طفولة مسعفة حتى 18 سنة .

[dou1]

السلام عليكم
راح نبقى ننتقد في الواقع تاعنا خاطر نشوف في القرارات الادارية متناقضة
البارحة وانا نتحدث مع احد اعوان الشرطة القضائية والبتحديد الخاصين بالبحث عن الاطفال لي في شوارع وغيروا
ويقتصر دور الشرطة هنا البحث عن كل الاطفال لي اقل من 18 سنة والذين يجولون في الشوارع ولا مأوى ليهم يوخذوهم لمركز الشرطة ويحرروا محضر ويتصلوا بمراكز مختصة معدة لهذا الشيء ويرحلوهم الى هناك الى حد هنا ممتاز
المشكلة لي تناقشت فيها مع الشرطي *يربي الطفل ويقريه ويعلموا ومبعد *
بعد 18 سنة سوى كان الطفل بنت او ولد يرحل الى الشارع على اساس انو انسان بالغ (كبير)
هل في وقتنا ضرك واحد 18 سنة يقدر وحدوا يلقى ادنى متطلبات العيش وهو كان في مركز كلش يجيه ؟؟
عبارة قالها الشرطي* الطفل راو راجل باين وانا طريق يدي والطفلة باينة وين تروح* حوست نتاكد وفهمت تروح يعنى يرجعوا للشارع حسب الشرطي بصح يرجعوا كبار
لازم يعملوا البيوت الجماعية لازم حل للناس لي فاتوا 18 سنة

شكراااااا
​

 

[karim073]

حتى الذين اعمارهم اقل من 18 سنة لم يجدوا لقمة عيش او 4 حيطان تأويهم شر الدنيا و خبائث الشارع ... هنالك عائلات كاملة تحتوي على 6 او 8 افراد من صبايا و اطفال صغار يتوسدون الرصيف و ينامون بجانب السكك الحديدة .

 

[بنت ألف قبة وقبة]

اخي نشكرك عن الموضوع
والمشكل انه الطفل بعد 18 سنة واش راح يدير من جهة دار الرعاية تتخلى عنه وفي هذه الفترة يكون الطفل بدا يتفطن ويسال علاه تخلو عنه و من يكون يصبح الطفل في دوامة تؤدي به الى الضياع من شتى النواحى وهذ\ لازم يكونوا اصحاب الرعاية متوعين ليها ويوجدوا حل لهؤلاء الاطفال اليتامى لتجنب العواقب وحتى نظرة المجتمع لازم تتغير لانهم ماعندهم حتى ذنب

 

[*بسمة]

هذا غلط وهو اصلا شرطي يخمم كان في روحه يحط ولده مكان هالولد او البنت ويشوف وين يروحو

 

[hards breaker]

اممممممم واش نديرو القوانين تاع التمسخير
الله يستر
ربي يحفظنا

 

[dou1]

حتى الذين اعمارهم اقل من 18 سنة لم يجدوا لقمة عيش او 4 حيطان تأويهم شر الدنيا و خبائث الشارع ... هنالك عائلات كاملة تحتوي على 6 او 8 افراد من صبايا و اطفال صغار يتوسدون الرصيف و ينامون بجانب السكك الحديدة .

شكرا على الرد وصحبح عائلات عادية ومالقاتش وين تبات
انا لي حبيت نقولوا انوا مجهول النسب وفي الشارع يقدر يعمل بزاف حوايج صحيح ماهمش الكل بصح الاغلبية يكونوا مستعدين لبزاف جرائم .

 

[dou1]

اخي نشكرك عن الموضوع
والمشكل انه الطفل بعد 18 سنة واش راح يدير من جهة دار الرعاية تتخلى عنه وفي هذه الفترة يكون الطفل بدا يتفطن ويسال علاه تخلو عنه و من يكون يصبح الطفل في دوامة تؤدي به الى الضياع من شتى النواحى وهذ\ لازم يكونوا اصحاب الرعاية متوعين ليها ويوجدوا حل لهؤلاء الاطفال اليتامى لتجنب العواقب وحتى نظرة المجتمع لازم تتغير لانهم ماعندهم حتى ذنب

في بعض الدول يعطولهم بيوت جماعية ويكون احد مسؤول عليهم يخرجوا من دار الطفولة صح ولكن يتابعوهم عن طريق هذه المنازل الجماعية لي عندوا دراسة يكملها ولي يحوسولهم على خدمة اذا هوما عجزوا باه يقدروا يستقلوا بأنفسهم
شكراااا على الاهتمام

 

[dou1]

هذا غلط وهو اصلا شرطي يخمم كان في روحه يحط ولده مكان هالولد او البنت ويشوف وين يروحو

الشرطي تحدث بلسان الواقع لي يشوف فيه وصحيح هذا ما يحصل العيب على الدولة على الوزارات المهتمة لهذا الشان انا نؤمن بانوا الدولة عندها اذان في كل مكان وعمبالها واش صاري علاه ما تقدمش الحلول...............؟؟؟؟؟؟؟؟ عن قصد .....؟ عن جهالة ......؟؟

 

[mayamaya]

شكرا على الموضوع

 

[عمار صادق]

فكرهم ضائع ولا يفكرون أبدا في مصلحة المواطن بل أغلب ما يهمهم مصلحتهم الشخصية وحماية اسيادهم من الضياع
لو أمر الامن بقمع الشعب لفعل هذا مع دموع الفرح ولكن وللاسف مساعدة من يحتاج المساعدة لا
أقول أنهم بطالين عن العمل أصلا مجتمعنا لا يحتاج أمثال هؤلاء لإدارة أعلى الهيئات فهم ناقصون عقل ودين
مشكور اخي على الموضوع

 

[MAN1850]

لو كان جيت انا الي نصدر القوانين ..
نخرج قانون بقتل كل العلائلات المتشردة و الاطفال المتشردين ..
على خاطر هكذا ارحملهم من التشرد و الحياة المعوزة ..
تحياتي ..
​