السلام عليكم ورحمة الله وبركاتــه
...
واش راكم جماعة واش راك تهدر ؟
حبيــت نهجركم وما قدرتش قلت سيغ تتوحشونــي ههه ... هيا لي حايبني
نهجر المنتدى ككـــل يدعيــلي نتزوج والله تتهنـــاو منــي ههه
...
رانــي مليحة علــى فكرة علابالي الكــل تسقسيــو عليــا
احم ندخل في الموضــوع والموضوع تاع اليوم والله سخفت بــرك ندير موضوع
أو تافــه حتى لي يحــب يديــرو مش تــافه تتحتم عليه يقول تافه خخخخ
صراتلي حادثة ' حضرني موقف كيما يقول أحمــد حلمـي ههه ' قلــت نجــي نحكيلكم
عليه علــى خاطــر ضحــكنــي ... وزيد حايبة نضحــك شوية وقــلت ندير غوتوغ
داج اليــوم ونرجع مولات 17 سنة على خاطر وقت كنت 17 ما كنتش نعرف اللمة
وعرفتها وقت الـ 19 يعنــي فاتت عليا المــراهقـــة ... وزعمة كبرت خخخ
اممم ... مالا يا سيــدي
...
عندنا مدة واحنا نلقاو الغيدو تاع الطيُق تاعنا مقطعــين ولا مسنسرين ولخيوط
تاع لخياطــة خارجين وغير ما تقيسو بعد يطيحو منو لي باغــل ولا يتقطــع طول
بقينــا نسقسيو شكــون هذا لي قطع االغيدو الفلانــي وشكــون لي سنــسر الغيدو
الفــلانـــي ... والكل كبار والصغيرة فينا عندها 19 يعــني مش عفايس نديروهم
...
آخــرتها حصلت ماما فيا وعيطــت عليا قالتلي أو انتــي لي ديما نوصيــك ونقولك ما
تقفليش الطاقــة على الغيدو وتولهي للكاش غيدو رحتــي ندبتيلهم وسودتيلهــم وما
خليــتي فيهم شي رشيتيهمــلي وانتي مش تاع دار وواش بيــك هكذا مــgـلوعة
وسايســي لحــوايج والحــاجة معاك ما تدومش و و و
... طرشتني ...
...
وانــا غاضتني روحي والله خاطيــني وماما اتهمتني زورا وبهتانا ههه وبقيت نقوللها
خاطيني ماما مــي هي قانعة بلــي أنا كــوم أنا لــي معاها في الدار والكل يقراو ويخدمو
...
المهم لا عليــنا عييت نبرأ روحي مي واااالو ...
...
اليــوم نضت كي العادة في رحمة ربــي بديت نفرز في الدنــيا ونعبــي في لفــراش
هيا باقية ندور على لبيوت ونشوف واش لي مش مفروز باش نفــرزو ونفوت على
وحد البيــت ونشوف حــاجة وفقــت بالـــسر وعرفــت شكون لي يقطعلــنا في
لي غيدو وفـــرحت تاني باش نروح نقــود بيــه هههه
...
...
يا سيــدي فتت عـــلى بيت لفــراخ تاعنا ' عصافيرنـا ' وعرفــت الــفاعل لي هو هذا
هــذا لي نقولو عصفوري الصــغير لي نحبــو ونموت عليــه في سبتو كليت الــرخس هه
هذا الفــلوس هذا لي نعيطلو ستيوارت ظــهر راس الكبة وداير النش هذا الكــل ...
والله فتت ولقيتو ورا الغيدو هذاك ينتش ويركــز ويجبدلو في لخيــوط ' راح علقو خويا
في الباس تاع الطاقة ' ورحت نجــري جبت بوغطابلي باش نصورو وكي جيت نصورو
فاق جبد روحو مي الصورة حكمتو قريب للغيدو وهاهي تفضح فيــه
شــوفو ديجا راه باين بلي جابدو عندو ومدخلو على الباغوداج هههه
... حكمتو وفقتلو ...
رحت خليتــو ودرت مديتو بظهــري وآكتيفيت لمرايا تاع البوغطابل
لقيتو رجــع يقــطع فيه كي درت دار روحو خاطيــه وكي جيت نهدر
مــعاه ودخلت يدي ليــه شوفو واش دارلـــي
... واااع نقبنـــي ...
وكــي نزلت البوغطــابل ورحت نشوف شــغلي رجع يقطــع وجا بابا رحت
نستــقبلــو يخــي طحت في اللقطة عيطت لبابا وشــافو بأم عينه متلبس
ويمارس في الجــرم المــشهود وأخـــيرا برؤونــي دارنا وقالتلي ماما أنا
نحسبك انتي علابالي فيك ما لاتيــاس ظهر الفار هذا نزلوه عليا من الطاقة
فسدلي لي كاش غيدو الكـــل ' خخخ لمزية البيت هذي الغيدو تاعها باشع '
... وانا فرحــت والله ...
...
وليت تفكــرت وقت كنت صغيرة شوية قبل قول وحد 5 سنين ولا 6 من درك
كنت كي نخرج للطاقة نطل نخرجو معايا نحطو في السطحة لي في الطاقــة كنت
نحس واحد يجبد فيا من ذراعــي كي ندور نلقاه هو ورا الذراع تاع القندورة
'وقت كنت نلبس لقنادر خخخ ' وكان الذراع تاع قنادري ديما مسنسر وكان بلبغودي
ديما مقــطع وقلت كيفاش ما فقتش بيه أم عفايســو هذو ...
... معليش كلحني ...
...
وأخــيرا واش تقولو في التحرية نور لي اكتشفت حل اللغز ونحات اللبس في القضية
؟؟؟
وشحــال تمدولها في عمــرها بالموضوع هذا ؟ خخخ أنا نمد لروحي 15 سنة
مادامني حاطة راســي براس الفلوس تاعــي ستيواااغت
... نصــيحة ...
ما تخليوش العصافير تاعكم بحذا الريدوات أم يقطعوهملكم وماماكم تتغشش
والله وخيــدة خخخخ
...
وكاش عفايس ولا سوء تفاهم هكا صرالكم في الدار درتو بيه النــش أرواحو أحكيولنا
...
متفرقــات
... بسبت الفلوس هذا ضربني بابا مرة ولأول مرة في حياتي بكف وما زادتش من بعدها ...
...
... درت الفيش فاميليال وسي بون : خرجتها بالمعرفة كوم اختكم مشهورة هههه ...
...
... باين فيكم دعيتيولــي باش يفرج ربي علابيها فرج وحليت القضية هذي ...
...
... قريب ندخل نخدم خدمة خير من لي كنت رايحة نخدمها ورايحة نرجع أستاذة في
الليسي لي كنت نقرا فيه ونروح نهدر مع وحد المراقبة بسبتها زعطوني من الليسي ...
...
... هكذا نرجع كيما شوشو أستاذتنا ونفــرح عــلى التطابق الغريب هذا لي يصرا
بطريقة عشوائية بيناتنا وننظمو لطاقم الأســاتذة تاع اللمة ...
...
... جارنا عمار باباها لي لبنى شرا طوموبيل فرحتلو والله باش يديني معاه ديما
نديو لبنى تحوس معانا دالتو يديني نحوس معاهم خخخ ...
...
وكيما قالت شوشو هذا أول موضوع ليا في عهــد ماكانش ويا ربي ما يقبلوش
نديرو عليه حــلف وانقلاب باش يزعطــوه خخخخ
...
هيا اتهلاو في رواحــهم أنوشات ولي جون تاع اللمــة
ما تلوموش عــلى الموضوع الصبيانــي حبيت ندير النش برك
خخخ هــيا ســلام عليــكم
...
واش راكم جماعة واش راك تهدر ؟
حبيــت نهجركم وما قدرتش قلت سيغ تتوحشونــي ههه ... هيا لي حايبني
نهجر المنتدى ككـــل يدعيــلي نتزوج والله تتهنـــاو منــي ههه
...
رانــي مليحة علــى فكرة علابالي الكــل تسقسيــو عليــا
احم ندخل في الموضــوع والموضوع تاع اليوم والله سخفت بــرك ندير موضوع
أو تافــه حتى لي يحــب يديــرو مش تــافه تتحتم عليه يقول تافه خخخخ
صراتلي حادثة ' حضرني موقف كيما يقول أحمــد حلمـي ههه ' قلــت نجــي نحكيلكم
عليه علــى خاطــر ضحــكنــي ... وزيد حايبة نضحــك شوية وقــلت ندير غوتوغ
داج اليــوم ونرجع مولات 17 سنة على خاطر وقت كنت 17 ما كنتش نعرف اللمة
وعرفتها وقت الـ 19 يعنــي فاتت عليا المــراهقـــة ... وزعمة كبرت خخخ
اممم ... مالا يا سيــدي
...
عندنا مدة واحنا نلقاو الغيدو تاع الطيُق تاعنا مقطعــين ولا مسنسرين ولخيوط
تاع لخياطــة خارجين وغير ما تقيسو بعد يطيحو منو لي باغــل ولا يتقطــع طول
بقينــا نسقسيو شكــون هذا لي قطع االغيدو الفلانــي وشكــون لي سنــسر الغيدو
الفــلانـــي ... والكل كبار والصغيرة فينا عندها 19 يعــني مش عفايس نديروهم
...
آخــرتها حصلت ماما فيا وعيطــت عليا قالتلي أو انتــي لي ديما نوصيــك ونقولك ما
تقفليش الطاقــة على الغيدو وتولهي للكاش غيدو رحتــي ندبتيلهم وسودتيلهــم وما
خليــتي فيهم شي رشيتيهمــلي وانتي مش تاع دار وواش بيــك هكذا مــgـلوعة
وسايســي لحــوايج والحــاجة معاك ما تدومش و و و
... طرشتني ...
...
وانــا غاضتني روحي والله خاطيــني وماما اتهمتني زورا وبهتانا ههه وبقيت نقوللها
خاطيني ماما مــي هي قانعة بلــي أنا كــوم أنا لــي معاها في الدار والكل يقراو ويخدمو
...
المهم لا عليــنا عييت نبرأ روحي مي واااالو ...
...
اليــوم نضت كي العادة في رحمة ربــي بديت نفرز في الدنــيا ونعبــي في لفــراش
هيا باقية ندور على لبيوت ونشوف واش لي مش مفروز باش نفــرزو ونفوت على
وحد البيــت ونشوف حــاجة وفقــت بالـــسر وعرفــت شكون لي يقطعلــنا في
لي غيدو وفـــرحت تاني باش نروح نقــود بيــه هههه
...
...
يا سيــدي فتت عـــلى بيت لفــراخ تاعنا ' عصافيرنـا ' وعرفــت الــفاعل لي هو هذا
هــذا لي نقولو عصفوري الصــغير لي نحبــو ونموت عليــه في سبتو كليت الــرخس هه
هذا الفــلوس هذا لي نعيطلو ستيوارت ظــهر راس الكبة وداير النش هذا الكــل ...
والله فتت ولقيتو ورا الغيدو هذاك ينتش ويركــز ويجبدلو في لخيــوط ' راح علقو خويا
في الباس تاع الطاقة ' ورحت نجــري جبت بوغطابلي باش نصورو وكي جيت نصورو
فاق جبد روحو مي الصورة حكمتو قريب للغيدو وهاهي تفضح فيــه
شــوفو ديجا راه باين بلي جابدو عندو ومدخلو على الباغوداج هههه
... حكمتو وفقتلو ...
رحت خليتــو ودرت مديتو بظهــري وآكتيفيت لمرايا تاع البوغطابل
لقيتو رجــع يقــطع فيه كي درت دار روحو خاطيــه وكي جيت نهدر
مــعاه ودخلت يدي ليــه شوفو واش دارلـــي
... واااع نقبنـــي ...
وكــي نزلت البوغطــابل ورحت نشوف شــغلي رجع يقطــع وجا بابا رحت
نستــقبلــو يخــي طحت في اللقطة عيطت لبابا وشــافو بأم عينه متلبس
ويمارس في الجــرم المــشهود وأخـــيرا برؤونــي دارنا وقالتلي ماما أنا
نحسبك انتي علابالي فيك ما لاتيــاس ظهر الفار هذا نزلوه عليا من الطاقة
فسدلي لي كاش غيدو الكـــل ' خخخ لمزية البيت هذي الغيدو تاعها باشع '
... وانا فرحــت والله ...
...
وليت تفكــرت وقت كنت صغيرة شوية قبل قول وحد 5 سنين ولا 6 من درك
كنت كي نخرج للطاقة نطل نخرجو معايا نحطو في السطحة لي في الطاقــة كنت
نحس واحد يجبد فيا من ذراعــي كي ندور نلقاه هو ورا الذراع تاع القندورة
'وقت كنت نلبس لقنادر خخخ ' وكان الذراع تاع قنادري ديما مسنسر وكان بلبغودي
ديما مقــطع وقلت كيفاش ما فقتش بيه أم عفايســو هذو ...
... معليش كلحني ...
...
وأخــيرا واش تقولو في التحرية نور لي اكتشفت حل اللغز ونحات اللبس في القضية
؟؟؟
وشحــال تمدولها في عمــرها بالموضوع هذا ؟ خخخ أنا نمد لروحي 15 سنة
مادامني حاطة راســي براس الفلوس تاعــي ستيواااغت
... نصــيحة ...
ما تخليوش العصافير تاعكم بحذا الريدوات أم يقطعوهملكم وماماكم تتغشش
والله وخيــدة خخخخ
...
وكاش عفايس ولا سوء تفاهم هكا صرالكم في الدار درتو بيه النــش أرواحو أحكيولنا
...
متفرقــات
... بسبت الفلوس هذا ضربني بابا مرة ولأول مرة في حياتي بكف وما زادتش من بعدها ...
...
... درت الفيش فاميليال وسي بون : خرجتها بالمعرفة كوم اختكم مشهورة هههه ...
...
... باين فيكم دعيتيولــي باش يفرج ربي علابيها فرج وحليت القضية هذي ...
...
... قريب ندخل نخدم خدمة خير من لي كنت رايحة نخدمها ورايحة نرجع أستاذة في
الليسي لي كنت نقرا فيه ونروح نهدر مع وحد المراقبة بسبتها زعطوني من الليسي ...
...
... هكذا نرجع كيما شوشو أستاذتنا ونفــرح عــلى التطابق الغريب هذا لي يصرا
بطريقة عشوائية بيناتنا وننظمو لطاقم الأســاتذة تاع اللمة ...
...
... جارنا عمار باباها لي لبنى شرا طوموبيل فرحتلو والله باش يديني معاه ديما
نديو لبنى تحوس معانا دالتو يديني نحوس معاهم خخخ ...
...
وكيما قالت شوشو هذا أول موضوع ليا في عهــد ماكانش ويا ربي ما يقبلوش
نديرو عليه حــلف وانقلاب باش يزعطــوه خخخخ
...
هيا اتهلاو في رواحــهم أنوشات ولي جون تاع اللمــة
ما تلوموش عــلى الموضوع الصبيانــي حبيت ندير النش برك
خخخ هــيا ســلام عليــكم
