إعادة التسمية مي صح صح

[تسنيم الهناء]

ههههههههههههههههه
فكرتني بشوي صحاباتي كانو مدايرنلهم اسماء مستعارة
* وحدة ضعيفة ياسر نعيطولها غير نص رطل
* وحدة كي تمشي تفريني و عندنا كار قديمة في لبلاد تمشي و تفريني حتى هي من ثم رجعنا نقلولها كار بو خضرة
* صاحبتنا وحدة تموت على خابورات الناس التقرعيج يمشي في الدم سعد لي زوجت و لا طلقت لثم ثم تلحقلنا خبرها نعيطولها كوكوط
* و انا يا حسرة سونسيبل على ما كان والو نبكي, أوبسيون بكا يعيطولي قوفريط

و تبقى يامات شابة مام يتنشع الواحد في هذيك الوقت من بعد يرجعو يفرحوه هاذ ليسوفونير
شكرا
​

 

[HWK4ALGERIA]

ههههههههههههههههههههههههههه

مرسي خويا والله حاجة واسامي بزاف مليحة

مشكورة أختي

 

[HWK4ALGERIA]

مليح مليح ثقافة كبيرة

:closedeyes: منعرف غذا راكي تتمسخري بيا والا راكي سيريو :tears:
على العموم شكرا على المرور.

 

[HWK4ALGERIA]

ههههههههههههههههه
فكرتني بشوي صحاباتي كانو مدايرنلهم اسماء مستعارة
* وحدة ضعيفة ياسر نعيطولها غير نص رطل
* وحدة كي تمشي تفريني و عندنا كار قديمة في لبلاد تمشي و تفريني حتى هي من ثم رجعنا نقلولها كار بو خضرة
* صاحبتنا وحدة تموت على خابورات الناس التقرعيج يمشي في الدم سعد لي زوجت و لا طلقت لثم ثم تلحقلنا خبرها نعيطولها كوكوط
* و انا يا حسرة سونسيبل على ما كان والو نبكي, أوبسيون بكا يعيطولي قوفريط

و تبقى يامات شابة مام يتنشع الواحد في هذيك الوقت من بعد يرجعو يفرحوه هاذ ليسوفونير
شكرا
​

والله صح كيما قلتي ذكريات وايام حلوة بزاف،،، وجامي تتعاود.
شكرا.

 

[HWK4ALGERIA]

(............... )صدق الله العضيم
محبرش وحافض القران

هذا كلام الله يا أخي،،، تلاعب بعيدا عن كلام الله،،، من فضلك.
شكرا.

 

[ياقوتة الصحراء]

هههههههههههه
والله حنا تاني عندنا هد المشكل ماكانش واحد ماعندوش معايرة
والمشكل كاين وين الام هي لي تحط هد الاسم كيكون ابنها صغير تعطيلو اسم باش دلعو بيه بصح مسكين يبقى هد الاسم لاصق فيه حتى بعد الممات

 

[killua0555]

احم احم نبداو

مطلوعة ..يموت على مطلوع
البغريرة ..وجهو متقب بحب شباب كبغرير
مسكوتشة ..واحد معلابالو اصل هاد الاسم مشتق من الاغريق
بطاطا...كان يحب بطاطا بالاك
راس البقرة ..كان راسو صغير و شعرو مشعشع
بلا مننسا الخاندرو و هادوك تاع الاسموات من الافلام لهنودة و مسلسلات تاع بكرى و لا هنودة :music_whistling:
رضا 4 ans
كان عندو عمو ايميقرى نهار جا قالو عندك 4 سنيين ولاو فى عمرو قرن مازالو يقول 4 ans ....راحت فيه ملى كان صغير

داى داى ...معرفتش منين جابوه :busted_red:
نونو روما ...مسكيين تالمو يهترف بروما يتعلم طاليانيا نهار كامل و هو يهدر فى زوج كلمات هادوك

نسيتهم لخريين

كى نتفكرهم نولى

و نعتدر لكل من تم كشف اسمه على هواء مسوولية مسوولية صاحب موضوع فى حالة وصول الى محاكم هههه

 

[اسامة]

ههههههههه
مشكلة أصاحبي

 

[bilale-007]

مشكووووووووووووووووور على الموضوع

 

[amina1989]

هههههههههههه

 

[HWK4ALGERIA]

هههههههههههه
والله حنا تاني عندنا هد المشكل ماكانش واحد ماعندوش معايرة
والمشكل كاين وين الام هي لي تحط هد الاسم كيكون ابنها صغير تعطيلو اسم باش دلعو بيه بصح مسكين يبقى هد الاسم لاصق فيه حتى بعد الممات

كاين صح وين الام هي اللي تنعت وليدها بكاش نعت والا اسم دلع ويلسق الى الابد.
شكرا.

 

[HWK4ALGERIA]

احم احم نبداو

مطلوعة ..يموت على مطلوع
البغريرة ..وجهو متقب بحب شباب كبغرير
مسكوتشة ..واحد معلابالو اصل هاد الاسم مشتق من الاغريق
بطاطا...كان يحب بطاطا بالاك
راس البقرة ..كان راسو صغير و شعرو مشعشع
بلا مننسا الخاندرو و هادوك تاع الاسموات من الافلام لهنودة و مسلسلات تاع بكرى و لا هنودة :music_whistling:
رضا 4 ans
كان عندو عمو ايميقرى نهار جا قالو عندك 4 سنيين ولاو فى عمرو قرن مازالو يقول 4 ans ....راحت فيه ملى كان صغير

داى داى ...معرفتش منين جابوه :busted_red:
نونو روما ...مسكيين تالمو يهترف بروما يتعلم طاليانيا نهار كامل و هو يهدر فى زوج كلمات هادوك

نسيتهم لخريين

كى نتفكرهم نولى

و نعتدر لكل من تم كشف اسمه على هواء مسوولية مسوولية صاحب موضوع فى حالة وصول الى محاكم هههه

والله ردك الظاهرة خير من موضوعي كاملو،،، يعطيك الصحة.
شكرا

 

[HWK4ALGERIA]

ههههههههه
مشكلة أصاحبي

لا مشكلة لا والو،،، تقريبا ف المجتمع الجزائري ان لم نقل العربي الجميع مكنى،،، قليل اللي راه مانع يا صحيبي.
شكرا.

 

[HWK4ALGERIA]

مشكووووووووووووووووور على الموضوع

لازم 300 :wink:،،،
شكرا

 

[HWK4ALGERIA]

هههههههههههه

:no_1: بلعقل على الكلافيي :mellow:
شكرا على العموم.

 

[KiNg ♥f ThE l♥vE]

آقههههههههههههههههههههههه نقلك حاجة
و الله راك فور و راني غلطت كليكيت على power لي في لكلافي
انت وزهرك يلحق الرد

 

[بنت الـ25]

مرسي خويا
موضوع يستحق أكثر من التفاتة
لكن المشكل مش في التنابز بالألقاب
المشكل أنو معظم الناس ما علابالهمش بلي التنابز بالألقاب حرام
قال تعالى
"ولا تنابزوا بالألقاب بئس الاسم الفسوق بعد الإيمان"
هادي هي المشكلة ....
المهم...هادي ظاهرة منتشرة بزاااااااااااااااااااااااااااف
مثلا ..في الكارتي تعنا كاين
نبيل بعوضة: كان ميقولش دارو الدوا تع الناموس..يقول البعوض..كيما تعلمها في المدرسة
وليد كلب الرمة: ما يشهمش...يتضرب على عملة ومبعد يولي ليها مكرة
سيف اللاوي: مسكين ما يشوفش مليح
اسماعيل الفرملي: الطابلية تاعو (المئزر) طوييييييييييل
حسام شنيدوري: كحلوووووووووش فحمة
والقائمة طويلة
الله يهدينا​

 

[nour mary]

واحد الاسامي يقتلو بالضحك هههههههههههه
كاين كيماهاكا ياسر
وحدا تقرا معايا عندها خانة في جبهتها عادو يعيطولها هندية وهي ماتحبش تغضب
بلا ماننساو لي بخوف كل واحد يديرو اسم
عدنا ريبيكا . بوط ........
واحد ماهو مخليينو
شكرا على الموضوع

 

[HWK4ALGERIA]

آقههههههههههههههههههههههه نقلك حاجة
و الله راك فور و راني غلطت كليكيت على power لي في لكلافي
انت وزهرك يلحق الرد

لا لا راه لحق ،،، شكرا ليك

 

[HWK4ALGERIA]

مرسي خويا

موضوع يستحق أكثر من التفاتة
لكن المشكل مش في التنابز بالألقاب
المشكل أنو معظم الناس ما علابالهمش بلي التنابز بالألقاب حرام
قال تعالى
"ولا تنابزوا بالألقاب بئس الاسم الفسوق بعد الإيمان"
هادي هي المشكلة ....
المهم...هادي ظاهرة منتشرة بزاااااااااااااااااااااااااااف
مثلا ..في الكارتي تعنا كاين
نبيل بعوضة: كان ميقولش دارو الدوا تع الناموس..يقول البعوض..كيما تعلمها في المدرسة
وليد كلب الرمة: ما يشهمش...يتضرب على عملة ومبعد يولي ليها مكرة
سيف اللاوي: مسكين ما يشوفش مليح
اسماعيل الفرملي: الطابلية تاعو (المئزر) طوييييييييييل
حسام شنيدوري: كحلوووووووووش فحمة
والقائمة طويلة

الله يهدينا​

هههه ،،، عجبني اسماعيل الفرملي،،، المشكل كاين اللي يتسماو بأسامي محرجة،،، والمشكل كي نلقاو مولاها مايزعفش،،، كيما واحد يعيطولو " الجيفة " كون اتعيطيلو بأسمو الحقيقي مايتلفتلكش،،، هه نسا اسمو مسكين،،، شكرا