ما اجمل تلك الايام

[احلى لمة]

انا نهار اللول كي دخلت كنت فرحانة و من بعد توحشت ماما و بديت نبكي ... و مع لعشية تودرت و مصبتش كلاستي
هههههههههههههههههههههههههههههه

 

[ايمي03]

هههههههههه​

موضوع روعة تستاهلي عليه تقييم​

انا نهار اللول كي رحت نقرا والووو​

بابا يدز وانا ندز محبيتش طول نقرا​

قاعدة غير نبكي ونخبش بيه بظفاري باش يديني نروح​

وهداك اليوم روحوني صح ​

ونشفا كي ردوني قعدتني المعلمة العجوزة مع واحد الطفل​

مالا كي شافوني هديك البارح نبكي تبالهم فيا مرخوفة​

ناض هزلي مقلمتي وراح يديها​

حكمتو قتلتو بطرييحة (( ياااي واش كنت قبيحة))​

المهم الغدوا هديك جيت خارجة لقيتو جابلي يماه​

حكمتني تقرص فيا من خدي وقاتلي تزيدي تضربي هشام( ربي يذكرو بالخير)) نعطيك طريحة​

مالا حكمتهالو من هاديك النهار
حوايجو كامل نديهم وكل يوم بطريحة حق القريص للي ديتهم​

ومسكين بقا يخافني عام كامل
هههههههههههه:sneaky2:​

اصبرو كل شوية نجي نقولكم حاجة شريرة مللي كنت نديرهم في لبريمار​

اكيد رايحين نستناو شوقتينا والظاهر انك كنت بنت شقية بصح كلنا كنا هاك ... وشكرا على التفاعل مع الموضوع

 

[محاربة صحراء]

والله روحت عادي حداء فرد زي او فرد زي القندور صفرا تع لعرس وشعر مشورا السنة اول وينك رايحة قلتهم رايحة نقرا هههههههه وانا ماما قتلي هاتروحي لعرس وانا محبتش نقرا والله صح معدل اول 7/20 ونخذ فلقة واحد طريحة معندي منقلكم

 

[sirine-w]

ih ana raki 3arfa wach dert

 

[THE GNAWIE]

انا من صغري شاطرة و نحب نقرا
هذاك النهار نشفا عليه كاليوم ما رقدتش
و نهار الدخلة لبست فستان احمر
و سندالا كحلة
/الله الله على الصغر/
و كي رحنا انا طحت وحدي و صديقة الطفولة
طاحت وحدها
و بما انني معروفة بشقاوتي لحد الان
فانني هربت من الصف و رحت عندها
و هكذا خلاوني فهاذيك الكلاصا و قريت معاها 6سنين
و الله السنة الاولى وحدها
مازالني شافية عالرتبة تاعي فالفصول
يا سلام
يعطيك الصحة​

 

[NICHA03]

انا داتني ماما كنت ميتا على لقراية و مبكيتش بصح ضركا راني نحوس كيفاش نتهنى منها

 

[رقيقة المشاعر]

انا كنت فرحانة النهار الاول :yahoo:
و من بعد وليت غير لي ماتصراش نبكي و ندير حالة فالكلاسة
ذاك المعلم مسكين ربي يذكره على خير كان يهزني و يبدا يسكت فيا و يعطيني الحلوى و الشوكولا:tears:

ماأجمل تلك الايام

 

[din@ c00l]

كانت من اجمل ايام حياتي

 

[** غزال الصحراء **]

دخلت مشوكي , و لضرك مازال الشوك Lol

الحقيقة أوقات ما يتنساوش و ماكانش كيما الصغر
صحيتو .

 

[nour mary]

مانشفاش مليح مي علابالي بلي مارقدتش ليل كامل نستنا في الصباح يجي
كي جيت خارجة مدتلي ماما لحلوى من هنا تفاسات لميموار هههههههه
مي درك نستنا غير فلي v اكونس وقتاش يجو

 

[فارس الحب]

مشكورين على الموضوع ارجو المزيد ان متحمس جيدا شكراا انشاء الله ما يحرمن من امثال شكراا
​

 

[✿ мιss яosє ✿]

أنا النهار الاول داني خويا كثر مني بعامين لصقت فيه وقتلو ندخل نقرا معاك ولا ديني نروح مسكين بهدلت بيه قدام صحابو
بصح مع الايامات هكا بديت نوالف على خاطر كان كاين فيها اللعاب والزهو مع معلمتي الحبيبة
​

 

[TOUTA32]

تصدقي والله ماشفيت
مي شفيت من مشاكلي بدلت المدرسة وحطو معايا خاوتي كل يوم نسكت في واحد حتى هبلوني

 

[rofaida_c.k.o.a]

كنت انا نحب القراية مي دك والله نصيب منروحش وندير المشاكل بزاف مناه انا نشتي الفودا بزاف الاستاذة تقري

ونا ندحك فيهم ههههههههه فكرتني خوه

شكرا على الموضوع

 

[الجندية]

انا كنت رح طيييييرر بالفرحه واللهي
بصح بعد ساعه هكدا قعدت نبكي ونعيط
قلتلهم ماااااااااماااااااااا اهئ اهئ
مرسي ع الموضوع
​

 

[dana1993]

سلام هه فكرتيني كان عندي 4سنين و 10 اشهر نبكي حابة نقرا ا تاع ذراع كي مالقاوليش حل دخلوني نقرا هه بابا كان صاحب المدير دخلني ديراكت السنة اولى بلا تحضيري هههه نشا دخلت 15 يوم بعد ما بداو لقراية و قراتني معلمة قعدتني فالصف الاول مع واحد الطفلة ههه اول طابلية شريتها كانت اورونج بالفار بيستاش ههه قالو لماما تكتبلي اسمي فيها هههه خافو منهدرش هههه ايا وجازت سلامات و فوتنا يامات حلوووييين
يا حصرا على هاذاك الزمان ههه
مشكووورة على الطرح

 

[hanine_mona]

يعني كنت دايتها غير سكات مكنت فهما روحي لنفرح ولا نزعف​

 

[sandybelle]

هههههههه أأأأأأأأأأأأأأه علاش تفكري فيا هههههه
اليوم لي دخلت فيه كانت يما رايحا للعرس ...هي تلبس فيا ملابس تاع لكول وأنا نجبد في قفطاني وصابويا ههههه
وبديت نبكي ونقوللها نمشي للعرس ....حتى دخلت لقسمي وأنا نبكي مي أش نقولك شفت وحد المرا كحلة وسمينة وقفت عند طاولتي وخزرت فيا يايما عينيها حمرين :scared:...ستسلمت وماعدتش بكيت :surrender:
وديك لمرا كانت معلمتي :crying:

 

[assoma]

ياو انا دخلت على 5 سنين والله ماراني شافية حاجة​

 

[mizora]

و الله والو كنت نحب القرايا مي درك كرهت جدها