لحكاية رقم4( سحوره قاوي وطالبها يكتب بليسرى)

Bob Marley

:: عضو مُتميز ::
إنضم
14 أوت 2009
المشاركات
813
نقاط التفاعل
0
النقاط
16
السلام عليكم
في هدا الدنيا كاين وكاين

كاين بنات هوما هوما وبنات النار ولا هوما وبنات كيما لعسل في الكرجومة
هدي الحكاية عنده تقريب عامين كان عندي TAXI PHONE نخدم فيه نع بابا
وكانت تجيني وحداة الطفل تفلكسي تعيط ومن بعد تخلص وتروح مانحكي معاه ماوالو
ومع الوقط بشوي بشوي من هدرة هدرة حتى ولاة تقعد معاي وتحكي ونرمال ومع مرور الوقت البنت هدي عجبته العقلية وبدات تشر وبدات تقرعش حبت تخرج معاية وحبت تجي من عندي انا انقله وحبتني انجي نخطبه

وانا هداك الوقت حطيت pesu على الخرج ولبنات حبيت انركح المورال تاعي
والبنت هدي مالقاتش واش ادرلي شرة شرة مانفع والو كل يوم تجيني وفيده كادو وكل يوم تلبس لبس جديد واش من لبس غير...كرهت مالقات واش ادير وانا كونت مانقيمهاش حتى جاء النهار لي خرجتهالي
طاي طاي قالتي حب نخرج معاك انا محرتش نعرف هدي البنت نرمال وجه صحيح
ماعطيته لاخير لاشر خليته معلق وجاء وحد النهار تعركنا فيه وضربتها
وباسكو كانت تعرفني وتعرف قدري واشكون انا والبنت هدي تع مشاكل
ماتصورش واش كانت ادير غير باه تكسبني

وانا هدي ماحبتش نخرج معاه باسكو كونت مقلق وحاب ربوزي وهدي البنت مشي من لجور متربية وعقلة و رزينة تحكي مع ناس كل و تع طوايش ووووووووووو
وحاج اخرى عنده 2 خواتها نعرفهم مابيناتنا قدر وحرمة مانيش حاب ايقولو علي ........
و3حاج هدي الطفلة تغيدني محكورة في داره باسو بطلة قراية وعقليته مخربطة وانا هداك الوقت لاكون خرجت معاه سير رايح انعدبه و نتمسخربيها صراحة
&&&&&&&&&&&&&&&&&&&&&&&&&&&&&&&&&&&&&
ومن بعد شهر رجعت نورمال وكلي شيء ماصرا
وهي من قبل كانت على باله واش من برفا اندير
وفي وحد انهار جاتني كان عندي الغاشي في الحانوة وانا كونت نفلكسي لناس كانو عندي 3رجال وطفلة وحدة وهي

ومن بعد قاتلي زيكو اعطيني القرعة تاعك تع الراحة انسوب شوي في يدي انشمهم راه حكمتني الدوخة
انا عطيته ومن بعد قعدت شوي وردتهالي وماشفتهاش واش دارة

ومن بعد من هداك انهار واش صرا فيا

كونت كل يوم انحط هداك البارفا نتفكر الطفلة حتى وليت مدمن بيها وليت نحب انشوفه كل يوم وهي بدما كانت ماتحبشا تجيني ولات تشنف علي وانا هبلت علاه نحكي غير علاه ونخمم فيها وحبيت نخطبه و نعيطله كل يوم كل ساعة في البرتابل وقبل جامي عيتله وزيد كل مانشم هديك الراحة انزيد نهبل
صدقوني نكتب في هدي لحكاية ولحمي شوك و عيني ايجوهم الدموع كل مانتفكره
كرهت الخدمة وتوصلت حتى باه نكتب نيمير تع لكليو نفلكسيلو نغلت ونكتب تاعه ونفلكسيله .....الخ لي صر صرا مانكماش باسكو نزعف كي نتفكر

6شهر وانا مانيش في حوالي درنا وصحابي ولبنات وناس لي نعرفهم كل حارو واش صرالي كونت ديما بيا و عند روحي وديما الحطات وعقلية فور وكونت كي نخرج مع وحدا فور او مانسحقش
&&&&&&&&&&&&&&&&&&&&&&&&&&&&&&&&
حتى جاء النهار لي كشفته فيه وقريب اقتلته

واحد النهار فدتلي القرعة تع الراحة وكونت نشري ديمن برفا واحد lacoste bleu و6 شهر كاملين غير هي تفد نشري وحدا اخرى روحت للحانوت مالقيش lacoste bleu القيت lacoste vert شريتها وليت انحط منها ديما ولقيت ريحتها خير من لخرى
حتى بشوي بشوي مابقيتش انخمم فيها البنت بدات تتبدل العقلية حتى جاء نهار تعركت معاه

ومن بعد جاتني وحدة الطفلة اخرى فلكسات ومن بعد قاتلي زيكو حاب انحكي معاك في حاخة
قاتلي فالانة مازالك تمشي معه قتلها لا قاتلي تشفى وحد النهار جيت فلكسيت عندك وكانت هي هنا وقاتلك اعطيتي شوي برفا وعطيته ولعبتهالك قريب داخت متحدث نشفى بيه
هي راهي كي عطيتاه البرفا راهي بدلتلك القرعة وخبات تاعك في الساك وجبدت وحدة اخرى ومدتهالك وانا خفت انقلك وكي شفته لعبته حكمت في الحيط ورايح الدوخ
&&&&&&&&&&&&&&&&&&&&&&&&&&&
انا لهنا قريب هبلت وحرت وتعجبت ورحت الى صلحب الحانوت لي نشري من عنده وسقسيتو قالي جات وحد انهار وشراة قرعة لكوست
وزدت تفكرت انو هدي البنت جارته الباب في الباب كزانة
ومن بعد هدك انهار عيتله وقلتله غدوا نتلاقو في البلاصة الفلانية
وفي الصباح جاتني للحانوة ونرمال انا اعبتها شي ماصرى ويتها الى وحد المكان ونعتلاه انا واش نسوى بلا سحور ومن بعد فهمتني علاه وقاتلي وجرء مابينتنا حوار كبير
ملاحظة لي يكون في علم الجميع المكان الجد حساس في الجسم يمتص السحر هي الرقبة
&&&&&&&&&&&&&&&&&&&&&&&&&&&&&&
المهم من وراه رقيت والحمد لي الله ورتحت لكن بقيت شوي مشوكي من البنات الواعرين ههههههههه

وهدي البنت خرجت فيها دعوتي وفي الاخير فقدت عدريتها من الخلطة ولات مثل الكرة من واحد الى واحد
نشاء الله ربي يهدينا الحب مشي هكدا الحب مشي بسيف الحب برزانة و القدر و الحنانة
هدي الحكاية واقعية وصرات معاية






















 
ربي يسترنا و خلاص , مالقيت واش نقول في موضوعك خويا زيكو

البنت كي تولي تحب دير كلش باش تلحق لحبيبها , مي اللي تخمم في السحر هاذيك هي عرة النسا

و ربي دايمن يخرجها فيها .

 
ربي يسترنا و خلاص , مالقيت واش نقول في موضوعك خويا زيكو

البنت كي تولي تحب دير كلش باش تلحق لحبيبها , مي اللي تخمم في السحر هاذيك هي عرة النسا

و ربي دايمن يخرجها فيها .
شفت خويا واش راه ادير ربي ايطيحنا في بنات الفميلية
باسكو لبنات الجهلين والمحكورين ومعلبليش على جال الزواج ادير المستحيل
مرسي حبيبي وربي ايخليك
 
لاحول ولا قوة الا بالله وقت وصلناله ربي يستر لعقايب

اخي اكثر من قراءة القران وذكر ربي بزاف
 
الحمد الله كي سلكت منها و من سحورها
و الخطرة الجاية توله مليح لحوايجك كيما الريحة ; لبستك ; ماكلتك
ربي يحفضك خويا
 
لاحول ولا قوة الا بالله وقت وصلناله ربي يستر لعقايب

اخي اكثر من قراءة القران وذكر ربي بزاف
مرسي اختي الان الحمد لي الله رابي كان معاي


الحمد الله كي سلكت منها و من سحورها

و الخطرة الجاية توله مليح لحوايجك كيما الريحة ; لبستك ; ماكلتك

ربي يحفضك خويا
شكرا اختي كيما ايقواو راني ديما عين و اؤدن مي حشاتهالي بنية درت معاه شوي نية هداك انهار
 
شوكيتني يا ولد الناس ......:scared:
ربي يهدي ما خلق
وانت متزيدش تامن :music_whistling:

 
موضوع هايل والله نوع كيما هذا ام مراض نفسا والله فسدو صورة المراء العربية او بالاحرى العربية
 
شوكيتني يا ولد الناس ......:scared:

ربي يهدي ما خلق
وانت متزيدش تامن :music_whistling:
اه بشوي ماتشوكاش ههههههه
راني ما امنتهاش الله غالب غفلتني ودرته م راهي خلسته

موضوع هايل والله نوع كيما هذا ام مراض نفسا والله فسدو صورة المراء العربية او بالاحرى العربية
والله والو رانيق قولتها في مقدمة الموضوع
بنات النار ولا هوما وبنات كيما لعسل في الكرجمة باسكو كاين وكاين النساء
 
الله يستر ويحفظ المهم الحمد لله على سلامتك منها
ربي يوفقك بوحدة تليق بيك
 
السلام عليكم
اولا الحمد لله على سلامتك

والله كاين منها السحر هذا انا شفت بنات يديروه
رد بالك وما تقبلش كادوات البنات لا ماكلة لا بارفان لا والو
والله يحفظنا
 
قال [ايمآن];2425894:
السلام عليكم

اولا الحمد لله على سلامتك​

والله كاين منها السحر هذا انا شفت بنات يديروه
رد بالك وما تقبلش كادوات البنات لا ماكلة لا بارفان لا والو
والله يحفظنا​
مرسي اختي على النصيحة
انا مانيش من لجور تع الطمع ونحب ليكادو نكره هد العفايس غير كي تتحتم
لكن هداك النهار خدعتني فيه
نورمال راه خلصت كول شيء
 
وزيد كل مانشم هديك الراحة انزيد نهبل...


كرهت الخدمة وتوصلت حتى باه نكتب نيمير تع لكليو نفلكسيلو نغلت ونكتب تاعه ونفلكسيله

ههههههههههههههههههههههههه
مغامرة هايلة صرالك...مليحا باش ماتزيدش تمد حوايجك لناس لي ماتعرفهمش....
(زيكو) واش معنى هادي الكلمة.....خلاص المسلسل ولا مازال؟....
مرسي عالموضوع..
 
اعوذ بالله منهم ربي يسترك يا خويا نصيحتي لك حصن نفسك من السحر والعين مع اذكار الصباح والمساء واشرب كل يوم ما مرقي هكدا ما يدوروش بيك الساحرين واعوانهم والعياذ بالله منهم
 
و الله ركبتلــي الخلعة :scared:
لاحول ولا قوة الا بالله
كاين بنــات يخممو هاك ؟؟:blink:
ربــي يسترنا ويحفظنــا
و الحمدلله كي ربي حفظك و خرجت سلامات
هكدا ولا كتر خويا
 
ههههههههههههههههههههههههه

مغامرة هايلة صرالك...مليحا باش ماتزيدش تمد حوايجك لناس لي ماتعرفهمش....
(زيكو) واش معنى هادي الكلمة.....خلاص المسلسل ولا مازال؟....

مرسي عالموضوع..
مرسي سندرين انا فيا طبيعة ما نمدش حوايجي لناس اكل مي لعبتهالي رايح تموت
وزيكو راكي تعرفي اسمي وباه يختسره ايقولولي هكدا
اعوذ بالله منهم ربي يسترك يا خويا نصيحتي لك حصن نفسك من السحر والعين مع اذكار الصباح والمساء واشرب كل يوم ما مرقي هكدا ما يدوروش بيك الساحرين واعوانهم والعياذ بالله منهم
والله اختي من هداك النهار عودت مداير كل احتيطاتي
مرسي على النصيحة

و الله ركبتلــي الخلعة :scared:
لاحول ولا قوة الا بالله
كاين بنــات يخممو هاك ؟؟:blink:
ربــي يسترنا ويحفظنــا
و الحمدلله كي ربي حفظك و خرجت سلامات
هكدا ولا كتر خويا

هدي شوي كاين بنات يالطيف اكثر من هدي
ايدخلو الشيطان في قرعة على راسو
شكرا اختي
 
كاين ناس بدلهم السحر كامل رجعو ناس آخرين، الحمد لله لي جاتك سلامات خويا Bob
وربي يحفظنا ويسترنا إن شاء الله
 
كاين ناس بدلهم السحر كامل رجعو ناس آخرين، الحمد لله لي جاتك سلامات خويا bob
وربي يحفظنا ويسترنا إن شاء الله
شكرا اختي الله يسترك وربي يحفطك والله غير امنعت
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top