طاجين الزيتون بالدجاج من مطبخي

الحالة
مغلق ولا يسمح بالمزيد من الردود.

nada242008

:: عضو بارز ::
أحباب اللمة
إنضم
24 جانفي 2009
المشاركات
10,214
نقاط التفاعل
17,700
النقاط
351
الجنس
أنثى
المكونات

بصل مقطع
2 حبات جزر
دجاجة كاملة او قطع دجاج
زيتون منزوع النوى
كاس ماء
الطريقة

يقطع البصل ويقلى مع الزيت وشوية زبدة
985635547.jpg

ثم نضيف الدجاجة مع الملح والفلفل الاكحل
247813070.jpg

ومن بعد نضيف الجزر ونقلي مليح ومن بعد نمرقو بكاس ماء واحد
ونغلقو طنجرة الضغط ونبدا نحسب ربع ساعة من بعد ما تصفر
ومن بعد نحط الدجاجة في مول وندهمها بالزبدة ونخليها تكمل طيابها في الفرن حتى تطيب وتتحمر.
466086362.jpg

نغلي الزيتون مع نصف قارصة مرتين ونصفيه
ونضيف الزيتون الى الطنجرة ونتركه يغلي 10 دقائق
931766177.jpg

وهذا شكلو بعد التقديم
317056897.jpg
 
يعطيك الصحة على الوصفة باندودة والله تشهي رايحا تشوفي تطبيقي ليها
اليوم انشاء الله
تستحقي التقيم
 
مآ شآء الله طبق رآآآئع شهيتيني
ورآني جيعآنة :sneaky2: يع ـطيك الصحة على
الطبق هآيل حنآ الأغلب نديروه بكرآت
اللحم بالزيتون مرحي :001_wub:
تح ـيآتي ,, ~||
 
آخر تعديل:
هايل يعطيك الصحة يشهي
بارك الله فيك على وصفاتك الجميلة
ندى مفيهاش التوابل
 
آخر تعديل:

يعطيك الصحة
والله يشهي
بارك الله فيكي
 
يعطيك الصحة على الوصفة باندودة والله تشهي رايحا تشوفي تطبيقي ليها
اليوم انشاء الله
تستحقي التقيم
الله يسلمك بسومة
راني نسنى في تطبيقك يالفحلة
شكراا على المرور حبوبة

مآ شآء الله طبق رآآآئع شهيتيني
ورآني جيعآنة :sneaky2: يع ـطيك الصحة على
الطبق هآيل حنآ الأغلب نديروه بكرآت
اللحم بالزيتوم مرحي :001_wub:
تح ـيآتي ,, ~||
الله يسلمك اسووومة
طبق كرات اللحم بالزيتون هو الكفتة وحنا ثاني نديروه
شكراا على المرور الطيب

هايل يعطيك الصحة يشهي
بارك الله فيك على وصفاتك الجميلة
ندى مفيهاش التوابل
فيها غير الملح والفلفل الاكحل وتقدري تزيدي الزعفران
شكراا ياسمين على المرور الطيب
 
tabak yshahi nada y3atik saha njarbou insh3a alah
 
طبق كرات اللحم بالزيتون هو الكفتة وحنا ثاني نديروه


بصح كفتة مع زيتون مرحي يمكن هآذي مآشي
بزآف نآ يعرفوهآ بصح حنآ في الغرب وبالأخص في منتطقتنآ
نديروه كيمآ قلتلك
يعني الكمية تآع الزيتون تقلعي منهآ وتخلي غير ربع الكمية
الأخرى تطحنيهآ كيمآ ترحي اللحم وتخليه في كسكآس يقطر
توجدي اللحم مرحي مع كآمل صوآلحه وتزيديله زيتون اللي
طحنتيه وتكوريه وتطيبي الزيتون عآدي بالمرقة والكورآت
تجي هآيلة بزآآف
 



بصح كفتة مع زيتون مرحي يمكن هآذي مآشي
بزآف نآ يعرفوهآ بصح حنآ في الغرب وبالأخص في منتطقتنآ
نديروه كيمآ قلتلك
يعني الكمية تآع الزيتون تقلعي منهآ وتخلي غير ربع الكمية
الأخرى تطحنيهآ كيمآ ترحي اللحم وتخليه في كسكآس يقطر
توجدي اللحم مرحي مع كآمل صوآلحه وتزيديله زيتون اللي
طحنتيه وتكوريه وتطيبي الزيتون عآدي بالمرقة والكورآت
تجي هآيلة بزآآف
فكرة جديدة عليا تاع الزيتون المرحي مع اللحم المكفت
يعطيك الصحة اسومة على الفكرة الجديدة
بارك الله فيك حبوبة
 
شكرا ندى على الطبق بشكل جديد
ان شاء الله المرة الجاية نجربو بهاد الطريقة
ما تديريش المعدنوس والزعيترة كي تكوني تقلي البصل والجاج
 
شكرا ندى على الطبق بشكل جديد
ان شاء الله المرة الجاية نجربو بهاد الطريقة
ما تديريش المعدنوس والزعيترة كي تكوني تقلي البصل والجاج
العفو يا نوال
والله انا درتو غير بالملح والفلفل اكحل وتقدري تزيدي الزعفران واكيد تقدري تضيفي التوابل اللي تعجبك
جربي بطريقتي وان شاء الله يعجبكم

بارك الله فيك
شكراا حورية على المرور العطر
 
فكرة جديدة عليا تاع الزيتون المرحي مع اللحم المكفت
يعطيك الصحة اسومة على الفكرة الجديدة
بارك الله فيك حبوبة


العفو حبيبتي ونسيت نقولك
قبل مآ ترميهم في المرقة تقليهم غير في شوية
زيت يتحمرو قليلآ ومن بعد حطيهم في المرقة كي
تولي قريب توجد سمحيلي نسيت هآذ الخطوة:001_rolleyes:
 
ما شاء الله فيك اختي ندوشة
جاك روعة
مشكورة على الجهود
وتستحقي التقييم على المجهودات
ربي يجازيك كل خير



 
يعطيك الصحة اختي ندى انا نعملو بالشومبينيو يجي هايل
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top