معرفة الرجال كنوز و معرفة النساء حرووز - حب طايوان‎-

[zagane]

السلام عليكم

معرفة الرجال كنوز و معرفة النساء حرووز - حب طايوان‎-

الحروز في كل بلاصة في العتبة تحت الطاولة في المقبرة في باب الشومبرا في الطريق في الطعام يد الميت و ما سلمتش ،في الشوربة في البركوكس ،في القش ، في المخدة ،بالشعر، بالعرق ......
هذا كامل علاش باش المرا تولي تبغيه ولا الراجل يولي يبغي هاديك المرا
هذا نسميه أنا حب طايوان مشيي دوريجين يجي النهار لي يطيح مولاه أون‎- بان ‎en-panne
كي يحب يكسب الرجال يلعبها رجلة و ناس ملاح ماشي بالحروز هههههههه

يا-بن عمي النسا شحال يامنو بالحروز غير ما يجيهاش المكتوب و الزواج و تبدا تعنس يبدو هادوك النسا إللي عندهم نيف طويل و سنة طايرا :like_1::like_1::sneaky2: هما جيران زاعما
يبدو يعمر في البنت راهم دايرين ليك كاش حرز كي ما تسمع ليهمش يدورو نيوفهوم لي أمها و هاك يديرها أمام الأمر الواقع :scared::surrender:
الأم و البنت يبدو يدو في لي كارت فيست cartes visite تاع أشهر المشعوذين
و يبدا هنا مسحوق النمل ببدور الذبان مع شعيرات من موستاش السبع :santa_1: مع مخ القوبع المذكر ماشي أنثى و يسقى بماء من عصير الحلزون المؤنث ماشي ذكر مع دبح سردوك أسود في ليلة شديده الظلام في مقبرة مخيفة في .تقاشير الفكرون ..في.......:cra_zy:......
ساي خفت نحبس
المهم تبدا بالحروز و تختار واش من راجل تحب تخطف :ax_flw:

من بعد تسمع في حصة فتاوى على الهوا أنا راجلي يضربني بزاف:yahoo: و هادي المرة الثالثة راه يقول لي أنت طالق بلثالالاث إذا كان نرجع باش يطلقني الرابعة هل حلال وال حرام :u_pc:


يا خاي حب طايوان

N B:
أستثني من هاد الحديث بنات الأصل و أولاد الأصل

 

[** غزال الصحراء **]

تمت مراقبة الموضوع و إعتماده //

 

[zagane]

تمت مراقبة الموضوع و إعتماده //

السلام عليكم
بارك الله فيك على الاعتماد
راني داير ليك حرز باش إعتمدت الموضوع هههههههههههههههه

 

[zagane]

ياي قالك راها طورت صارو يعقروك من موضوعك هههههه
احرز راك عاجب وحده ودرك تجيبك سيبله
لي يدير هكاك عندو ضعف في شخصيتو جابلي ربي هاذا اول سبب

السلام عليكم
ما تخافش راني محصن روحي بحرز من مسحوق أظافر أرجل أم أربعة و أربعون

 

[naim_biskra]

مرسي خويا على الوصفة السحرية هايلة ذك انسييها ونقلك

 

[عاشق الوحدة]

وصفة هااااااااااااااااااااايلة

موضوع راااااااااااائع باااارك الله فيك اخي
​

 

[DARINE05]

موضوع هايل بارك الله فيك والله الناس سورتو فئة النساء عادت متمنش با القضاء والقدر
ديجا لا فوت فيهم كي تكون على ديدنها تقول انا وانا منديش من والا كون ما يكونش كادر في الدولة منديش كي تكبر تولي تحوس عاى مسمار ومتلقاش يبدو يرحو للسحارات

 

[حلمي النسيان]

ههههههههههه

خويا راهي عندك حتى لاروسات

هذي حال بعض الاشخاص اللي ناقصهم الايمان

مين تتبلع كامل الابواب في وجوهم يروحوا لعند الشيطان

و طبعا هو جامي صد ضيف جاء لعنده

هذا سموه اكرام الضيف بلغة الشياطين

ايا و حبة حبة يبدا يدبر عليهم

يطلب منهم المكونات السبع للوصفة و اللي طبعا صعيب باش يلقاوهم بالخف

و مين يطبقوا الوصفة،و مع مرور الوقت يبدا يبان كيما قلت الحب الطايوان

و النتيجة باينة

وانا تبانلي بلي اللي يخدم هاذو الخدايم عنده ضعف في الشخصية و نقص في الايمان

واخيرا نشكر صاحب الموضوع على الطرح الجريء

دمت

​

 

[iméne09]

هدا شرك وكفر بالله من قوة تسمع الهدرة من عند الناس بزاف وتحس روحها تعنس تبدا من عند السحارات ماتخرجش مي معلابلهاش لي يجي نهار لي يروح مفعول داك الحرز صافي كما هبلاتو وخلاتو يحبها بالحرز ينقلب ويدور عليها وترجع لدار باباها وتندم على الشي لي دارت كون قعدت في دارهم معزة مكرمة خير من تبهدايل ربي يستر عجب راه ساري في هاد الدنيا نسا يعطيك يسمعو بكاش سحارة يامنو بيها
يعطيك الصحة خو ع موضوع الهايل ​

 

[sahiko hamza]

أبن عمي يفولو غي حاجة الشر
خايفين من العنوسة ويديرو حوايج جهل يخي مصايب ...
​

 

[♥مـِنتهِــِے ﭐلرِقِـہْ]

لي يديرو هاك ناقصين ايمان انا اع ما نامنش بهاد الصوالح هادا رهج

 

[ĜąМę ǒVĕŗ]

عندك الحق يديروها بيديهم من بعد يحسبوها ساهلة ​

 

[fatehr]

الله يهدي
النساء نقاصات عقل ودين
الله يداوي الاحوال
( شكرا على الموضوع )
​

 

[بنـ MaPa ـت]

الأم و البنت يبدو يدو في لي كارت فيست cartes visite تاع أشهر المشعوذين
و يبدا هنا مسحوق النمل ببدور الذبان مع شعيرات من موستاش السبع :santa_1: مع مخ القوبع المذكر ماشي أنثى و يسقى بماء من عصير الحلزون المؤنث ماشي ذكر مع دبح سردوك أسود في ليلة شديده الظلام في مقبرة مخيفة في .تقاشير الفكرون ..في.......:cra_zy:......
ساي خفت نحبس

هههههههههههههههههههههههههههههههههههه​

 

[touti_dz]

هذا نقص في الايمان ربي يهديهم