال هو يجي النهار اللي نولو فيه مع بعض في بيتنا الزوجية.كنا متفاهمين بزاف ومخطين لكل حياتنا وعمرنا ماتفاتنا.لطبيعة شغلو كيما قلت ميقدرش يتقدملي الا بعد فترة ومن المفروض الاسبوع هدا راني تخطبنا.تفاهمنا مرة وهادي قبل رمضان باسبوع لما كان اجازة تفاهمنا انو يتقدملي لما حكيت مع يما رفضت بصح انا اصريت عليه وتمسكت بيه في هاد الاثناء هو كان حكى مع الدار وكانو جايين خطابة لاختو قالولو خلي من بعد رمضان يعني انا احرجت قدام اهلي بعدماوجدت روحي .
وخلال شهر رمضان مافتحتلوش السيرة نهائيا وخليتو على راحتو باش مايقولش راهي تضغط عليا وفات الشهر وصارو شهرين ولا فاتحني فالموضوع ولا اعتذر مني ولا فهمني ولا قالي على الخطوة او الفكرة الجديدة وماحبيتش نفاتحو مع انو جرحني واحرجني وفوتها لاني نحبو وعذرتو ومن رمضان شوفو وين رانا درك.من فترة عاودنا حكينا وتفاهمنا انو في هاد الاجازة لازم يتقدملي وكنا متفاهمين.ثم غاب عليا اكثر من شهر ونصف بسبب العمل والاتصال مكاش تقدمولي ناس وخطبوني واهلي وافقو عليهم حاولت نتصل بحبيبي مكاش... ننتظر...؟ الحالة مطولة واهلي مصرين عليه وشايفين انو الانسب ليا وادا قلت لالا امي رايحة تشك اني مازلت على علاقة بالحبيب الاول ونولي في مشاكل معاهم وحتى واحد ماوقف جنبي او عاوني ومع العلم انو مرة وصل خبر للوالد نتاعي باللي شافوني مع واحد (يعني معاه) واديت علاجالها طريحة:yes: ماعندي واش نقول ومن يومها تغيرت المعاملة تاع دارنا معايا وحلف بابا انو يمدني لاول خطاب حتى لو كان طلاب وماتقدملي حتى واحد والحمدلله حتى لو تقدم كنت متفاهمة مع حبيبي ادا تقدمولي راني نبطل ونستناه.المهم كان عليا ضغط كبير و وافقت على هدا العريس مع اني غير مقتنعة بيه بصح شوفو واش خممت واش راني رايحة نضحي على جال حبيبي
انا قلت نساير اهلي ونقبل وندير برايهم ولما يرجع حبيبي نخبرو وهو يحكي مع هدا العريس ويفركش كلش وهكا العريس هو اللي يبطل من عندو مشي مني وقدام اهلي نكون رضيتهم وكسبت حبيبي
لما جا ماقدرتش نقولو راني تخطبت لاني خفت على مشاعرو وزيد كان عدنا بزاف ماتلاقيناش وكان عليه ضغط كبير من الخدمة يعني مشي من اول لقاء نقولو انا راعيت مشاعرو وحبيتو حتى يرتاح شوية وعلى هادي قتلو برك راهم جايين وادا جاو راه الله غالب عليا واللي زادت هردتها قتلو راني حكيت معاه يعني مع هاد الخطيب وراه جا ليا للخدمة وشفتو كنت حابة نغيضو فقط
وهنا تقلبت كل لحكاية من يومها وانا فالعذاب والبكا وماعندي مانحكي وانتم ماعندكم ماتتخيلو اعتبرني خدعتو وخنتو وتخليت عليه ولما فهمتو انو راه خاطبني اتهمني انو كان صديقي وكنا على علاقة وتقدملي عييت نحلف ونفهم فيه قالي مانصدقكش خلاص خلاص وراح اجازة للدار ومن المفروض في هاد الاجازة يجيب دارهم ويطلبني عييت نعيط ونبكي ونفهم فيه وهو مشي حاب يكلمني او يسمعني او يفهمني او يعذرني او يحس بناري او حتى بالتضحيات اللي درتها على جالو والمعانات اللي عانيتها وهو بعيد عليا كان يغلق الهاتف نتاعو ويخليني نتعذب وادا فتحو نكون معاه في اول دقيقة يفتحوفيها وادا ادا رد عليا يحكي معايا مقلق ومعصب وبجفاء ومانسمع والو وماتفهيميني والو مانصدقكش لو حلفتي او قلتي واش قلتي مانصدقش خلاص خلاص ونسيت كلش كان بيناتنا وقلبي راه حجرة وماعدتش نصدق وماعدتي تعنيلي والو وخدعتيني وانتي اللي خسارة عليك وماتخيلتش تخرجيلي بهاد الخرجة ماعندي حتى مشاعر تجاهك وماتزيديش تحوسي عليا وماتعيطيليش
واش تتخيلو انتوما ردة فعلي ولا الحالة اللي وليت فيها..بكيت وبكيت وبكيت وعيطتلو بدل المرة 20 وحكيت وفهمت وحلفت وشرحت ظروفي واني ماتخليتش عليك ولو كان هداك صديقي كيما راك تقول كون راني مقتنعة بيه ومتفاهمة معاه علاه نحوس عليك انت ونعذب روحي على جالك .والو راسو خشبة وقلبو حجرة ومن الحوايج اللي مشي ملاح فيه انو ادا قال كلمة عمرو مايدور فيها حتى لو ندم عليها طول حياتو..ولحد الساعة عدنا اكثر من 20يوم وحنا على هاد الحالة وهو غالق الهاتف نتاعو وانا ماناكل مانشرب مانرقد مانحكي مانخدم..كل حاجة سامطتلي وبديت نخمم فالانتحار او نقطع يدي وندخل للمستشفى يمكن لما يسمع بيا يحن قلبو ويرجعلي بصح لعنت بليس واستغفرت وراني ندعي الليل مع النهار انو يحنن قلب امين عليا ويرجعهولي ولا يفرق بيناتنا وكل اللي يقرا قصتي يدعيلي من قلبو وربي يجزيه نشالله
المهم قتلو انا ماخممتش في روحي وبس لو كنت كذلك كنت نرضى بمكتوبي اللي جاني ومانلتفتش للوراء نهائيا واني حتى ماخممتش في هدرة الناس عليا وعلى دارنا.قتلو انا خممت لما ترجع انت من خدمتك تعيط لهاد السيد وتقولو باللي هادي حنونتي وتحبني انا والاهم من هدا يعيطلو بالرقم نتاعي وهكدا يتاكد باللي راني صح معاه.ومنبعد؟اكيد راح يبطل مني وتولي الهدرة عليا وعلى دارنا..هادو كامل ماخممتش فيهم خمتت فقط اني نكون معاه ويرضى عليا وهو يقولي خدعتيني وخنتيني
قصة طويلة وكي نظل نحكي اللي في قلبي يبقى في قلبي
بعد كل هاد الحب الكبير والمعانات اللي عانيتها على جالو والبكا اللي بكيتو عليه والصبر اللي صبرت باش نكون معاه وسامحة في كلش على جالو ومانخرجش لاي مكان حتى نقولو ونشاورو وماجوزت حتى كونكور على خاطر هو قالي مانحبكش تخدمي والناس اللي شافوني معاه والاحلام اللي حلمتها والمخططات وكلشي واللي ماحكيتوش اكثر من اللي حكيتو
يتخلى عني بهاد البساطة
ياريت ياريت ياريت كل واحد او وحدة يقرى قصتي يدعيلي من كل قلبو انو يحنن قلب امين عليا ويرجعهولي ويزيل الغشاوة على قلبو وعينيه
ماتقولوش باللي مايحبينش هو راه يموت عليا كيما انا ويغير عليا
اتصلت بصديقو الانتيم وحكيتلو ماصدقش اللي صارنا وقالي امين راه يحبك وراه ناويك وقالو حتى لو يخطبوها 10 راني انا اللي نديها ومانسمحش فيها
يمكن تقلق لاني انا ماصارحتوش من الاول اني تخطبت وزدت غلطت كي قتلو جا ليا وحكيت معاه فالهاتف لانو يغير عليا ومايحب حتى واحد يسمع صوتي
عاونوني قولولي واش ندير يرحم والديكم والله لايفرقكم على احبابكم نشالله والله لايوريكم اللي راني فيه مانتمناه لحتى واحد او وحدة
بعد يومين راه جاي ليا يمكن يكون اللقاء الاخير
واش تنصحوني ندير واش نعمل واش نحكي واش نقول حاباتو يرجعلي باي طريقة ساعدوني
واهم حاجة تقولولي واش نقولو كي يسقسيني علاش حكيتي معاه
اسمحولي على الاطالة قلبي راه معمر
انا في رأيي فكري مع روحك مليح.......ومتخليش قلبك يسيطر عليك فكري بعقلك.......وانا في نضري فهميه مليح.........وقوليلو وجة نضرك......... واش قاسيتي و واش ضحيتي علجالو......ولكان محبش نحيه من راسك بلاكش ربي شافها صلاح......لعاد يشتيك صح يولي ليك و يسامحك و لكان حب ليك مزيف .....هاكذا خير احسن من ان تقاسي معاه طول حياتك........وانا بكل صراحة شايفاتو يلعب بيك لخاطر كون جاء يشتيك من قلبو كون خطبك من اول فرصة مخلاش لهذا الوقت.....والحب ماشي هكذا......لازم الحبيب يضحي من اجل حبيبتو......وان شاء الله يولي ليك.......بنية سليمة.......وراني ندعيلك متخميش........وكاشما صحقيتي راني معاك في كل وقت......وتقبلي مني فائق الاحترام و التقدير....
