شوفو استاذ واش صرالو...........؟

[Amir nini]

7ram 3lih ....l prof sfia le meiller et 3akel mé ...t3ada 3liih ....rebbi yahdiiih ....
merciii nassim pour le sujet
​

 

[صدي الجحيم]

هذي مواقف عادية بالنسبة لينا

 

[hicham500]

الله يبارك على هذاك الجيل
والله grave واش رانا نسمعوا
انا نشفا في الليسي والله كي يهدروا معانا الاساتذة نحشموا ريساننا منهزوهمش
غير بالهدرة يجرحونا بصح ضرك بفف كلش ولا نورمال الاستاذ يتمسخروا بيه
وعادوا حتى يضربوه ربي يبقي الستر ​

 

[الشلفي02]

الله يهدي هذا الجيل

 

[ايمي03]

والله خويا هاد الظاهرة راهي منتشرة بزاف في هاد الوقت ما بقا احترام لا من طرف الطالب ولا من طرف الاستاذ وسبب هاد المشاكل هو التعصب وكان هدر معاه بالعقلية وتفاهمو ما كانش يصرا هاك المهم هاد هو الحال واش حاب تعمل ..... والله ينجحك في الباك

 

[احمد الصحراوي]

هدا يدل على ان الاستاد ناس ملاح لوكان جا الاستاد خشين في معاملتو ولى يغلط يخلص لكان مدارلوش كيما
هكدا

 

[sami39200]

merçi Khoya
​

 

[عاشقة الوحدة]

ولا قريني وانا سيدك هههههه
ههههههههههههه فور فور بزاف

 

[امين الخضرة]

هادا الولد مسكين سور راه متاثر بشاوشي كي درب لا ربيت ولا بزيدان كي نطح ماتيرزي مي قولو اتانسيو الكارت روج يحاوزوك مالليسي الله يهدي ماخلق

 

[الامل العائد]

صح الجيل تع دوكا بزااااااااف طاير
الله يكون في عوني لاني رايحة نقري في المستقبل

 

[sabrina élina]

^^rak 9oltha 9arini w ana sidak ^^​

 

[A-MIRA]

موحال يكون وقتنا كيما بكري لجيل تاع دوك شيطان يمشي على رجليه بالمناسبة ربي يوفقكم نتا و صحابك

 

[مفآهيمـ الخجل]

يا خويا كاين بعض الاساتذة يستاهلو طريحة هاكا :sneaky2:

مام عندنا صرات زوج مرات هاد الضربة في الليسي و التلاميذ

لي ضربو الاساتذة ما صرالهم والو

بالاك لاقيين لي يديرها ما يصرالو والو على بيها ولاو كامل

يتجراو على الاساتذة و مرة على مرة يعطو لواحد طريحة :closedeyes:
​

 

[asma_10]

هههههههههههههههه والله غير عندك الحق خويا نسيم

نقولك صراحة الجيل تاع بكرى و درك ماشى كامل كيف كيف بكرى كانوا يحشموا سورتو البنااات اما درك خلاص الاغلبية فيهم راحت الحشمة منهم و لى يحشم درك يحقروه صراحة زيد زعما بكرى هكا يقدرو يضربوا الشيوخة تاعهم والله ما يقدروا يرفعوا حتى وجوههم للاساتذه و توجور كي يتلاقاو مع استاذهم هاكا يحبطوا حتى راسهم و ميقدروش يخزروا فيهم من الحشمة و درك لى يرد على الشيبخ هو لى فور مشكوووور خويا نسيم

​

 

[the_end]

والله غير عجب
والاكثريه تع المشاكل تلقا الاستاد هو اللي غالط
والتلميذ اللي ميقدرش يشد روحو دايمن يحصل مسكين وتطفر فيه
واش نقولو الله يهدينا
تحياتي

 

[asma_10]

بصح صرااااااااحه نقولك نسيت كاين بعض الاساتذه يستاهلوووا والله غير قراتنى استاذه متطقنيش حتى في التقويم مداتلى 4 و زيد في العلوم شرعية والله جامى ننساها هديك منحبش نشوفها صح صح و زيد هي دايره درع بصح تحب تهدر مع الدراري

ربي يهديها متحبش كامل لبنات

​

 

[ايمان ع]

سيحان الله هذي حاجة تبكي ماشي تضحك

 

[nassim007]

elsalam 3alaycom
li kera kera bakeri

كاينة منها شكراااا

هههههه ولات عادي في بلادي اعطيه كف اعطيه بالبالي كلشي نوررمال دركا ربي يهديهم

كلش ماشي درك الله غالب

والله غير يستاهل هاد الاستاذ
مام الاساتذة دوكا ولاو ما يرحموش...هداك ما ليهم
​

لالا مش كامل

و الله غير عيب عليه هذا الولد كي يكون الاستاذ غلط معاه ماشي تربية يرفد يدو عليه

الله غالب جيلنا هدا هو

 

[nassim007]

هذي مواقف عادية بالنسبة لينا

كيفاه ولات الحالة تبدلت خلااااص

 

[nassim007]

الله يبارك على هذاك الجيل
والله grave واش رانا نسمعوا
انا نشفا في الليسي والله كي يهدروا معانا الاساتذة نحشموا ريساننا منهزوهمش
غير بالهدرة يجرحونا بصح ضرك بفف كلش ولا نورمال الاستاذ يتمسخروا بيه
وعادوا حتى يضربوه ربي يبقي الستر ​

ماعندنا مانديرو هدا هو الجيل تاع ذرك :scared: كارثة